Morgunblaðið - 14.01.1990, Page 18

18 C
MORGUNBLAÐIÐ SUNNUDAGUR 14. JANÚAR 1990
HÖIDÐPAVRAR
HÁRGREmSLUWR
BHÓSI
öll heimilistæki sem völ er á.“
— En þú lokar þetta allt inni í
skápum?
„Já, þetta er~.svo ljótt, tæknin
mætti vera fallegri," svarar hann
að bragði. „Og þegar ég fæ stóra
og mikla bók í hendurnar þá hugsa
ég oft með mér hvað það væri nú
gott ef ég gæti fengið þetta efni á
tveimur myndbandsspólum svo ég
gæti afgreitt þetta á einu kvöldi.
Eg les nú alltaf eitthvað en þó
ekki mikið, aftur á móti hlusta ég
oft á tónlist, helst sígilda en þó
ekki óperur. Þær eru allar á ítölsku
og mér finnst óþolandi að skiija
ekki textann. Hins vegar get ég
hlustað á hana Edith Piaf þótt ég
skilji ekkert hvað hún er að segja,
og ég á allt plötusafnið hennar.
Tsjajkovskíj er þó mitt uppáhald og
á hann hlusta ég ef ég er sorg-
mæddur.“
Ég spyr hann hvort hann sé trú-
aður.
„Þegar menn spytja mig að
þessu, þá kemur alltaf litla ljóðið,,-
Trúðu á tvennt í heimi“ upp í huga
mér,“ segir hann. „Ég ólst upp hjá
ömmu minni tii fimmtán ára aldurs
og hún útskýrði fyrir mér guðsótt-
ann, en notaði hann meira sem sið-
fræði. Hún þröngvaði aldrei neinu
upp á mig, og það hefur verið regia
hjá mér að gera það heldur ekki
við aðra.
Ef ég hugsa um dauðann þá
mundi ég helst vilja deyja eins og
ég sofna á kvöldin, loka bara aug-
unum. Þegar móðir mín dó gat ég
ekki hugsað mér að setja „hinstu
kveðju" á kransinn hennar, setti
„góða nótt“.
Veistu, fólk notar ails kyns að-
ferðir þegar það getur ekki sofnað
á kvöldin, fær sér heita mjólk eða
tekur inn eitthvað róandi, ég nota
einfalda aðferð, ég læt bara aftur
augun.“
Ljósið
Brósi er alltaf að föndra eitt-
hvað; á jólatrénu hans, sem var
tveggja metra hátt, var allt skraut-
ið unnið eftir hann. Litlir englar
meðal annars sem hann hafði
skreytt með hári „kúnnanna“. „Já
þetta er af henni Ellu minhi og
þetta af henni Siggu minni," segir
hann og sýnir mér þetta allt saman.
Verður svo hugsi og segir: „Ég
lít á fag mitt sem list, og ég er
með besta leirinn í heimi í höndun-
um, — sem er fólk.“
Éinhver orka hlýtur að fara í það
að standa allan daginn og gera fólk
fallegt um leið og stöðugum sam-
ræðum er haldið uppi, og ég spyr
Brósa hvaðan hann fái nú kraftinn,
hvort hann borði eitthvað sérstakt?
„Pakka af harðfiski á dag, svo
borða ég óhemju mikið hér heima
þótt ég sé nú matvandur. Og smá-
munasamur og vanafastur," bætir
hann við og gýtur augum á konu
sína.„Nú svo er ég allur í sælgæt-
inu. Sjáðu,“ segir hann, flýgur á
fætur eins og honum er gjarnan
tamt og opnar einn skápinn: „Ég
safna sælgæti! Krakkarnir sem
koma hingað eru alveg vitlausir í
nammiskápinn minn!
Ég verð að hafa orkuna svo ég
komist _á leiðarenda. Hvert, veit ég
ekki. Ég er kannski á stöðugu
„egotrippi", sé ætíð ljós einhvers
staðar. Það er svo margt skemmti-
legt sem getur gerst, og alltaf
leggst mér eitthvað til!
Ég geri engar sérstakar kröfur
til lífsins, en hugsa oft hvaða kröf-
ur gerir lífið til mín. Ég reyni alltaf
að vinna það besta úr því sem hver
dagur gefur mér.
