Morgunblaðið - 05.03.1994, Qupperneq 16

16
MORGUNBLAÐIÐ LAUGARDAGUR 5. MARZ 1994
Skólahljómsveit Mosfellsbæjar fagnar tímamótum
Afmælistónleikar haldn-
ir vegna 30 ára afmælis
SKÓLAHLJÓMSVEIT Mosfellsbæjar heldur tónleika í íþróttahúsinu
að Varmá sunnudaginn 6. mars klukkan 16. Hljómsveitin heldur
upp á 30 ára afmæli á þessu ári en miðað er við fyrstu tónleika
hennar sem haldnir voru 17. júní 1964. Með hljómsveitinni koma
fram Álafosskórinn, félagar úr Barnakór Varmárskóla, Karlakór-
inn Stefnir, Kirkjukór Lágafellssóknar, Mosfellskórinn og Reykja-
lundarkórinn og flytja fjölbreytta dagskrá. Meðal höfunda á efnis-
skrá eru Beethoven, Verdi, Hándel og Bítlarnir.
Auk tónleikanna hefur þessara
tímamóta í starfi hljómsveitarinnar
verið minnst með útgáfu afmælis-
rits. Þar er að finna kveðjur frá
gömlum félögum, frásagnir af
söngferðum og ágrip af ferli hljóm-
sveitarinnar. í pistli Jóns Guð-
mundssonar á Reykjum segir að
fyrstu spor hljómsveitarinnar hafi
verið á þann veg að skólakennar-
inn, Birgir D. Sveinsson, hafí spil-
að á lúður og að stofnun hljóm-
sveitarinnar hafi ekki síst komið
til vegna áhuga hans og metnað-
ar. Því hafí það orðið úr að hljóð-
færi hafi verið keypt árið 1963 og
hljómsveit sett á fót í tengslum
við Varmárskóla. í ritinu er einnig
ávarp forseta bæjarstjórnar Mos-
fellshrepps, Helgu Richter, og þar
segir að hljómsveitin sé sannkall-
aður sveitarsómi. Skólahljómsveit
Mosfellsbæjar „hefur ýmist átt
þátt í að skapa blæ menningar og
hátíðleika eða blásið lífi og fjöri í
hinar margvíslegustu samkomur í
bæjarfélaginu". Fram kemur að
hljómsveitin hafi verið fyrirmynd
slíkrar hljómsveitarstarfsemi í öðr-
um sveitarfélögum og þyki hún
nú ein besta barna- og unglinga-
hljómsveit landsins. Einnig hafi
hljómsveitin víða leikið við góðan
orðstír á ferðum sínum erlendis.
í fyrstu var skólahljómsveitin
drengjahljómsveit en árið 1968
fengu stúlkurnar að slást í hópinn
og hefur fjölskrúðugt tónlistarlíf
sett svip á byggðarlagið frá stofn-
un hennar. Karlakórinn Stefnir
hefur einnig starfað þar í 50 ár.
Jón Guðmundsson á Reykjum seg-
ir að áhrif af góðum árangri hljóm-
sveitarinnar og gamalgrónum kór-
söng séu eflaust stór þáttur í gró-
skumiklu mannlífi sveitarinnar.
Segir Jón að sá neisti sem kviknað
hafi þegar hljómsveitin var sett á
laggirnar fyrir 30 árum hafí síðan
logað glatt og borið hróður byggð-
arlagsins víða.
Pétur Guðgeirsson ritar nokkrar
línur fyrir hönd foreldra barna í
hljómsveitinni og leggur áherslu á
uppeldisþátt hljómsveitarstarfsins.
Þar læri börnin að vinna saman,
lúta aga og taka tillit til annarra
og ekki verði á betra kosið hvað
hljómsveitina varði. Sérstaklega sé
hegðun eldri bamanna til fyrir-
myndar og eru Birgi Sveinssyni
og tónlistarkennurum færðar
þakkir fyrir starf sitt.
Opið hús í MS á 25
ára afmæli skólans
UM ÞESSAR mundir stendur Menntaskólinn við Sund, áður Mennta-
skólinn við Tjörnina, fyrir afmælishátíð vegna 25 ára afmælis skól-
ans. Af þessu tilefni verða nemendur, kennarar og starfsfólk með
opið hús í skólanum í dag, laugardaginn 5. mars frá kl. 13 til 17. Þar
verður saga skólans rakin, gamlar myndir úr skólalífinu sýndar, nám
í skólanum kynnt ásamt ýmsu öðru sem ætlað er að gleðja augu gesta.
Öllum er velkomið að koma og skoða skólann.
Opið hús verður í skólanum frá
kl. 13 til 17 í dag. Helstu náms-
brautir skólans, eðlisfræði-, líf-
fræði-, stærðfræði-, mála-, félags-
fræði- og hagfræðideild, verða
kynntar af nemendum og kennur-
um. Bekkjarkerfi er í skólanum og
hefur hver bekkur tekið að sér
ákveðið verkefni. Gestum mun
standa til boða að kynnast því sem
gert er í skólanum af eigin raun,
til dæmis með því að taka þátt í
eðlisfræðitilraun með rafeinda-
stýrðum mælibúnaði þar sem tölvur
eru notaðar til mælinga og útreikn-
inga. Nýtt merki skólans verður
sýnt ásamt altækum umhverfissk-
úlptúr sem ber heitið Skólastofan.
