Morgunblaðið - 04.09.1987, Síða 28

28
MORGUNBLAÐIÐ, FÖSTUDAGUR 4. SEPTEMBER 1987
Sambandsþing Sambands ungra sjálfstæðismanna hefst í dag:
KOSH) IJM FORMANN SUS
IFYRSTA SKIPTI110 AR
SAMBANDSÞING Sambands ungra sjálfstæðismanna
verður haldið í Hótel Borgarnesi um þessa helgi og
hefst klukkan 17.30 í dag með ávarpi Þorsteins Pálsson-
ar forsætisráðherra og formanns Sjálfstæðisflokksins.
Á þinginu nú verður kosið um formann sambandsins
og er það í fyrsta skipti í 10 ár sem slík kosning fer
fram þar sem sjálfkjörið hefur verið i embætttið. Að
þessu sinni bjóða Árni Sigfússon borgarfulltrúi og Sigur-
björn Magnússon framkvæmdastjóri sig fram til
formanns. Núverandi formaður SUS er Vilhjálmur Egils-
son.
Morgunblaðið ræddi við frambjóðendurna tvo i form-
annsembætti Sambands ungra sjálfstæðismanna og fara
þau viðtöl hér á eftir.
Aukin tengsl forustunnar
við félagmenn nauðsynleg
- segir Árni Sigfús-
son
í MÍNUM huga hlýtur helsta mál þings-
ins að snúast um forustu samtakanna
næstu tvö ár,“ sagði Arni Sigfússon sem
hefur boðið sig fram til embættis form-
anns Sambands ungra sjálfstæðismanna,
í samtali við Morgunblaðið. Árni er 31
árs gamall borgarfulltrúi Sjálfstæðis-
flokksins og formaður félagsmálaráðs
Reykjavíkurborgar.
„Ég hef reyndar lagt áherslu á að fram-
boð mitt byggist á tveimur megin ástæð-
um,“ sagði Ami. „Annarsvegar nauðsyn
aukinna tengsla forustu sambandsins við
félagsmenn og hinsvegar breyttar áherslur
í stjómmálastarfinu. Mér fínnst forustan
hafa einangrast talsvert frá ungu fólki og
tel ástæðu til að hafa áhyggjur af því og
reyna að breyta því. En það er ekki gert
með skipulagsbreytingum heldur með því
að sýna þessum málum meiri áhuga og sinna
félögunum úti á landi meira en gert hefur
verið og taka meira tillit til þeirra óska og
hugmynda sem þar eru.
Samband ungra sjálfstæðismanna er ekk-
ert annað en samtök allra þessara félaga
og það er þaðan sem hugmyndimar eiga
að koma en ekki frá stjóm sambandsins sem
einhverju einangruðu sjálfstæðu fyrirbæri.
Ég held að SUS hafi góða málefnalega stöðu
og það má sérstaklega þakka það fráfar-
andi formanni SUS og nokkrum öðrum
stjómarmönnum. En ég tel samt að vera
þurfí meiri breidd í málefnastarfí og þar
sé leitað út fyrir þær hefðbundnu brautir
sem sambandið hefíir verið á að undanfömu
í umræðu um þjóðfélagsmál og reyna að
útvíkka umræðuna til að ná til fleiri."
—Er hægt að líta á þetta formannskjör
sem baráttu tveggja fylkinga í sambandinu?
„Ég lít ekki svo á. Hinsvegar skerpast
línur í svona baráttu eins og nú er og ég
er vissulega að sækja inn í þessi samtök.
Ég leyfí mér að gagnrýna og er fulltrúi
Arni Sigfússon.
þeirra sem vilja ákveðnar breytingar og
þeir sem standa gegn mér em þeir sem
segjast ætla að halda áfram á þeirri braut
sem þegar hefur verið mörkuð. En stjóm
SUS á að endurspegla það sem er að gerast
í félögunum og ég er að gagnrýna að við
höfum ekki sinnt því nægilega vel að vekja
upp hugmyndir og koma þeim til umræðu
í félögunum og þaðan áfram."
—Sumir telja að þar sem þú sitjir í borgar-
stjóm Reykjavíkur sért þú of tengdur
flokknum og Reykjavík til að geta sinnt
starfí formanns SUS af heilum hug.
Ég lít svo á að ef menn mega ekki starfa
í sveitarstjómum til að taka að sér slíkt
ábyrgðarstarf sem formannstarf í SUS er
þá veit ég ekki hvar á að enda. Menn þurfa
að hafa í sig og á og sinna ýmsum störfum
og þótt ég taki að mér trúnaðarstörf fyrir
flokkinn þá sé ég ekki að það þurfi að slá
mig útaf laginu sem formann SUS frekar
en menn sem eru starfsmenn sérhagsmuna-
hópa í þjóðfélaginu," sagði Ámi Sigfússon.
