Morgunblaðið - 07.02.1990, Síða 31

MORGUNBLAÐIÐ MIÐVIKUDAGUR 7. FEBRÚAR 1990
31
Alþjóðadagur leiðsögumanna:
Þekkir þú landið þitt?
eftir Birnu B.
Bjarnleifsdóttur
Miðvikudaginn 21. febrúar nk.
verður haldinn Alþjóðadagur leið-
sögumanna. Þann dag munu leið-
sögumenn í öllum heimsálfum bjóða
almenningi upp á ókeypis skoðunar-
ferðir um nágrennið til að rifja
upp eða kynnast sögu næsta um-
hverfis. Einnig munu félög leiðsög-
umanna boða til fræðslufunda fyrir
félagsmenn sína eða efna til ein-
hvers konar uppákomu sem vekja
mun athygli á starfi leiðsögu-
manna. Alþjóðadagur leiðsögu-
manna er haldinn til að undirstrika
mikilvægi leiðsögustarfsins, ekki
einungis innan ferðaþjónustunnar
heldur einnig og ekki síður til að
stuðla að varðveislu þjóðlegs menn-
ingararfs.
Islenskir leiðsögumenn munu
taka þátt í Alþjóðadegi leiðsögu-
manna með því að efna til félags-
fundar miðvikudaginn 21. febrúar
nk. þar sem haldnir verða fyrirlestr-
ar um niðurstöður fornleifarann-
sóknanna í Herjólfsdal í Vest-
mannaeyjum sem hugsanlega kaíla
á endurskoðun á upphafi sögu
okkar. Vigdís Finnbogadóttir, for-
seti íslands, sem er heiðursfélagi í
Félagi leiðsögumanna, og Birgir
Þorgilsson, ferðamálastjóri, munu
heiðra leiðsögumenn með því að
sitja fundinn. Laugardaginn 24.
febrúar mun Félag leiðsögumanna
síðan bjóða almenningi upp á
ókeypis skoðunarferðir um
Reykjavík og mun félagið njóta til
þess aðstoðar Ferðamálanefndar
Reykjavíkur. Verða þær ferðir
kynntar í fjölmiðlum þegar þar að
kemur.
Til Alþjóðadags leiðsögumanna
er boðað af Alþjóðasambandi leið-
sögumanna (World Federation of
Tourist Guide Lecturers’ Associati-
ons) sem stofnað var í ísrael árið
1985. Alþjóðasambandið heldur
alþjóðaráðstefnur leiðsögumanna
annað hvert ár og hafa þær verið
haldnar í ísrael, Vínarborg og á
Kýpur. Fjölþjóðasamstarf leiðsögu-
manna má þó rekja lengra aftur í
tímann og má nefna sem dæmi að
um áratuga skeið hefur verið í
gangi norrænt samstarf leiðsögu-
manna á vegum Inter Nordic Guide-
klub. Fjórða ráðstefnan á vegum
Alþjóðasambandsins verður einmitt
haldin í Finnlandi í febrúar á næsta
ári. Aðalþema þeirrar ráðstefnu
verður: ímynd leiðsögumannsins.
Á þeim alþjóðlegu ráðstefnum
sem haldnar hafa verið hefur verið
bent á mikilvægi góðrar menntunar
leiðsögumanna og í framhaldi af
því að tryggt verði að einungis þeir
sem hlotið hafa nauðsynlega starfs-
þjálfun verði ráðnir til leiðsögu-
starfa. Sumir kunna ef til vill að
líta á þetta atriði sem réttindamál
leiðsögumanna, en það er ekki
síður, ef betur er að gáð, einnig
hagsmunamál ferðaskrifstofueig-
enda og ferðaþjónustunnar í heild.
Það vakti fljótt athygli mína hve
allir á ráðstefnunum, hvaðan sem
þeir voru úr heiminum, voru sam-
mála um að gera þurfi kröfur til
leiðsögumanna og að þeir verði að
sýna ábyrgð og vandvirkni í starfi.
Lögð hefur verið áhersla á að leið-
sögustarfið sé sérfræðigrein sem
krefjist sérþjálfunar. Einnig að sú
þjálfun verði að vera í beinum
tengslum við ferðamálayfirvöld og
kennslan sjálf að miklum hluta á
höndum löggiltra leiðsögumanna í
náinni samvinnu við aðra sérfræð-
inga eins og t.d. jarðfræðinga, forn-
leifafræðinga og sagnfræðinga,
eftir áhersluþáttum í hveiju landi.
