Morgunblaðið - 26.01.1994, Page 17
MORGUNBLAÐIÐ MIÐVIKUDAGUR 26. JANÚAR 1994
17
Morgunblaðið/Þorkell
Stjórn Hringsins
STJÓRN og varastjórn Hringsins; neðri röð f.v. Borghildur Fenger,
varaformaður, Elísabet Hermannsdóttir, formaður og Birna Björns-
dóttir gjaldkeri. Efri röð f.v. Guðrún Jörgensen, ritari, Vilborg Krist-
jánsdóttir, Ragnheiður Sigurðardóttir, yfirhjúkrunarkona á vöku-
deild Barnaspítalans, Herdís Guðmundsdóttir og Guðrún Jónsdóttir,
meðstjórnandi. Einnig situr Steinunn Lárusdóttir í stjórn félagsins.
og meðferð veikra barna. Ekki er
ofsögum sagt að án stuðnings
þeirra hefðu framfarir innan Barna-
spítala Hringsins ekki verið jafn
stórstígar og staðreyndir leiða í ljós,
s.s. á sviði skyndivaktaþjónustu
Barnaspítalans, nýburalækninga og
krabbameinslækninga, svo fátt eitt
sé nefnt. Börn sem hafa komist þar
til bata, aðstandendur þeirra og
starfsfólk Barnaspítalans hafa ít-
rekað þakkað Hringskonum fyrir
ómetanlegt framlag þeirra. Tekju-
lindir sem gerðu þennan stuðning
mögulegan eru aðallega sprottnar
úr árlegri kaffisölu Hringsins,
kortasölu, happdrætti og framlög-
um einstaklinga og fyrirtækja til
þeirra verkefna sem Hringskonur
setja á oddinn hveiju sinni. „Fleiri
hafa munað eftir okkur gegnum
tíðina en hægt er að geta um í
stuttu spjalli. Þeir hafa fært okkur
peningagjafir, jafnvel arfleitt okkur
að eignum,“ segir Elísabet. „Allt
byggist á velvilja almennings sem
hjálpar okkur til að hjálpa börnun-
um, og við höfum alltaf gætt þess
að öll fjáröflun renni í Barnaspítala-
sjóð Hringsins sem fjármagnar
tækjakaup fyrir spitalann og annað
það sem þörf krefur á hverjum tíma.
Kvenfélagið Hringurinn fær aðeins
árgjöld kvennanna sem í félaginu
eru, en öll vinna þeirra og hver
króna sem hún skilar rennur í þágu
spítalans."
Sem dæmi um þetta má nefna
að Hringurinn tækjavæddi alger-
lega vökudeild Barnaspítala
Hringsins á sínum tíma, sem hýsir
nýbura. Árið 1991 runnu um 6
milljónir króna úr Barnaspítalasjóði
Hringsins til barnaspítalans og um
11 milljónir 1992. Það ár gáfu
Hringskonur gjörgæslukerfi á
vökudeild Barnaspítalans og ferða-
gjörgæslukerfi fyrir ófullburða ný-
bura, sem er gríðarlegt tæki, nán-
ast eins og lítið, hreyfanlegt sjúkra-
hús.
Framtíðardraumurinn
Segja má að Hringskonur leggi
stolt sitt í að búa Barnaspítala
Hringsins góðum og aðkallandi
tækjum en helsta baráttumál þeirra
um langt skeið hefur þó verið að
reisa nýja barnaspítalabyggingu,
■sem orðin er brýn með þeim breyt-
ingum sem orðið hafa á þjónustu
við veik börn á seinustu áratugum.
