Morgunblaðið - 31.03.1996, Blaðsíða 16

Morgunblaðið - 31.03.1996, Blaðsíða 16
16 B SUNNUDAGUR 31. MARZ 1996 MORGUNBLAÐIÐ H= I 'VARTUR líkbíll rennur niður braggagötuna og staðnæmist fyrir^ framan myndarlegasta braggann í hverfinu. Út stígur Karolína spákona tuðandi um bannsettan skrjóð- inn. „Alltaf á ég jafn helvlti erfitt með að fella mig við að láta transportera mér á þessu helvít- is farartæki," segir hún og skellir aftur hurð- inni. Grettir situr undir stýri og Tommi húkir aftur í. Þegar þau stíga útúr líkbílnum berst háreysti mikil aftan að þeim úr bragga ofar í götunni og þau snúa við og ganga forviða á hljóðið. Inni í bragganum er Hreggviður sterki að rífast við kerlinguna sína með þeim orðum að hann sé sterkasti maður í heimi. Hann er blindfullur eins og venjulega og til að leggja áherslu á orð sín ryður hann framhliðinni úr bragganum i heilu lagi svo hún fellur tignarlega út á götu með háu braki. Neistaflug frá slitinni rafmagnslínu hrynur yfir Hreggvið sterka sem hristir sig eins og naut í braggagatinu. Eins og vestrabær Þetta er atriði í nýjustu bíómynd Friðriks Þórs Friðrikssonar, Djöflaeyjunni, sem byggð er á verkum Einars Kárasonar rithöfundar um braggalífið í Túlekampi en Einar skrifar sjálfur handritið. Braggahverfi hefur verið reist á Sel- tjarnarnesi skammt frá Gróttu og að koma þang- að er eins og að hverfa hálfa öld aftur í tím- ann. Leikmyndin, sem kostar um 20 milljónir króna, er eins og einn af þessum vestrabæjum sem finnast í tugatali á baklóðum stóru kvik- myndaveranna í Hollywood. Braggaþyrping stendur við eina aðalgötu en upp af henni rís nýi tíminn í iíki heljarmikillar blokkar sem þreng- ir sér inn í braggamerminguna; blokkin er gerð úr stórum flutningagámum sem er raðað hverj- um upp á annan en framhliðin á þeim er timbur- klædd og steypukústuð og við hana eru reistir stillansar. „Svalir" eru á blokkinni og hægt er að kveikja Ijós í „gluggum" hennar. Utikamrar og dúfnakofar standa við braggana og ryðguð bílhræ eru neðst í götunni, kerra og barnavagn standa í braggasundum. Þetta er sóðalegur kampur í niðurníðslu. Brúnn ryðlitur og drasl og meira ryð. En braggarnir eru ekki aðeins notaðir fyrir útitökur. Af þeim hafa kvikmyndagerðarmenn- irnir margvísleg not. Einn þeirra er innréttaður sem upptökuver með hljóðeinangrun _og tilheyr- andi þar sem eru teknar innisenur. í öðrum er kaffistofa fyrir kvikmyndaliðið og skrifstofa. í enn öðrum er búninga- og förðunardeildin. Kvik- rnyndagerðármennirnar þurfa sáralítið að leita út fyrir braggahverfið, um 80 prósent myndar- innar eru tekin í hverfinu, sem gerir kvikmynda- tökuna mjög vandræðalitla og fljótvirka. Flutn- ingar á tökustaði og veður eru ekki til að draga úr vinnuhraðanum. Braggahverfíð er skínandi gott dæmi um þróaðan íslenskan kvikmyndaiðn- að sem gengur eins og smurð vél. Að koma inn í hverfið er ekki aðeins að ganga inn í sögusvið bóka Einars Kárasonar heldur inn í íslenskt kvikmyndaver. „Braggahverfið er byggt sem stúdíó," segir Friðrik Þór. ¦ Innandyra í bragga Karolínu eru gömul og slitin húsgögnog fáeinar bækur og stofuborð. Á borðinu liggur gulnað breskt dagblað, The Manchester Guardian Weekly, útgefið fimmtu- daginn 13. desember, 1951. Innréttingarnar gera Friðriki Þór kleift að sýna inn í braggann utan af götunni sem gerir sviðsmyndina raun- verulegri og eðlilegri. Þetta er ekki aðeins báru- járn og spýtur heldur heimili. Lýst er inn um gluggana fyrir innisenur og ekkert mál er að taka út um gluggana með braggagötuna í bak- sýn. Allt hverfið er leiktjöld. Og margar lausnirn- ar eru broslega einfáldar. Búið var til sumar- umhverfi fyrir utan aðalbraggann með því að sprauta gulnað grasið grænt og líma laufblöð úr gerviefni á hríslur. 