Morgunblaðið - 04.04.1989, Blaðsíða 16

MORGUNBLAÐIÐ ÞRIÐJUDAGUR 4. APRÍL 1989
16
V estmannaeyjar:
Skipstjóri Danska
Péturs sýknaður
Vestmannaeyjum.
SKIPSTJÓRINN á Danska Pétri VE, sem ákærður var fyrir notkun
ólöglegra veiðarfæra í síðustu viku, var í gær sýknaður af ákærum
í héraðsdómi í Vestmannaeyjum.
í domi héraðsdóms kemur fram
að dómurinn véfengi ekki mælingar
varðskipsmanna, um stærð möskva
í poka Danska Péturs. Aftur á móti
þykir talið sannað að poki sá sem
Danski Pétur var með, var keyptur
sem þorskpoki, framleiddur af
Hampiðjunni og átti að vera með
möskvastærð 155 mm.
Við rannsókn kom fram að gam
það sem notað er í pokann getur
tútnað út ef sandur kemst inn í það
og við það geta möskvamir minnk-
að. Ekki sér dómurinn að skipstjór-
inn geti við þvílíku gert. í dómnum
kemur fram að allur skynsamlegur
vafi sé metin ákærða f hag og þar
sem ákæmvaldinu hafi ekki tekist
að sanna sekt hins ákærða þá sé
hann sýkn af öllum kröfum í málinu.
Dóminn kváðu upp Jón R. Þor-
steinsson héraðsdómari og með-
dómsmenn hans þeir Friðrik Ás-
mundsson skólastjóri Stýrimanna-
skólans og Finnbogi Ólafsson neta-
gerðarmeistari. Ríkissaksóknari
áfrýjaði dóminum strax til Hæsta-
réttar.
Jóel Andersen skipstjóri á Danska
Pétri sagði í samtali við Morgun-
blaðið í gær að hann væri ánægður
með niðurstöðu dómsins, og tryði
því ekki að honum verði hnekkt í
Hæstarétti. Strax þegar dómur varð
ljós í gærmorgun setti Emil Anders-
en útgerðarmaður, eigandi Danska
Péturs, flaggstöng á veiðarfærahús
bátsins og dró íslenska fánann að
húni. í samtali við Morgunblaðið
sagði Emil að hann fagnaði því að
réttlætinu væri fullnægt og flaggaði
því Eyjaflotanum til heiðurs. Hann
sagðist telja að þessi harka í yfír-
völdum vegna möskvastærðarinnar
væri tilkomin vegna umræðunnar
um smáýsudrápið fyrr í vetur og
töku Sigurvíkurinnar í framhaldi af
þyí- , _ .
Grimur
Baráttufimdur kennara á Hótel Borg:
Sitjum ekki undir
smánartilboðum
Morgunblaðið/Sigurgeir
Eigendur Danska Péturs flögg-
uðu á veiðarfærahúsfnu er er
niðurstaða dómara lá fyrir
'síðdegis í gær.
Urgur í Eyjamönnum
Vestmannaeyjum.
URGUR er í mörgum í Vest-
mannaeyjum vegna töku Danska
Péturs í síðustu viku, með raeint
ólögleg veiðarfæri. Skipstjórar
eru furðu lostnir og mikil óánægja
ríkir hjá netagerðarmeisturum.
Trollbátar frá Eyjum sigldu marg-
ir til hafnar í Vestmannaeyjum um
helgina til að láta mæla möskva-
stærð í veiðarfærum sínum. Menn
frá Hampiðjunni voru staddir í Eyjum
og mældu veiðarfæri skipanna. Flest
veiðarfæri reyndust hafa möskva-
stærð yfir leyfilegum mörkum en þó
munu hafa fundist einhver sem ekki
stóðust mælingu þó svo að þau væru
algjörlega óbreytt frá því þau komu
frá verksmiðjunni.
Skýringar á þessu munu vera þær
að polyetelín, efnið sem notað er í
trollin, getur tútnað út ef sandur
kemst á milli fléttaðra þráða efnis-
ins. Af þem sökum geta möskvamir
minnkað örlítið og því er möguleiki
á að þeir standist ekki stærðarmæl-
ingar samkvæmt reglum. Netagerð-
armeistarar í Vestmannaeyjum fun-
duðu í gær og búist er við áfram-
haldandi fundum hjá þeim í dag.
