Morgunblaðið - 14.03.1990, Page 44

MIÐVIKUDAGUR 14. MARZ 1990
VERÐ í LAUSASÖLU 90 KR.
300 þús. til
norrænnar
Jiönnunar-
sýningar
BORGARRÁÐ hefur samþykkt að
veita 300 þúsundum í styrk til
NordForum, norrænnar hönnun-
arsýningar sem verður í Malmö í
Svíþjóð í sumar. Styrknum verður
varið til að innrétta íslenskt verð-
launahús á sýningunni.
Leitað var til menningarmála-
nefndar Reykjavíkur um framlag og
tekur upphæðin mið af því, að jöfn
framlög fáist frá sex öðrum aðilum
sem sótt er til. Á sýningunni í Malmö
verða sýnd raðhús, sem eru byggð
_samkvæmt tillögum er bárust í sam-
keppni arkitekta á Norðurlöndum.
Var eitt hús valið frá hveiju Iandi
og er Guðmundur Jónsson, arkitekt,
höfundur íslensku tillögunnar.
Sj ómannasam-
band Islands:
Sambands-
félögin afli
sér verk-
fallsheimilda
FUNDUR formanna og sam-
bandsstjórnar Sjómannasam-
bands Islands, sem haldinn
var í gær, þriðjudag, sam-
þykkti að beina þeirri áskor-
un til sambandsfélaga sinna,
að þau afli sér verkfalls-
heimilda.
„Ástæðan fyrir þessari sam-
þykkt er sú að öllum viðræðum
um kjarasamning okkar hefur
verið hafnað og okkur hefur
einungis verið boðið upp á
kjarasamning ASÍ og VSÍ,“
sagði Óskar Vigfússon, formað-
ur Sjómannasambands íslands,
í Samtali við Morgunblaðið.
„Við höfum ekki fengið við-
ræður um kjarasamning okkar
í þijú ár en við viljum meðal
annars að svokölluð kostnaðar-
hlutdeild verði endurskoðuð,"
sagði Óskar Vigfússon. Hann
sagði að samkvæmt kjarasamn-
ingum gætu sjómenn farið í
verkfall þremur vikum eftir að
það væri boðað en ekki væri
ákveðið hvort allur flotinn sigldi
í land ef þeir færu í verkfall.
Díana Rut með foreldrum sínum, Friðþjófí Erni Engilbertssyni og Önnu B. Jóhannsdóttur á Landspítalanum í gærkvöídi.aðÍð/ÞOrke11
16 ára stúlka fannst eftir leit í Bláíjöllum:
Ekki hrædd en kalt á fótunum
BJÖRGUNARSVEITIR af höfuðborgarsvæðinu voru í gærkvöld
kallaðar út til leitar að 16 ára stúlku úr Kópavogi, Díönu Rut Frið-
þjófsdóttur, sem orðið hafði viðskila við skólafélaga sína úr Þing-
holtsskóla í skíðaferðalagi í Bláfjöllum í gær. Hopurinn gisti í Ár-
mannsskála og þegar Díana skilaði sér ekki eftir gönguferð seinni
partinn í gær var hjálp kölluð til. Hún fannst svo í skála í Grundar-
skörðum um klukkan hálfellefu i gærkvöldi, ómeidd en köld og
hrakin.
„Ég fór í göngutúr frá Ármanns-
skálanum af því að við komumst
ekki á skíði,“ sagði Díana í sam-
tali við Morgunblaðið á Landspítal-
anum laust fyrir miðnætti í gær-
kvöldi. „Þegar ég var búin að
ganga dálitla stund leit ég við og
sá ekki skálann. Það var ekki held-
ur hægt að sjá nein spor í snjónum.
Þá fór ég að leita að skálanum,
en fann hann ekki. Ég var ábyggi-
lega komin langt frá honum, en
fann þá annan skála. Ég leit aðeins
inn í hann, en hélt svo áfram að
leita að Ármannsskálanum. Þegar
fór að dimma snéri ég aftur inn í
skálann og hélt þar kyrru fyrir.
Ég var ekkert hrædd, en mér var
kalt á fótunum. Ég fór út í eitt
horn skálans, þar sem mér fannst
hlýjast og einum eða tveimur
tímum síðar sá ég ljós björgunar-
sveitarinnar.“
Eins og fyrr sagði fannst Díana
í skálanum um klukkan hálfellefu
í gærkvöld. Björgunarsveitarmenn
óku henni af stað Hafnarfjarðar-
megin til Reykjavíkur og á
Krísuvíkurvegi kom sjúkrabifreið
til móts við þá. Díana var flutt í
slysadeild Borgarspítalans og eftir
skoðun þar á Landspítalann.
Forsvarsmenn Atlantal-hópsins:
Trúum því að þið getið verið
samkeppnisfærir í orkuverði
„VIÐ trúum því að að við getum náð saman um byggingu nýs álvers,
annars værum við ekki hérna,“ sagði Max Koker, framkvæmdastjóri
Hoogovens Aluminium við fréttamenn, er hann ásamt Paul E. Drack,
aðalforstjóra Alumax, Per-Olof Aronsson, forstjóra Granges og Jóni
Sigurðssyni iðnaðarráðherra undirrituðu yfirlýsingu um ásetning þess
efnis að ljúka samningum um nýtt álver fyrir 20. september næstkom-
andi. í yfirlýsingunni kemur fram að Alumax er reiðubúið að eiga 30
til 40% i hinu nýja álveri, en Granges og Hoogovens 25 til 35%.
