Morgunblaðið - 30.04.1992, Blaðsíða 12
VIÐSKIPTIAIVINNULÍF
FIMMTUDAGUR 30. APRÍL 1992
Bankamál
Landsbankinn umbyltir
skipulagi og þjónustu útibúa
Stofnuð verða sex aðalútibú á landsbyggðinni sem heyra
munu beint undir bankastjóm
BANKARÁÐ Landsbankans samþykkti á fundi sínum skömmu fyrir
páska veigamiklar skipulagsbreytingar á útibúaneti bankans á lands-
byggðinni. Þetta er híuti af umfangsmiklum breytingum hjá Lands-
bankanum á öllu skipulagi og þjónustu, en að hluta til er hér um
að ræða afrakstur af úttekt ráðgjafarfyrirtækisins Spicer & Oppen-
heim á bankanum sem lauk fyrir rúmu ári. Hið nýja skipulag útibúa
á landsbyggðinni gerir ráð fyrir að sett verði á stofn eitt aðalútibú
í hveijum landshluta sem heyra mun beint undir bankastjórn. Onnur
útibú á svæðinu munu lúta eftirliti og sljórn aðalútibústjóra en jafn-
framt verða gerðar nokkrar breytingar á þjónustustigi þeirra. Aðal-
útibú verða á sex stöðum á landinu utan Reykjavíkur þ.e.a.s. í Kefla-
vík, á Akranesi, Isafirði, Akureyri, Eskifirði og Selfossi.
Landsbankinn starfrækir nú alls
29 útibú á Iandsbyggðinni og 15
útibú i Reykjavík og Hafnarfirði.
Eftir skipulagsbreytingamar á
landsbyggðinni verður þjónustustig
þar með þrennum hætti, að sögn
Brynjólfs Helgasonar, aðstoðar-
bankastjóra Landsbankans. í aðal-
útibúum verður öll alhliða banka-
þjónusta við einstaklinga og fyrir-
tæki, t.d. afurðalánaþjónusta, er-
lend endurlán og erlendar ábyrgðir
og innheimtur. Ónnur útibú á stærri
stöðum munu veita sömu þjónustu
að undanskyldum erlendum endur-
lánum og erlendum ábyrðum og
innheimtum. Minnstu útibúin munu
fyrst og fremst veita almenna
bankaþjónustu við einstaklinga og
smærri fyrirtæki.
Brynjólfur segir að útibússtjórar
muni hafa útlánaheimildir að
ákveðnu marki, samkvæmt hinu
nýja skipulagi. Þegar um hærri útl-
án sé að ræða þurfí útibústjóri að
leita samþykkis hjá deild fyrir-
tækjaviðskipta og aðstoðarbanka-
stjóra. Ef heildarskuldbindingar séu
hærri en 60 milljónir þurfi hins veg-
ar að leggja umsóknir um viðbótar-
skuldbindingar fyrir lánanefnd en
hún er skipuð bankastjórum, að-
stoðarbankastjórum og forstöðu-
mönnum fyrirtækjaviðskipta og
útlánastýringar.
„Útibústjóri í aðalútibúi ber
ábyrgð á öllum útibúum á sínu svæði
gagnvart bankastjórn," segir hann.
„Þær breytingar verða gerðar að
útlánaheimild útibústjóra aðalútibús
verður hækkuð og hann getur af-
greitt hærri lánveitingar en áður.
Hann verður jafnframt ábyrgur fyr-
ir útlánaeftirliti á sínu svæði og því
verða deildir útlánaeftirlits og af-
urðalánaeftirlits lagðar niður í
Reykjavík. Þessar breytingar munu
þannig hafa í för með sér að
ákvarðanir verða teknar nær við-
skiptavinunum en áður jafnframt
þvl sem eftirlit verður auðveldara.
Eftir sem áður verður ákveðið eftir-
lit hjá fyrirtækjaviðskiptum og
útlánastýringu í aðalbankanum."
