Morgunblaðið - 25.08.1994, Page 10
10 FIMMTUDAGUR 25. ÁGÚST 1994
MORGUNBLAÐIÐ
Svanhildur
fyrsti kven-
formaður
Varðar
AÐALFUNDUR Varðar, félags
ungra sjálfstæðismanna á Ak-
ureyri, var haldinn 9. ágúst sl.
í stjórn voru kjörin Svanhildur
Hólm Valsdóttir, formaður, Sig-
urgeir H. Sigurgeirsson, vara-
formaður, Hrólfur Máni Krist-
insson, gjaldkeri, Andri Teits-
son, ritari, Jens Garðar Helga-
son, spjaldskrárritari og með-
stjórnendurnir Ingvar Eyfjörð
og Páll Erland Landry. Svan-
hildur Hólm tók við formennsku
af Ólafí Rúnari Ólafssyni, og
varð þar með fyrsta konan sem
gegnir því embætti í Verði.
Djass og
upplestur
í Deiglunni
LISTASUMRI ’94 á Akureyri
lýkur brátt. í kvöld er tíunda
og síðasta djasskvöld listasum-
ars og þá spila þeir Ómar Ein-
arsson gítarleikari, Jón Rafns-
Jtf- son kontra-
bassaleikari
S °g Karl Pet-
trommuleikari. Með þeim syng-
ur Andrea Gylfadóttir. Þeir
hafa spilað saman nokkrum
sinnum áður, sjðast á Akureyri
um páskana. I tilefni þess að
nú er síðasta djasskvöldið í
Deiglunni í sumar kemur
Andrea til liðs við þá.
í frétt frá aðstandendum
Listasumars kemur fram að
Ómar hafí leikið með öllum
helstu djassistum landsins,
meðal annars með tríói Guð-
mundar Ingólfssonar. Jón og
Karl eru báðir tónlistarkennar-
ar við Tónlistarskólann á Ak-
ureyri og hafa tekið virkan
þátt í blómlegu tónlistarlífi
Akureyrar. Auk þess að spila
djass og dægurtónlist spila þeir
báðir með Sinfóníuhljómsveit
Norðurlands. Andrea Gylfa-
dóttir er löngu landsþekkt
söngkona. Hún hefur sungið
með mörgum þekktustu hljóm-
sveitum landsins, popp, blús,
dægurlög og djass.
Annar gestur kvöldsins verð-
ur rithöfundurinn Hallgrímur
Helgason, sem les úr væntan-
legri bók sinni „Þetta er allt
að koma“. Hallgrímur er þekkt-
ur fyrir myndlist sína en hann
hefur einnig gefið út eina
skáldsögu og sent frá sér út-
varpspistla undir nafninu Út-
varp Manhattan.
Að venju hefst dagskráin í
Deiglunni kl. 22.00 og er að-
gangur ókeypis.
BAR
OPIÐ:
miövikudaga: 20:00 - 01:00
fimmtudaga: 20:00 - 01:00
föstudaga: 20:00 - 03:00
laugardaga: 20:00 - 03:00
sunnudaga: 20:00 - 01:00
S_________________________r
AKUREYRI
Svissneskur smíðakennari vill gjörbreyta kennsluháttum í greininni
„Tæknimennt“ er réttnefni
MANFREÐ Lemke er Svisslendingur, sem búið
hefur í fimm ár á íslandi. Hann er smíðakennari
í Stórutjarnaskóla, en hefur ekki starfað við
kennsluna á þann hátt sem flestir nemendur hér-
lendis hafa átt að venjast til margra ára. Hann
vill reyndar að smíðakennslan þróist út í annað
og meira en hún hefur verið, og vill kalla fagið
„tæknimennt".
Lemke er á þeirri skoðun að „tæknimennt" sé
rétta orðið yfir það sem á að fara fram í um-
ræddri kennslu. Handmennt, sem stundum er
notað, sé afleitt orð, „því hendurnar ná ekki nema
hingað upp,“ segir hann og bendir á axlirnar.
„Verkmennt gæti verið í lagi, en tæknimennt
finnst mér þó best.“ í smíðakennslunni eins og
hún er víðast tíðkuð í dag sé það höndin sem
ráði ríkjum, stundum komi hjartað inn í mynd-
ina, þegar menn eru ánægðir með það sem þeir
hafa búið til, en höfuðið þurfi líka að vera með.
