Morgunblaðið - 07.01.1989, Page 36

36
MORGUNBLAÐIÐ LAUGARDAGUR 7. JANÚAR 1989
fclk í
fréttum
ENGLAND
Skím í konungsfl ölskyldunni
Aldrei hafa þau hertogahjónin
Sara Ferguson og Andrés
brosað jafn fallega fyrir framan
myndavélarnar og þegar litla dóttir
þeirra Beatrice Elizabeth Mary var
skírð við hátíðlega athöfn á dögun-
um. Hún er nú fjögurra mánaða
gömul.
Bea litla, eins og Bretar kalla
hana, var hin rólegasta meðan á
skírninni stóð og skrækti aðeins
einu sinni — þegar erkibiskupinn
af Jórvík signdi hana og jós vatni
úr ánni Jórdan. Það líkaði hnátunni
ekki of vel. Sagt er að Sara hafi
þá orðið mjög hrærð og í sama
mund hafí Díana, prinsessa, sent
henni skilningsríkt bros. Elísabet
drottning geislaði af ánægju en
þetta er hennar fimmta barnabam.
Þar fyrir utan var Beatrice klædd
sama kjólnum og drottningin sjálf
bar við sína eigin skírn.
Sagt er að Sara hafi ekki litið
betur út í háa herrans tíð en við
athöfnina. Hún hefur grennst mikið
og þar fyrir utan hefur fataval
hennar gjörbreyst eftir að hún réð
til sín þá sömu konu og sér um
fataskáp Díönu prinsessu. Þá fagn-
ar Sara því að menn séu hættir að
býsnast yfír hve lengi hún dvaldi
fjarri dóttur sinni. Nú um stundir
er hún kölluð stoltasta móðir Bret-
lands, stoltið tekur enginn frá ný-
bakaðri móður.
COSPER
©PIB
io7é>5 COSPER
--Þetta er allt í lagi, það er bara sýnt andlitið.
Karl prins og Díana mættu vita-
skuld með synina tvo, William sex
ára og Harry fjögurra ára.
Hér er fjölskylda Söru og Andrews samankomin. Fremri röð frá vinstri: Lafði Elmhirst, amma Söru
Ferguson, Elísabet drottning, Sara með Beatrice í fanginu, drottningarmóðirin og loks frú Doreen
Wright, amma Söru. Aftari röð frá vinstri: Ronald Ferguson, faðir Söru, fi-ú Caolyn Cotterell, frænka
Söru, Philip prins, Peter Palumbo, frændi Söru, lafði Roxburghe, frænka Beatrice, Andrew prins, Lin-
ley lávarður, frændi Beatrice, frú Susan Barrantes, móðir Söru og frú Gabrielle Greenall, frænka
Beatrice.
HÖNNUN
Umbúðahönnun sem sérgrein
— spjallað við Heimi Guðmundsson auglýsingateiknara
Heimir Guðmundsson er
grafískur hönnuður, útskrif-
aður frá Myndlista- og Handíða-
skóla íslands árið 1980. Hann hefur
verið í Frakklandi við framhalds-
nám og störf síðastliðin fjögur og
hálft ár og tekið þátt í samsýning-
um bæði hér heima og erlendis.
Auk auglýsingagerðar hefur Heimir
sérhæft sig í ýmiss konar umbúða-
hönnun, en erlendis fara einmitt
nú fram umræður um stefnubreyt-
ingu í umbúðavali á Evrópumark-
aði.
„Helsti munurinn í faginu hér
og úti er sá að erlendis eru sér-
hæfðar stofur sem sjá eingöngu um
andlit fyrirtækja, merki, umbúðir
og þessháttar og eftir að hönnuðir
hafa lagt línuna taka auglýsinga-
stofurnar við. Hér eru engin sér-
hæfð fyrirtæki í þessari grein. Til
dæmis eru slík hönnunarfyrirtæki
í París oftast með sérstakar mynd-
bandsupptökur þar sem hugmyndir
þeirra eru kynntar fyrir viðskipta-
vininum á örskömmum tíma.
Uppi eru hugmyndir um að
leggja sérstaka áherslu á að losa
sig við rusl með því að nota frekar
varanlegri ílát, til dæmis gler sem
er búið að þynna og yrði því ódýr-
ara en áður. Einnig er mikið rætt
um villandi upplýsingar á ílátum,
þar sem þær gefi ekki nægilega til
kynna hvert innihaldið er. Þar fyrir
utan eru oft notuð sams konar ílát
undir matvæli og kemísk efni sem
getur vitaskuld verið stórvarasamt,
sérstaklega þar sem börn eiga í
hlut. Þess eru ótal dæmi að íslensk-
ar umbúðir séu þannig úr garði
gerðar. Eg fór utan með nokkur
sýnishorn með mér og lét fagmenn
geta sér til um hvert innihaldið
væri og ollu umbúðirnar oft miklum
misskilningi. Hér er talsvert um
staðlaðar umbúðir, dósir og brúsa,
utan um mismunandi varning.
Reyndar held ég að það sé sparað
of mikið á þessu sviði hér heima.“
— En auglýsingagerð hér heima
almennt?
„Hér má sjá mjög góðar sjón-
varpsauglýsingar, fyllilega sam-
keppnishæfar við þær erlendu, ef
ekki betri sumar hveijar. Það virð-
ist vera lögð talsverð áhersla á grín
í auglýsingum, sem er gott, en að
mínu mati er ekki æskilegt að höfða
of oft til skopskyns neytandans.
Gildi vörunnar má ekki gleymast.
íslensk auglýsingagerð almennt er
sambærileg við heimsmarkaðinn."
— Hver eru atvinnutækifærin í
þínu fagi í París?
„Það eru miklu fleiri tækifæri
þar enda mikill fjöldi sérhæfðra
auglýsingafyrirtækja. Og þar eru
líkameiri möguleikar á því að starfa
sjálfstætt, eins og ég geri sem
stendur. Fólk þarf að leggja miklu
meira á sig þar en hér til þess að
komast inn á stofur. Maður þarf
alltaf að vera með möppuna undir
hendinni með sýnishom af verkum
sínum. Héma ræður oft miklu að
maður þekkir mann og þannig
kemst hann inn.“
Heimir hefur fullan hug á að
leggja Islendingum lið í hönnun
hverskonar umbúða á komandi
sumri, enda segir hann, eins og
margir sem slíkt reyna, að það skapi
vissa togstreitu að vera fjarri ætt-
jörð sinni svo ámm skipti.