Morgunblaðið - 12.10.1993, Side 32

32
MORGUNBLAÐIÐ ÞRIÐJUDAGUR 12. OKTÓBER 1993
44. ársþing Landssambands hestamannafélaga
Sameiningarmál og
félagsleg staða hesta-
manna aðalmálin
Tillaga um skyldunotkun reiðhjálma
í gæðingakeppni lögð fyrir þingið
_________Hestar____________
Valdimar Kristinsson
SENN styttist í ársþing Lands-
sambands hestamannafélaga
sem nú verður haldið í Varma-
hlíð í Skagafirði í lok mánaðar-
ins. Tillögur eru nú komnar í
hús á skrifstofu LH en þeim
ber að skila fjórum vikum fyr-
ir þing. Aðalþema þingsins að
þessu sinni verður umræða um
félagslega stöðu samtakanna
og meðlima hennar en einnig
er talið líklegt að umræða um
reiðvegagerð og æskulýðsmál
verði nokkuð fyrirferðarmikil.
Sameiningarmál í brennidepli
Vitað er um þijár tillögur sem
allar ganga út á að stjórn sam-
takanna leiti eftir viðræðum við
Hestaíþróttasamband íslands um
sameiningu samtakanna. Svo
virðist sem þeirri skoðun að sam-
eina beri samtökin í ein heildar-
samtök aukist stöðugt fylgi þrátt
fyrir að nefnd sem stjórn LH
skipaði á síðasta ári til að kanna
kosti og galla sameiningar hafi
talið óráðlegt að gera slíkt að svo
komnu máli. Reyndar hafa vinnu-
brögð nefndarinnar og greinar-
gerð sem hún skilaði af sér verið
gagnrýnd af mörgum og því hald-
ið fram að nefndin hafi engan
veginn gert það sem henni var
falið að gera. Aðildarfélög LH
áttu að senda inn álit á því sem
fram kom í greinargerð nefndar-
innar en eins og venjulega sendu
fá félög inn svör, innan við tutt-
ugu af tæplega fimmtíu aðild-
arfélögum. Af þeim svörum sem
hafa borist er áberandi að þau
félög sem hafa sett sig vel inn í
málin gagnrýna málsmeðferð
nefndarinnar og telja að ekki sé
hægt að setja fram rökstudda
skoðun á því hvort beri að sam-
eina LH og HÍS. Önnur félög
virðast hafa lesið yfir greinargerð
nefndarinnar og skilað áliti í sam-
ræmi við meirihlutaskoðun henn-
ar. Gera má ráð fyrir að þetta
mál muni tvinnast mjög inn í
umræðuna um félagslega stöðu
LH.
Handónýtur reiðvega-
samningur
Þá er líklegt að reiðvegamál
muni nokkuð bera á góma en
hestamenn virðast nú loks hafa
fengið staðfestingu á því að
margumræddur samningur milli
LH og Vegagerðar ríkisins sem
gerður var fyrir ellefu árum er í
raun marklítið plagg. Vegagerðin
túlkar samninginn á allt annan
máta en hestamenn hafa gert og
virðist að þar séu peningar aðal-
bitbeinið. Ari eftir að samningur-
inn var gerður kom upp ágrein-
ingur um túlkun hans. Var því
haldinn fundur samningsaðila
þar sem segir í öðrum lið minnis-
blaðs frá fundinum að þegar um
Morgunblaðið/Valdimar Kristinsson
Amor frá Keldudal þótti bæði ættgöfugur og efnilegur sem ung-
ur hestur en féll úr tísku og átti sér vart viðreisnavon sem kyn-
bótahestur hér á landi og því seldur til Italíu fyrir lítið fé. Mynd-
in er tekin á fjórðungsmóti á Melgerðismelum ’87, knapi er Helgi
Eggertsson.
Morgunblaðið/Valdimar Kristinsson
Fyrir rúmri viku réttuðu Vestur-Húnvetningar hross í Víðidals-
tungurétt þar sem komu að um 700 hross sem hér eru rekin til
réttar.
sé að ræða gerð reiðleiða fram
með vegum sem þegar hafa verið
byggðir verði að kosta fram-
kvæmdina með reiðvegafé eða
afla sérstakrar fjárveitingar.
Ekkert er kveðið á um það hver
skuli hafa frumkvæði að útvegun
fjármuna, hvor um sig væntan-
lega haldið að hin aðilinn gerði
það. í þriðja lið minnisblaðsins
segir að eðlilegt þyki að sam-
starfsnefndir sem gert er ráð
fyrir í hveiju umdæmi skuli
starfa að frumkvæði LH. Ekki
er ólíklegt að hestamenn muni
velta fyrir sér hvað hafi brugðist
í samstarfi LH og VR.