„í skólum er mikið talað um tækni, en bara í
bóklegum greinum og það finnst mér skrýtið, því
tæknin er það í menningu- okkar sem svarar spurn-
ingum með hlutum. Tæknin kemst ekki upp með
að svara með orðum — það gera vísindin," segir
hann. „Hefðbundin smíðakennsla, eins og boðuð
er í námsskrá, er eins og smækkuð mynd af verk-
stæði. Kennarinn er eins og trésmiðameistari og
nemendurnir margir litlir trésmiðir,” segir hann,
og vill breyta. „Menn hald að ég sé kannski að
boða smækkað tæknifræðinganám, en það er af
og frá. En ég vil að menn læri að læra. Að börn
læri með því að gera hlutina og hvers vegna þau
geri þá þannig en ekki hinsegin.”
Þrískipt nám
Hann vill hafa námið, tæknimenntina eins og
hann kallar það, þrískipt og að verði þannig gegn-
um alla skólagöngu barnanna — 10 ár. I fyrsta
lagi er það sem hann kallar umhverfishönnun eða
sköpun. Þar læri menn ýmislegt um umhverfi
sitt — bæði innan og utan dyra — og velti fyrir
sér hvernig það er og hvers vegna.
í öðru lagi vélatækni. „Ég er ekki að tala um
uppfinningar — það er of hástemmt fyrir börn —
en þarna er verið að kenna þeim að skapa. Niður-
stöður eru því oft barnalegar, eru á plani barns-
ins en ekki kennarans, og því má deila um hvort
þær séu góðar eða vondar.“
Þriðji þátturinn er það sem kalla mætti vöru-
hönnun. „Þar erum við að spá í ala upp neytend-
ur. Að menn spái í vörur og greini þær, auk þess
sem farið er út í að búa til ýmsa hluti úr mismun-
andi efnum.“
Manfreð er kvæntur Svanbjörgu Sverrisdóttur,
kennara, og eiga þau þrjá syni. Eftir að þau flutt-
Morgunblaðið/Björn Gíslason
MANFREÐ Lemke kennari á Stórutjörn-
um í Ljósavatnshreppi.
ust til landsins voru þau fyrst á Blönduósi í þijú
ár, þar sem hann beitti umræddum aðferðum sín-
um við kennslu og hefur nú verið á Stórutjörnum
í tvö ár.
Fallið í góðan jarðveg
„Ég var í kennaranámi í Sviss hjá manni sem
var leiðtogi í þessari stefnu. Fyrst eftir að ég
byijaði að kenna hér á landi hugsaði ég með mér
að ég yrði að gleyma því sem ég hafði lært; yrði
að aðlaga mig þessu landi. En strax eftir einn
mánuð fann ég að ég varð að vinna eftir minni
sannfæringu, í trássi við hefðir. Og þetta hefur
fallið í góðan jgrðveg, bæði hjá nemendum og
fræðsluyfirvöldum. Ég hef oft heyrt feður segja:
mikið vildi ég hafa verið hjá þér í skóla! Það er
yndislegt að heyra.“
Einmitt vegna slíkra ummæla hefur Manfreð
velt því fyrir sér að bjóða upp á kvöldnámskeið
fyrir fullorðna. Þess er reyndar getandi að hann
hefur verið í sambandi við forráðamenn Háskól-
ans á Akureyri og hugsaniegt er að „tæknimennt-
unarnám", byggt á umræddum hugmyndum, hefj-
ist næsta skólaár."
Menn vilja breytingar
Manfreð segir sérstakt, að öllum beri saman
að einhveiju verði að breyta í smíðakennslunni,
en þegar á hólminn komi guggni menn. „í sumar
þegar boðið var upp á námskeið um tæknimennt
í grunnskóla, á vegum endurmenntunar Kennara-
háskólans, þá skráðu sig sjö. Þátttakan var ekki
næg til að halda námskeiðið, sem átti einmitt að
vera núna. Það var aðallega hugsað fyrir kenn-
ara á Norðurlandi eystra, en aðeins tveir af svæð-
inu skráðu sig. Ég hef einfalda skýringu á þessu;
megnið af smíðakennurum úti á landi eru smiðir
— ófaglærðir kennarar. Smíðin er misskilin sem
iðjuþjálfun. Mér finnst frekar að bókkennari ætti
að taka að sér þessa kennslu — komi með
kennsluþáttinn og bæti við sig smíðaþættinum;
því sem þarf til að geta kennt þetta. Ég er þó
ekki að segja að slæmt starf sé unnið í smíða-
kennslunni nú, en þó finnst mér að farið sé á
mis við hlutverk skólans. Vinnubrögðin eru kennd,
en krakkar læra ekki að læra...“ Hann nefnir að
smíðakennarar láti börnin búa til ýmsa hluti —
sem sé auðvitað gott — „en það sem vantar er
að spá í af hveiju hlutirnir eru svona en ekki
hinsegin."