„Það er mikil óánægja ríkjandi hjá
okkur vegna þesa máls. Netagerð
er lögvemduð iðngrein en samt sem
áður e_r lítið tillit tekið til mælinga
okkar.í dómnum í máli Danska Pét-
urs var til dæmis stuðst við mæling-
ar varðskipsmanna frekar en mæl-
ingar sem netagerðarmeistarar í
Eyjum framkvæmdu á veiðarfærun-
um eftir að komið var með þau til
lands," sagði Birkir Agnarsson neta-
gerðarmeistari í samtali við Morgun-
blaðið í gærkvöldi. Hann sagði að
netagerðarmeistarar í Eyjum hefðu
ekki sagt sitt síðasta í þessu máli
og þeir mundu örugglega láta eitt-
hvað fara frá sér vegna þessa á
næstu dögum.
' Grímur
KENNARAR innan HÍK héldu
fimd á Hótel Borg í gærdag en
nú eru aðeins tveir dagar þar til
boðað verkfall þeirra á að skella
á. Lítil sem engin hreyfing hefur
verið á samningaviðræðum kenn-
aranna við ríkið og því allt útlit
fyrir að boðað verkfall komi til
framkvæmda.
Þrír fulltrúar HÍK fluttu erindi á
fundinum. Þau voru, auk Wincie
Jóhannsdóttur formanns HÍK, Sig-
urður Þór Jónsson og Bergljót
Kristjánsdóttir. Fundarstjóri var
Þuríður Jóhannsdóttir.
Erindi Wincie var nokkurs konar
hugvelqa um kennarastarfið al-
mennt sem orðið er mun flóknara
og erfiðara en áður með breyttum
þjóðfélagsháttum. Laun kennara
hafa hinsvegar, að mati hennar,
alls ekki haldist í hendur við þá
þróun. Hún nefndi sem dæmi að
fyrir um 30 árum var kaup þing-
manna miðað við kaup mennta-
skólakennara. í dag er kaup kenn-
aranna hinsvegar aðeins um 50%
af launum þingmanna.
Wincie sagði að allir viðurkenndu
að laun kennara væru of lág en
hinsvegar væri erfitt að fá leiðrétt-
ingu á þeim. Hún gerði að sérstöku
umræðuefni þau svör sem kennarar
hafa fengið frá fjármálaráðherra í
samningunum. Hún nefndi sem
dæmi tvennt, að ráðherra bæri allt-
af fyrir sig hvað Vinnuveitendasam-
bandið væri að hugsa eða gera.
Einnig það að ráðherra hafi sagt
að fyrst kennurum fyndust laun
Albert Guðmundsson segir af sér þingmennsku:
Tel mig alla tíð hafa
verið í þjónustu fólksins
ALBERT Guðmundsson afsalaði sér þingmennsku í gær, til að taka
við embætti sendiherra íslands í Frakklandi. Gtert er ráð fyrir að
hann taki við embættinu á sunnudag. Guðrún Helgadóttir forseti
sameinaðs þings, las bréf frá Albert þessa efiiis á fiindi sameinaðs
þings í gær, og sagði síðan, að þar væru þingmenn að kveðja einn
litríkasta stjórnmálamann íslenskan á síðari tímum, og þótt hann
væri umdeildur væri ekki deilt um góðgirni hans. Við þingsæti
Alberts tekur Benedikt Bogason verkfræðingur.
Albert Guðmundsson tók sæti á hafi ekki lengur í neitt hús að
Alþingi árið 1974, og hefur því
setið þar í 15 ár. í samtali við
Morgunblaðið sagði hann, að
margs væri að minnast frá þeim
tíma. Hann nefiidi aðförina að Ól-
afi Jóhannessyni þáverandi dóms-
málaráðherra, í tengslum við
Geirfinnsmálið. Þá sagði Albert að
atburðimir í tengslum við Hafskip
og Útvegsbankann, sem leiddu til
brottfarar hans úr Sjálfstæðis-
flokknum, liðu sér aldrei úr minni.
„Ég taldi mig hafa unnið hjá
Hafskipi og Útvegsbankanum af
miklum heilindum og því var það
áfall að Hæstiréttur skyldi, að
beiðni Alþingis, setja á sérstaka
rannsóknamefnd til að kanna þátt-
töku mína í málum sem komu ekki
upp fyrr en 2-3 árum eftir að ég
hætti í Útvegsbankunum. Þessi
mál öll eru auðvitað þess eðlis að
éggleymi þeim aldrei.
A hitt verður svo einnig að líta,
að samstarf mitt við þingmenn,
hvar í flokki sem þeir eru, hefur
verið með ágætum og aldrei verið
persónuleg illska þar á bak við,
þótt ég hafi verið harður í hom
að taka og. miskunnarlaus í tali.
