Morgunblaðið - 19.10.1985, Blaðsíða 48

KEILUSALURIWW
OPIWW 900-02.00
*f$nttÞIafrtfe LE.
BTT KORT AUS SttÐAR
LAUGARDAGUR 19. OKTÓBER1985
VERÐ í LAUSASÖLU 35 KR.
Þrjú duflanna
eru rússnesk
FIMM dufl af ýmsu tagi hafa undan-
farna daga fundizt á Ströndum. Þrjú
þeirra eru rússnesk, eitt norskt og
eitt torkennilegt. I)ufl þessi verða
m flutt til Keykjavíkur innan tíðar.
Hluti af búnaði til tundurdufla-
slæðingar, rússneskur, fannst í
Árneseyju í Trékyllisvík, norskt
rannsóknardufl fannst við fell í
Árneshreppi, við Munaðarnes í
Ingólfsfirði fannst torkennilegt og
illa farið svifljós. Fyrir norðan
Drangaskörð fannst rússneskt
hlustunardufl og annað dufl af
sama uppruna til auðveldunar stað-
arákvörðunar (magnesium mark-
er).
Duflin verða flutt til Reykjavíkur
til nánari rannsóknar.
Almennar sparisjóðsbækur:
Vextir undir
verðbólgu
VEXTIR á almennum sparisjóðs-
bókum eru nú nokkuð lægri en
verðbólgan; þeir eru 22% en horfur
eru á að verðbólga í ár verði um
30%. Framan af ári voru vextir af
almennum sparisjóðsbókum 24 % en
hafa verið lækkaðir.
Innistæður á almennum spari-
sjóðsbókum hafa aukist tiltölulega
mjög lítið. Átta fyrstu mánuðina
höfðu innistæður á almennum
sparisjóðsbókum hækkað um 71
milljón króna á sama tíma og
innistæður í heild höfðu aukist um
5,8 milljarða króna. Fólk hefur því
fært fé sitt frá almennum spari-
sjóðsbókum yfir á sértilboð, sem
bankar hafa boðið.
Egill Vilhjálmsson hf.:
Aframhaldandi
greiðslustöðvun
FYRIRTÆKIÐ Egill Vilhjálmsson
■'♦hf. hefur fengið framlengda
greiðslustöðvun til 2. desember
næstkomandi. Þann 4. júlí síðast-
liðinn fékk fyrirtækið heimild fóg-
eta í Kópavogi til að stöðva greiðsl-
ur reikninga vegna bágrar stöðu.
„Við vinnum ennþá að endurskipu-
lagningu fyrirtækisins og vinnum
að ráðstöfunum til að vinna fyrir-
tækið út úr þessum erfiðleikum,"
sagði Sveinbjörn Tryggvason,
framkvæmdastjóri Egils Vil-
hjálmssonar hf. í samtali við
Morgunblaðið.
Prófkjör Sjálfstæðisflokksins fyrir borgarstjórnarkosningar:
Bandaríkjamenn hingað í
stórhópum til að verzla
FYRSTI hópur Bandaríkjamanna sem hingað kemur
gagngert í verslunarferð, kom til landsins í gær —
morgun. Þessar ferðir eru nýlunda hjá Flugleiðum
og hafa þær fengið góðar undirtektir. Hópurinn, sem
í eru 150 manns, kemur hingað frá New York og
Chicago dvelur hér fram á sunnudag.
„Við höfum þegar bókað um 700 farþega í þessar
helgar verslunarferðir fram til 12. desember. Þess-
ar ferðir áttu að byrja í fyrra en verkföllin sáu til
þess að af því gat ekki orðið," sagði Helga Bjarna-
son hjá söludeild Flugleiða. „Og nú hafa þessar
ferðir farið sem eldur í sinu hjá söluaðilum okkar
í Bandaríkjunum. Þarna erum við að bjóða til sölu
sæti sem við annars gætum ekki selt á þessum
árstíma og þessar ferðir virðast ætla að verða jafn
vinsælar og helgarferðirnar sem við bjóðum upp á
frá Evrópu."