Eitt þykir mér mikilvægt, og það
er að fólk hafi rétt á því að skipta
um skoðun. Það er líka stórkostlegt
að hafa sterka réttlætiskennd. Geta
fyrirgefið öðrum. En það er nú
kannski erfiðast að koma því ofan
í sálina."
DÍDDI
Góður dagur
Dúddi segist alltaf keppa að ein-
hverju marki. „Ef maður gerir það
ekki, þá er þetta búið. ísland er lítið
land og maður fær ekkert fleiri
viðskiptavini en þá sem fyrir eru.
Helst vil ég hafa stofuna mína litla,
þá eru „kúnnarnir" nær mér.
Þegar maður hefur náð langt í
greininni þá fer tíminn meira í það
að slípa handtökin. Ég líki hárinu
oft við leir, hárið verður eins og ég
móta það.
En maður er alltaf að læra eitt-
hvað nýtt. Kannski geri ég of mikl-
ar kröfur núna þegar ég vil útfæra
einhveija hugmynd, því ég hef kom-
ist að því, að það sem mér datt í
hug fyrst, er það besta.“
— Hvaðan sækir þú orkuna og
úthaldið í þetta daglega amstur?
„í náttúruna," svarar hann um-
svifalaust. „Annars er ég aldrei
þrejittur líkamlega, heldur er égoft-
„tómur“ eftir daginn. Vil helst sitja
og þegja þegar ég kem heim. Þetta
er krefjandi starf því maður er að
gefa af sér allan daginn. Það kem-
ur líka í hlut minn að halda uppi
góðu andrúmslofti á vinnustaðnum,
enda er ég spurður hvort það sé
eitthvað að mér ef ég þegi í vinn-
unni! Yfirleitt er ég léttur í lund,
en auðvitað getur eitt tímabil verið
erfiðara en annað.“
Oftvill það einkenna hárgreiðslu-
fólk hvað það er létt í skapi, og
kannski er skýringin sú að það er
alltaf að gera fólk fallegt,— sem
hlýtur að vera af því góða. En ætli
leiði og þunglyndi sæki aldrei að
því, eins og t.d. í janúar þegar jólin
eru búin og ekkert framundan nema
fasteignagjöldin og greiðslukorta-
reikningar?
„Jú, auðvitað læðist það að
manni,“ segir Dúddi. „En ég get
bara ekki leyft mér að verða þung-
ur eða leiður. Þá nota ég aukaork-
una til að ýta því í burtu. Og eftir
því sem ég verð eldri þá minnkar
þunglyndið, þetta amstur snertir
mig ekki eins mikið og áður.“
Dúddi segist nota einfalda aðferð
til að halda skapinu góðu. „Um leið
og ég vakna á morgnana," segir
hann og breiðir út faðminn, „þá
segi ég góðan daginn Dúddi, þetta
verður góður dagur hjá þér!“
Hamingjan
„Ég lít á mig sem listamann og
þeir sem eru að skapa eitthvað
þyrftu helst að vera lausir við allt
peningaþras og þess háttar. Það
hentar mér ekki að standa í slíku,
en ég kemst víst ekki hjá því.“
— Ertu gefinn fyrir lúxus?
„Hvað er lúxus? Mér líður vel
þegar ég fer til útlanda og er á
góðu hóteli og fæ gott að borða,
eru ekki allir þannig?
Ég vil bara hafa notalegt í kring-
um mig. Áður fyrr vildi ég eignast
stórt hús, en nú finnst mér stór hús
ópersónuleg. Mig hefur alltaf lang-
að til að eignast fínan bíl, en það
þarf að halda honum hreinum og
því nenni ég ekki. En það væri
meiriháttar lúxus að eiga
bóndabæ!"
Við horfum á ljósin í borginni, á
tjörnina og ráðhúsið sem er að rísa
og Dúddi segir að það hafi verið
ákveðin reynsla að læra að vera
með sjálfum sér. „Ég bjó einn um
tíma og fór þá oft í gönguferðir
kringum tjörnina á kvöldin. Mér
finnst gott að vera einn og þegja.
Eins og þegar maður er á hest-
baki, þá ert það bara þú og hestur-
inn.
Ég las líka mikið og hlustaði á
tónlist. Sígilda tónlist og sunginn
jass. Bestur þykir mér þó Verdi og
ég get hlustað endalaust á „La
Traviata“.“
— Áttu önnur andleg hugðar-'
efni?
