Morgunblaðið - 15.09.1991, Qupperneq 1

112 SIÐUR B/C/D
209. tbl. 79. árg.
SUNNUDAGUR 15. SEPTEMBER 1991 PRENTSMIÐJA MORGUNBLAÐSINS
VÆNGJAÞYTUR
Morgunblaðið/RAX
Carl Bildt, formaður Hægriflokksins í Svíþjóð;
Mumim verða við völd
allan tíunda áratuginn
^ Stokkhólmi. Frá Steingrími Sigurgeirssyni, blaðamanni Morgunblaðsins.
ÁTTA HUNDRUÐ þúsund sænskir kjósendur voru ekki enn búnir að gera upp hug
sinn um hvað þeir ætluðu að kjósa síðustu dagana fyrir kosningar. Almennt er
gert ráð fyrir því að jafnaðarmenn bíði ósigur og hljóti minna en 40% atkvæða í
fyrsta skipti siðan 1928. Þrátt fyrir það gæti orðið mjótt á mununum, ekki síst
vegna þess að tveir flokkar sem ekki hafa átt þingmenn áður gætu nú komið mönn-
um að.
Svíar reka fyrr-
um KGB-mann
á Islandi burt
Stokkhólmi. Frá Steingrími Sigurgeirs-
syni, blaðamanni Morgunblaðsins/
ÍGOR Leonídovítsj Níkíforov, yfirmað-
ur sovésku leyniþjónustunnar (KGB) í
Svíþjóð, sem vísað var úr landi á dögun-
um, starfaði sem yfirmaður KGB á Is-
landi á árunum 1979-84 áður en hann
tók við stöðunni í Svíþjóð, að þvi er
sænska blaðið Svenska Dagbladet
skýrði frá í gær.
Að sögn Svenska Dagbladet kom
Níkíforov aftur til íslands í tengslum
við leiðtogafundinn í Reykjavík í októ-
ber 1986. Hann er sagður vera ábyrgur
fyrir umfangsmikilli njósnastarfsemi
Sovétmanna í Svíþjóð í lok síðasta ára-
tugar og m.a. séð um iðnaðarnjósnir á
sviði hátækni og fengið menn á mála
hjá KGB. Sagt er að sænska utanríkis-
ráðuneytið hafi samþykkt að Níkíforov
hæfi störf í Stokkhólmi gegn ráðlegg-
ingum öryggislögreglunnar. Áður
hefðu Ástralir neitað að hann hæfi störf
þar í landi.
Sænska utanríkisráðuneytið til-
kynnti fyrr í vikunni að ónafngreindum
sovéskum sendiráðsmanni hefði verið
vísað úr landi. Ástæðuna fyrir því að
nafn hans hefði ekki verið gefið upp
fyrr en nú segir Svenska Dagbladet
tengjast heimsókn Stens Anderssons
utanríkisráðherra til Moskvu í vikunni.
Þar hitti hann m.a. Borís Pankín, ný-
skipaðan utanríkisráðherra Sovétrílý'-
anna, sem var sendiherra í Stokkhólmi
þegar Níkíforov hóf þar störf.
*
Arangursrík bar-
átta gegn áreitni
KONA, sem hafði sagt af sér embætti
prófessors í taugaskurðlækningum við
Stanfprd-læknaskólann í Kaliforníu
vegna kynferðislegrar áreitni starfs-
bræðra sinna, hefur dregið afsögnina
til baka þar sem gerðar hafa verið
ráðstafanir til að bæta samskipti kypj-
anna á vinnustaðnum. Konan er fimm-
tug og hefur starfað við skólann í 25
ár. Hún lagði fram afsagnarbréf í maí
og sagði að starfsbræður sínir hefðu
komið fram við hana á niðurlægjandi
hátt og nokkrir áreitt hana kynferðis-
lega. Hún kvaðst hafa fengið sig
fullsadda á því að vera kölluð „elskan“
í tíma og ótíma í stað þess að vera
nefnd sínu rétta nafni, auk þess sem
þeir væru sífellt að gefa henni undir
fótinn í þeim tilgangi einum að niður-
lægja hana. Henni fannst þó mælirinn
fullur er stjórnendur skólans tilnefndu
karlmann, þekktan fyrir að sniðganga
konur og niðurlægja þær á vinnustaðn-
um, sem yfirmann skurðlækningadeild-
arinnar. Tilnefningin var dregin til
baka og hún hætti við að hætta.
Átta flokksformenn, auk Monu Sahlin
vinnumálaráðherra, tóku þátt í rúmlega
þriggja klukkustunda löngum umræðuþætti
í sænska sjónvarpinu á föstudagskvöld.
Fram að því höfðu aldrei fleiri en fimm tek-
ið þátt í slíkum umræðum. Hinn mikli fjöldi
þátttakenda, auk hins takmarkaða ræðu-
tíma, gerði það að verkum að flokksfor-
mennirnir áttu mjög erfitt með að koma af
stað umræðu öðru vísi en í símskeytastíl.
Mestur tími fór í umræður um umhverf-
is-, fjölskyldu- og atvinnumál. „Við erum í
miðri verstu atvinnuleysiskreppu í sögu
Svíþjóðar," sagði Carl Bildt, formaður
Hægriflokksins, en það að jafnaðarmönnum
hefur ekki tekist að ná tökum á efnahags-
málum hefur ekki hvað síst leitt til fallandi
gengis þeirra. Ingvar Carlsson, formaður
Jafnaðarmannaflokksins og forsætisráð-
herra, ságði enga þörf á róttækum breyting-
um til að koma málum í betra horf, líkt og
borgaraflokkarnir leggja til. „Efnahagslífíð
er á réttri leið,“ sagði Carlsson.
Líklegt er að óákveðnir kjósendur eigi
ekki auðveldara með að gera upp hug sinn
eftir umræðurnar. Enginn einn þátttakandi
skaraði ótvírætt framúr, en athygli vakti
hve hin unga Sahlin skyggði á formann
Jafnaðarmannaflokksins.
Formaður Hægriflokksins virtist afslapp-
aður og í góðu skapi daginn fyrir kosning-
ar. Hann ræddi við blaðamenn í hádeginu
og lagði mesta áherslu á að endurvekja
yrði traust manna á því að fjárfesta í
Svíþjóð. Einungis þannig væri hægt að koma
aftur á hagvexti og skapa ný atvinnutæki-
færi. „Jafnaðarmenn reyna að mála mjög
fallega mynd af ástandinu. Hún er hins
vegar fölsk. Það er raunar einstakt hve illa
hefur árað í Svíþjóð undanfarið ár. Þessu
verður að breyta en það verður erfitt ástand
í einhvern tíma,“ sagði Bildt.
Hann taldi að ef borgaraflokkamir kæm-
ust til valda myndu þeim nægja þijú ár til
að sýna að þeir væru á réttri leið í efnahags-
málum. Það myndi samt taka nokkur
kjörtímabil að ná stefnumálum þeirra fram
í heild sinni. „En við munum verða við völd
allan tíunda áratuginn," sagði formaður
Hægriflokksins sigurviss.
Sjá grein á bls. 14 og 15.
LdGM&L io
FRIIMSKfiGARINS
MAKIDOHIA STUNIR
í SJÁLfSTJEfH
DROS 0G
MEYJA
HHHHI