Morgunblaðið - 07.02.1990, Side 18

18
MORGUNBLAÐIÐ MIÐVIKUDAGUR 7. FEBRÚAR 1990
Framtíd Stöðvar 2 byggist á
því að opna hana upp á gátt
- segir Jón Ottar Ragnarsson
JÓN Ottar Ragnarsson forsljóri Stöðvar 2 segir að framtíð stöðvarinn-
ar ráðist af því hvort tekst að opna fyrirtækið upp á gátt og gera það
að almenningshlutafélagi.
Jón Óttar, Hans Kristján Áma-
son og Ólafur H. Jónsson lögðu
fram 150 milljóna króna hlutafé í
Stöð 2 á mánudag. Þetta kom nokk-
uð á óvart, því þeir Jón Óttar og
Hans Kristján höfðu lýst því yfir,
að forsendur þeirra fyrir hlutafjár-
loforði væru gjörbreyttar, þar sem
nýr meirihluti hefði verið myndaður
í Stöð 2.
„Það er hárrétt að allar aðstæður
voru í raun gerbreyttar," sagði Jón
Óttar Ragnarsson í samtali við
Morgunblaðið. Við lögðum þessa
peninga einfaldlega fram vegna
þess að við viljum hag fyrirtækisins
sem mestan, auk þess sem við höfð-
um skuldbundið okkur og viljum
standa við orð okkar. Vandinn er
sá að fyrirtækið þarf miklu meira
fé en þær um það bil 100 milljónir
sem nýju hluthafamir hafa nú þeg-
ar lagt inn í fyrirtækið,“ sagði Jón
Óttar.
Hann vildi ekkert segja um
framtíð sína innan Stöðvar 2. „Að-
alatriðið er að styrkja fyrirtækið
og kveða niður allar óraunhæfar
hugmyndir um blokkir, klíkur og
ímyndaðan meirihluta, sem gera
ekkert annað en að fæla nýja hlut-
hafa frá því. Verði Stöð 2 ekki
gerð að opnu almenningshlutafélagi
með almennri þátttöku atvinnulífs-
ins, almennings og áskrifenda
Stöðvar 2 er verið að bjóða hætt-
unni heim. Meginverkefni okkar
þremenninganna er að tryggja að
þetta takist.“
—Þýða þessar hugmyndir um
almenningshlutafélag og að enginn
hafí meirihluta ekki að þið emð
einfaldlega að reyna að ná félaginu
aftur undir ykkur?
„Á Stöð 2 hefur frá upphafi eng-
inn átt meirihluta í félaginu og
þannig verður það að vera eigi fé-
lagið að laða til sín það fjármagn
og starfskrafta sem það þarf á að
halda, enda nýtast þá hugmyndir
bestu manna á hverjum tíma,“ sagði
Jón Óttar.
Þegar hann var spurður hvort
ekki yrði erfítt fyrir þá hópa, sem
nú eiga hlutafé Stöðvar 2, að vinna
saman, eftir það sem á hefur geng-
ið, sagði hann að væru menn sam-
mála um markmiðin, góða dagskrá,
ánægða áskrifendur og mikla arð-
semi sæi hann engin ljón í veginum.
„Sjálfur verð ég hins vegar aldr-
ei neinn jámaður sérhagsmunahópa
og reyni einhverjir að hindra opnun
félagsins fyrir almenning gæti vel
slegið í brýnu, Ég á þó ekki von á
því. Þannig hefur t.d. einn stærsti
hluthafínn úr hópi nýrra hluthafa,
Haraldur Haraldsson, þegar lýst því
yfír að hann sé á sömu línu og ég
veit að margir aðrir úr þessum hópi
eru sama sinnis."
—Margir hafa talað um bruðl og
óráðsíu á Stöð 2 og þú hefur mót-
mælt slíku í viðtölum. En er það
,ekki merki um að slíkt hafí átt sér
stað, þegar nú þarf að skera niður
í rekstri og herða aðhald verulega?
„Það var aldrei neitt bruðl á Stöð
2, á meðan ég réði þar, hvað sem
£ Korkr o 'Plast
Sœnsk gœðavara í 25 6r.
