Morgunblaðið - 07.06.1997, Page 2

2 LAUGARDAGUR 7. JÚNÍ 1997
MORGUNBLAÐIÐ

FRETTIR
Kristján Jónsson rafmagns veitustj óri á ársfundi Rarik
Þrír virkjunarkost-
ir koma til greina
RARIK hefur athugað ýmsa
möguleika á hagkvæmum virkjun-
arkostum og koma helst þrír til
greina: Fjarðarárvirkjun í Seyðis-
firði, Gilsárvatnavirkjun í
Fljóts6dal og Villinganesvirkjun í
Skagafirði. Kom þetta fram í
skýrslu Kristjáns Jónssonar raf-
magnsveitustjóra á ársfundi fyrir-
tækisins sem haldinn var á Egils-
stöðum í gær. Sagði hann sjón-
armiðin skýr, auka þyrfti sam-
keppni og gefa fleiri fyrirtækjum
kost á orkuframleiðslu.
Kristján sagði í samtali við
Morgunblaðið að kanna yrði
hvernig þessir þrír kostir falla inn
í eðlilega virkjanaröð en hægt
væri að ímynda sér að fljótlega
upp úr áramótum mætti hefja
undirbúning. Hann gæti tekið
rúmt ár en síðan mætti koma
hverri virkjun í gagnið á þremur
árum ef til kæmi. Rarik stefnir
að því að verða sjálfstæðari í orku-
öflun til þess að bæta samkeppnis-
stöðu sína og koma til móts við
kröfur um lægra orkuverð og seg-
ist Kristján Jónsson sjá fram á
mikla orkuþörf í byijun nýrrar
aldar sem fyrirtækið vildi vera
viðbúið að mæta.
„Þeir virkjunarkostir sem
Landsvirkjun hefur hafið fram-
kvæmdir við eða eru í undirbún-
ingi duga rétt til að mæta vaxandi
stóriðjuáformum og við teljum að
það falli vel inn í virkjanaröðina
að Rafmagnsveitur ríkisins reisi
20 til 50 megawatta virkjun sem
með eðlilegum aðdraganda yrði
tilbúin í upphafi nýrrar aldar.“
Kristján segir frekari athugun
þurfa að fara fram á áðurnefnd-
um virkjanakostum og fleirum
áður en tillögur verði lagðar fram
um nýja virkjun. Hagkvæmni
þeirra bendi eigi að síður til þess
að orkuverð frá þeim verði lægra
en sem svarar kostnaði við orku-
öflun með orkuinnkaupum frá
Landsvirkjun samkvæmt núgild-
andi raforkusamningi jafnvel þótt
gjaldskrá Landsvirkjunar lækki.
Þá hefur Rarik einnig fengið lög-
fræðilegt álit um að samkvæmt
samkeppnislögum sitji nú allir við
sama borð við val á virkjunaraðil-
um. Sagði hann að einn aðili
framleiddi nú 93% alls rafmagns
á íslandi og eðlilegt væri að gefa
fleirum kost á að sýna hvað í
þeim býr.
Bílar utan
Morgunblaðið/Jim Smart
vegar
ÍSBÍLL lenti utan vegar á Hring-
brautinnivið Vatnsmýrina í gær-
morgun. Óhappið varð, samkvæmt
upplýsingum lögreglu, þegar bíl-
stjóri ísbílsins afstýrði árekstri við
lítinn fólksbíl. Alvarleg meiðsli
munu ekki hafa orðið á fólki. Svip-
að óhapp varð í gær við Garða-
holt á AÍftanesi er bíll valt utan
vegar. Þar var lögreglu ekki
kunnugt um að meiðsl hefðu orðið
á fólki.
Lok síldarvertíðar
Mega fara
annan túr
BRÆLA hefur tafið síldveiðar und-
anfarna daga og mörg skipanna nú
á miðunum með slatta. Því hefur
sjávarútvegsráðuneytið ákveðið að
þeim skipum sem ekki landi fullum
farmi sé heimilt að fara í aðra veiði-
ferð, samkvæmt fréttatilkynningu
sem gefin var út í gær.
Ráðuneytið hafði áður ákveðið að
hveiju síldveiðiskipi væri aðeins
heimilt að fara eina veiðiferð eftir
sjómannadaginn. Miðað við óveiddan
afla á þeim tíma var áætlað að með
þessu fyrirkomulagi næðist að veiða
leyfilegan heildarfla íslendinga,
233.000 lestir. Komi skip að landi
með slatta og haldi á miðin á ný,
má samanlagður afli þeirra úr þess-
um tveimur veiðiferðum ekki fara
yfir það magn sem þau hafa mest
landað úr einni veiðiferð á yfirstand-
andi vertíð.