Boðið er upp á hádegisverð fyrsta daginn á Hótel
Loftleiðum þar sem fram fer tískusýning á íslensk-
um ullarfatnaði frá stærstu ullarframleiðendum
landsins. Að sýningunni lokinni er síðan haldið í
verslunarferð um bæinn. Annan daginn er ferð að
Gullfoss og Geysi og síðan er boðið upp á skoðunra-
ferð um borgina að morgni síðasta dags áður en
haldið er heimleiðis. Akveðið hefur verið að halda
þessum ferðum áfram næsta vor og haust og eru
þegar komnar bókanir í þær ferðir.
Lágmarksverð fyrir helgarferðina er 400 dalir,
ísl. kr. 16.000.-, fyrir flugfar fram og til baka,
morgunverði og hádegisverðinn, sem íslensku fyrir-
tækin sem standa fyrir tískusýningunni bjóða upp
á auk ferðarinnar að Gullfossi og Geysi. „En ég
held að það sé aðallega Island sem trekkir. Ferðin
er ekki það löng og fólki finnst sniðugt að geta
komið heim og sagt, ég skrapp til Islands um helg-
ina í verslunarferð. Flestir í þessum hópi sem hér
er kominn núna eru á miðjum aldri og upp úr.
Nokkuð er um að saumaklúbbar og aðrir ámóta
hópar taki sig saman og fari í svona ferð og auðvit-
að eru 99% þátttakenda konur“, sagði Helga að
lokum.
MorgunblaðiÖ/Friðþjófur
Þrjár úr verslunarhópnum á leið í fslenskan heimilisiðnað. Eins og sjá má hafa þær einhvers staðar komið við á
leiðinni.
Ellefu af tólf borgarfulltrúum
hafa ákveðið prófkjörsþátttöku
— Ingibjörg Rafnar óákveðin
ALLIR núverandi borgarfulltrúar Sjáifstæðisflokksins í Reykjavík, að Ingi-
björgu Rafnar forseta borgarstjórnar undanskiidri, hafa ákveðið að taka
þátt í prófkjöri flokksins fyrir næstu borgarstjórnarkosningar. Ingibjörg
^ hafði í gær ekki gert upp hug sinn, að því er hún sagði í samtali við Morgun
blaðið.
Af þeim fimmtán, sem skipuðu
jafn mörg efstu sæti á framboðs-
lista flokksins fyrir borgarstjórn-
arkosningarnar 1982 eru það að-
eins Markús Örn Antonsson út-
varpsstjóri og Margrét Einars-
dóttir, sem ekki hyggjast taka þátt
^ í prófkjörinu nú. Markús Örn lét
af stö-fum í borgarstjórn þegar
hann tók við embætti útvarps-
stjóra um áramótin. Varamaður
hans í borgarstjórn, Jóna Gróa
Sigurðardóttir, mun taka þátt i
prófkjörinu, að því er hún sagði í
samtali við blm. Morgunblaðsins.
Framboðsfrestur fyrir prófkjör-
ið rennur út 28. október næstkom-
andi en prófkjörið, sem verður
takmarkað við flokksbundna sjálf-
stæðismenn, verður haldið 24. og
25. nóvember.
Borgarstjórnarfulltrúarnir tólf
og þrír næstu á framboðslistanum
frá 1982 eru þessir:
Davið Oddsson, Albert Guð-
mundsson, Magnús L. Sveinsson,
Ingibjörg Rafnar, Páll Gíslason,
Hulda Valtýsdóttir, Sigurjón
Fjeldsted, Vilhjálmur Þ. Vil-
hjálmsson, Hilmar Guðlaugsson,
Katrín Fjeldsted, Ragnar Júlíus-
son og Jóna Gróa Sigurðardóttir.