Einkum og sérílagi þar sem núver-
andi húsnæði er ekki sérhannað
með börn í huga. Nú þegar liggur
fyrir viljayfirlýsing stjórnar Ríkis-
spítalanna þeim málstað til stuðn-
ings. „Framtíðardraumur okkar er
að barnasjúkrahús verði reist á
Landspítalalóðinni, helst sem næst
fæðingardeildinni, því þetta tengist
allt,“ segir Elísabet. „Við viljum fá
að ieggja lóð okkar á vogarskálar
sjúkrahúss sem miðast að öllu leyti
við þarfir barna og allar þarfir, lika
geðsjúkra barna. Við tókum þátt í
að geðdeild fyrir börn var tekin í
gagnið á Dalbraut 1971 og það er
afar æskilegt að þetta sé allt undir
sama þaki. Fyrstu áætlanir gerðu
ráð fyrir að framkvæmdir hæfust
á þessu ári, en það er áreiðanleg
of mikil bjartsýni. Við vonum þó
að skriður komist á undirbúning í
ár og fullkomið barnasjúkrahús
muni síðan rísa sem allra fyrst,
helst fyrir aldarafmæli Hringsins,"
segir Elísabet.
I tilefni af stórafmæli sínu efna
Hringskonur ásamt mökum og sér-
stökum gestum til afmælisveislu á
Hótel Borg, laugardaginn 29. jan-
úar nk., og verður þar ýmislegt
gert til hátiðabrigða.
Framkvæmdastjóri Hafnarbakka
Markaðsöflin eru að
verki á saltmarkaðnum
BRAGI Ragnarsson, framkvæmdastjóri Hafnarbakka, segir að hin
fijálsu markaðsöfl séu að verki á saltmarkaðnum og það sé ekki
rétt að tala um undirboð í því sambandi, en í frétt í Morgunblaðinu
á laugardag segir Gunnar Örn Kristjánsson, framkvæmdastjóri
Saltkaupa, að Hafnarbakki stundi undirboð á salti. Bragi sagði
að þessi fyrirtæki hefðu verið að takast á á þéssum markaði
mörg undanfarin ár, það væri ekkert nýtt.
Hann sagði að það væru Salt-
kaup sem væru að reyna að sækja
á á markaðnum og því væri aug-
ljóst að þeir væru að lækka verðið
til þess að ná aukinni markaðs-
hlutdeild. Menn næðu aukinni
markaðshlutdeild með því að
lækka verð og það væri einmitt
það sem Saltkaup hefði gert. „Þeg-
ar tekist er á um svona hluti má
búast við að það komi fram ásak-
anir á víxl um undirboð, en þetta
er nú bara hinn fijálsi markaður,"
sagði Bragi.
Hann sagði að verðlagning á
salti væri flókið mál og færi til
dæmis eftir svæðum og pakkning-
um og verðflokkarnir væru marg-
ir. Saltkaup hefði boðið lægra verð
á ákveðnum vöruflokkum og því
hefði Hafnarbakki þurft að mæta
með verðlækkun til að halda sinni
stöðu á markaðnum. „Þeir telja
sig geta selt á þessu verði sem
var lægra en okkar verð. Við höf-
um reynt að halda okkar viðskipt-
um og gerðum það með ákveðnu
kostnaðaraðhaldi og það er ekki
hægt að tala um nein undirboð í
því sambandi. Þetta er bara fijáls
samkeppni og þeir treysta sér ekki
til að mæta því verði sem við erum
með. Það má lesa það út úr þess-
ari frétt,“ sagði Bragi ennfremur.
Samtök fiskvinnslustöðva um tillögur um tilboðsmarkað fyrir aflamark
Minni hagræðing, hærra hrá-
efnisverð og atvinna skerðist
NÁI tillögur um Kvótaþing fram að ganga munu þær vinna gegn þeirri
hagræðingu sem unnið hefur verið að í fjölmörgum sjávarútvegsfyrir-
tækjum undanfarin misseri. Þær munu einnig geta leitt til hækkunar
hráefnisverðs og samdráttar í fiskvinnslu og atvinnu víðs vegar um
land með tilheyrandi byggðaröskun, að því er segir í umsögn Samtaka
fiskvinnslustöðva um tillögurnar.
