Morgunblaðið - 28.07.1985, Page 1

167. tbl. 72. árg.
Kvennaráðstefna SÞ:
Samstaða
náðist um
lokaályktun
í ÁLYKTUN Kvennarádstefnu
Sameinuðu þjóðanna, sem lauk í
Nairóbí í Kenýa aðfaranótt laug-
ardags, segir, að konur beri
skarðan hlut frá borði í öllum
ríkjum heims. I>að er rakið til
þess, að menn hafi staðlaða
ímynd af getu þeirra og hlut-
verki. Skorað er á alla að breyta
þessari ímynd og fullyrt, að þá
muni koma í Ijós sá styrkur er
búi í hæfileikum kvenna. Hann
muni verða til farsældar við
lausn ýmissa þeirra mála er
brenni mest á heiminum um
þessar mundir.
Sigríður Snævarr, formaður
sendinefndar fslands á ráðstefn-
unni, sagði í símaviðtali á laug-
ardag, að samstaða hefði tekist á
síðustu stundu um lokaályktun-
ina. Fulltrúar ísraela og Banda-
ríkjamanna hótuðu að ganga af
fundi ef zíonismi yrði fordæmdur í
ályktuninni. Fyrir milligöngu for-
seta Kenýa hefðu Sovétmenn og
fleiri þjóðir fallist á að klausan
um zíonisma yrði felld á brott.
„Þessi ráðstefna hefur farið
ákaflega vel fram og það er mikill
sigur fyrir Sameinuðu þjóðirnar,
að samstaða skuli hafi tekist um
lokaályktunina," sagði Sigríður
Snævarr. „Slík samstaða náðist
ekki á fyrri kvennaráðstefnum SÞ,
í Mexíkó og Kaupmannahöfn."
Friðarsiglingin:
Blóm og
fánar í
hafið
Stokkhólmi, 27. júli. AP.
Þátttakendur í frióar- og
frelsissiglingu útlægra eóa
burtfluttra íbúa Eystrasalts-
ríkja Sovétríkjanna minntust í
dag þeirra er flýóu hörmungar
heimsstyrjaldarinnar síðari. At-
höfnin fór fram á hafi úti, milli
Sovétríkjanna og Svíþjóóar.
Sungin var messa og síóan
varpað blómum og fánum í sjó-
inn.
Friðarsiglingin er farin til
að láta í ljós andúð þátttak-
enda á innlimun Eistlands,
Lettlands og Lithaugalands í
Sovétríkin í lok heimsstyrj-
aldarinnar. Um borð í skip-
inu eru 196 manns. Lagði
skipið úr höfn í Stokkhólmi í
gær, föstudag. Verður siglt á
alþjóðasiglingaleið undan
ríkjunum þremur áður en
haldið verður til Helsinki, en
þangað kemur skipið um það
leyti sem fulltrúar 35 ríkja
koma þar saman til fundar í
tilefni þess að áratugur er
liðinn frá undirritun
Helsinki-sáttmálans
svonefnda.
96 SIÐUR B
STOFNAÐ 1913
SUNNUDAGUR 28. JÚLÍ 1985
Prentsmiðja Morgunblaðsins
Morgunblaðið/ólafur K. MaRnússon
Miðborgar-
stemmning
Fjör er jafnan mikið í miðborg Reykjavíkur þeg-
ar vel viðrar. Mannlífið hefur verið í miklum
blóma í veðurblíðunni að undanförnu og vonandi
verða veðurguðirnir okkur hliðhollir um sinn.
Stjórn Uganda steypt af stóli:
Talið að Obote forseti
hafi flúið tO Kenýa
Idi Amin lýsir stuðningi við valdaránið
Kampala, Ú|awU, 27. júlf. AP.
STJÓRN Miltons Obote í Úganda hefur verið
steypt af stóli. Árla á laugardag var lesin
yfirlýsing í útvarpinu í Kampala, höfuðborg
landsins, þar sem sagði, að bundinn hefði
verið endi á „ættbálkastjórn“ forsetans. Sagt
var, að foringi uppreisnarinnar væri Basilio
Olara Okello, liðsforingi. „Engu blóði hefur
verið úthellt og almenningur getur farið frjáls
ferða sinna um höfuðborgina,“ sagði enn-
fremur í yfirlýsingunni.
I
Milton Obote
I gær viðurkenndu stjórnvöld í
Úganda, að uppreisnarástand
ríkti innan hersins. Haft var eft-
ir vestrænum stjórnarerindrek-
um, að fyrr í vikunni hefðu bar-
dagar brotist út milli stuðnings-
manna og andstæðinga Obote í
hernum. Væri ófriðlegast í norð-
urhluta landsins. í morgun bár-
ust um það fréttir að 25 herbif-
reiðum uppreisnarmanna hefði
verið ekið inn í Kampala og
hefðu þær komið úr norðurátt.
Ekki er vitað til þess að her-
mennirnir hafi mætt mótspyrnu,
en þó heyrðust miklir skothvellir
um hríð.
Óstaðfestar fréttir herma, að
Obote forseti hafi flúið til Kenýa.
Sjónarvottar segja að náinn
samverkamaður hans, Cris
Rwakasisi öryggismálaráðherra,
hafi verið handtekinn er hann
reyndi að komast undan.
í gær hélt Milton Obote því
fram, að uppreisnarmenn væru í
bandalagi við Idi Amin, fyrrum
einvald Úganda, og Yoweri Mus-
eveni, sem er leiðtogi stærstu
skæruliðasamtakanna sem berj-
ast gegn stjórnvöldum. Frétta-
skýrendur telja ekki ólíklegt, að
forsetinn hafi nefnt nöfn þessara
manna til að ófrægja uppreisn-
armenn og tengsl séu ekki á milli
þeirra og núverandi valdhafa í
landinu.
Amin, sem nú dvelst í útlegð í
Saudi-Arabíu, sagði í viðtali við
AP-fréttastofuna í morgun, að
hann styddi byltinguna í Úg-
anda. Jafnframt hvatti hann
hina nýju valdhafa til að láta
pólitíska fanga lausa og leyfa út-
lægum Úgandamönnum að snúa
heim.