Morgunblaðið - 05.07.1994, Blaðsíða 11

MORGUNBLAÐIÐ
ÞRIÐJUDAGUR 5.JÚLÍ1994 C 11
LANDSMÓT HESTAMAIMIMA
Konungur gæðinganna fallinn
Hinstu sporin
SIGURINN blasti vi« Gýml og
Hlnrik Bragasyni, þegar hann
misstígur sig e«a grípur fram
á sig með þeim afleiðingum
að kjúkuliðurinn á vinstri
framfæti gaf sig. Dramatískur
endir á glæstum ferli. Myndin
var tekin skömmu fyrir slysíð,
í úrslitum A-flokks.
Gýmir var frá-
bær brokkari
GÝMIR átti sér engan jafn-
ingja á brokki hvað fegurð og
flýtl viðkemur og gat verið
erfitt að sjá hvort hann væri
á brokki eða skeiði þegar best
tókst til. Hér er hann á brokki.
Kjúkuliður
áframfæti
gafsig
SÁ MIKLI gæðingur Gýmirfrá Vindheimum erfallinn fvalinn
með sviplegum hætti. Kjúkuliður á vinstri framfæti gaf sig í úr-
slitum A-flokks er hann virtist grípa fram á vinstri framfót eða
misstfga sig illilega. Hestunum var riðið á brokki en knapinn
Hinrik Bragason missti Gými yfir á tölt og þegar hann hægir
hestinn til að skipta honum aftur yfir í brokk gerist óhappið.
Gerðist þetta á langhlið vailar-
ins og hökti hesturinn að
miðri skammhlið eina 30 til 40
metra þar sem Hinrik tekst loks
að stöðva hann. Var hesturinn
fluttur í kerru yfir í dýraspítala
Grétars H. Harðarsonar dýralækn-
is á Hellu þar sem hann var aflífað-
ur skömmu síðar.
Með Gými er genginn fremsti
gæðingur landsins sem átti að baki
einstæðan feril. Gýmir var fæddur
að Vindheimum í Skagafirði 1984
undan Sval frá Glæsibæ og Skjónu
frá Vindheimum.
Fljótlega eftir að farið var að
temja hestinn kom í ljós að þar var
á ferðinni óvenju efnilegur foli.
Gýmir kom fyrst fram í keppni
fimm vetra gamall og náði fljótt
góðum árangri. Á landsmótinu á
Vindheimamelum sló hann fyrst í
gegn aðeins sex vetra gamall, hafn-
aði í þriðja sæti í forkeppni. í úr-
slitum vann hann sig upp í annað
sæti og veitti sigurvegaranum
Muna frá Ketilsstöðum harða
kep_pni.
Á fjórðungsmóti á Gaddstaða-
flötum árið eftir sigrar Gýmir í
A-flokki en fyrr um vorið fékk
hann 9,39 í einkunn sem er hæsta
einkunn sem gefin hefur verið á
þeim vettvangi. Var ekki betur séð
en Gýmir væri á þessum tíma og
þar eftir ókrýndur konungur gæð-
inganna. Hann var óhemju viljug-
ur, getumikill á tölti, brokki og
skeiði. Vakti Gýmir mikla athygli
fyrir mikið rými og getu á brokkinu
og gat verið erfitt að greina í fljótu
bragði hvort hann færi á brokki
eða skeiði þegar honum tókst hvað
best upp.
Trausti Þór Guðmundsson tamdi
hestinn og var alla tíð með hann í
sýningum þar til í fyrra haust er
Hinrik og kona hans Hulda Gú-
stafsdóttir kaupa hestinn af Jó-
hönnu Björnsdóttur og hefur Hin-
rik setið hann á þeim sýningum
sem hann hefur komið fram á síð-
an. Ljóst er að fráfall Gýmis er
mikið áfall fyrir eigendurna, bæði
fjárhagslega og ekki síður tilfinn-
ingalega. Sigurinn virtist blasa við
Gými og Hinrik í úrslitunum á
sunnudag og setti alla stemmningu
niður þegar ljóst var hvað gerst
hafði. Var þetta átakanlegur at-
burður, fólk var harmi slegið og
mátti sjá marga fella tár.