KOttK O PtAST ei mefl sbtsærta v»Vhúfl og noufl 4 góU vrm mrtoö
mjcöu i. svo i«ti i nugstOðvum og á tjúkrahújum
KORK O PtAST er auövrt að þrífa og þJtgtlegt er að ganga 4 pvf.
SAtega hentugt fyrtr vtnnuaaðí. banfca og optnberar sk/thtofur
KOBK O PIAST tyggir efctó upp jpermu og er mikiO notafl f
tflMjherberg)um
KOttK O PLAST bnt f 13 mtvnunandi koncmynjmjm
Geansae. Blitsterk
og auðbrffanteg
vinyt-filma
Rakavsmarhúð
I köntum.
StartrtvlnyUindjrtag'^^ Fjaörandi kortoir
EF PÚ BYRÐ Cm A LANOt PÁ SENDUM VK) ÞÉR ÓKEYPtS
SÝNSHOBN OG ■ÆKUNG-_____________________________
þ. ÞORGRIMSSON & CO
síðar verður. í þriggja og hálfs árs
sögú fyrirtækisins hefur aðhald í
fjármálum verið aukið jafnt ogþétt.
Ástæðan fyrir því að hægt var að
draga enn frekar úr kostnaði, var
einfaldlega sú að uppbyggingu fyr-
irtæksins er lokið og nfrgildir ein-
göngu að endurheimta þá jákvæðu
ímynd sem stöðin hafði áunnið sér.
Fram til þessa höfum við náð
gífurlegum árangri í að skera niður
kostnað, enda leitað með logandi
ljósi að sérhveijum „fitukeppi".
Þannig hefur kostnaður við dag-
skrárgerð til dæmis oftast verið um
helmingur á við dagskrárgerð
Ríkissjónvarpsins á hvem þátt.
Framleiðsla fréttastofunnar okkar,
miðað við starfsmann, er um tvöf-
alt meiri en hjá ríkissjónvarpinu.
Við borgum að jafnaði helmingi
lægri upphæð fyrir erlent efni en
RUV, o.s.frv. Öllu neðar held ég
að ekki verði hægt að komast.
Hins vegar er það eðli sjónvarps-
stöðva að fjárfesta í hugmyndum
og verkefnum sem af og til fara
fram úr kostnaðaráætlun. Sjón-
varpsstöð verður alltaf að hafa þá
ímynd að ekkert sé til sparað, án
þess að það sé í raun sannleikanum
samkvæmt."
—Hvemig stendur þá á því, að
um leið og áskrifendum Stöðvar 2
hefur fjölgað og grunnurinn styrkst
hefur áskriftargjaldið hækkað vem-
lega?
„Það er einfaldlega vegna þess
að fjármagnskostnaður fyrírtækis-
ins hefur auðvitað aukist jafnt og
þétt, en hann mun lækka í beinu
samræmi við aukið hlutafé. Franska
stöðin Canal Plus lenti í sama
vandamálinu. Eftir 3 ára rekstur
var stöðin farin að skila hagnaði
og tekjumar orðnar tryggar, en
skuldimar vom að sliga fyrirtækið.
Forstjóri stöðvarinnar, Rousselet,
er góður vinur Mitterands Frakk-
landsforseta, sem sá til þess að
fyrirtækið fengi langtímalán í
þremur frönskum bönkum til að
brúa bilið. Nú er Canal Plus öflug-
asta fjölmiðlafyrirtæki Evrópu og
metið á 19 milljarða franka.
Það var á þessum gmnni, sem
við ákváðum að leita eftir ríkis-
ábyrgð fyrir áramótin, í ljósi þess
hve ástandið í íslensku atvinnulífí
er bágborið. Árið 1989 seldust
hlutabréf í öllum íslenskum fyrir-
tækjum fyrir um 400 milljónir sam-
anlagt. Við þurftum hins vegar að
safna hlutafé í eitt einasta fyrir-
tæki fyrir 500 milljónir og það á
örskömmum tíma.
Vegna þessa stefndum við alltaf
að því að fá erlent fjármagn inn í
stöðina. Við vomm í nóvember bún-
ir að gera samning við bandarísku
sjónvarpsstöðina NBC, sem hefði
skilað fyrritækinu 550 milljónum í
peningum fyrir aðeins 10% hlut í
stöðinni. Vegna íhlutunar innlendra
aðila, sem ég er ekki tilbúinn að
nafngreina á þessari stundu, gekk
sá samningur úr skaftinu og því fór
sem fór,“ sagði Jón Óttar.
