Morgunblaðið - 09.04.1992, Blaðsíða 46

46
MORGUNBLAÐIÐ FIMMTUDAGUR 9. APRIL 1992
mmnn

Það er ófært að vera inni á
svo sólbjörtum degi...
HÖGNI HREKKVISI
// ... / FULL.U/H SK/Z&M- "
BRÉF HL BLAÐSINS
Aðalstræti 6 101 Reykjavík - Sími 691100 - Símbréf 691222
JAFNFALLINN SNJÓR
í stöðugri
leit að sann-
leikanum
Frá Sigurbirni Þorkeissyni:
ÞAÐ ER bæði gömul saga og ný
að maðurinn er alltaf að leita að
sannleikanum. Leita að hinu rétta,
reyna að sannfæra sjálfan sig um
að nú hafi hann loksins tekið rétta
stefnu í lífinu. Margir leita til hinna
ýmsu strauma og stefna, jafnvel
reyna menn að finna hina réttu
stefnu í bókmenntum, stjórnmálum
eða jafnvel í trúarbrögðum einhvers
konar. Lífsstíll manna er misjafn og
því ekki algilt hvað nægir mönnum
til að þeir finnist þeir vera að gera
hið eina rétta, tekið réttan pól í
hæðina í lífinu. Flest af þeim straum-
um og stefnum sem við leitum til
er háð tíma og tísku og gefur því
takmarkaða lífsfyllingu eða' að
minnsta kost varir fyllingin aðeins
um stundarsakir.
Sem betur fer finna margir það
sem þeir eru að leita að, en þó eru
ailt of margir sem leita langt yfir
skammt, gera sér ekki grein fyrir
því að sannleikanum geta þeir
kynnst á auðveldan hátt og hann
er að finna nær þeim en margir
halda.
Sannleikann er að finna í bók
bókanna, Biblíunni, en Biblían er lík-
lega til á flestum heimilum lands-
manna. Um áratugaskeið hafa Gíde-
onfélagar gefið 10 ára börnum Nýja
testamentið og nú ættu flestir lands-
menn 10-49 ára að hafa fengið
Nýja testamentið að gjöf, svo það
ætti í það minnsta að vera hægt að
finna Nýja testamentið á flestum
heimilum.
Biblían segir okkur nefnilega m.a.
sannleikann um okkur sjálf, sem er
m.a. að finna í Rómveijabréfinu, 3.
kafla, og er í fáum orðum þessi:
„Allir hafa syndgað og skortir Guðs
dýrð . ..“ Eins og ritað er: „Ekki er
neinn réttlátur, ekki einn.“ Og það
sem meira er þá segir Biblían okkur
einnig sannleikann um Guð, sem er
í fáum orðum þessi og við getum
m.a. lesið í Jóhannesarguðspjalli
3,16: „Því svo elskaði Guð heiminn,
að hann gaf son sinn eingetinn, til
þess að hver sem á hann trúir glat-
ist ekki, heldur hafi eilíft líf.“ Þetta
vers kallaði Marteinn Lúther „litlu
Biblíuna" vegna þess að í þessum
orðum felst kjarni Biblíunnar.
„í því er hið eilífa líf fólgið, að
þeir þekki þig hinn eina sanna Guð
og þann sem þú sendir Jesú Krist.“
Jóh. 17,3.
„Guð vill að allir menn verði
hólpnir og komist til þekkingar á
sannleikanum.“ I. Tím. 2,4.
„Jesús segir við hann: „Ég er
vegurinn, sannleikurinn og lífið, eng-
inn kemur til föðurins nema fyrir
mig.“ Jóh. 14,6.
Leitum á réttum stöðum að því
sem skiptir okkur máli í lífinu. Aðr-
ir hlutir, þótt mikilvægir séu, eru
eins og hégómi í samanburði við
þetta lífsins mál málanna. Notum
dagana fyrir og um páskana til þess
að kynna okkur sannleikann og taka
á móti honum í bæn og með þakk-
læti. „Fel Drottni vegu þína og treyst
honum, hann mun vel fyrir sjá.“
Sálm. 37,5.
Gleðilega páska.
SIGURBJÖRN ÞORKELSSON,
framkvæmdastóri Gídeonfélags-
ins á íslandi,
Kleppsvegi 130, Reykjavík.