Blekkingar
Hann segir dæmi um að börn séu blekkt í
smíðakennslunni. Barn hafi komið til hans í 8.
bekk og sagst ætla að smíða fataskáp í vetur.
Hann hafi hins vegar ekki verið á sama máli, og
sagt barnið ekki geta það ennþá. Jú, stóri bróðir
gerði það nefnilega í 8. bekk, var svarið, og þess
vegna ætlaði viðkomandi að gera það líka. Rétt
var að bróðirinn hafði komið heim með slíkan
skáp, „en spurningin er hins vegar hve mikið
gerði hann sjálfur, og hve mikið gerði kennar-
inn?“ Þarna væri því hugsanlega verið að blekkja
nemandann og sjálfsmat hans yrði rangt.
Manfreð lærði í Sviss, eins og áður sagði, en
byggir kennslu sína að hluta á austurrískri að-
ferð. Hann heimsótti í sumar prófessor í Austur-
ríki, þar sem kennsluaðferð þessi er orðin rótgró-
in. Gaman hafi verið að sjá hvað þar sé verið að
gera, en notast hefur verið við umrædda kennslu-
aðferð í 20 ár og árangurinn sé talinn mjög góður.
Tækni
Lemke segist telja íslendinga svolítið frum-
stæða í viðmóti gagnvart tækni. Með því að kenna
ungu fólki að umgangast tækni komi það til með
að gera það af skynsemi, sem verði að gera.
„Mér finnst viðmót íslendinga einkennast um of
af annað hvort fælni eða dýrkun. Skynsemin er
þar á milli, og verður að fá að ráða.“
Neytendafélag Akureyrar og nágrennis
Landsbanki selur
vörur án reikninga
NEYTENDAFÉLAG Akureyrar og
nágrennis hefur óskað eftir því við
ríkisskattstjóra að hann skeri úr um
hvort Landsbanki íslands hafi framið
lagabrot.
í bréfi sem ríkisskattstjóra var
sent á mánudag segir Vilhjálmur
Ingi Árnason, formaður NAN, að
íjórum sinnum á eins mánaðar tíma-
bili hafi verið keyptir, í Landsbanka
íslands, peningabuddur sem bankinn
selur í beinni samkeppni við verslan-
ir á almennum markaði. „Þrátt
fyrir ítrekaða beiðni þar um, hefur
Landsbanki íslands ekki viljað gefa
út iöglega reikninga vegna þessara
viðskipta," segir í bréfinu.
Vilhjálmur Ingi sagði við Morgun-
blaðið í gær að bankamir hafi „verið
að reyna að vera í samkeppni við
önnur fyrirtæki án þess að borga
virðisaukaskatt af sölunni. Ef Ríkis-
skattstjóri segir að þeim sé heimilt
að selja vörur án reikninga þá er það
samkeppnislagabrot að bankir selji
vörur með þessum hætti, en verslan-
ir þurfi að skila virðisaukaskattin-
um,“ sagði Vilhjálmur Ingi.
Til sölu
í Hamrahverfi, Grafarvogi, eru glæsilegar „penthouse“-íbúðir.
Á hæðinni, sem er 120 fm, eru 2-3 svefnherb., góðar stofur, rúmgott
eldhús, bað, þvottahús og stórar svalir á móti suðri. Steyptur stigi er
upp í ris. I risi má t.d. koma fyrir svefnherbergjum, sjónvherb. eða
tómstundaherb., sem gæti t.d. rúmað billjarðborð. Bílskúr fylgir.
Til sýnis nánast fullbúiö.
Á Snorrabraut v/Droplaugarstaði
3ja herb. 90 fm íbúð á 4. hæð mót suðri. íbúðin er í nýju húsi og
ætluð fyrir 55 ára og eldri. Lyfta er í húsinu.
Við Stelkshóla
í 3ja hæöa húsi, rúmg. 2ja herb. ibúð á 3. hæð. Gott útsýni. Stórar svalir
mót suðri. íbúðin er nýmáluö, flísar á gólfum í stofu, baði og eldhúsi,
parket á svefnherb. Áhugaverð íbúð.
Örn ísebarn, byggingameistari, sími 31104.
Morgunblaðið/Björn
Glæsilegar rósir
RÓSIRNAR hennar Kolbrúnar Geirsdóttir á Akureyri eru engin
smásmíði. Þær hæstu í garðinum hjá henni eru um 140 sentí-
metrar á hæð, og ekki nema von að hún sé stolt af þeim.