Þrír efstu varamenn á eftir Jónu
Gróu eru nú Margrét S. Einars-
dóttir, Júlíus Hafstein og Guð-
mundur Hallvarðsson. Katrín
Fjeldsted og Guðmundur Hall-
varðsson tóku ekki þátt í prófkjöri
fyrir borgarstjórnarkosningar
1982, en þau tóku sæti á framboðs-
lista Sjálfstæðisflokksins að til-
lögu uppstillingarnefndar. Katrín
sagði í samtali við Morgunblaðið
að hún hefði ákveöið að taka þátt
í prófkjörinu nú, en Guðmundur
Hallvarðsson kvaðst ekki hafa
tekið ákvörðun um prófkjörsþátt-
töku að svo stöddu.
Borgarfulltrúar í Reykjavík eru
nú 21 en verða fimmtán eftir
næstu kosningar.
Afli og aflaverðmæti
til ágústloka:
30 % aukn-
ing afla-
verdmæta
— 8%minni afli
ÁÆTLAÐ brúttóverðmæti sjávarafla
landsmanna frá áramótum til ágúst-
loka er um 7,5 milljarðar króna. Á
sama tíma í fyrra var verðmætið 5,7
milljarðar. Verðmætaaukningin milli
ára er því um 30% þrátt fyrir að
heildaraflinn þetta tímabil hafi verið
um 8% minni nú en í fyrra. í ágúst-
mánuði nam aflaaukning frá sama
mánuði sfðasta árs 35%, en verð-
mætaaukning 15%. Miðað er við
verðmæti afla upp úr sjó með hluta
verðbóta.
Aflaverðmæti togara fyrstu 8
mánuði ársins var 3,4 milljarðar
króna en í fyrra 2,7. Aflaverðmæti
báta var 4 milljarðar nú en 3 í
fyrra. í ágústmánuði nú var afla-
verðmæti togaranna 483,5 milljón-
ir króna en 444,8 í fyrra. Aflaverð-
mæti báta var 327,4 milljónir
króna en 258,7 í fyrra.
Fiskifélag íslands hefur tekið
saman upplýsingar um aflann
þetta tímabil, aflaverðmæti og
skiptingu afla milli tegunda skipa
og vinnslugreina. Þar kemur meðal
annars fram, að af 248.076 lestum
af þorski hafi 117.249 verið frystar,
113.746 verið saltaðar, 12.836 seld-
ar ísaðar úr landi og 3.488 hertar.
Verðmæti þorskaflans er um 4
milljarðar króna en var í fyrra
2,6. Aukning þorskafla milli þess-
ara tímabila er 15% og verðmæta-
aukning 52%. Samdráttur er í afla
annarra botnfisktegunda, en verð-
mætaaukning engu að síður í
sumum tegundum svo sem ýsu,
46% og kola 36%. í ágústmánuði
var samdráttur bæði í afla og
verðmætum á þorski, en aukning
í flestum öðrum botnfisktegund-
um.
Siglufjörður:
Skaparinn
passar fisk-
inn með
Halldóri
Siglufiröi, 18. október.
HIÐ versta veður hefur verið á
miðum trillubátanna undan-
farnar tvær vikur, eða allt frá
því að veiðibann á trillurnar var
afnumið 3. október. Hörðustu
trillukarlarnir hafa róið tvisvar
á þessu tímabili en flestir bara
einu sinni.
Veiðibann á trillubátana
stóð yfir frá 20. september til
3. október. Allan þann tíma
var hægt að róa en þá mátti
það ekki. Nú má veiða, en þá
gefur ekki.
Þetta sýnir vel hvers lags
vitleysa það er að setja veiði-
bann á trillurnar. Veðrið
hefur alltaf séð til þess að
takmarka veiðarnar. Skapar-
inn passar fiskinn með Hall-
dóri ráðherra. Og á meðan
verða trillukarlarnir af veru-
legum tekjum. Finnst mönn-
um þetta hægt, ég spyr nú
bara?
— M.J.