Hlutafjáraukning Stöðvar 2 og
yfírtaka nýrra eigenda hefur vakið
mikla athygli og umtal. Þegar Jón
var spurður hvort það hafi ekki
haft neikvæð áhrif á fyrirtækið,
sagðist hann ekki vera í bestri að-
stöðu til að dæma um það. „En
auðvitað hefur þetta mál verið
ákveðið áfall fyrir ímynd Stöðvar
2. Okkur var t.d. ljóst, þegar við
leituðum til ríkisstjómarinnar
myndu gögn um stöðina komast í
hendur fjölda manns, og kveikja
ótal kjaftasögur.
Þær virðast svo flestar hafa rat-
að inn í grein í tímaritinu Heims-
mynd. Blaðamennska af þessu tagi,
þar sem 90% eru heimildarlausar
gróusögur og 10% sannleikur er
eftir því sem ég veit, einstæð í heim-
inum. Þar sem ég þekki til erlend-
is, þar sem réttarkerfíð er mun virk-
ara en hér, myndu svona rugl kalla
á langvinn málaferli.
í greininni er meðal annars talað
um erfítt hafí verið að hemja mig
og mín dagskrárgerð tekin sem
dæmi. Ég leit á það sem mitt hlut-
verk sem sjónvarpsstjóra Stöðvar
2, að taka þátt í dagskrárgerð
stöðvarinnar, rétt eins og ritstjóra
dagblaðs ber skylda til að leggja
blaðinu efni.
Hins vegar hefur mín dagskrár-
gerð fyrir utan að vera sú ódýrasta
og varanlegasta, aldrei farið yfír
15% af fjárhagsáætlun dagskrár-
gerðarsviðs að jafnaði, eins og dag-
skrárgerðarstjóri Stöðvar 2 getur
staðfest.
Í greininni er talað um að 20
manns hafi notað kreditkort á veg-
um fyrirtækisins eftirlitslaust.
Þetta er aðeins enn eitt dæmið um
það tilhæfulausa rugl sem gengið
hefur manna á milli og lapið er upp
í þessari grein. Ég átti að hafa
boðið einhveijum kaupsýslumanni
far á flugvelli í London í Rolls Ro-
ice. Þar sem ég hef ekki enn stigið
fæti inn í slíkan bíl hlýtur sú spurn-
ing að vakna hvar fírrur af þessu
tagi kvikna.
Það er sagt að menn hafí keypt
bfla á auglýsingareikningum til eig-
in nota. I 150 manna fyrirtæki
koma alltaf við og við upp sú staða,
að einhveijir reyni að misnota að-
stöðu sína. í því eina tilviki þar sem
þetta var reynt hygg ég stjórn fyrir-
tækisins hafi gripið í taumana með
Jón Óttar Ragnarsson.
þeim hætti að engan myndi dreyma
um að reyna slíkt aftur.
Mér er í sjálfu sér sama um hvað
sagt er um mig. En þama er verið
að reyna að draga vini mína niður
í svaðið. Það er til dæmis gefið í
skyn að Valgerður Matthíasdóttur
hafí notað einhverra óverðskuld-
aðra fríðinda innan fyrirtækisins.
Hún einfaldlega stofnaði það með
mér ásamt Hans Kristjáni Árnasyni
og átti stóran þátt í að fá menn á
borð við Pál Magnússon til liðs við
okkur. Auk þess hannaði hún allar
innréttingar Stöðvarinnar. Þar að
auki nýtur hún sívaxandi vinsælda
sem dagskrargerðarmaður. Þá er
birt mynd af sumarbústaðnum
mínum, sem ég erfði eftir föður
minn, og hann er tekinn sem dæmi
um bruðl mitt á Stöð 2 og þannig
mætti lengi telja.