Stöður útibússtjóra
aðalútibúa auglýstar
Ákveðið hefur verið að auglýsa
stöður útibússtjóra aðalútibúa opin-
berlega. „Breytingamar geta þýtt
að meira verði um það að menn
færist til í störfum innan bankans,"
segir Brynjólfur. „Deild fyrirtækja-
viðskipta hefur verið hér í Reykja-
vík en það er hugmyndin að sérfræð-
ingar í fyrirtækjaviðskiptum og
jafnvel markaðsmálum verði í aðal-
útibúum. Það er kominn vísir að
þessu á Akureyri en væntanlega
mun taka tíma að koma því í kring.“
Um þessar mundir er unnið að
skipulagsúttekt á stoðdeildum og
útibúanetinu á höfuðborgarsvæðinu
og nýlega er lokið úttekt á innra
skipulagi útibúa. Ákveðið hefur ver-
ið að loka útibúum á Laugavegi 7
og Bíldshöfða en opna aftur á móti
útibú í Hamraborg í Kópavogi og
við Eiðistorg á Seltjarnamesi. „Við
höfum talið að útibúanetið væri
sumstaðar of þétt og sumstaðar of
gisið. í framtíðinni má jafnframt
reikna með minni húsnæðisþörf
útibúa með tilkomu aukinnar sjálf-
virkni eins og boðlínunnnar og hrað-
banka.“
Varðandi skipulagsbreytingar
innan útibúanna segir Brynjólfur
að verið sé að afnema deildarskipt-
ingu og verði stöður deildarstjóra
lagðar niður. í staðinn hafí verið
auglýstar stöður þjónustustjóra og
þjónustufulltrúa einstaklings- og
fyrirtækjaviðskipta. Hann tók fram
að þetta væri unnið í samráði við
starfandi deildarstjóra og stjórn
starfsmannafélagsins. „Við höfum
verið með þjónustufulltrúa fyrir
Vörðuna en erum nú að Ijölga þeim
til að bæta þjónustu bankans og
Utifoú
á landshyggðinni
— .jRaufar**"-
ópnafjörður
Hafnarfjörður
KEFUVÍK
Sandgeri
Lsifssti
Griríi
■ AÐALÚTIBÚ • Útibú
> Afgreiðsla
irnafjöröur
Þetta net er skv. nýju
skipuriti, en því er ekki
lokiö í Reykjavík.
Þar eru nú Aðaibankinn,
13 útibú og 4 afgreiðslur.
gera hana persónulegri en áður.
T.d. verður nú veitt aðstoð við fólk
I greiðsluerfiðleikum og því leiðbeint
um það hvað það ræður við mikil
lán. Þá verður veitt ráðgjöf vegna
ávöxtunar spariijár."
Hann segir skipulagsbreytingarn-
ar hjá Landsbankanum miða að því
að hagræða og lækka kostnað en
jafnframt bæta þjónustu. Stefnt sé
að fækkun starfsmanna um 5% á
árinu sem sé í samræmi við mark-
mið sem sett hafi verið í upphafi
ársins. „Það er mjög mikilvægt að
bankinn sé rekinn á sem hagkvæm-
astan hátt og skili hagnaði þannig
að hann nái að viðhalda eiginfjár-
hlutfalli sínu. Bankinn hefur ekki
aðrar leiðir til að afla sér nýs eigin
fjár,“ segir Brynjólfur Helgason.
Fólk
Nýr skrifstofu-
sijóri Vara
■ KRISTÍN
Þormar hefur
tekið við starfi
skrifstofustjóra
Vara hf. Kristin
varð stúdent frá
Verslunarskóla
íslands 1982 og
starfaði eftir það
hjá Vikurvörum
og síðar B.M.
Vallá. Kristín
varð kerfisfræðingur frá Tölvuhá-
skóla Verslunarskóla íslands
1989 jafnframt því sem hún starf-
aði hjá B.M. Vallá. Hún var aðal-
bókari hjá Bakhúsi hf. um tveggja
ára skeið og starfaði einnig um
hríð hjá Tölvu- og verkfræðiþjón-
Kristín
ustunni áður en hún réðst til Vara
hf. Kristín er 29 ára og á eina
dóttur. Maður Kristínar er Einar
Haukur Reynis.
Jón Þórhættir
hjá K. Jónsson
■ JÓN Þór Gunnarsson, fram-
kvæmdastjóri hjá K. Jónsson og
Co hf. á Ákureyri hefur sagt upp
störfum. Dagur skýrir frá þessu
og segir að ástæðurnar megi rekja
til samstarfsörðugleika og ágrein-
ings um stefnu og starfshætti I
fyrirtækinu. Jón Þór staðfestir
þetta í samtali við blaðið og kveðst
munu hætta í síðasta lagi um mán-
aðamótin júní-júlí. Hann tók við
starfi framkvæmndastjóra niður-
suðuverksmiðjunnar 1. júní I fyrra.
Torgið
I
Sparifjáreigendur komnir í varnarstellingar
ALMENNUR fundur sem haldinn
var nýlega að tilhlutan Samtaka
fjárfesta samþykkti ályktun þar
sem hugmyndum um skattlagn-
ingu sparifjár, sem fram koma í
skýrslu nefndar um samræmda
skattlagningu eigna og eigna-
tekna, var mótmælt. Óttast menn
að skattlagningin dragi úr almenn-
um sparnaði í landinu, jafnvel svo
að algjört hrun verði og í kjölfarið
fylgi stórhækkandi erlendar skuldir
og verðbólga.