Dæmigerður MS-ingur verður
kynntur, félagslíf, svið skólans,
kennarar í áranna rás og viðurnefni
þeirra, athyglisverðar efnafræðitil-
raunir verða framkvæmdar með
stuttu millibili og framtíð MS-inga
í þjóðfélaginu verða gerð skil. Einn-
ig verður kynnt hvernig það er að
vera nýnemi í MS, og er þá margt
ótalið, segir í fréttatilkynningu.
Foreldrum nemenda og öllum
þeim sem útskrifast hafa frá skól-
anum verður sent boðsbréf, en ann-
ars er öllum velkomið að skoða
skólann. Á lóð skólans verða hestar
sem yngsta kynslóðin fær að sitja
og veitingar verða í kaffihúsi sem
verður innan veggja skólans. Flest-
ir ættu því að fínna eitthvað við
sitt hæfi. Upplýsingar verða veittar
við aðalinngang skólans og þeir,
sem það vilja, geta fengið leiðsögn
um hann. Öllum er velkomið að
skoða 'skólann, og skal nemendum
í grunnskólum sérstaklega bent á
kjörið tækifæri til að skoða hugsan-
legan framhaldsskóla sinn.
Vinafélag Blindrabókasafnsins
Menningarvaka haldin
í Ráðhúsi Reykjavíkur
VINAFÉLAG Blindrabókasafns íslands stendur fyrir menningarvöku
í Ráðhúsi Reykjavíkur næstkomandi fimmtudag, 10. mars, klukkan
20.30. Boðið verður upp á fjölbreytta dagskrá sem kynnt verður síðar
en upplestur og tónlistarflutningur verða meðal atriða. Menningarvak-
an er öllum opin og er haldin í þeim tilgangi að efla vinafélagið.
Bryndís Þórðardóttir formaður
segir að vinafélagið hafi verið stofn-
að 28. apríl á síðasta ári og sé mark-
mið þess að vinna að málefnum sem
auka þjónustu við lánþega Blindra-
bókasafnsins. Um er að ræða góð-
gerðarsamtök sem vilja vera bak-
hjarl safnsins og er það meðal ann-
ars gert með fjáröflun. í dag eru
meðlimir um 250 en Bryndís segir
að það sé öllum opin. Núverandi
stjórn og trúnaðarráð eru skipuð 20
manns úr öllum starfsstéttum og
flokkum sem eiga það sammerkt að
vilja hlúa að safninu. Blindrabóka-
safnið verður bráðlega flutt í Hamra-
borg í Kópavogi og var upphaflega
ætlunin að menningarvakan yrði
haldin um sama leyti og flutt væri.
Að sögn Bryndísar frestast flutning-
arnir um nokkra mánuði. Fólk er
hvatt til að mæta á kvöldvökuna og
segir Bryndís að öllum sé fijáls þátt-
taka í félaginu.
Söguleg sérstaða Alþýðu-
flokks í landbúnaðarmálum
eftir Birgi
Hermannsson
Alþýðuflokkurinn hefur enga
sögulega sérstöðu í landbúnaðar-
málum. Þetta er skoðun Bjöms
Bjamasonar og rökstudd í Morgun-
blaðinu 1. mars síðastliðinn. Með
þessari grein var Bjöm m.a. að
setja ofan í við ritstjóra Morgun-
blaðsins fyrir að voga sér að halda
því fram að í deilum um landbúnað-
armál síðustu misseri hafi Alþýðu-
flokkurinn fylgt hefðbundinni
stefnu sinni um áratugaskeið. Sér
til fulltingis í röksemdafærslunni
reiðir Björn fram kennivald Gunn-
ars Helga Kristinssonar dósents í
stjórnmálafræði. Þvert á skoðun
ritstjóra Morgunblaðsins heldur
Björn því fram að það sé Alþýðu-
flokkurinn ásamt Jónasi frá Hriflu
sem eigi höfuðsök á landbúnaðar-
kerfínu. Þessi skoðun Björns
Bjarnasonar er röng eins og ég mun
sýna fram á, m.a. með tilvitnunum
í Gunnar Helga Kristinsson.