Morgunblaðið/Kristján
Fokker í nýjum búningi
FOKKER 50 flugvél Flugfélags
Islands kom í nýjum búningi í
áætlunarflugi til Akureyrar um
hádegisbilið í gær. Þetta er
fyrsta vélin sem á er málað merki
Flugfélags íslands, sem tekið
hefur yfir sumaráætlun Flug-
leiða innanlands.
Jón Magnús Sveinsson flug-
stjóri og Magnús Brynjarsson
aðstoðarflugmaður tóku
aukadýfu yfir flugbrautina á
Akureyrarflugvelli af þessu til-
efni, áður en vélinni var snúið
til lendingar. Sigrún Hermanns-
dóttir flugfreyja sagðist ekki
hafa fundið fyrir breytingu á
leiðinni til Akureyrar, þótt vélin
væri í nýjum búningi, flugið hafi
verið jafnþægilegt og áður.
Biskup mæl-
ir með Hans
Markúsi
HERRA Ólafur Skúlason bisk-
up, hefur mælt með því við
Þorstein Pálsson kirkjumála-
ráðherra, að Hans Markús
Hafsteinsson guðfræðingur
verði skipaður sóknarprestur í
Garðaprestakalli frá og með
16. júní nk.
í bréfi biskups til ráðherra
segir: „Ég leyfi mér hér með
að mæla með því, að cand. the-
ol. Hans Markús Hafsteinsson
verði skipaður sóknarprestur í
Garðaprestakalli, Kjalarnes-
prófastsdæmi, frá og með 16.
júní nk. Eftir að nægur íjöldi
atkvæðisbærra sóknarbama
skrifaði undir áskorun um al-
menna kosningu var ákvörðun
kjörmannafundar vikið til hlið-
ar. Eftir voru því aðeins tveir
umsækjendur, ogþar sem Hans
Markús Hafsteinsson fékk fleiri
atkvæði en séra Öm Bárður
Jónsson fylgi ég þeirri hefð,
sem biskupar hafa fylgt með
fáum undantekningum að
mæla með þeim, sem flest at-
kvæði hefur hlotið, enda þótt
kosning hafi ekki verið lögmæt
vegr.a of lítillar þátttöku.“
Beðið er eftir ákvörðun ráð-
herra.
Heim-
skauta-
loft yfir
landinu
KALT var á Norðurlandi í gær
og gekk á með éljum. Hiti fór
niður undir frostmark og var
víða kuldalegt um að litast.
Á Húsavík gekk á með élj-
um um hádegisbilið og var
skyggni ekki nema um 200
metrar á tímabili. Hiti var um
frostmark og gránaði í rót.
Svipaða sögu er að segja af
veðri á Akureyri og Egilsstöð-
um og enn víðar.
Að sögn Haraldar Eiríks-
sonar á Veðurstofu íslands fer
nú köld norðaustanátt yfir
landið. Klukkan 3 í gærdag
var hitinn á Norðurlandi kom-
inn niður undir frostmark og
éljagangur fylgdi í kjölfarið.
Haraldur gerði ráð fyrir
áframhaldandi frosti víða um
land en á sunnudaginn kæmi
hlýrra loft úr austri, og dregur
þá úr kuldanum með rigningu
um landið allt. Hann sagði
vissulega kalt miðað við árs-
tíma en þó væri þetta ekkert
einsdæmi. „Við erum hér rétt
sunnan við heimskautsbaug-
inn þannig að það er kannski
ekki skrítið þó heimskautaloft-
ið nái hingað öðru hveiju,"
sagði Haraldur. í raun væri
von á slíku veðri flesta mánuði
ársins að júlí undanskildum.
Áburðarverksmiðjan átti 675 milljónir í birgðum og 277 m.kr. í verðbréfum
VELTUFJÁRMUNIR Aburðar-
verksmiðjunnar hf. voru um
1.084,5 milljónir króna í lok ársins
1996 eða um 53% af heildareignum
verksmiðjunnar. Stærstu liðir í
veltufjármunum voru birgðir,
675,9 milljónir króna, þar af voru
áburðarbirgðir 524 m.kr. Við-
skiptakröfur námu 78,9 m.kr. og
verðbréfaeign var 277,1 m.kr.