Víkveiji skrifar
Nú hafa vinnupallar verið teknir
af hinu nýja húsi Hins ís-
lenzka bókmenntafélags í Lækjar-
götu 4 og í ljós kemur glæsilegt 5
hæða hús, sem sómir sér vel í göt-
unni. Er mikill munur á hinu nýja
húsi og gamla timburhúsinu, sem
áður stóð á lóðinni og Hagkaup var
lengi í. Lækjargatan er glæsilegri
en áður.
Að mati Víkverja hefur afar vel
til tekizt eins og oftast þegar gömul
hús í miðbænum eru rifin og ný
byggð í staðinn. Það var t.a.m. til
mikilla bóta þegar niðurnýtt hús sem
stóð í Aðalstræti 8 var rifið og byggt
í staðinn stílhreint og fagurt hús úr
steinsteypu. Gamla húsið var kallað
Fjalarkötturinn og þær raddir heyrð-
ust að endurbyggja ætti hann fyrir
hundruð milljóna. Sem betur fer var
ekkert hlustað á þær raddir og eng-
inn virðist sakna þessa húss.
Auðvitað á að varðveita gömul
og sögufræg hús. Uppbygging Torf-
unnar svokölluðu er gott dæmi um
það. Þá finnst Víkveija það snjöll
hugmynd hjá borgaryfirvöldum að
breyta Geysishúsinu í Aðalstræti 2
í upprunalegt horf og hafa það sem
sýningarhús um sögu Reykjavíkur.
Að gabba fólk á 1. apríi hefur
lengi verið siður hjá fjölmiðl-
um. En með tilkomu fleiri ljósvaka-
miðla sýnist Víkveija að þessi siður
sé að fara úr böndunum.
Ríkisútvarpið var hér áður fyrr
með eitt aprílgabb, sem mikil vinna
var lögð í. Nú eru allar útvarpsstöðv-
arnar með ótalmargar gabbfréttir
og RUV tekur þátt í leiknum. Vík-
veiji heyrði fréttatíma útvarpsstöðv-
ar 2. apríl. Þar var sérstaklega tek-
ið fram að í þetta sinn væru allar
fréttirnar sannar, því daginn áður
hefðu allar fréttir stöðvarinnar verið
gabb! Þetta leiðir hugann að því
ótrúlega uppátæki Pressunnar, sem
gaf út heilt tölublað með ósönnum
fréttum um síðustu áramót.
Morgunblaðið birti aprílgabb ár-
lega í mörg ár og urðu mörg þeirra
landsfræg. Síðan var ákveðið að
birta aðeins gabbfrétt þegar menn
duttu niður á sérlega snjallar hug-
myndir. En það verður að segjast
eins og er, að þær verða vandfundn-
ari með árunum. Blaðið birti ekkert
gabb 1. apríl sl. og af viðbrögðum
lesenda má álykta að þeir vilji fá
sínar gabbfréttir. En það þarf að
vera hóf í þessu sem öðru.
Víkveiji hefur fyrr í vetur gert
eldhættu í íþróttahúsum að
umtalsefni. Nú stendur yfir úrslita-
keppni úrvalsdeildar í körfubolta og
eru leikirnir sýndir í sjónvarpinu.
Þar má sjá yfirfull íþróttahús svo
ugg hefur sett að Víkveija.
Iþróttahúsið í Keflavík virðist vera
nýlegt, en öðru máli gegnir um
íþróttahús Vals, sem virðist vera
gamalt og því væntanlega mikil eld-
hætta í því. Af myndum sjónvarpsins
að dæma var enn fleiri áhorfendum
troðið inn í Valshúsið en húsið í
Keflavík.
Víkveiji sér ástæðu til að spyija
yfirmenn slökkviliðanna í Reykjavík
og Keflavík hvort fyllsta öryggis sé
gætt í íþróttahúsum þegar fjölmenn-
ir kappleikir fara þar fram? Er fylgst
með því að ekki sé fleiri áhorfendum
hleypt inn en löglegt er? Eru slökkvi-
liðsmenn á vakt í húsunum og eru
menn tilbúnir við brunaútganga til
að tryggja hindrunarlausa umferð
ef eitthvað fer úrskeiðis? Það eru
væntanlega fleiri en Víkvetji
áhyggjufullir þegar þeir sjá yfirfull
íþróttahúsin í sjónvarpinu.