Björn vitnar í grein sem Gunnar
Helgi skrifar í bókina íslensk þjóð-
félagsþróun 1880-1990 og ber
heitið „Valdakerfið fram til við-
reisnar 1900-1959“. Á þessum
ámm höfðu flestir flokkar svipaðar
skoðanir á landbúnaðarmálum, þó
vart verði sagt að þau mál hafi
verið mikið áhugamál Alþýðu-
flokksins. Framsóknarflokkur og
Sjálfstæðisflokkur byggðu þetta
kerfi upp, en Alþýðuflokkurinn
fylgdi straumnum. Gunnar Helgi
hefur hins vegar einnig skrifað bók
um atvinnustefnu á íslandi eftir
1959 og þar kemur sérstaða Al-
þýðuflokksins skýrt fram. Þar segir
m.a. um stefnu flokksins á viðreisn-
arámnum: „Alþýðuflokkurinn vildi
gerbreytingu á stefnu í landbúnað-
armálum. Flokkurinn lagði sérstaka
áherslu á, að tryggja bæri að neyt-
endur gætu keypt landbúnaðarvör-
ur á lágu verði; endurskoðun bú-
vörulaga átti að fara fram með
samráði neytenda og framleiðenda;
framleiða átti nær eingöngu fyrir
innanlandsmarkað, leggja niður bú
sem ekki bæm sig, leggja niður
útflutningsbætur í áföngum, breyta
lögum um ákvörðun verðs á land-
búnaðarvörum og leggja niður
styrki til þess að koma í veg fyrir
offramleiðslu. Þetta var í fyrsta sinn
sem markmið um hagræðingu með
þessu sniði komu fram í stefnu-
skrám.“ (Bls. 79.) Á öðrum stað
segir: „Af stefnuskrám Alþýðu-
„Þennan tíma hefur
andi Jónasar frá Hriflu
hins vegar lifað góðu
lífi í þingflokki Sjálf-
stæðisflokksins, með
þeim afleiðingum að
fest hefur í sessi galið
sóunar- og spillingar-
kerfi í landbúnaði.“
flokksins allt til 1959 er ekki annað
að ráða en hann hafi eindregið stutt
uppbygginguna í landbúnaði. Það
ár — eftir að slitnað hafi upp úr
bandalagi „hinna vinnandi stétta"
— sneri flokkurinn við blaðinu í
málefnum landbúnaðar, og upp úr
því varð hann fyrstur stjómmála-
flokka til að krefjast hagræðingar
í landbúnaðij1 (Bls. 93.)
Það er alveg ljóst af þessum til-
vitnunum að Alþýðuflokkurinn hef-
ur í yfir þijá áratugi haft sérstöðu
meðal íslenskra stjórnmálaflokka í
landbúnaðarstefnu sinni. Þennan
tíma hefur andi Jónasar frá Hriflu
hins vegar lifað góðu iífi í þing-
flokki Sjálfstæðisflokksins, með
þeim afleiðingum að fest hefur í
Birgir Hermannsson
sessi galið sóunar- og spillingar-
kerfi í landbúnaði. Þetta kerfi er
sá fortíðarvandi sem menn eru nú
að vinda ofan af með miklum sárs-
auka fyrir marga bændur í landinu.
Stefna Alþýðuflokksins beinist ekki
gegn bændum sem stétt eða ein-
staklingum, heldur gegn því skipu-
lagi sem atvinnugreininni hefur
verið búið. Þetta skilja ekki Hriflu-
Jónasar Sjálfstæðisflokksins og
leggjast óttaslegnir í þvergirðings-
lega hagsmunagæslu sem engum
er til góðs til lengri tíma litið.
Auðvitað eru og hafa verið deilur
um landbúnaðarmál innan Sjálf-
stæðisflokksins. Heldur Björn
Bjarnason virkilega að mikil ánægja
sé innan borgarstjórnarflokks Sjálf-
stæðisflokksins í Reykjavík yfir
hamaganginum í Agli Jónssyni upp
á síðkastið? Bjöm segir flokkinn
hafa náð innbyrðis samkomulagi í
þessu efni. Það gleður mitt litla
hjarta, en nagandi efínn læðist að
mér eftir sem áður. Flokkurinn virð-
ist engan sterkan talsmann neyt-
enda hafa í sínum röðum og ekki
hafa þeir hátt sem að öllu jöfnu
ættu að vera talsmenn fijálslyndis
í landbúnaðarmálum. Egill Jónsson
hefur hins vegar hátt og hótar
stjórnarslitum. Sáttin virðist því
ekki vera á milli ólíkra sjónarmiða
sem togast á, heldur auðmjúk sátt
við forystu Egils Jónssonar. Hvort
þessi er raunin verður framtíðin að
skera úr um.
Samstarf Alþýðuflokksins og
Sjálfstæðisflokksins í landbúnaðar-
• málum hefur verið erfitt vegna
ólíkra sjónarmiða og ólíkrar sögu
flokkanna. Alþýðuflokkurinn hefur
sögulega sérstöðu í landbúnaðar-
málum. Það stoðar lítt fyrir Björn
Bjarnason eða aðra að neita þessu.
Alþýðuflokkurinn hefur verið sjálf-
um sér samkvæmur í landbúnaðar-
málum um áratuga skeið og getur
verið stoltur af því. í öllum meginat-
riðum hefur stefna flokksins verið
rétt, enda eru aðrir flokkar smám
saman að taka hana upp.
Höfundur er aöstoðarmadur
umh verfisráðherra.