Mikilvægt að SUS verði
sjálfstætt í stefnumörkun
- segir Sigurbjörn
Magnússon
„ÉG TEL að þetta þing verði sérstætt að
því leyti að þar verður kosið um formann
í fyrsta skipti i 10 ár. En ég held að það
sé af hinu góða að kosið sé um formann
og síðan verði gengið af þinginu sem ein
órofa fylking þegar þeim leik er Iokið,“
sagði Sigurbjörn Magnússon, annar
tveggja frambjóðenda til embættis form-
anns Sambands ungra sjálfstæðismanna,
í samtali við Morgunblaðið. Sigurbjöm
er 28 ára gamall og starfar sem fram-
kvæmdastjóri þingflokks Sjálfstæðis-
flokksins.
„Ég held að þingið snúist einnig um það
hvemig Sjálfstæðisflokkurinn nær aftur
sínum fyrri styrk og verði á ný sameiningar-
afl allra borgaralegra afla,“ sagði Sigurbjöm.
„Á þinginu munum við ræða skýrslu starfs-
hóps sem hefur sett ýmsar hugmyndir á blað
um hvemig hægt er að bæta okkar starfs-
hætti og skipulag og ég held að við verðum
að taka upp þráðinn og ræða hvemig við
getum breikkað Sjálfstæðisflokkinn, bæði
með vali á mönnum á framboðslista og í
trúnaðarstöður."
—Er það hlutverk SUS að vera samviska
og hugmyndabanki Sjálfstæðisflokksins?
„Ég held að það sé mjög mikilvægt að
sambandið verði mjög sjálfstætt í sinni
stefnumörkun. SUS hefur verið uppspretta
nýrra hugmynda og oft á tíðum samviska
flokksins og veitt honum gagnrýnið aðhald.
Ég tel brýnt að sambandið starfí þannig
áfram en jafnframt af ábyrgð. Við erum
engin hasarsamtök en veitum gagnrýnið
aðhald þegar okkur fínnst að þingmenn,
borgarfulltrúar eða sveitastjómarmenn og
aðrir trúnaðarmenn flokksins Qarlægist eitt-
hvað stefnu Sjálfstæðisflokksins. Þessvegna
hef ég ákveðið að segja af mér störfum sem
framkvæmdastjóri þingflokks Sjálfstæðis-
flokksins, verði ég kjörinn formaður því það
er mjög erfítt að starfa hjá þeim sem maður
getur stundum þurft að gagnrýna.
Sigurbjöm Magnússon
Ég hef lagt mikla áherslu á að við höldum
þessu öfluga málefnastarfí áfram og séum
uppspretta nýrra hugmynda hjá flokknum
því ég tel að of fáir innan flokksins sinni
því hlutverki.
—Hvað vilt þú segja um þær fullyrðingar
að í formannskjörinu séu að takast á tvær
fylkingar innan SUS; annarsvegar þeir sem
hingað til hafa haldið um stjómvölinn og
hinsvegar yngri kynslóðin.
„Ég held að framboð okkar séu ekki þann-
ig að þar fari mjög fastmótaðar fylkingar.
Það er að vísu rétt að mikill hluti stjómar
SUS styður mitt framboð enda hef ég verið
fyrsti varaformaður sambandsins undanfarin
tvö ár. Ég hef tekið þátt í því starfí sem þar
hefur verið unnið og tel framboð mitt á
margan hátt eðlilegt framhald af því. Ég
held þó að það séu engin sérstök einkenni á
stuðningsmönnum okkar. Valið stendur á
milli manna og ég held að fylkingarar séu
ekki mjög merktar eða auðkenndar að því
leyti," sagði Sigurbjöm Magnússon.
Geislandi bros oghlýlegar móttök-
ur mættu forseta íslands í Færeyjum
Fri Sigurði Jónssyni, blaðamanni Morgunblaðsins i Færeyjum.
ÞAÐ var geislandi bros Selju litlu Nilsen, 5 ára telpu frá Sanda-
vogi, og fallegur blómvöndur sem mættu Vigdisi Finnbogadóttur
forseta íslands þegar hún steig út úr flugvélinni á flugvellinum
í Vogum. Móttökur Færeyinga voru hlýlegar og auðséð að þeim
þótti mikið til heimsóknarinnar koma en Vigdis er fyrsti erlendi
þjóðhöfðinginn sem heimsækir Færeyjar.
Veðrið var heldur hryssingslegt,
áustan strekkingur, þoka og rign-
ing en auðséð var að einlæg
framkoma Selju litlu og hlýlegar
móttökur Atla P. Dam lögmanns
og hans föruneytis gerðu áhrif
veðursins að engu.
Eftir móttökuathöfnina á flug-
vellinum fór forsetinn og föruneyti
með þyrlum til Þórshafnar. Þokan
grúfði sig yfír eyjamar og náði
niður fyrir miðjar hlíðar fjallanna.
f Þórshöfn var stutt móttökuat-
höfn hjá Atla P. Dam lögmanni
og frú Sólvu Dam á Tinganesi.