1000 uppsef ningar Friðrik Þór kallar „Gerið svo vel" til merkis um að taka sé hafin og „Takk" þegar hann ákveður að henni sé lokið. Annars virðist hann lítið„leikstýra" á tökustað enda mikilli undirbún- ingsvinnu lokið þegar loks tökur hefjast. „Leik- stjórinn er sá maður í tökuliðinu sem virðist aldrei gera neitt," segir hann. Mestur tíminn fer eins og alkunna er í endalausa bið þrátt fyrir einkar gott skipulag á hlutunum. Kvikmynda- Einar Kárason varö ringl- --------------------------------------------------------------------T----------------------------------- aður, Magnús Olafsson ruddi nióur braggg, Frió- rik Þór réó skákþraut og Ari Kristinsson hefði ekki átt aó tala vel um veórió. Braggahverfi hefur risið á Seltjarnarnesi og þar kvikmyndar Friðrik Þór Frióriksson Gulleyjuna sem byggir q sögum Ein- grs. Arnaldur Indrióa- son fylgdist meó upptök- um fyrir skemmstu. tökuhópurinn puðar endalaust. Ari Kristinsson, sem stjórnar kvikmyndatökunni, segir að stefni í 1000 uppsetningar á myndavélinni. Til saman- burðar nefnir hann að myndavélauppstillingarn- ar í Á köldum klaka hafi verið á milli 300 og 350. Hérna er hrynjandin öll önnur. Hraðinn í frásögninni miklu meiri og í braggahverf- inu/kvikmyndaverinu er ekkert mál að stilla myndavélinni upp að vild. Unnið er frá því snemma á morgnana og fram á kvöld og afrakst- ur dagsins er yfirleitt ein og hálf til tvær mínút- ur af efni. Sögur Einars Kárasonar af braggabyggðinni eru þjóðkunnar og persónurnar eru mörgum kærar. Með aðalhlutverkin í myndinni fara Baltasar Kormákur (Baddi), Gísli Halldórsson (Tommi), Sigurveig Jónsdóttir (Karolína), Hall- dóra Geirharðsdóttir (Dollí), Sveinn Geirsson (Danni), Guðmundur Ólafsson (Grettir), Ingvar E. Sigurðsson (Grjóni), Pálína Jónsdóttir (Gerð- ur), Magnús Ólafsson (Hreggviður), Saga Jóns- dóttir (Gógó), Sigurður Sigurjónsson (Tóti), Árni Tryggvason (Afi), Margrét Ákadóttir (Fía), Guðrún Gísladóttir (Þórgunnur) og Helga Braga Jónsdóttir (Gréta). Bak við tökuvélina standa margir samstarfsmenn Friðriks Þórs til fjölda ára. Ari er tökustjórinn, Kjartan Kjart- ansson sér um hljóðhönnun, Árni Páll Jóhannes- son sér um leikmyndina, framleiðendur eru Friðrik Þór, Peter Rommel og Egil Ödegaard, klippari Steingrímur Karlsson, framkvæmda- stjóri Inga Björg Sólnes og Karl Aspelund sér um búninga. Tökur hafa staðið yfir í nokkrar vikur og eiga eftir að halda áfram til aprílloka. Þær ganga mjög eftir áætlun. Kvikmyndagerð Djöflaeyjunn- ar hefur þegar vakið athygli erlendis. Von var á sjónvarpsfólki frá BBC í Bretlandi að fylgjast með tökum. „Þetta er besti tíminn til að kvik- mynda því maður fær svo misjöfn veður," segir Friðrik Þór þar sem við sitjum í stofu Karólínu. „Ég kom inn í einn bragga," segir hann aðspurð- ur hvort hann þekkti bragga af eigin raun, „sem búið var að breyta ansi mikið. Hann stóð skammt frá Háteigsveginum þar sem Einar Kárason býr . 11il Fli1 - -t-

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.