Morgunblaðið - 17.04.1994, Blaðsíða 1

80 SIÐUR B/C
86.tbl. 82.árg. SUNNUDAGUR 17. APRÍL 1994 PRENTSMIÐJA MORGUNBLAÐSINS
Deilt um orsök árásar-
innar á þyrlumar í Irak
Kveikt var á viðvörunarbúnaði sem átti að sýna að um vinaþyrlur var að ræða
Engin sök að
biðja um koss
ÍTALSKUR dómstóll kvað upp þann
dóm á föstudag að koss væri aðeins
koss og ekki glæpur þótt annar aðilinn
hafni öllu kossaflensi. Afrýjunardóm-
stóll í bænum Cortona sýknaði fimm-
tugan ítala, Guido Mammoli, af ákæru
um að hafa áreitt unga ferðakonu með
þvi að ávarpa hana og biðja um koss.
Undirréttur sýknaði manninn í fyrra
en ríkissaksóknari áfrýjaði dómnum.
„Ef við ættum að dæma alla sem slá
öðrum gullhamra myndi dómskerfið
lamast," sagði í úrskurði áfrýjunar-
dómstólsins.
Zhírínovskíj á
fund Saddams
RÚSSNESKI þjóðernis-
öfgamaðurinn Vladím-
ír Zhírínovskíj heldur
senn til Iraks þar sem
hann verður gestur í
afmæli Saddams Hús-
seins forseta 28. apríl,
að sögn Interfax-frétta-
stofunnar. Talsmaður
flokks Zhírínovskíjs,
Frjálslynda lýðræðis-
flokksins, sagði að
flokksformaðurinn ætlaði að lyfta ír-
ösku þjóðinni upp á afmælisdegi Sadd-
ams því í föruneyti Zhírínovskíjs yrði
knattspyrnulið og þjóðlagasveit.
Handaband og
handalögmál
LENGI hefur þótt sjálfsögð kurteisi
meðal íþróttamanna að takast í hendur
að loknum leik en nú hafa nokkrir skól-
ar í grennd við Los Angeles bannað
nemendum að iðka þennan sið. Ástæðan
er ótti við að handaböndin hafi í för
með sér handalögmál. Skólarnir eru
allir I Ventura-sýslu sem aðallega er
byggð hvítu fólki og ekki hefur þurft
að kljást við óaldarflokka unglinga.
Verstir þykja leikmenn í hefðbundinni,
evrópskri knattspyrnu. Sumir þeirra
spýta í lófana áður en þeir bjóða hönd-
ina, aðrir muldra móðgunarorð og
stundum er bætt við höggum, jafnvel
sparki í höfuð. Mörgum finnst. sem
bannið sýni að skólaíþróttir endur-
spegli æ betur árásargirnina og gleði-
skortinn í atvinnuíþróttum. Kennarar
segja að stundum hafi þjálfarar og for-
eldrar ýtt undir áflogin og elt embættis-
menn skólans að bílum þeirra eftir
leiki. „Það virðist vinsælt að hrækja í
knattspyrnu“, segir íþróttastjóri eins
skólans.
Washington, London. Reuter.
TALSMAÐUR stjórnar Bills Clintons
Bandaríkjaforseta gagnrýndi harð-
lega þingmenn Repúblikanaflokksins
fyrir að halda því fram að árásin á
bandarísku herþyrlurnar í norður-
hluta íraks á fimmtudag væri afleið-
ing niðurskurðar stjórnarinnar á út-
gjöldum til varnarmála.
Öldungadeildarmaðurinn John McCain
og fulltrúadeildarmaðurinn Newt Gingrich
höfðu sagt að það gæti skýrt atvikið að
einhverju leyti að bandaríski heraflinn héngi
nánast á horriminni vegna niðurskurðar
stjórnarinnar í varnarmálum. Dee Dee My-
ers, talsmaður Bandaríkjaforseta, sagði á
föstudag að þessi fullyrðing væri afar óvið-
eigandi og með öllu ótæk.
Undir forystu Bandaríkjamanna hafa
sveitir á vegum Sameinuðu þjóðanna fram-
fylgt flugbanni í norðurhluta íraks frá lok-
um Persaflóastríðsins 1991, til þess að
vernda byggðir Kúrda fyrir aðgerðum af
hálfu hersveita stjórnar Saddams Husseins
íraksforseta. Bandarískar F-15C orrustu-
þotur töldu sig vera að skjóta á íraskar
árásarþyrlur er þær skutu niður tvær
bandarískar UH-60 Blackhawk-þyrlur með
26 manns innanborðs á flugbannssvæðinu.
Sérfræðingar undrandi
Sérfræðingum þykir atvikið með ólíkind-
um þar sem áhöfn AWACS-ratsjárvélar
sem stýrði aðgerðunum gegn þyrlunum
hafði upplýsingar um ferðir þeirra og um
borð bæði í AWACS-þotunni og F-15-þot-
unni er búnaður sem auðveldlega hefði átt
að greina að þarna voru ekki óvinir á ferð.
Þess utan voru þyrlurnar í sjónfæri er flug-
menn orrustuþotnanna skutu flugskeytum
sínum á þær. Embættismenn í bandaríska
varnarmálaráðuneytinu sögðu í fyrrinótt frá
því að kveikt hefði verið á viðvörunarbún-
aði í þyrlunum sem átt hefði að sýna öðrum
bandarískum herflugvélum hveijir þar voru
á ferð. Talið er að atvikið verði til þess að
hraðað verði þróun nýs viðvörunarbúnaðar.
William Perry, varnarmálaráðhen'a
Bandaríkjanna, hét því að starfsháttum
yrði breytt til þess að koma í veg fyrir að
atburðir af þessu tagi endurtækju sig.
ATVINNULEYSI
Ræturnar 14
liggja djupt
20
SAGAN UM
öscar
Shindler
ÞAKHALDAKOWK
mSTJÓRHTAVMAHA