í skoðunarferðunum sem boðið
hefur verið upp á í tengslum við
ráðstefnurnar hefur verið ómetan-
legt að eiga þess kost að sjá vinnu-
brögð afbragðs leiðsögumanna.
Það hefur verið lærdómsríkt að sjá
hve snilidarlega þeim hefur tekist
að koma fróðleik sínum á framfæri
við okkur farþegana. Þannig höfum
við lært hvert af öðru og haf a íslensk-
ir leiðsögumenn einnig getað miðlað
af sinni reynslu bæði á fundum og
í einkaviðtölum. Má t.d. nefna að
nú stefna fleiri lönd að því að leið-
sögumenn fái fræðslu um land sitt
í heild eins og hér er, en víða hefur
aðeins verið um staðbundna fræðslu
að ræða, t.d. um ákveðna lands-
hluta eða ákveðnar borgir. Einnig
byggjast fleiri lönd feta í fótspor
þeirra sem krefjast símenntunar
leiðsögumanna sinna með því að
þeim verði gert skylt að sækja
endurmenntunarnámskeið eftir
ákveðinn tima. Hér á landi þurfa
leiðsögumenn að sækja endur-
menntunamámskeið á fimm ára
fresti hafi þeir ekki unnið ákveðinn
lágmarks dagafjölda á síðustu fimm
árum.
íslenskir leiðsögumenn sem sótt
hafa ráðstefnur Alþjóðasambands
leiðsögumanna hafa snúið heim
fullir af nýjum hugmyndum og
fullir bjartsýni um að íslensk ferða-
málayfirvöld hljóti nú fljótlega að
Söl
Aður fyrr þótti það hið besta búsílag að eiga aðgang að sölvafjöru. Á Vestri-Loftsstöðum i Flóa,
þar sem tengdamóðir mín var fædd og uppalin, var sölvum safnað í kistur til vetrarins eftir að
þau höfðu verið hreinsuð og þurrkuð. Farg var sett á sölin í kistunum, svo að þau geymdust vel,
en þau voru ljúffeng og holl tilbreyting í matargerðinni. í skeijagarðinum undan Flóanum og vestur
í Selvog eru góð vaxtarskilyrði fyrir söl og annan sjávargróður. Stríður straumur er þar með landi og mengun
í lágmarki. I Náttúrufræðistofu Kópavogs hefur á skilmerkilegan hátt verið teiknað upp kort af gróður-
og straumbeltum fjörunnar. Þar sést að söl vaxa á bilinu milli meðalsmástraums- og meðalstórstraums-
fjöru og næstu nágrannar sölva í gróðurríki fjörunnar eru maríusvunta, fjörugrös, kerlingarhár og skolla-
þvengur. Mjög mörg næringarefni eru í sölvum. Þau eru próteinrík, í þeim er engin fita en aftur á móti
kolvetni og geysimikið joð. Þau eru því góð fyrir æðakerfið. í einu kílói eru 296 hitaeiningar og ber að
athuga að eitt kíló af sölvum er geysimikið magn. Því miður hafa söl ekki verið rannsökuð sem skyldi.
Vitað er að margir eiga við þreytu í fótum að stríða, þeir sem vinna á hörðum gólfum eins og margir
iðnaðarmenn. Bóndi minn var einn þeirra, en eftir að hann fór að fá sér smávisk af sölvum með morgun-
matnum, hvarf þessi þreyta á hálfum mánuði. í minni fjölskyldu er ég sú eina sem ekki er hrifin af sölvum,
en ég veit að þau eru góð fyrir æðakerfið, ég stend oft mikið og reyni því mikið á fætuma, en söl vil ég borða
og set þau í brauð, bæði venjulegt brauð og einnig í parta, sem ég steiki í feiti.
Næsta uppskrift er úr nýút-
kominni bók minni, Minna mittis-
mál.
Sölvabrauð
250 g hveiti
200 g hveitiklíð
50 g valsaður rúgur eða valsað
hveiti
1 tsk. sykur
3 tsk. fínt þurrger
2 msk. matarolía
2 dl heitt vatn úr krananum
■ l'Adl súrmjólk
2-3 hnefar söl
valsaður rúgur eða valsað
hveiti ofan á. ■
1. Setjið hveiti, hveitiklíð, vals-
aðan rúg eða hveiti og sykur í
skál.
2. Blandið saman vel heitu
vatni úr krananum og súrmjólk.
Þetta á að vera fingurvolgt. Setj-
ið í aðra skál ásamt matarolíu.