Meginþorri fundargesta var
andvígur skattinum og einnig
meirihluti frummælenda. Einungis
einn aðili sem tjáði sig á fundinum
mælti með skattinum og var það
Indriði H. Þorláksson, skrifstofu-
stjóri í Fjármálaráðuneytinu, sem
sæti á í nefndinni um samræmda
skattlagningu. Hann sagði að meg-
intilgangur skattakerfisins væri að
takmarka 'neyslu einstaklinga og
færa hana yfir í samneyslu. Eigna-
tekjur og þ.a.l. einnig vaxtatekjur
sköpuðu neyslumöguleika og væru
mælikvarði á neyslumöguleika
þeirra sem þær hafa. „Skattleysi
vaxtatekna sem og hvers kyns
annarra tekna brýtur gegn einu
grundvallaratriði tekjuskattlagn-
ingar, þ.e. að jafna skattbyrði eftir
greiðslugetu," sagði Indriði.
Eyjólfur Konráð Jónsson, alþing-
ismaður, var einn fundargesta og
sagði hann það mjög misráðið að
ætla að taka upp skatt á sparifé.
Ekki síst í Ijósi þess að fjármagn
myndi þá frekar streyma úr landi.
Pétur H. Blöndal, trygginga-
stærðfræðingur, gagnrýndi niður-
stöður nefndarinnar. „Nefndin
gengur út frá að samræma þurfi
skattakerfið en hún gleymir nokkr-
um atriðum. Sjómannaafslátturinn
er skekkja í kerfinu. Hann er frá-
dráttur á tekjum upp á 1,5 millj-
arða sem er svipað og ríkið ætlar
að fá í tekjur af skattlagningu á
vöxtum. Vaxtabætur eru einnig
frávik frá kerfinu og það er slæmt.
Ég er fylgjandi þvi að skattakerfi
séu einföld og samræmd og því
er ég fylgjandi því að vaxtatekjur
séu skattlagðar. En ekki fyrr en
innlendur sparnaður er orðinn of
mikill, við búin að ná því markmiði
að erlendar skuldir hafa minnkað
og komnar í það horf sem við vilj-
um,“ sagði Pétur.
Pétur sagði jafnframt að ef regl-
urnar yrðu samþykktar myndi
sparnaður minnka verulega.
„Skattstofninn mun víkja sér und-
an skattinum líkt og virðisauka-
skatturinn sem brá sértil Glasgow.
Ef það á að skattleggja vexti víkja
þeir sér til útlanda þar sem sparifé
er ekki skattlagt."
Annar frummælandi á fundinum
var Sigurður B. Stefánsson fram-
kvæmdastjóri Verðbréfamarkaðs
íslandsþanka hf. Hann sagði skatt-
lagningu vaxtatekna einstaklinga
óráðlega, óhagkvæma og ótfma-
bæra. Nær væri að hlúa að íslensk-
um sparifjáreigendum. „Það munu
verða örlög þessarar ríkisstjórnar
svo og þeirra sem sitja munu á
næstu kjörtímabilum að berjast við
það að auka innlendan sparnað til
að koma í veg fyrir aukingu er-
lendra skulda. Að hefja þessa þar-
áttu með því að leggja sérstakan
skatt á íslenskt sparifé hlýtur að
hljóma sem stríðsyfirlýsing í eyrum
sparifjáreigenda."
Sigurður nefndi önnur rök gegn
skattlagningunni. M.a. þau að
framkvæmd skattlagningarinnar
væri óhóflega dýr í hlutfalli við
skatttekjurnar, vaxtaskattur leiddi
til hærri fjármagnskostnaðar og
að skatturinn jafngilti því að banka-
leynd væri rofin.
Vissulega er samræming í
skattakerfinu af hinu góða. En er
sú samræming, sem byggist á
samfélagslegri hugmyndafræði,
mikilvægari en það markmið að
ná niður erlendum skuldum þjóð-
arinnar? Hingað til hefur t.d. sjó-
mannaafslátturinn fengið að halda
lífi og íbúðarkaupendum er sér-
staklega ívilnað með vaxtabótum.
Má ekki alveg eins umbuna ráð-
deildarsömum sparifjáreigendum
og hlífa þeim við skattlagningu
sparifjár? Algild svör finnast ekki,
en mikilvægt er að afleiðingar
skattlagningarinnar verði metnar
rökrænt og skynsamlega áður en
hún er fest í lög.
ÁHB