Morgunblaðið - 19.04.1994, Síða 9

MORGUNBLAÐIÐ IÞROTTIR ÞRIÐJUDAGUR 19. APRÍL 1994
B 9
KNATTSPYRNA
Bjami og Kristján
fóm á kostum
Bjarni Sigurðsson varði vítaspyrnu eftir aðeins fimm mín.
og Kristján Jónsson var bestur á vellinum í Bodö
BJARNI Sigurðsson og Kristján
Jónsson voru heldur betur í
sviðsljósinu þegar keppnin í
norsku úrvalsdeildinni hófst
um helgina. Bjarni sýndi frá-
bæra markvörslu og varði víta-
spyrnu við mikinn fögnuð tíu
þús. áhorfenda í Bergen, en
hjá þeim var Bjarni nánast í
dýrlingatölu á árum áður. Krist-
ján Jónsson fór á kostum með
Bodö/Glimt og sendi þeim
blöðum langt nef, sem höfðu
deilt á forráðamenn félagsins
og sagt að það hafi verið stór
mistök þegar íslendingarnir,
hann og Anthony Karl Gregory
voru keyptir til félagsins.
Fjórir íslendingar leika með úr-
valsdeildarliðum, en svo marg-
ir hafa þeir ekki verið í einu með
norskum félögum áður. Bjarni Sig-
urðsson leikur á ný með Brann,
Kristján og Anthony Karl með
Bodö/Glimt og Rúnar Simundsson
með Sogndal. Þá þjálfar Teitur
Þórðarson Lilleström, sem er spáð
góðu gengi undir hans stjórn. Andri
Marteinsson leikur með Lyn í 1.
deildarkeppninni.
Bjarni Sigurðsson sýndi frábæra
endurkomu hjá Brann, sem lagði
Strömsgodset að velli, 5:1. Bjarni
gerði sér lítið fyrir og varði víta-
Kristján Jónsson í liði vikunnar í
ftestum blöðum.
spyrnu strax á fimmtu mín. leiks-
ins. Hann kastaði sér niður og varði
knöttinn út við stöng. Bjarni var
mjög öruggur í markinu og styrkir
lið Brann mikið.
Kristján bestur á vellinum
Kristján Jónsson átti einnig stór-
leik og var besti maður vallarins
þegar Bodö/Glimt gerði jafntefli,
1:1, við Kongsvinger. Kristján var
valinn í lið vikunnar í flestum blöð-
um í Noregi. Norska Dagblaðið
sagði að Kristján hafi bjargað einu
stigi fyrir Bodö/Glimt. Anthony
Karl Gregory lék ekki, en hann
hefur átt við meiðsli að stríða. Lið-
ið leikur 4-3-3 og hefur Anthony
Karl leikið úti á kanti, þegar hann
hefur leikið.
Rúnar lék ekki með Sogndal og
Andri Marteinsson var ekki í byij-
unarliði Lyn, en kom inná sem vara-
maður þegar 25 mín. voru eftir í
jafnteflisleik, 2:2.
Um 12.000 áhorfendur komu á
leik VIF og Lilleström, en nýliðarn-
ir komu skemmtilega á óvait og
náðu jafntefli, 0:0, gegn Teiti og
félögum.
Mifcill áhugi
Um 55 þús. áhorfendur komu til
að sjá leikina i fyi-stu umferð úrvals-
deildarinnar, eða um 9000 áhorf-
endur að meðaltali á leik. Þetta eru
mun fleirri áhorfendur en hafa ver-
ið á leikjum fyrstu umferðanna á
undanförnum árum. Áhuginn á
knattspyrnuninni hefur aldrei verið
meiri og að margir telja að knatt-
spyrnan hafi aldrei verið betri en
um þessar mundir — það þrátt fvr-
ir að margir norskir landsliðsmenn
séu farnir til útlanda, til að leika
þar.
Arnór skoraði í Trelleborg
Arnór Guðjohnsen skoraði mark Örebro þegar
félagið gerði jafntefli, 1:1, í Trelleborg. Arnór
skoraði markið á 40. mín., en heimamenn jöfnuðu
í seinni hálfleik. Arnór og Hlynur Stefánsson léku
mjög vel á miðjunni, en miðjan er mjög öflug hjá
Örebro — ein sú sterkasta í Svíþjóð.
IFK Gautaborg er með fullt hús stiga eftir fjórar
umferðir í úrvalsdeildinni í Svíþjóð, með 12 stig.
Norrköping og Öster er með 9 stig, en Örebro og
Malmö FF eru með 8 stig.
Bjarni Sigurðsson sýndi gamia takta í Bergen.
LaCoruna
gefur ekkert
eftir á Spáni
DEPORTIVO La Coruna gefur ekkert eftir í
baráttunni við Barcelona um spænska
meistaratitilinn. Eftir 2:0 sigur á Tenerife á
sunnudaginn hefur Coruna þriggja stiga for-
skot á meistarana þegar aðeins fjórar um-
ferðir eru eftir.