3. Setjið helming blöndunnar
ásamt öllu gerinu út í. Hrærið 1
örlítið, en bætið þá því sem eftir
er af mjölinu út í. Þetta á að vera
lint deig. Hrærið vel saman.
Birna B. Bjarnleifsdóttir
„Leiðsögumaður sem
stendur sig.illa í starfi
skerðir ekki aðeins sinn
eigin heiður eða heiður
leiðsögumanna í sínu
eigin landi heldur
skerðir hann heiður
leiðsögumanna um all-
an heim.“
viðurkenna mikilvægi leiðsögu-
starfsins í verki með auknum fjár-
veitingum til Leiðsöguskólans. Þeir
hafa komið heim með það sem
veganesti að einn leiðsögumaður
sem stendur sig illa í starfi skerðir
ekki aðeins sinn eigin heiður eða
heiður leiðsögumanna í sínu eigin
landi heldur skerðir hann heiður
leiðsögumanna um allan heim.
Þannig vinnur Alþjóðasamband
leiðsögumanna.
Höfundur er forstöðumaður
Lciðsöguskóla Ferðamálaráðs.
Siglufjörður:
Annar áfangi
dvalarheim-
ilis fyrir aldr-
aða afhentur
Siglufirði.
ANNAR áfangi dvalarheimilis
fyrir aldraða var tekinn í notkun
fyriur skömmu, þegar voru af-
hentar 13 einstaklingsíbúðir og
3 hjónaíbúðir.
I fyrsta áfanga, sem tekinn var
í notkun 1987, og þessum áfanga
eru 15 einstaklingsíbúðir og 7
hjónaíbúðir og í þeim þriðja, sem
eftir er, verða 3 einstaklingsíbúðir
og 3 hjónaíbúðir. Samtals verður
þá vistrými fyrir 38 manns.
Fyrsta skóflustungan fyrir bygg-
ingu dvalarheimilis fyrir aldraða í
Siglufirði vartekin 7. ágúst 1983.
Auk hjónaíbúðánna 10 og ein-
staklings íbúðanna 18 verða í hús-
inu þjónustu- og fönduraðstaða á
1. hæð. Matthías.
VZterkurog
kJ hagkvæmur
auglýsingamiðill!
Hvað er
Armaflex
Það er heimsviðurkennd
pípueinangrun í hólkum,
plötum og límrúllum frá
(Aþmstrong
& Ávallt tilá lager.
Þ. ÞORGRÍMSSON & CO
Ármúla 29 - Mulatorgi - Sími 38640
4. Sléttið úr sölvunum, klippið
síðan smátt og hrærið saman við.
5. Setjið volgt vatn í eldhús-
vaskinn, setjið skálina með deig-
inu ofan í vatnið, leggið stykki
eða filmu yfir. Látið lyfta sér í
40 mínútur eða lengur.
6. Takið deigið úr skálinni, setj-
ið á hveitistráða borðplötu. Hnoð-
ið örlítið. Fletjið síðan örlítið út
með kökukefli og vefjið saman.
Leggið á bökunarpappír á bökun-
arplötu, samskeytin snúi niður.
Stráið völsuðum rúgi eða hveiti
yfir.
7. Látið lyfta sér á volgum stað
í 20 mínútur eða lengur.
8. Hitið bakaraofn í 190oC,
blástursofn í 170°C, setjið brauð-
ið í miðjan ofninn og bakið í 30-35
mínútur.
Partar með sölvum
2 dl rúgmjöl
2 dl heilhveiti
2 dl hveiti
1 tsk, lyftiduft
'Msk. hjartarsalt
'Atsk. salt
1 góður hnefi söl
3 dl sjóðandi mjólk
feiti til að steikja úr.
1. Setjið rúgmjöl, heilhveiti,
hveiti, lyftiduft, hjartarsalt og
salt í skál.
2. Sléttið úr sölvunum, klippið
þau síðan smátt með skærum.
Setjið saman við mjölið.
3. Sjóðið mjólkina og hrærið
út í. Hnoðið saman.
4. Fletjið deigið út með köku-
kefli, það á að vera u.þ.b. 'A- 'Asm
á þykkt.
5. Skerið í ferkantaða búta með
kleinuhjóli eða hníf. Hver bútur á
að vera 12-15 sm á kant. Skerið
síðan á ská, þannig að þetta myndi
hyrnu.
6. Setjið feitina í pott og hitið
vel. Steikið síðan partana í feit-
inni eins og kleinur.
7. Setjið á eldhúspappír, þegar
þið hafið tekið partana úr feitinni.
Meðlæti: Smjör og ef til vill
ostur eða annað álegg.