Börnin gjaldfrí
Ýmislegt hefur verið gert í
æskulýðsmálum á vegum LH síð-
ustu árin en sjálfsagt geta allir
verið sammála um að stórefla
þurfi þann þátt í starfsemi sam-
taka hestamanna því ef grannt
er skoðað eru ótrúlega fá ung-
menni innan vébanda LH í
samanburði við önnur íþrótta-
sambönd. Komið hafa fram tvær
tillögur frá æskulýðsnefnd LH
sem lagðar verða fyrir þingið. í
annarri tillögunni er lagt til að
felld verði niður gjaldtaka af tólf
ára börnum og yngri. Reyndar
eru komnar fram tvær tillögur
um sama efni. Samkvæmt upp-
lýsingum frá skrifstofu LH er þar
um að ræða 6% af tekjum af
félagsgjöldum. Þá leggur nefndin
til að bætt verði við einum æsku-
lýðsfulltrúa á launum en fyrir er
starfandi fulltrúi á launum. Eitt
hestamannafélag leggur til að
komið verði á skyldunotkun reið-
hjálma í gæðingakeppni eins og
nú tíðkast í keppni eftir reglum
HÍS. Að síðustu má geta laga-
breytingartillögu frá hesta-
mannafélaginu Hring á Dalvík
og nágrenni þar sem lagt er til
að framvegis muni aðeins þurfa
einfaldan meirihluta til að breyt-
ingar á lögum samtakanna nái
fram að ganga. Nú þarf atkvæðj
2/3 mættra þingfulltrúa. I
greinargerð með tillögunni segir
að mjög óeðlilegt og ólýðræðis-
legt sé að minnihluti þingfulltrúa
geti staðið í vegi fyrir eðlilegum
breytingum og lögum samtak-
anna. Er í því sambandi bent á
að á hinu háa Alþingi ráði ein-
faldur meirihluti framgangi
mála. Þegar þetta er skifað hefur
ekkert frést af lagabreytingartil-
lögu en slíkar tillögur hafa kom-
ið fram á síðustu þingum en
ávallt felldar í krafti ofan-
greindra ákvæða í 13. grein laga
LH.
Nokkur gagnrýni hefur komið
fram á ársþing LH.
A *
Islenskir hestar á Italíu
Amor frá Keldudal
aflífaður eftir fótbrot
Morgunblaðið/Valdimar Kristinsson
íslendingar hafa átt góðu gengi að fagna á skeiðmeistaramótun-
um eins og til dæmis í fyrra þegar Höskuldur Aðalsteinsson
Trausti Þór Guðmundsson, Angantýr Þórðarson og Snorri Dal
einokuðu skeiðmeistarakeppnina.
Alþjóðlega skeiðmeistaramótið
Á annað hundrað hross skráð til leiks
Fall er fararheill segir mál-
tækið og skulum við vona að
það eigi við um ræktun ftala
á íslenska hestinum því í vor
keyptu þeir stóðhestinn Amor
frá Keldudal og fluttu til ítal-
íu en ekki tókst betur en svo
til að hann brotnaði á aftur-
fæti. Varð að aflífa hann eftir
um sjö klukkustunda aðgerð
sem virtist hafa tekist vel.
Engin skýring fékkst á því
hvernig óhappið vildi til en kom-
ið var að hestinum í girðingu
með brotinn fótinn en þijár
hryssur voru hjá honum. Ekki
sáust nein ummerki um að hann
hefði fest sig eða eitthvað annað
sem skýrt gæti brotið. Brotnaði
hann rétt fyrir neðan hné en
brotið þótti mjög óvenjulegt því
leggurinn hafði að því er virtist
klofnað langsum. Farið var með
hestinn á dýraklínik þar sem
aðstæður voru eins og best var
á kosið og var talið að aðgerðin
hefði tekist með miklum ágætum
en þegar hann vaknaði var eng-
inn til staðar og braust hann um
og braut upp allar umbúðir þann-
ig að allt var unnið fyrir gýg.
Var jafnvel talið að ástæðan fyr-
ir bramboltinu í hestinum megi
rekja til þess að flugvél flaug
yfir skömmu eftir aðgerðina og
jafnvel talið að hann hafi vaknað
við hávaðann fyrr en ætlað var
og því brugðist svo illa við. Eftir
þetta var hugleitt að senda Amor
Alþjóðlega skeiðmeistara-
mótið á islenskum hestum
verður haldið um næstu helgi
í Þýskalandi. Mótsstaðurinn,
Roderath, sem er mörgum ís-
lendingum vel kunnur frá því
haldið var þar Evrópumót
1983, er um 50 km suðvestur
af Bonn.
Mótið hefst á föstudag með
til Bandaríkjanna í aðgerð en
fallið frá því og hann aflífaður.
Talið er að Amor hafi tekist að
fylja í það minnsta eina hryssu
þannig að hann skilur þó eitt-
hvað eftir sig. Er það sannarlega
leitt að svona skuli fara en ítalir
hafa ekki lagt árar í bát og
hyggjast jafnvel kaupa annan
stóðhest frá íslandi.
150 og 250 metra skeiði, á laug-
ardag fer fram keppni í A-flokki
gæðinga og skemmtun um kvöld-
ið. Dagskrá sunnudagsins hefst
með forkeppni í tölti T 1:1 eða
slaktaumatölti eins það hefur
verið nefnt á síðum Morgunblaðs-
ins. Einnig verður keppt í gæð-
ingaskeiði og úrslit í gæðinga-
keppninni og töltinu og endað
með skeiðmeistarakeppnini sem
verður bæði 150 og 250 metrar.
Ekki er ljóst hversu margir ís-
lendingar munu taka þátt að
þessu sinni en þeir hafa látið
verulega til sín taka á undanförn-
um árum og raðað sér í efstu
sætin. Skeiðmeistaramótin eru
eingöngu ætluð alhliða hestum,
vekringum og gæðingum og segja
má að þessi mót séu ein skeið-
veisla frá upphafi til enda. Áhugi
fyrir skeiðinu er mjög mikill í
Þýskalandi og fer þeim stöðugt
fjölgandi sem ná góðum tökum á
alhliða hestum. 150 hross eru
skráð til leiks í það heila, 120 í
gæðingakeppni, 120 gæðinga-
skeiði, 77 í tölti, 50 í 150 metra
skeiði og 56 í 250 metra skeiði.