Morgunblaðið - 06.04.1984, Side 32

Opiö öll fimmtudags-, löslu-
dags-. laugardags- og sunnu-
dagskvöld
AUSTUfíSTRÆTI 22,
(INNSTRÆTI).
SÍMI 11340

Opið alla daga frá
kl. 11.45-23.30.
^aeJkenum
AUSTURSTRÆTI 22,
INNSTRÆTI,
SlMI 11633.
FOSTUDAGUR 6. APRIL 1984
VERÐ í LAUSASÖLU 20 KR.
Forstjóri Rainbow Navigation Inc. í viðtali við Morgunblaðið:
Hefjum siglingar til
íslands í byrjun maí
„FYRSTA siglingin á vegum Rain-
bow Navigation Inc. til íslands verö-
ur fyrir miöjan maí. Fyrst í stað mun-
um vid vera með eitt skip á tuttugu og
fimm daga fresti en sextíu dögum síð-
ar bætist annað skip við og þá verður
siglt hálfsmánaðarlega milli íslands
og Bandaríkjanna,“ sagði Mark W.
Yonge, forstjóri bandaríska skipafé-
lagsins Rainbow Navigation Inc., í
samtali við blaðamann Morgunblaðs-
ins í gærkvöldi. Rainbow Navigation
Inc. er skipafélagið, sem hyggst taka
að sér flutninga á vistum og varningi
til varnarliðsins í Keflavík, en þeir
flutningar hafa um tveggja áratuga
skeið verið í höndum íslenskra skipa-
félaga, lengst af Eimskipafélags ís-
lands, og einnig Hafskips.
Yonge sagði að félagið myndi
bjóða fulla flutningaþjónustu milli
Keflavíkur og tveggja bandarískra
hafna, New York og Norfolk í Virg-
iníu, en þar eru höfuðstöðvar
bandaríska flotans. „Bæði skipin,
sem við munum nota til siglinga
milli Bandaríkjanna og íslands,
munu sigla undir bandarískum
fána. Auk almennrar verslunar-
vöru munum við annast flutninga á
hernaðarvarningi," sagði hann.
„Við gerum okkur að sjálfsögðu
vonir um að gera samninga um
flutning á vöru frá fslandi til
Bandaríkjanna. Við erum í sam-
bandi við aðila á íslandi, sem munu
annast móttöku og afgreiðslu skipa
okkar þar, en frá því verður gengið
endanlega í næstu viku, svo ég vil
ekki á þessu stigi greina frá hver
þar á í hlut.“
Forstjóri Rainbow Navigation
Stillt upp fyrir myndatöku á Ljósmyndastofu Þóris.
Blesi fer í klippingu
og myndatöku
ÞAÐ var í nógu að snúast hjá hestinum Blesa í gær.
Hann er 13 vetra og á dagskránni var bæði klipping á
Rakarastofu Villa Þórs oj» myndataka á Ljósmyndastofu
Þóris.
Gæðingurinn virtist alvanur fimum höndum rak-
arans og heimavanur á ljósmyndastofunni. Altént
tók hann öllu með stökustu ró. Blesi var í fylgd með
eiganda sínum, Viðari Halldórssyni, og Sigurði Sig-
mundssyni, ritstjórnarfulltrúa Eiðfaxa, en öll þessi
fyrirhöfn var í þágu tímaritsins.
MorminblaAM/ Kríolján Örn.
Sigurður Sigmundsson
klippinguna.
borgar Villa Þór
Inc. sagðist vita af þeim áhyggjum,
sem íslensku skipafélögin hefðu af
áformum fyrirtækis síns. „Við höf-
um alls ekki í hyggju að valda nein-
um skaða á íslandi," sagði hann,
„enda erum við með lítil skip, svo
við getum ekki skemmt mikið".
— En ætlar Rainbow að yfirtaka
alla flutninga fyrir Bandaríkjaher
til íslands?
„Það held ég ekki," sagði Mark
Yonge. „Skipin, sem við verðum
með í þessum siglingum, eru hvort
um sig ekki nema um þriðjungur af
stærð skipanna, sem íslensku fé-
lögin nota. Annars get ég ekki
svarað þessu í augnablikinu."
— Hefur Rainbow Navigation
tryggt sér flutningana til varnar-
liðsins?
„Það má ekki gleyma því, að
samkvæmt bandarískum lögum
njóta skip undir bandarískum fána
forréttinda á þessu sviði. Það þarf
ekki að gera sérstaka samninga um
þessa flutninga. Ég get því ekki
sagt annað en að við höfum boðið
bandarískum stjórnvöldum okkar
þjónustu á þessari siglingaleið..."
sagði Mark W. Yonge.
Hann sagði að verið væri að
vinna við endurbætur á MV. Amaz-
onia, fyrra skipinu, sem félag hans
hyggst nota til Islandssiglinganna.
Það fengi nýtt nafn og myndi heita
„Rainbow Hope“ er það sigldi í
fyrsta skipti inn í höfnina í Kefla-
vík fyrri hluta maímánaðar.
MorgunblaAid/ Haukur Injji.
Davíð
keypti
íslenzka
ölið
ÍSLENZKUR bjór hafði aðeins
verið á boðstólum í Fríhöfn-
inni í Keflavík í nokkrar
klukkustundir er Davíð Schev-
ing Thorsteinsson, fyrrv.
formaður Félags íslenskra
iðnrekenda, var mættur á
staðinn. Á sínum tíma sýndi
Davíð yfirvöldum hvar Davíð
keypti ölið er hann keypti sér
bjór í Fríhöfninni, sem þá var
bannað almennum ferðamönn-
um. Reglum var breytt í fram-
haldi af því og nú er íslenskur
bjór meðal þeirra tegunda,
sem boðið er upp á. Davíð var
kampakátur er hann hampaði
kassa með Pólar-bjórnum, og
svo var um fleiri farþega.
