Morgunblaðið - 12.07.1994, Blaðsíða 5

MORGUNBLAÐIÐ
ÞRIÐJUDAGUR 12. JÚLÍ 1994 C 5
HIUII KNATTSPYRNU
Rúmenía tapaði
afturí vítakeppni
Rúmenía upplifði öðru sinni
að falla út úr HM eftir víta-
keppni. Fyrir fjórum árum var
staðan 0:0 í 16 liða úrslitum
gegn írlandi, en írar unnu 5:4
í vítakeppni og sendu Rúmena
heim. Nú töpuðu þeir með sömu
markatölu gegn Svíum. Aðeins
Rúmenía og Mexíkó hafa tvisvar
verið slegin út í vítakeppni á
HM, en Mexíkó missti af lest-
inni eftir tap gegn Búlgaríu í
síðustu viku og gegn Vestur-
Þjóðveijum 1986.
Fjórir aftur með
Fjórir leikmenn Rúmeníu í
fyrrakvöld léku með gegn írum
fyrir fjórum árum — Gheorghe
Popescu, Gheorghe Hagi, Ioan
Lupescu og Florin Raducioiu.
Iordanescu þjálfari átti von á
vítakeppni og undirbjó lið sitt
sérstaklega með því að æfa víta-
spymur í síðustu viku.
Sá hlær best
Reuter
THOMAS Ravelli hefur verið gagnrýndur mjög upp á síðkastlð fyrir slælega frammlstöðu með IFK
Gautaborg og landslfðinu. Hann var hins vegar hetja Svía gegn Rúmenum; ð innfelldu myndinni
ver hann síðasta vítið, sem tryggir Svíum sætl í undanúrslitum og fagnar síðan með tilþrifum.
Thomas
Ravelli
þjóðheta
í Svíþjóð
THOMAS Ravelli markvörður
Svfa hefur verið harðlega gagn-
rýndur í Sviþjóð að undan-
förnu, og hafa margir dregið
getu hans og hæfni í efa og
sagt að hann ætti ekki heima
í landsliðinu. Hann þaggaði
niður í öllum efasemdaröddum
á sunnudaginn, þegar hann
varði tvær vítaspyrnur í víta-
spyrnukeppni gegn Rúmenum
og tryggði liði sínu þar með
sæti í undanúrslitum í fyrsta
skipti í 36 ár.
Ravelli, sem er 34 ára gamall,
er þekktur í' heimalandi sínu
fyrir skondin tilsvör og brandara
utan vallar. Fjölmiðlar hafa að und-
anfömu verið duglegir við að gagn-
rýna hann, hafa sagt hann í lélegri
æfíngur og hvorki staðið sig vel
með landsliðinu né félagsliðinu IFK
Gautaborg. Hann varði eina spymu
af fimm til að byija með í víta-
spymukeppninni gegn Rúmenum,
og síðan fyrstu spyrnu Rúmena í
bráðabananum og tryggði Svíum
þar með sigur. „Ég var ekkert
óstyrkur [fyrir síðasta vítið],“ sagði
Ravelli. „Ég vissi að ég hefði engu
að tapa og allt að vinna. Ég var
bara að hugsa um að ef ég verði
spymuna þá yrði ég hetja. Hann
hins vegar [Miodrag Belodedici] var
undir mikilli pressu og ég held að
hann hafi verið óstyrkur."
Fyrrum hástökkvari
Ravelli, sem er fyrrum hástökkv-
ari, lék sinn 115. landsleik ogjafn-
aði þar með sænska landsleikjamet-
ið. Hann er nú enn nær 125. lands-
leikja meti Englendingsins Peter
Shilton, sem einnig lék sem mark-
vörður. Hann vonast til að geta
bætt það met, en sú staðreynd að
hann er einungis hálf atvinnumaður
og vinnur sem sölumaður í raftækja-
verslun, gæti haft áhrif á þau áform.