Þá er sú saga sögð, að ég hafi
lofað einhveijum stjómmálamönn-
um að reka tiltekna fréttamenn af
Stöð 2, til að hafa þá góða. Ýmsir
hömndssárir stjórnmálamenn hafa
að vísu margsinnis kvartað yfír ein-
stökum fréttamönnum á Stöð 2, en
ég hef aldrei heyrt nokkum þeirra
fara fram á það að þeir verði rekn-
ir. Sú staðreynd að fréttastofa
Stöðvar 2 er líklega sú sjálfstæð-
asta á landinu, vona ég að nægi til
að kveða niður þvætting af þesu
tagi í eitt skipti fyrir öll.
Sú gryfja sem Herdís Þorgeirs-
dóttir ritstjóri Heimsmyndar hefur
lent í, er að birta fjölmargar gróu-
sögur um Stöðina án minnstu við-
leitni til að leita traustra heimilda.
Ég segi eins og Steinn Steinarr
sagði um Kristmann Guðmundsson
þegar hann skrifaði Félagi kona
árið 1947: Með þessari bók er Krist-
mann Guðmundsson „búinn að
vera“ sem kallað er,“ sagði Jón
Óttar.
Hann hefur nú gert samning við
bókaútgáfuna Iðunni, um að skrifa
bók um Stöð 2. Þýðir það ekki að
hann sé búinn að ákveða að segja
skilið við fyrirtækið?
„Síður en svo. Um það hefur
ekkert verið ákveðið. Hinsvegar er
þessi saga öll þess eðlis, að ég hygg
að marga muni setja hljóða, þegar
hún verður birt í heild. Ég lít í raun:
inni á þetta sem þríþætt verk. í
fyrsta lagi að skrá sögu þessa fyrir-
tækis. í öðm lagi að skrifa einskon-
ar handbók um sjónvarpsrekstur
og í þriðja lagi er ég að gera þessa
sögu upp við sjálfan mig hvort sem
ég verð áfram viðloðandi fyrirtækið
eða ekki. Það á margt eftir að ger-
ast þarna og ég verð án efa að
skrifa um atburðarásina fram á
síðasta dag. Og ég vona að bókin
verði ekki svo lengi í vinnslu, að
•hún verði orðin úrelt þegar hún
kemur út.“
GSH
Morgunblaðið/Sigurður Jónsson
Slakað á milli æfinga í sófanum á einni setustofunni á Hótel Örk. Lilja Georgsdóttir, Dís Sigur-
geirsdóttir, Hildigunnur Skúladóttir, Inga Kristín Guðlaugsdóttir, BrynhUdur Fjóla Hallgríms-
dóttir og Þuríður Edda Skúladóttir.
Ungfrú Suðurland valin
næstkomandi laugardag
Selfossi.
SEX stúlkur taka þátt í keppninni um titilinn Ungfrú Suðurland
sem fram fer á Hótel Örk næstkomandi laugardagskvöld. Sú stúlka
sem sigrar tekur þátt í keppninni um titiUnn Fegurðardrottning
íslands i apríl n.k.
Stúlkumar hafa að undanförnu
verið við æfíngar á hinum ýmsu
þáttum sem kunna þarf skil á í
keppni sem þessari. Stúlkurnar
sem taka þátt í keppninni em: Lilja
Georgsdóttir, Rangárvallasýslu,
Dís Sigurgeirsdóttir, Vestmanna-
eyjum, Hildigunnur Skúladóttir,
Flúðum, Inga Kristín Guðlaugs-
dóttir, Rangárvallasýslu, Brynhild-
ur Ejóla Hallgrímsdóttir, Selfossi,
og Þuríður Edda Skúladóttir,
Laugarvatni.
Fegurðarsamkeppnin hefst með
fordrykk á Hótel Örk klukkan
19.00 og kvöldverði þar á eftir.
Meðal skemmtiatriða verður kaba-
rett undir stjórn Ástrósar Gunnars-
dóttur. Hljómsveitin Galileo leikur
fyrir dansi.
Stúlkumar koma fram í mis-
munandi klæðnaði en krýning
ungfrúr Suðurlands fer fram á
miðnætti. Heiðrún Perla Heiðars-
dóttir, ungfrú Suðurland 1989, sér
um krýninguna. Auk þess verður
valin vinsælasta stúlkan úr hópn-
um og ljósmyndafyrirsæta Suður-
lands.
Heiðursgestur kvöldsins verður
Eiður Eysteinsson sem kjörinn var
Herra ísland 1989.
— Sig. Jóns.