Forsvarsmenn fyrirtækjanna
þriggja vildu ekki tjá sig um hvaða
verðhugmyndir þeir gerðu sér um
orku þá sem þeir kæmu til með að
kaupa af Landsvirkjun. Það myndu
þeir gera í samningaviðræðunum.
Flugleiðir:
Tap af rekstri á liðnuári
nálægt hálfum milljarði
REKSTRARLEGT tap Flugleiða varð nálægt hálfum milljarði króna
á síðastliðnu ári, samkvæmt upplýsingum Morgunblaðsins. Afkoman
,á árinu 1989 varð þó ekki neikvæð um nema tæpar 200 milljónir
króna, þar sem söluhagnaður flugvélar í fyrra, að upphæð um 300
milljónir króna, dregst frá taprekstrinum í efnahagsreikningi.
Afkoma Flugleiða á liðnu ári
verður kynnt á stjórnarfundi félags-
ins síðdegis í dag, en aðalfundur
Flugleiða verður haldinn á fimmtu-
dag í næstu viku, þann 22. mars,
að Hótel Loftleiðum.
Morgunblaðið hefur upplýsingar
um að hvorki innanlandsflug né
millilandaflug hafi gengið sem
skyldi á síðasta ári. Afkoma Flug-
leiða mun vera forsvarsmönnum
félagsins mikil vonbrigði, þar sem
tapið er umtalsvert meira en gert
hafði verið ráð fyrir. Bent er á, að
þótt afkomutapið sé kynnt sem ein-
ungis tæpar 200 milljónir króna,
sé það verulegt áhyggjuefni, að
þrátt fyrir 300 miHjón.króna eigna-
sölu á árinu, skuli tapið samt vera
þetta mikið.
Flugleiðir seldu í fyrra flugvél
sína Boeing 727 100 fyrir um 300
milljónir króna, en á árinu á undan
hafði félagið selt Boeing 727 200,
og færðist söluhagnaður af þeirri
sölu því á efnahagsreikning ársins
1988, þó að vélin væri ekki afhent
fyrr en í fyrra.
Flugleiðir leigðu svo aftur Boeing
727 100 vélina, sem var seld í fyrra
ojt er sú vél nú notuð til vöruflutn-
inga.
„Orkuverð það sem þið bjóðið verður
að vera samkeppnisfært við það sem
okkur stendur til boða annars stað-
ar,“ sagði Aronsson, „við trúum því
að það geti orðið það og þess vegna
erum við hér og höfum undirritað
þessa yfirlýsingu." Undir þessi orð
Aronssons tók Evans, aðstoðarfor-
stjóri Alumax: „Við erum hér því við
teljum í einlægni að ísland sé eitt
þeirra landa sem geti boðið sam-
keppnishæft raforkuverð til ál-
bræðslu."
„Þessi yfirlýsing er í raun og veru
tvennt: Hún er staðfesting á stefnu
íslenskra stjórnvalda að auka nýt-
ingu innlendra orkulinda með frekari
álframleiðslu hér á landi og hins.
vegar staðfesting á vilja þessara
þriggja fyrirtækja að vilja auka ál-
framleiðslu sína með því að reisa hér
álver,“ sagði iðnaðarráðherra við
undirritun yfirlýsingarinnar.
í yfirlýsingunni kemur fram að
stefnt er að því að velja nýju álveri
stað fyrir lok maímánaðar. Forsvars-
menn fyrirtækjanna þriggja sögðu
með öllu ótímabært að segja á þessu
stigi til um það hvaða staðsetning
væri líkiegust. Margt þyrfti að skoða,
áður en niðurstaða lægi fyrir.
Max Koker framkvæmdastjóri
Hoogovens sagði að ekki væri hægt
að líta á þessa viljayfirlýsingu sem
staðfestingu þess að þessi þijú fyrir-
tæki hygðust reisa hér nýtt álver.
„Ef það lægi fyrir sem staðreynd,
þá hefðum við þegar undirritað
samninga," sagði Koker, „en við
værum ekki hér nú, ef áhugi okkar
væri ekki einlægur."
Jafnframt er í yfirlýsingunni
stefnt að því að ljúka öllum samning-
um fyrir 20. september nk. sem taki
til skattamála, úrlausnar ágreinings-
efna, orkusölusamnings við Lands-
virkjun, lóðar- og hafnarsamnings
við hlutaðeigandi sveitarfélag, sam-
komulags varðandi umhverfismál og
samkomulags milli Atlantal-aðilanna
um eignarhald, rekstur og fjármögn-
un álversins.
Sjá viðtal við Jón Sigurðsson,
iðnaðarráðherra, og fleiri frá-
sagnir í miðopnu.
Vaka heldur
meirihluta
VAKA, félag lýðræðissinnaðra
stúdenta, fékk í gær 57% atkvæða
í kosningum til stúdentaráðs og
57,5% atkvæða í kosningum til
háskólaráðs og er þetta stærsti
kosningasigur Vöku frá því félagið
var stofiiað árið 1935.
Vaka fékk 7 menn kjörna í stúd-
entaráð og Röskva 6, en félögin
fengu sitt hvorn manninn kjörinn í
háskólaráð. Vaka fékk 1.467 at-
kvæði í kosningum til háskólaráðs
en Röskva 1.099. Vaka fékk hins
vegar 1.446 atkvæði í kosningum til
stúdentaráðs en Röskva 1.089.