Samtökin sendu sjávarútvegsráð-
herra umsögn sína á mánudag,
vegna hugmynda um tilboðsmarkað
fyrir aflamark, eða svokallað Kvóta-
þing. Nefndar eru fimm ástæður
þess að þau eru andvíg tillögunum.
í fyrsta lagi segja samtökin að
tillögurnar gangi þvert á yfirlýsingu
sjómanna og vinnuveitenda í gildandi
kjarasamningi. Þar segi að óheimilt
sé að draga útlagðan kostnað vegna
leigu og kaupa á aflaheimildum frá
heildarsöluverðmæti aflans áður en
skiptaverð til sjómanna sé reiknað
og að yfirlýsingin hafi engin áhrif á
fijáls viðskipti útgerðarmanna sín á
milli með aflaheimildir, né samninga
einstakra útgerða við kaupendur um
fiskverð. Verði farið að tillögunum
sé gengið gegn þessari yfirlýsingu,
það gert ómögulegt sem þar er heim-
ilt en ekki tekið sérstaklega á því
sem óheimilt er og telja megi að ein-
hveiju leyti undirrót verkfalls sjó-
manna í ársbyijun.
I öðru lagi skapi tillögur nefndar-
innar mikla óvissu fyrir ijölmörg
sjávarútvegsfyrirtæki sem hafi geng-
ið í gegnum fjárhagslega endur-
skipulagningu með tilheyrandi eigna-
sölu til að lækka skuldir. Þessi fyrir-
tæki hafi 'sum hver dregið saman í
útgerð með fækkun eigin fiskiskipa
en haldið eftir meirihluta kvótans,
en önnur beint skipum sínum að veið-
um á utankvótategundum. Tekist
hafi að lækka skuldir jafnframt því
að hægt hafi verið að halda uppi nær
fullri atvinnu starfsfólks með samn-
ingum við útgerðir á grundvelli tonns
á móti tonni eða að fyrirtæki hafi
nær alfarið lagt til veiðiheimildir.
Lækkun heildarskulda, meira hráefni
til vinnslu og aukið atvinnuöryggi
fiskvinnslufólks hafi verið lykilatriði.
Tillögur um tilboðsmarkað gangi
gegn öllum þessum meginatriðum í
hagræðingu fyrirtækjanna.
I þriðja lagi geti hugmyndirnar
leitt til hækkunar hráefniskostnaðar
hjá fiskvinnslunni. Erfitt sé að reikna
út áhrif uppboðsmarkaðar á verð-
lagningu leigukvóta en viðbúið sé að
á tímum lítils framboðs muni þetta
leiða til hækkunar. Flutningum á
aflaheimildum innan sjávarplássa,
fyrir utan viðskipti innan sömu út-
gerðar og slétt skipti, verði stefnt í
fullkomna óvissu. Þessi viðskipti hafi
átt sinn þátt í grundvelli rekstrar
fyrirtækja á viðkomandi stöðum og
atvinnu starfsfólks. Ástæða sé eink-
um til að hafa áhyggjur af þessum
þætti í minni og veikburða sjávar-
plássum. Þrátt fyrir að skiptar skoð-
anir hafi verið um núverandi kvóta-
kerfi hafi flestir verið sammála því
að lykilatriði í því hafi verið frjálst
framsal á veiðiheimildum. Tillögur
nefndarinnar takmarki mjög þessi
viðskipti.
í fjórða lagi muni tilboðsmarkaður
auðvelda erlendum aðilum aðgang
að aflaheimildum og ýta undir út-
flutning á óunnum fiski.
í fimmta lagi gangi þessar tiliögur
þvert á frumvarp sjávarútvegsráð-
herra um breytingar á lögum um
stjórn fískveiða þar sem gert sé ráð
fyrir að fiskvinnslustöðvar gefi flutt
til sín aflahlutdeild.
Prófkjör Sjálfstœðisflohksins
STERKAforys
Ingu Jónu I
sætio
Stuðningsmenn
Skrifstofa stuðningsmanna - vesturgötu 2, (Álafossnusinu)
■ simar 16560 og 16561 * opið 10-22 -