Morgunblaðið - 09.04.1992, Qupperneq 34
34
MORGUNBLAÐIÐ FIMMTUDAGUR 9. APRÍL 1992
MÚSÍKTILRAUIMIR
DYSLEXIA
NITURBASARNIR
CREMATION
Loka tilraunakvöld Músíktilrauna er í kvöld, og keppa
þá síðustu átta sveitirnar. að sinni um rétt til þátttöku
í úrslitum, sem haldin verða annað kvöld. Eins og jafn-
an er mikið um utanbæjarsveitir þetta þriðja tilrauna-
kvöld, því þær vilja helst komast að þá ef þær kæmust
í úrslit. Ein sveit kemur frá Akureyri, ein frá Dalvík,
ein úr Eiðaskóla, ein frá Djúgavogi, ein úr Breiðholti,
ein úr Kleppsholtunum, ein úr Árbænum og ein úr Kópa-
voginum. Tónlist er líka úr öllum áttum, allt frá dauða-
rokki í þétt rokk með viðkomu í öllu gerðum af pönki.
Eins og áður segir keppa sveitimar átta um tvö sæti í
úrslitakeppninni sem verður annað kvöld. Þá verður
keppt um 30 tíma í Sýrlandi, einu fullkomnasta hljóð-
veri landsins, í fyrstu verðlaun, 25 tíma í Gijótnámunni
í önnur verðlaun og 20 tíma í Stúdíói Stef í þriðju verð-
laun. Að auki veitir Skífan plötuúttektir sem aukaverð-
laun. Úrslitakvöldið verður svo sent út beint á Rás 2,
en tilraunirnar eru í samstarfi Rásar 2 og Tónabæjar
að þessu sinni og styrktaraðilar eru Jón Bakan, Vífil-
fell, Hard Rock Café og Sól og sæla. Gestasveit í kvöld
verður Todmobile, en annað kvöld; úrslitakvöldið, verður
rokksveitin Exizt. Árni Matthíasson
Dyslexia er þungarokksveit frá Eiðaskóla, en þaðan hafa
komið ýmsar sveitir á Músíktilraunir undanfarin ár. Sveit-
ina skipa Sigruður Pálmason bassaleikari, Jón Þórðarson
gítarleikari, Grétar Mar Hreggviðsson gítarleikari, Arnar
Karl Ólafsson söngvari og Sigurður Rúnar Ingþórsson
trommuieikari. Meðalaldur sveitarmanna er átján ár.
§>
O
s
Tjalz Gissur heitir pönkrokksveit úr Kópavogi sem skipuð
er Guðlaugi Júníussyni trommuleikara, Kristni Júníussyni
gítarleikara og söngvara, Arnari Snæ Davíðssyni bassaleik-
ara og söngvara og Einari Þór Hjartarsyni gítarleikara.
Meðalaldur sveitarmanna er tæp sextán ár.
UXORIUS
TJALZ GISSUR
Niturbasarnir koma frá Djúpavogi og segjast spila pönkað
rokk. Sveitina skipa Ástþór Jónsson söngvari, Unsteinn
Guðjónsson gítarleikari, Óskar Karlsson bassaleikari, Ing-
þór Sigurðsson trommuleikari og Nökkvi Flosason gítarleik-
ari. Meðalaldur sveitarmanna er tæp nítján ár.
Uxorius er ruslrokksveit frá Dalvík sem skipuð er Daða
Jónssyni gítarleikara og söngvara, Gunnlaugi Jónssyni
bassaleikara og Jóni Birni Ríkarðssyni trommuleikara.
Meðalaldur sveitarmanna er um sautján ár.
Því kræsilega nafni Cremation heitir dauðarokksveit úr
Kleppsholtunum. Sveitina skipa Ólafur Magnússon gítar-
leikari, Ágúst H. Waage bassaleikari, Hilmar Elvarsson
gítarleikari og söngvari og Magnús K. Vignisson trommu-
leikari. Meðalaldur sveitarmanna er hálft sautjánda ár.
Sjúðann er rokksveit úr Reykjavík sem skipuð er Jóhann-
esi G. Númasyni söngvara, Bjarka Rafni Guðmundssyni
bassaleikara, Finni Jens Númasyni trommuleikara og Hall-
dóri Viðari Jakobssyni gítarleikara. Meðalaldur sveitar-
manna er tæp tuttugu ár.
Baphomet er önnur tveggja dauðarokksveita þessa tiirauna-
kvölds, en sveitina, sem kemur frá Akureyri, skipa Agnar
Hólm Daníelsson bassaleikari og söngvari, Viðar Sigmunds-
son gítarleikari og Páll Ásgeirsson trommuleikari. Meðal-
aldur sveitarmanna er um tuttugu ár.
Maunir heitir sveit úr Árbænum sem leikur kammerpönk
með jiveívafi. Sveitina skipa Matthías Þórarinsson gítarleik-
ari, Árnar Eggert Thoroddsen gítarleikari, Birgir Örn Thor-
oddsen bassaleikari og Daníel Þorsteinsson trommuleikari.
Meðalaldur sveitarmanna er óræður.
Cterkurog
O hagkvæmur
auglýsingamiöill!
Leikfélag Húsavíkur sýnir
Gaukshreiðrið í Hafnarfirði
LEIKFÉLAG Húsavíkur sýnir
Gaukshreiðrið í Bæjarbíói í
Hafnarfirði 9., 10. og 11. apríl
nk.
Leikritð samdi Dale Wasserman
upp úr hinni heimsfrægu skáld-
sögu Ken Keseys „One flew over
the cuckoo’s nest“. Samnefnd
kvikmynd hlaut á sínum tíma
fimm Óskarsverðlaun.
Leikfélag Húsavíkur fékk frum-
sýningarrétt á leikritinu á Islandi
og fékk Sonju B. Jónsdóttur til
að þýða það. Leikstjóri er María
Sigurðardóttir.
Gaukshreiðrið var frumsýnt á
Húsavík í lok janúar og þegar
sýningum lauk fyrir norðan um
síðustu helgi voru sýningargestir
orðnir fleiri en nemur íbúatölu
bæjarins eða 2.500 manns.
„Móðir María“
í bíósal MÍR
KVIKMYNDIN „Móðir María“
verður sýnd í bíósal MÍR, Vatns-
stíg 10, nk. sunnudag, 12. apríl,
kl. 16.00.
í mynd þessari segir frá rússn-
esku skáldkonunni Elisabetu Kúzm-
ínu-Karavaijevu, sem fluttist frá
Rússlandi skömmu eftir byltinguna
1917. Á fjórða áratugnum gerðist
hún nunna í Frakklandi og tók sér
nafnið María og helgaði sig líknar-
störfum í París. Á hernámsárum
Þjóðveija í síðari heimsstyijöldinni
veitti hún mönnum úr andspyrnu-
hreyfingunni aðstoð sína, en var
handtekin af nasistum 1943 og sat
í fangabúðum í Ravensbriick í tvö
ár. Hún var tekin af lífi í gasklefa
fangabúðanna 31. mars 1945, hún
fórnaði eigin lífi til að bjarga ungum
meðfanga sínum. Ljúdmíla Kasatk-
ina leikur móður Maríu en leikstjóri
er Sergej Kolosov. Skýringartextar
eru á ensku.