Morgunblaðið - 30.08.1985, Blaðsíða 42

42
MORGUNBLADID, FÖSTUDAGUR 30. ÁGÚST 1985
HCEAAlin
„Fljotur. í2Óandi' lyfíS er a.S
hætta- oi> v/erka.."
HÖGNI HREKKVÍSI
„ tölvuklukka •
Góðir sjónvarpsþættir
F J. skrifar.
Mig langar að lýsa ánægju minni
yfir því að sjónvarpið skuli sýna
þættina um Hitlersæskuna. Þetta
eru þrusugóðir þættir. Þótt maður
hafi séð margt um þetta tímabil í
sögu Þjóðverja áður í sjónvarpinu,
þá hefur þetta sjónarhorn, það er
krakkanna, aldrei verið tekið fyrir
áður.
Ég vona bara að sjónvarpið haldi
áfram að velja framhaldsþætti
með það sama í huga og virðist
hafa verið gert þegar þessir voru
valdir. Þar á ég við að þeir séu
fræðandi og umhugsunarverðir,
ekki innantómur þvættingur eins Úr Hitlersæskunni. FJ. segir nasistatímabilið séð frá nýju sjónarhorni í
og svo oft vill verða. þáttunum.
Svar við fyrirspurn
Guðmundur Árni Stefánsson
skrifar:
Vegna bréfs frá E.G., sem birtist
í Velvakanda föstudaginn 23. ágúst
1985 og fyrirspurna sem bréfritari
beindi til mín, er mér ljúft að taka
fram eftirfarandi:
Það hefur verið til siðs í Morgun-
útvarpinu sl. ár að líta á nokkrar
fréttir úr dagblöðunum á hverjum
morgni. Þessar fréttir úr dagblöð-
unum eru eðli máls samkvæmt
valdar stuttu fyrir útsendingu að
morgni, þannig að ekki gefst neitt
ráðrúm til þess að sannreyna
sannleiksgildi þeirra frétta er
tíndar eru úr dagblöðunum, eins
og bréfritari, E.G., óskar eftir.
Ennfremur verður það að teljast
vafasamt að Morgunútvarpið taki
að sér ritskoðun þess efnis er í
dagblöðunum birtist. Lestur úr
dagblöðunum í Morgunútvarpi
þjónar þeim tilgangi fyrst og
fremst, að veita hlustendum inn-
sýn í fréttir dagblaðanna á þeim
hinum sama degi, bæði hvað varð-
ar fréttir af innlendum og erlend-
um viðburðum.
Morgunútvarpið á óhægt um vik
að stýra framsetningarmáta dag-
blaða hvað fréttaskrif varðar, enda
það tæpast í þess verkahring. Það
er og langur vegur frá því, að
umsjónarmenn Morgunútvarps
velji fréttir úr dagblöðunum með
hliðsjón af eigin skoðunum eða
áhugamálum. Val frétta miðast
fyrst og fremst við það, að fréttirn-
ar séu stuttar og hnitmiðaðar, ekki
skaðar að þær séu jafnframt
skemmtilegar, fréttirnar séu af
fjölbreytilegum toga og síðast en
ekki síðst fræðandi.
Bréfritari, E.G., heldur því fram
að undirritaður sé einkar fundvís
á efni í dagblöðunum, sem sé skað-
legt fyrir bændur. Því er alfarið
vísað til föðurhúsanna. Bréfritari
tilgreinir tvö dæmi um neikvætt
umtal um bændur í blaðalestri
Morgunútvarps. Undirritaður hef-
ur haft með höndum umsjón
Morgunútvarpsins síðustu þrjá
mánuði og gróft áætlað má ætla
að lesnar hafi verið tæpir 400
fréttapóstar úr blöðunum á þessu
tímabili. Tvær fréttir um málefni
bænda telst tæpast stórt hlutfall.
Hitt má einnig deila um, hvort
tilgreind dæmi E.G. séu alfarið
andstæð hagsmunum bændastétt-
arinnar, en það er annað mál.
Aðalatriði málsins er það, að bréf-
ritari ætti fyrst og síðast að bera
kvartanir sínar upp við forsvars-
menn viðkomandi dagblaða. Þar
liggur rótin.
Til upplýsinga má geta þess að
innan tíðar verða málefni tengd
bændum til umræðu í Morgunút-
varpinu. Verður þar fjallað um
afurðamálin og eitt og annað í því
sambandi.
Um nauðganir
J.G. skrifar:
í annars þægilegri grein um
nauðganir í Mbl. föstud. 23. ágúst
eftir Ragnheiði Margréti Guð-
mundsdóttur er þessi villandi
málsgrein:
.Skv. könnunum hefur meiri-
hluti manna sem nauðga aðgang
að eðlilegu kynlífi og margir eru
giftir."