Þaðan gekk síðan forsetinn ásamt
gestgjöfum og fylgdarliði til lög-
þingshússins þar sem Hergeir
Nielsen lögþingsformaður og kona
hans, Hanna, tóku á móti forsetan-
um.
Þrátt fyrir rigninguna sem stöð-
ugt óx og það að almennur
vinnudagur væri þá safnaðist sam-
an nokkur hópur fólks á leið
forsetans frá Tinganesi til lögþing-
hússins. Auðheyrt var á fólki að
það beið komu Vigdísar Finn-
bogadóttur með eftirvæntingu og
þótti gaman að verða vitni að heim-
sókn hennar. Þegar Vigdís gekk
yfír Vaglið frá lögþingshúsinu lýsti
fólkið ánægju sinni með því að
klappa henni lof í lófa.
Hergeir Nilsen lögþingsformað-
ur sagði í stuttu ávarpi í lögþings-
húsinu, eftir að hafa kynnt Vigdísi
fyrir lögþingsmönnum, að hann
væri þakklátur fyrir það að forseti
íslands væri fyrsti þjóðhöfðinginn
til að heimsækja Færeyjar. Hann
fór nokkrum orðum um samskipti
þjóðanna og sagði íslendinga fyrir-
mynd þeirra sem vildu feta sig
fram sem sjálfstæð þjóð.
„Ég þakka gestrisni og gæði
sem mér eru sýnd í dag. Ég færi
Færeyingum, fyrir hönd minnar
þjóðar, bestu vinarkveðjur," sagði
Vigdís í stuttu ávarpi í lögþings-
húsinu.
Poula Michelsen 11 ára dóttir
bæjarstjórans afhenti forsetanum
blómvönd við komuna til húss
bæjarstjómarinnar. Vigdís var
kynnt fyrir bæjarstjómarmönnun-
um þrettán talsins í fundarsal
þeirra þar sem hanga á veggjum
myndir af bæjarstjórum Þórshafn-
ar. Fyrir ofan háborð salarins
hangir útskorin mynd af merki
bæjarins, hendi með Þórshamar.
Að því búnu sat forsétinn miðdeg-
isverð í boði bæjarstjómar Þórs-
hafnar.
Fransiskusystumar 10 í Þórs-
höfn vom mjög ánægðar með
komu Vigdísar í nýja kaþólska
kirkju sem vígð var fyrir viku.
„Það er mikil virðing fyrir okkur
að fá hana í heimsókn," sagði ein
systranna. Geir Waagö prestur
bauð gestina velkomna í kirkjuna
sem er lítil en mjög snotur.
Bömin á bamaheimilinu gegnt
kirkjunni misstu fljótt þolinmæð-
ina þar sem þau þurftu að bíða
nokkra stund eftir að forsetinn
kæmi. Pappírsfánar þeirra þoldu
illa rigninguna, hvað þá að þeim
væri sveiflað harkalega í óþolin-
mæði. Snuð voru tekin fram til að
róa þau óþolinmóðustu en þegar
enn dróst að gestimir kæmu vom
allir drifnir inn og látnir taka sér
stöðu í gluggum barnaheimilisins
og þaðan var veifað af krafti til
forsetans og óþolinmæðin var rok-
in út í veður og vind.
„Hún hefur ekkert breyst, er
alltaf sama stelpan," sagði Óskar
Hermannsson, sem ásamt Oliver
Næss og Poul bæjarstjóra leiddi
Vigdísi um „Sjónleikarhúsið" í
Þórshöfn. Óskar var leikhússtjóri
þegar Vigdís fór fyrir leikför Leik-
félags Reykjavíkur_ með Skjald-
hamra Jónasar Ámasonar til
Færeyja. Þama varð því vinafund-
ur.
Fjórar ungar leikkonur, Jensina,
Ingunn, Nár og Marita, sýndu
nýjan frumsaminn leikþátt, lát-
bragðsleik um Færeyjar þar sem
aðalpersónan upplifir nafnið út frá
frímerki. Þáttur þessi verður með-
al annars á mikilli frímerkja- og
myndasýningu í Kaupmannahöfn.
Vigdís þakkaði leikkonunum fyrir
og við brottförina úr leikhúsinu
sagði hún: „Hér var gaman að
koma.“
Síðdegis heimsótti Vigdís
fræðslusetur Færeyja og nokkur
söfn. Um kvöldið bauð lögþingið
síðan til kvöldverðar í Stokkastof-
unni í Kirkjubæ.
Þessi fyrsti dagur heimsóknar
forseta Islands einkenndist af
virðuleik og einlægri vináttu Fær-
eyinga. Undir kvöldið rofaði í
skýin, sólin braust fram og opnaði
sýn yfir byggðina i Þórshöfn.