Claudio Barragan skoraði tvívegis með tveggja
mínútna millibili í síðari hálfleik fyrir Depor-
tivo Coruna og þar með varð fimmti sigurinn í röð
staðreynd. „Við lékum þennan leik mjög skynsam-
lega og sigurinn var sanngjarn. Sumir áhangenda
liðsins eru þegar farnir að fagna fyrsta meistara-
titlinum, en það er full snemmt,“ sagði Arsenio
Iglesias, þjálfari Coruna.
Barcelona sigraði Valencia sannfærandi 3:1 á
Nou Camp og lagði Daninn Michael Laudrup upp
tvö markanna. „Við verðum að vona að þeir fari
að misstíga sig hjá Coruna,“ sagði Miguel Nadal,
landsliðsmaður Barcelona. Einu góðu fréttirnar
fyrir Barcelona um helgina voru þær að Romario,
sem fór útaf meiddur á ökkla í fyrri hálfleik, er
ekki eins alvarlega slasaður og óttast var í fyrstu.
Læknar sögðu í gær að hann yrði orðinn leikfær
um næstu helgi.
Real Madrid, sem er í þriðja sæti, 8 stigum á
eftir, náði að tryggja sér UEFA-sæti með útsigri
á Sevilla, 1:0. Chilemaðurinn Ivan Zamorano gerði
sigurmarkið og var þetta fyrsta mark hans síðan
í desember. Hann gerði 26 mörk í fyrra en hefur
aðeins gert átta í vetur.
„EHt besta lið heims
þrátt fyrir breytingar"
- sagði Fabio Capello, þjálfari AC Milan, sem varð meistari þriðja árið í röð
AC MILAN varð á sunnudaginn ann-
að ítalskra liða til að vinna meistara-
titilinn þrjú ár f röð. Það er aðeins
Tórínó sem getur státað af þessum
árangri og var það fyrir um 50 árum
síðan. AC Milan tryggði sér titilinn í
14. sinn með því að gera jafntefli við
Udinese, 2:2, á San Siro leikvangin-
um í Mílanó. Leikmenn fögnuðu titl-
inum með því að hlaupa um og renna
sér á maganum á rennblautum vellin-
um eftir leikinn.
Silvo Berlusconi, eigandi og stjórnarfor-
maður AC Milan, var að vonum
ánægður og sagði að hann hyggðist halda
áfram störfum fyrir félagið þrátt fyrir
afskipti sín af ítölskum stjórnmálum.
„Milan hefur enn einu sinni sannað yfir-
burði sína. Ég bjóst við að liðinu gengi
vel en gat ekki ímyndað mér svona gott
gengi. Liðið er eitt það besta í heimi þrátt
fyrir manna breytingar á liðinum árum.
Þetta sýnir að stjórnunin er í góðum hönd-
um,“ sagði Fabio Capello, þjálfari liðsins.
Franco Baresi, fyrirliði sem er orðinn
33ja ára, segir að enn sjái ekki fyrir end-
an á sigurgöngu liðsins. Liðið hefur fjórum
sinnum fagnað meistaratign á síðustu fjór-
Fabio Capello, þjálfari AC Milan.
um árum, auk þess að vinna Evrópu-
keppni meistaraliða tvívegis og heimsbikar
félagsliða jafn oft. Liðið tapaði aðeins fjór-
um leikjum í deildinni í vetur. „Fyrir þrem-
ur árum sögðu menn að okkar tími væri
liðinn. Þá hefði enginn þorað að spá okkur
sigri þijú ár í röð. En málið er að við vit-
um hvað þarft til að ná árangri,“ sagði
Baresi.
„Ég held að titillinn hafi í raun verið í
höfn eftir sigurinn á Sampdoria 13. mars,“
sagði Alessandro Costacurta, varnarmað-
ur AC Milan. Enginn leikmaður var þó
eins ánægður og Frakkinn Jean-Pierre
Papin, sem lék á ný með liðinu á sunnudag-
inn eftir nokkurt hlé og gat fagnað sigrin-
um. Hann er á förum til Bayern Múnchen
eftir þetta tímabil. „Ég var næstum farinn
að gráta þegar áhorfendur kölluðu nafn
mitt. Þetta er stór dagur, en ég er svolít-
ið sár að þurfa að yfirgefa þetta frábæra
lið,“ sagði Papin. „Það mikilvægasta nú
er að Milan haldi áfram á sömu braut og
vinni Evrópukeppnina.“
Juventus er í öðru sæti, fimm stigum á
eftir þegar tvær umferðir eru eftir af deild-
arkeppninni. Gianluca Vialli gerði þrennu
fyrir Juve í 6:1 sigri gegn Lazio. Vialli
hefur verið meira og minna meiddur allt
leiktímabilið en sýndi að hann hefur engu
gleymt og ætti að eiga öruggt sæti í HM
liði ítala.
Sampdoria hitaði upp fyrir úrslitaleikinn
gegn Ancona í ítölsku bikarkeppninni með
sannfærandi sigri gegn Inter 3:1.