Albert aftur í
borgarstjórn
ALBKRT Guðmundsson fjármálaráð-
herra hyggst taka sæti sitt í borgar-
stjórn Reykjavfkur á ný á næstunni,
jafnvel síðar í þessum mánuði eða um
næstu mánaðamót, að því er hann
sagði í samtali við blaðamann Mbl. í
gærkvöld. „Ég er að undirhúa þetta
þessa dagana,“ sagði hann.
Hann hyggst gegna störfum borg-
Framkvæmdanefnd verkalýðsmálaráðs Alþýðubandalagsins:
Mótmælir óbilgjörnum árás-^
um Þjóðviljans á forystu ASÍ
UÓST er af samþykkt þeirri sem
framkvæmdanefnd stjórnar Verka-
lýðsráðs Alþýðubandalagsins gerði um
ritstjórnarstefnu Þjóðviljans sl. þriðju-
dagskvöld að djúpstæður ágreiningur
er á milli verkalýðsarms og flokksfor-
ystu Alþýðubandalagsins, og af þess-
ari sömu ályktun er jafnframt Ijóst að
mikil samstaða rfkir innan verkalýðs-
armsins um þessa afstöðu.
I samtölum Morgunblaðsins í gær
við ýmsa nefndarmenn fram-
kvæmdanefndarinnar kom glöggt
fram að nefndarmenn voru orðnir
þreyttir mjög á fréttaflutningi
Þjóðviljans af verkalýðs- og samn-
ingamálum, enda sagði einn við-
Nefndin einhuga í
afstööu sinni, en
formaöur sat hjá
mælenda blaðsins: „Framkvæmda-
nefndin hefur í engu svarað árás-
arskrifum Þjóðviljans á verkalýðs-
hreyfinguna og einstaka forystu-
menn hennar undanfarna mánuði,
en nú þótti rétt og nauðsynlegt að
afstaða nefndarinnar kæmi fram
með ályktun þeirri sem við sam-
þykktum á fundinum." Annar
nefndarmanna sagði: „Það er ekki
alls kostar rétt að segja að Ásmund-
ur hafi einn verið flutningsmaður
þessarar tillögu, því við vorum búin
að halda annan fund um málið áður,
þ.e.a.s. um síðustu helgi, og það var
vilji nefndarinnar á þessum fundi
að slík tillaga kæmi fram. Það var
því einungis eftir að fínpússa orða-
lag og þess háttar á þeim fundi sem
tillagan var samþykkt á.“
í samþykkt nefndarinnar, sem
allir fundarmenn, utan formaður
hennar, Þröstur Ólafsson, greiddu
atkvæði sitt, en hann sat hjá, segir
m.a.: Framkvæmdanefndin mót-
mælir harðlega þeirri ritstjórnar-
stefnu blaðsins (Þjóðviljans, innskot
Mbl.) að undanförnu að gera heild-
arsamtökin og einstaka forystu-
menn verkalýðshreyfingarinnar tor-
tryggilega með rangfærslum og
óbilgjörnum árásum.“
„Á þessu stigi finnst mér óheið-
arlegt að fara með umræðuna út
fyrir síður Þjóðviljans, og hef ég því
að svo stöddu engu við yfirlýsingu
framkvæmdanefndarinnar, sem
birtist á forsíðu Þjoðviljans í gær,
að bæta,“ sagði Ásmundur Stefáns-
son, forseti ASl í samtali við Morg-
unblaðið í gærkveldi.
Sjá nánar frásögn og viðtöl á
miöopnu.
arfulltrúa jafnhliða ráðherradómi.
„Það hefur gerst áður,“ sagði hann.
„Ég man ekki betur en að dr. Gunn-
ar heitinn Thoroddsen hafi verið
borgarfulltrúi á meðan hann var
fjármálaráðherra. Ég sé því ekkert
til fyrirstöðu að ég gegni skyldum
mínum sem borgarfulltrúi á meðan
ég nýt trausts borgarstjórnar, enda
var ég ekki kosinn í borgarstjórn til
að láta varamann gegna störfum
mínum þar.“
Albert sagði störf flestra al-
mennra borgarfulltrúa vera aðal-
lega í því fólgin að mæta á fundi
tvisvar í mánuði. Hann hyggðist
ekki taka sæti forseta borgarstjórn-
ar. „Það streyma erindin um borg-
armál inn til mín í ráðuneytið svoég
er þar eiginlega að hluta sem borg-
arfulltrúi. Þá þykir mér ekki nema
rétt að ég sinni skyldustörfum mín-
um í borgarstjórn að fullu og taki
sæti mitt þar á nýjan leik,“ sagði
Albert Guðmundsson.
Blikksmiðir
felldu aftur
Á FÉLAGSFUNDI í Blikksmiðafélagi
íslands á llótel Esju í gærkvöldi var
kjarasamningur félagsins felldur í ann-
að sinn. Á fundinn mættu 34 og
höfðu 28 félagar atkvæðisrétt.
Samningurinn var felldur með 15 at-
kvæðum gegn 9 — 4 sátu hjá. Ný
samninganefnd var kosin að lokinni
atkvæðagreiðslu.