Ég hef eignast ágæta kunningja í
þinginu og ber mikla virðingu fyr-
ir þeirri stofnun."
—Þú hefur sjálfur skilgreint þig
sem fyrirgreiðslupólitíkus.
„Það er eitt af því sem ég kvíði,
að það fólk sem leitað hefur til
mín með alls konar fyrirgreiðslu,
venda. Ég tel mig hafa verið í þjón-
ustu fólksins alla tíð, og ég tel
miður, að ekki skuli vera meira
um fyrirgreiðslupólitíkusa en raun
ber vitni. Pólitík er ekki aðeins að
biðja fólkið að gera eitthvað fyrir
þig; þú verður að gera eitthvað
fyrir fólkið og þjóðina allan
tímann.
Það sagði við mig stúlka áðan,
sem vinnur hér á Alþingi: Hver á
nú að sinna litla fólkinu? Mér þyk-
ir vænt um að heyra, að hún hefur
tekið eftir því, að það sem hún
kallaði litla fólkið, kom mikið hing-
að til mín. Ég harma aðeins að
hafa ekki getað gert miklu meira
fyrir þetta fólk en ég gerði.
Ég vil nota tækifærið og þakka
þeim sem hafa stutt mig og staðið
með mér gegnum þykkt og þunnt.
Ég hef átt mjög traustu og góðu
fylgi að fagna og að því hefur
verið mikill styrkur á erfiðum
stundum, og fyrir það er ég þakk-
látur."
—Þú ferð úr stjómmálunum á
umbrotatímum, bæði í landsmál-
unum og eins hefur verið kalt milli
þín og Borgaraflokksins sem þú
stofnaðir.
„Ríkisstjómin virðist nú ætla að
krafsast í gegnum hvert stórmálið
á fætur öðm, og Stefán Valgeirs-
son hafði rétt fyrir sér þegar
stjómin var mynduð, þegar hann
talaði um huldumenn á Alþingi.
Huldufólkið hefur bjargað stjóm-
inni hingað til, og það kæmi mér
ekkert á óvart þó að huldufólki
héldi áfram að starfa eins og það
hefur starfað.
Hvað Borgaraflokkinn varðar,
þá vék hann frá þeirri stefnu sem
ég hafði þegar ég stofnaði flokk-
inn. Það varð til þess að ég sagði
af mér formennsku, því það er
óhæft að lenda sem formaður í
minnihluta í stórum málum, eins
og stjómarmyndunarviðræðum, og
vita ekki einu sinni að þær séu í
gangi. Ég hef heldur ekki skipt
mér af flokknum síðan ég sagði
af mér formennsku og ekki mætt
þar á þingflokksfundi.
—Kemur til greina að þú gangir
til liðs við Sjálfstæðisflokkinn aft-
ur?
„Ég útiloka það ekkert, því að
ég er sami sjálfstæðismaðurinn og
ég hef alltaf verið. Ég er jafn mik-
ill sjálfstæðismaður nú, og þegar
ég var ráðherra fyrir Sjálfstæðis-
flokkinn. Ég hef notið mikils trún-
aðar í Sjálfstæðisflokknum, og
hafði mikla ánægju af að starfa í
honum, og það olli mér mikilli sorg
að þurfa að fara úr honum," sagði
Albert og bætti við, að það væri
alls ekki útilokað að hann tæki
þátt í íslenskum stjómmálum
síðar.
Um sendiherraembættið sagði
Albert að það starf væri ekki svo
ólíkt stjómmálunum hér heima.
„Ég hef verið að lesa mér til
um upphaf og tilgang þeirra stóru
stofnana, sem ég kem til með að
starfa í fyrir íslands hönd og þar
koma máí upp, eru rædd og tekin
til þeirra afstaða, rétt eins og í
stjórnmálunum hér. Ég verð auð-
vitað að vera trúnaðarmaður ut-
anríkisráðherra á hveijum tíma,
og ég kvíði því ekki, að taka fyrir-
Albert Guðmundsson.
fram á mig ábyrgð á þeim ákvörð-
un sem þeir menn taka, þar sem
allir kjömir fulltrúar á Alþingi,
hvar sem þeir eru í flokki, starfa
þar af heilindum með hag þjóðar-
innar í huga,“ sagði Albert.
Albert Guðmundsson er heima-
vanur í Frakklandi en hann lék
knattspymu með þremur frönsk-
um liðum, á sjötta áratugnum,
Nancy, Racing Club í París og
Nice og þekkir því vel til lands og
þjóðar.