Lið Svía komið í undanúrslit ífyrsta sinn síðan HM fórfram í Svíþjóð árið 1958
„Bráðabani betri
en vrtakeppni“
- sagði Thomas Ravelli, sem varði þó tværvítaspymur Rúmena
THOM AS Ravelli, sem lék 115. landsleik sinn, var hetja Svía, sem
unnu Rúmena 5:4 í vítakeppni eftir að staðan var 1:1 að venjuleg-
um leiktíma loknum og 2:2 eftirframlengingu. Hann var samt
ekki sáttur við hvernig sigurinn vannst. „Það var frekar slakt
hjá okkur að tryggja ekki sigurinn fyrstu 90 mínúturnar og það
væri miklu betra að fá úrslit fbráðabana en vítakeppni," sagði
markvörðurinn. „En ég vissi að ef ég tæki síðasta vítið sigruðum
við. Það var engin pressa á mér, því ég hafði allt að vinna,“
bætti Ravelli við, en hann varði tvær vítaspyrnur f vítakeppninni
og tryggði Svíum þar með sæti i undanúrslitum f fyrsta sinn sið-
an 1958.
Hakan Mild hitti ekki markið í
fyrsta vítaskoti Svía, en síðan
skoruðu allir þar til kom að Dan
Petrescu, sem tók fjórða víti Rúm-
ena. Ravelli varði og eftir fimm
víti hjá hvoru liði var staðan 4:4.
Larsson skoraði úr sjötta víti Svía,
en síðan varði Ravelli glæsilega frá
Miodrag Belodedici og sigurinn var
í höfn.
Lengst af var leikurinn tilþrifalít-
ill og fátt markvert gerðist fyrr en
undir iok venjulegs leiktíma. Tomas
Brolin gerði glæsilegt mark eftir
aukaspyrnu 10 mínútum fyrir leiks-
lok, en Florin Raducioiu jafnaði á
síðustu stundu. Hann bætti öðru
við í fyrri hálfleik framlengingar
og Rúmenar virtust ætla að hafa
það, en Kennet Andersson var ekki
á sama máli og jafnaði með góðum
skalla áður en yfir lauk.
Svíar tóku Gheorghe Hagi föst-
um tökum og komst hann lítt áleið-
is, þó hann ætti þátt í báðum mörk-
unum, en að sama skapi var vörn
Rúmena þétt, þó Martin Dahlin
hafi verið óheppinn að skora ekki
á 5. rnínútu, þegar hann skallaði í
stöng. Þá varði Florin Prunea mjög
vel um miðjan seinni hálfleik eftir
gott skot frá Brolin.
Tommy Svensson, þjálfari Svía,
sagði að mark Brolins hefði sérstak-
lega verið æft. „í fyrri leikjum
Rúmeníu sá ég veilu í skipulagi
varnarinnar og taldi að við gætum
nýtt okkur hana. Það sást, þegar
við skoruðum eftir aukaspyrnuna."
Þá tók Mild spyrnuna og í stað
þess að skjóta eða gefa fyrir mark-
ið renndi hann boltanum fram hjá
varnarveggnum. Brolin hljóp þaðan
inn í eyðuna, var á auðum sjó og
þrumaði upp í þaknetið.
„Eðli málsins samkvæmt varð
annað liðið að sigra og leikurinn
gat ekki haldið áfram endalaust,"
sagði Anghel Iordanescu, þjálfari
Rúmeníu. „Ákvörðun varð að vera
tekin og hún fólst í vítaskotunum.
Við áttum sömu möguleika, en
þetta var hlutskipti okkar og það
er engin miskunn í þessum leik.“
SÆNSKA liðið gerir bylgjuna svokölluðu eftir sigurinn á sunnu-
dagskvöld. Tveir lelkmanna Rúmeníu sitja vonsviknir á vellinum.
Sungu í rigningunni
Rúmenar fögnuðu á regnvotum götum Búkarest eftir leikinn
gegn Svíum. Rúmenar höfðu aldrei áður náð jafnt langt í keppn-
inni, og virtust aðdáendur þeirra gera sig fyllilega ánægða með
árangurinn, þrátt fyrir ósigurinn gegn Svíum í vítaspyrnukeppn-
inni. Lögreglan bjóst við miklum látum og um leið og leikurinn
var úti fylltust göturnar af lögregluþjónum. Vopnaðir verðir og
brynvarðir bílar voru þegar mættir fyrir utan sænska og enska
sendiráðið - dómari leiksins var enskur - en ekkert gerðist. Marg-
ir sungu og dönsuðu en þó voru nokkrir sem gátu ekki leynt von-
brigðum sínum.