Þetta kemur fram í sölulýsingu
Áburðarverksmiðjunnar hf. sem
verðbréfafyrirtækið Handsal útbjó
fyrir útboð á verksmiðjunni.
Ekki fengust nákvæmar upplýs-
ingar um stöðu veltufjármuna í dag
en samkvæmt upplýsingum Morg-
unblaðsins er talið að á þessum
árstíma séu hráefna- og afurða-
birgðir í lágmarki en verðbréfaeign
meiri en um áramót enda er helsta
sölutímabil verksmiðjunnar að
baki.
í sölulýsingunni kemur einnig
fram að veltufiárhlutfall fyrir-
tækisins var 4,7. Eignir verksmiðj-
unnar í árslok 1996 voru samtals
2.029 m.kr en skuldir samtals
236,3 m.kr, þar af langtímaskuldir
6,4 milljónir króna. Fastafjármunir
eru 944,5 m.kr. og eigið fé 1.792
milljónir króna.
Veltufjármunir
1.084 milljónir
kr. um áramótin
22,8 m.kr. rekstrartap
Rekstur verksmiðjunnar skilaði
22,8 m.kr. tapi árið 1996 en 82,8
m.kr. tapi árið 1995. Rekstrartap
af reglulegri starfsemi varð 46,8
m.kr. árið 1996 en 109,1 m.kr.
árið 1995. Rekstrartekjur árið
1996 námu 1.062 milljónum króna
og jukust um 8,1% frá 1995.
Haft var eftir Guðmundi Bjama-
syni landbúnaðarráðherra í Morg-
unblaðinu í gær að í verksmiðjunni
lægju umtalsverðar upphæðir í
lausafiármunum sem hægt væri
að gera sér mikil verðmæti úr nú
þegar sem gætu gengið til að
greiða umtalsverðan hluta af kaup-
verði. Ljóst sé að ríkið fengi meira
út úr verksmiðjunni með því að
loka henni sjálft heldur en að selja
hana samkvæmt tilboðunum
tveimur sem bárust, annað hljóðaði
upp á 617 m.kr. en hitt 725 m.kr.
Nánar aðspurður um þessi um-
mæli sín sagði ráðherra í samtali
við Morgunblaðið í gær að það
væri álit einkavæðingarnefndar-
innar að verksmiðjan sé nokkru
meira virði en 725 milljónir. „Ef
sú ákvörðun hefði verið tekin, sem
við höfum út af fyrir sig ekki vilj-
að gera því við höfum verið að
velta því fyrir okkur hvernig sé
hægt að tryggja áframhaldandi
rekstur, megi líta svo á að með
því að leggja hana niður og gera
verðmæti úr lausafjármunum, þá
væri hægt að hafa meira fýrir það
en 725 milljónir króna,“ sagði ráð-
herra.
Flókið mál
„Vandinn við að selja verk-
smiðjuna til rekstrar er sá að af
því að hún er rekin með tapi eins
og er og menn sjá ekki að þeir fái
í hendur arð af sinni fjárfestingu,
um.
þá gerir það þeim aðilum sem vilja
reka verksmiðjuna erfiðara fyrir
að bjóða jafnmikið í hana og þeir
sem vilja leggja verksmiðjuna nið-
ur. Það gerir þetta mál í raun og
veru mjög flókið,“ sagði Guðmund-
ur Bjamason.
Ráðherra sagðist því hafa fallist
á tillögu einkavæðingamefndar um
að hún skoðaði málið nánar, fari
betur yfir ferlið og geri nýjar tillög-
ur til ráðherra um málsmeðferð.
Guðmundur ítrekaði að þótt
hagsmunir bænda skiptu máli
varðandi ákvörðun um framtíð
verksmiðjunnar skiptu aðrir hags-
munir ekki síður máli, þ.e. efna-
hagslegir hagsmunir, hagsmunir
starfsmanna og hagsmunir af því
að reka áfram fyrirtæki af þessu
tagi. Hagsmunir bænda væru þeir
að fá góðan áburð, góð aðföng á
sem lægstu verði því að gerðar
væru kröfur til bænda um að hag-
ræða og skila sem lægstu vöru-
verði.
Ekki náðist í Hrein Loftsson,
formann einkavæðingarnefndar, í
gær en hann er erlendis. Sam-
kvæmt upplýsingum Morgun-
blaðsins mun einkavæðingarnefnd
fara yfir málið og gera nýjar til-
lögur til ráðherra síðar í mánuðin-
I
I
I
I
Frávikstilboð/15
L