Morgunblaðið/Valdimar Kristinsson
Opinberrar rannsóknar hefur
verið óskað vegna slyssins
- vegna sögusagna sem fóru á kreik um að hesturinn hafi verið undir áhrifum lyfja
í GÆR kom fram ósk frá stjórn Félags Tamningamanna um
að fram fari opinber rannsókn á því hvort ástæður slyssins
á Gaddstaðaflötum megi rekja til þess að Gýmir hafi verið
undir áhrifum lyfja. Var Grétari H. Harðarsyni héraðsdýra-
lækni á Hellu sent bréf með ósk þar um.
Trausti Þór Guðmundsson for-
maður F.T. sagði að strax
væri kominn í gang orðrómur um
að hesturinn hafi verið staðdeyfð-
ur fyrir keppnina vegna meiðsla
sem hann hafði hlotið og því
hafi stjórn félagsins haldið síma-
fund þar sem ákveðið var að fara
fram á slíka rannsókn til að
kveða niður allan söguburð ef
hann væri ekki á rökum reistur.
Eigandi hestsins Hinrik
Bragason sagðist, í samtali við
Morgunblaðið í gær, ekkert hafa
við það að athuga þótt klárinn
yrði krufinn og rannsakað hvort
um meinta lyfjagjöf hafi verið
að ræða. „Þetta ætti að koma í
ljós í svona rannsókn og ég geri
ráð fyrir að það komi sterkast
út fyrir mig fyrst svona sögur
eru komnar á kreik,“ sagði Hin-
rik. Hann sagði ennfremur að
honum hafi verið gefið pensilín
og bólgueyðandi lyf þegar hann
missteig sig fyrir tæplega hálfum
mánuði á vinstri framfæti, en þá
bólgnaði kjúkuliðurinn lítillega
án þess að hann yrði afgerandi
haltur. Voru gerðar viðeigandi
ráðstafanir til að hesturinn jafn-
aði sig fyrir landsmótið og sagði
Helgi Sigurðsson dýralæknir,
sem hefur alla tíð annast Gými
þegar hann hefur þurft á dýra-
lækni að halda, að ekki hafi ver-
ið annað að sjá en allt væri í
góðu lagi. Helga og Hinrik bar
saman um að klárinn hafi verið
í góðu lagi þegar komið var að
landsmóti en hinsvegar hefði
hann gripið lítilega á sig í skeið-
sprettinum í forkeppninni og
bólgnaði hann eitthvað við það
óhapp. Fyrir úrslitin sagðist
Helgi hafa skoðað hestinn og
ekkert séð neitt athugavert við
fætur hans.
Trausti Þór sagði að grun-
semdir beindust að því að ástæð-
ur slyssins mætti rekja til vallar-
ins þar sem keppnin fór fram.
„Vellirnir voru saltaðir hraust-
lega fyrir mótið sem gerir þá
mjög harða og sleipa, enda kom
í ljós að hestar voru að skrika
til og jafnvel að detta. Þá mynd-
uðust víða göt eða pollar í vellina
svipað og gerist þegar skemmdir
koma í malbik og getur þá verið
mikil hætta á ferðum. Grétar H.
Harðarson dýralæknir sagði að
klárinn verði krufinn og bætti
við að hann hafi þegar verið kom-
inn í gang með rannsókn áður
en þessi ósk kom frá F.T. Rann-
sókn sem þessi tekur nokkra
daga að sögn Grétars.
Gýmir hafði verið seldur til
Svíþjóðar. Hinrik sagði hann hafa
verið tryggðan, en trúlega ekki
fyrir raunvirði.