Við þetta skal sú athugasemd
ein gerð, að það er engin trygging
fyrir „eðlilegu kynlífi" að menn séu
giftir. Kynlífserfiðleikar í svoköll-
uðu hjónabandi geta einmitt og
ekki sist valdið þvi að „margir eigi
við einhvers konar sálræn vanda-
mál að stríða", eins og segir í sömu
grein.
Þessir hringdu . .
Castro er
ekki alvondur
M.I. hringdi:
„Húsmóðir" svarar mér með
löngu og leiðinlegu bréfi þriðju-
daginn 27. ágúst. Hún virðist
ekki gera sér grein fyrir að þótt
ég hafi brugðið hlífiskildi yfir
Castro gegn ómaklegum árásum
hennar þarf það ekki að þýða að
ég sé aðdáandi kommúnismans
eins og menn iðka hann fyrir
austan tjald.
„Það má Stalin eiga að hann
lét búa til góðar myndir," sagði
Jónas frá Hriflu um þann fræga
harðstjóra. Þannig geta þeir sem
ekki eru mjög illa haldnir af
þröngsýni séð ýmsar hliðar á
einu máli og viðurkennt þá kosti
sem fyrir hendi eru þó að gall-
arnir séu ærið margir og stórir.
Kúbumenn lifa mannsæmandi
lífi, það er klárt mál. Þeir fá
kaup fyrir það sem þeir gera,
þurfa ekki að lifa í sífelldum ótta
við að missa allar eigur sínar til
jarðeigenda eða lánardrottna
(eins og alltof margir hér á Is-
landi þurfa til dæmis). Þeir eiga
allir jafnan rétt á skólagöngu og
svo mætti lengi telja.
Glæpur og refsing er nokkuð
sem erfitt er að henda reiður á.
Skilgreining glæpsins og fram-
kvæmd refsingarinnar er mjög
misjöfn eftir löndum. Þess vegna
er endalaust hægt að skrifa við-
bjóðslegar lýsingar á fangelsum
og meðferð fanga, en það er engin
fylgni milli þess hve vinstri sinn-
uð stjórnin er og hve illa farið
er með fanga í því tiltekna landi.
„Húsmóðir“ talar einnig um
„álit Kúbumanna meðal annarra
þjóða“ sem hún telur hafa farið
minnkandi vegna „kúbanskra
morðsveita". Þetta held ég sé nú
hin mesta sjálfsblekking. Stað-
reyndin er sú að smærri ríki sem
vilja koma á réttlátu stjórnarfari
án þess að Bandaríkjamenn ráði
lögum og lofum eiga við ramman
reip að draga. Þeir fá Kúbumenn
til aðstoðar gegn skæruliðum og
öfgahópum til að losna við Sovét-
menn. Svo einfalt er það.
Spjótin beinast
oft aö heildinni
F.K. hringdi:
Ung stúlka sem nefnir sig Níní
skrifar ágæta grein í Velvakanda
miðvikudaginn 28. ágúst í tilefni
greinar konu í umferðinni þar
sem hún segir frá miður kurteis-
legu orðbragði stálpaðra stráka
er átti að beinast að henni að
tilefnislausu. Það er ekki nema
eðlilegt að vegfarendur sem
verða fyrir áreitni saklausir,
greini frá þvi í þeirri von að það
mætti verða til varnaðar öðrum.
En ég skil Niní vel, það er
engan veginn ánægjulegt fyrir
þá sem vilja ekki vamm sitt vita
að heyra svona fréttir. Það er
líka rétt að spjótin beinast oft
að heildinni. Það er ekki nýtt að
saklausir verði að líða fyrir seka.
Níní, greinin þí var bæði vel
skrifuð og eftirtektarverð. Þú
tekur skynsamlega á málunum
með engum offorsa eins og oft
vill brenna við þegar um við-
kvæm mál er að ræða. Þú átt
skildar þakkir fyrir, heill fylgi
þér.
Það er með ungu kynslóðina
eins og þá eldri, menn eru
misjafnir, bæði að gerð og hátt-
erni, besta og öruggasta ráðið til
þess að hafa stjórn á orðalagi
sínu er að gefa gaum að orði
drottins sem biblían kennir okk-
ur. Þar stendur um tunguna:
„Með henni vegsömum vér Drott-
in og með henni formælum vér
mönnunum sem skapaðir eru í
líkingu Guðs, af sama munni
gengur fram blessun og bölvun."
Þetta stendur í Jakobsbréfi.
Einnig þetta: „Ef einhver þykist
vera guðrækinn og hefur ekki
taumhald á tungu sinni þá er
guðrækni hans fánýt.“ Það er
gott fyrir okkur mannanna börn
að hafa þetta hugfast á öllum
aldri.