„Ég tel mig hafa verið ákaflega
heppinn að hafa átt þess kost að
vera í Frakklandi, ferðast þar um
og kynnast fólki. Ég hef haft sam-
band gegnum franska sendiráðið
allt frá því ég kom heim 1956, og
hef raunar verið konsúll fyrir
FVakka frá 1964.“
—Fylgist þú enn með frönskum
fótbolta?
„Já ég fylgist enn vel með
frösnkum fótbolta, og hef gert frá
því ég hætti að spila þar sjálfur.
Vinir mínir í Frakklandi hringja
oft í mig um helgar til að segja
mér fréttir úr fótboltanum, sér-
staklega ef þeir hafa unnið sigra
sjálfir sem þeir verða að segja frá,“
sagði Albert Guðmundsson.
sína svona slöpp ættu þeir að leita
að annari vinnu. „En það eru tak-
mörk fyrir því hvað hægt er að láta
bjóða sér. Við megum ekki enda-
laust sitja undir smánartilboðum og
ég tel að við eigum fyllilega kröfu
á því að fá mannsæmandi laun
miðað við mikilvægi starfa okkar,“
sagði Wincie
Sigurður Þor Jónsson, sem er
formaður Svæðafélags Reykjavíkur
og nágrennis, greindi frá tilhögun
verkfallsvörslunnar. í síðasta verk-
falli var húsnæðið með stjóm vörsl-
unnar athvarf en því nafni verður
nú breytt í baráttumiðstöð. Hún
verður til húsa í Sóknarsalnum við
Skipholt.
Ér hér var komið sögu kvaddi
Svanhildur Kaaber formaður Kenn-
arasambands íslands hljóðs á fund-
inum. Hún vildi koma á framfæri
því sem KÍ ætlar að gera til styrkt-
ar baráttu HÍK. Aðgerðir KI eru
meðal annars fólgnar í 1 milljón
króna gjöf úr Kjarabaráttusjóði KÍ
til verkfallssjóðs HÍK. Standi verk-
fallið enn yfir 13. apríl n.k. munu
aðrar 2 milljónir króna renna til
verkfallssjóðsins. Sagði Svanhildur
að KÍ væri reiðubúið til að veija
allt að eins árs vaxtatekjum Kjara-
baráttusjóðsins til styrktar HÍK.
Þá gat hún einnig þess að undir lok
apríl, stæði verkfallið enn, yrðu
svæðisbundnar aðgerðir af hálfu
KÍ settar í gang. Klöppuðu fundar-
menn ákaft við þessum tíðindum.
Síðust á mælendaskrá var Berg-
ljót Kristjánsdóttir. Hún sagði m.a.
að verkfallið væri þegar orðið að
veruleika í fjármálaráðuneytinu.
Þótt að nú væri komin upp erfíð
staða í málinu hefðu kennarar innan
HÍK verið í mjög erfiðri stöðu fyrir
og ekki séð sér annað fært en boða
til verkfalls.
í máli Bergljótar kom fram að
kennarar mættu búast við mikilli
gagnrýni meðan á verkfallinu stæði.
Hinsvegar mættu þeir ekki leggja
á flótta ef hillti undir átök og ekki
lyppast niður ef á reyndi og hrökkl-
ast úr verkfallinu án þess að ná
fram verulegum umbótum.
Fjármálaráðherra:
Erfitt að
lesa Þjóð-
viljann
„ÉG VERÐ nú að játa það að ég
vissi ekki alveg hvernig ég átti
að lesa Þjóðviljann síðastliðinn
laugardag í tvöfalt stærra broti
en veiyulega," sagði Ólafiir
Ragnar Grímsson fjármálaráð-
herra í samtali við Morgunblaðið
um leiðara Þjóðviyans firá síðast-
liðnum laugardegi. í leiðaranum
kom firam hörð gagnrýni á störf
ríkisstjórnarinnar undanfarna
sex mánuði og stjórnarþátttöku
Alþýðubandalagsins.
„Sumt var nú greinilega
aprílgabb og annað ekki,“ sagði
ijármálaráðherrann. Hann var
spurður hvort hann teldi að leiðar-
inn hefði verið aprílgabb: „Ég skal
nú ekkert um það segja. Hann var
vel skrifaður og margar góðar
hugsanir þar. Auðvitað er það hár-
rétt með þessa ríkisstjóm eins og
aðrar að margt hefði mátt takast
betur. Hins vegar var ljóst að hér
myndi koma nokkuð erfiður milli-
kafli eftir að verðstöðvunartímabil-
inu Iauk. Þessum millikafla er nú
senn að ljúka og nýtt sóknartíma-
bil að hefjast," sagði Ólafur Ragnar
Grímsson.