„Ég stundaði hugleiðslu í tæpt
ár, einu sinni í viku. Það breytir
ýmsu, gefur ákveðna ró og jafn-
vægi.
Ég trúi fyrst og fremst á sjálfan
mig.
En Guð, er það ekki allt? Trúin
er orka sem þú átt að geta nýtt
þér. Ég er mjög næmur fyrir fólki,
finn strax hvernig því líður. Þegar
ég handfjatla hár konu finn ég í
höndunum hvort hún er í jafnvægi
eða ekki. Og svo eru það þessir
. straumar í loftinu, maður finnur
ef eitthvað nýtt er að koma, — fer
svo til Parísar tveimur mánuðum
seinna og sér það þar!“
- Hvaða kröfur gerir þú til lífsins?
„Þær að mér líði vel. Hamingja
er að eiga fjölskyldu þar sem'allir
standasaman. Hamingjan felstekki
eingöngu í peningum, svo mikið er
víst.
En reynsla mín er sú, að ef mað-
ur trúir á eitthvað þótt það sé Iangt
í burtu, þá kemur það á endanum."

TALSKOLINN
taltækni - framsögn - ræðumennska
Námskeið að hefjast.
Innritun daglega kl. 17-19
í síma 77505.
Gunnar Eyjólfsson.
&
SUMARDVÖL
106RU LIUDI
AFS á íslandi býður ungu fólki 6 vikna
sumardvöl og málanám sumarið 1990 í:
- Sviss, Italíu, Þýskalandi
og Frakklandi: 15-18 ára
- Bandaríkjunúm ogJamaika: 15-25 ára
Umsóknartíminn er frá 15. janóar til 15. febrúar.
Skrifstofan er opin frá kl. 14-17 virka daga.
m Á ÍSL4NDI
Alþjóðleg fræðsla og samskipti
Skúlagötu 61 Pósthólf 753, IS-121 Reykjavík, s:25450
t
Vorönn 1990
Innritun í prófadeildir
AÐFARARNÁM:
Jafngilt námi í 7. og 8. bekk grunnskóla (1. og 2. bekk
gagnfræðaskóla). Ætlað þeim, sem ekki hafa lokið ofan-
greindu eða vilja rifja upp og hafa fengið 1-3 á grunn-
skólaprófi.
FORNÁM:
Jafngildir grunnskólaprófi og foráfanga á framhalds-
skólastigi. Ætlað fullorðnum sem ekki hafa lokið gagn-
fræðaprófi og unglingum sem ekki hafa náð tilskildum
árangri á grunnskólaprófi, (fengið 4 í einkunn.)
SJÚKRALIÐABRAUT - HEILSUGÆSLUBRAUT:
Forskóli sjúkraliða, 2 vetur.
UPPELDISBRAUT:
2ja vetra nám með hagnýtum valgreinum.
VIÐSKIPTABRAUT:
2ja vetra nám með hagnýtum valgreinum.
MENNTAKJARNI:
Þrír áfangar kjarnagreina, íslenska, danska, enska og
stærðfræði, auk þess þýska, hollenska, félagsfræði,
efnafræði og eðlisfræði. Framhaldsskólastig. Ætlað
þeim sem eingöngu óska eftir þessum greinum.
Nám í prófadeildum er allt frá 1 önn í 4 annir, hver önn
er 13 vikur og er kennt 4 kvöld í viku.
Kennsla fer fram í Miðbæjarskóla og Laugalækjarskóla.
Skólagjald fer eftir kennslustundafjölda og greiðist fyrir-
fram mánaðarlega.
Kennsla hefst 22. janúar nk.
INNRITUN FER FRAM í MIÐBÆJARSKÓLA, Fríkirkju-
vegi 1, 18. og 19. janúar nk. kl. 17-20.
Nánari fyrirspurnum svarað í símum 12992 og 14106.
Skrifstofa Námsflokkanna er opin virka daga kl. 10-19.
INNRITUN í ALMENNA FLOKKA (TUNGUMÁL OG
VERKLEGAR GREINAR) FER FRAM 24. ÖG 25. JANÚAR
NK.
NÁNAR AUGLÝST SÍÐAR.
Forstöðumaður