Morgunblaðið - 28.11.1997, Side 13

MORGUNBLAÐIÐ
AKUREYRI
FÖSTUDAGUR 28. NÓVEMBER 1997 13
Eitt stærsta sjávarútvegsfyrirtæki landsins, Snæfell, vígt
Höfuðstöðvar á Dalvík en
starfsemi í fjórum landshlutum
SNÆFELL, eitt stærsta sjávarút-
vegsfyrirtæki landsins sem stofnað
var fyrr á árinu verður formlega
vígt í dag, föstudag. Félagið er enn
sem komið er í eigu Kaupfélags Ey-
firðinga en stefnt er að því að það
fari á almennan hlutabréfamarkað
innan fárra vikna.
Snæfell hefur tekið við rekstri
frystihúsa KEA á Dalvík og í Hrís-
ey, auk skreiðarverkunar á Hjalt-
eyri. Pá hefur rekstur Utgerðarfé-
lags Dalvíldnga verið sameinaður
hinu nýja félagi. Snæfellingur hf. í
Ólafsvík og Gunnarstindur hf. á
Stöðvarfirði, en KEA á verulegan
hlut í báðum félögum, munu sam-
einast Snæfelli fyrir árslok. Loks
hefur félagið keypt loðnuverk-
smiðju í Sandgerði og nótaskipið
Dagfara ásamt 1,8% af heildar-
loðnukvótanum og 150 tonna afia-
hlutdeild í rækju.
Snæfell rekur fjölbreytta fisk-
vinnslu og útgerð og er starfsemin í
fjórum landshlutum en höfuðstöðv-
ar fyrirtækisins eru á Dalvík.
Vinnsla á bolfiski fer fram á Eyja-
fjarðarsvæðinu og er lögð áhersla á
fullvinnslu í neytendaumbúðir,
rækjuvinnsla er í Ólafsvík, vinnsla
uppsjávarfiska til manneldis á
Stöðvarfirði og mjölvinnsla í Sand-
gerði.
Ársvelta áætluð um 4 milljarðar
Áætluð ársvelta er um 4 milljarð-
ar króna, þar af eru um 650 milljón-
ir vegna sölu neytendapakkninga í
smásölu í Evrópu en á Dalvík var
nýlega tekið í notkun eitt fullkomn-
asta bolfiskfrystihús í heimi. Afurð-
unum er pakkað í neytendapakkn-
ingar í Hrísey þar sem afkastamikil
pökkunarverksmiðja var opnuð á
liðnu sumri. Stærstu kaupendur
þessara afurða eru Marks &
Spenser, Tesco og System U.
Aflaheimildir innan lögsögu Is-
lands eru um 11.200 þorsk-
ígildistonn en auk þess á félagið
veiðihlutdeild í rækju á Flæmska
hattinum, karfa á Reykjaneshrygg
og hefur veiðireynslu af tveimur
skipum á norsk-íslensku sfldinni.
Loks hefur félagið veiðireynslu í
Smugunni. Skip félagsins eru
rækjufrystitogarinn Snæfell, flaka-
frystiskipið Björgvin, ísfisktogar-
arnir Björgúlfur, Sólfell og Már og
nótaskipin Kambaröst og Dagfari.
Fyrirhugað er að selja ísfisktogar-
ana Sólfell og Má.
Skipt upp í 6 rekstrareiningar
Samfara vígslu Snæfells verður
nýtt skipurit þess kynnt en sam-
kvæmt því verður félaginu skipt
upp í sex rekstrareiningar. Utgerð-
arsviði stýrir Valdimar Bragason
útgerðarstjóri, frumvinnslu stýrir
Gunnar Aðalbjömsson rekstrar-
stjóri, fullvinnslu í Hrísey stýrir
Ámi Ólafsson rekstrarstjóri, Magn-
ús Helgason rekstrarstjóri stýrir
vinnslu uppsjávarfisks á Stöðvar-
firði og Bjöm Sigtryggsson rekstr-
arstjóri stýrir rækjuvinnslu á Ólafs-
vík. Framkvæmdastjóri Snæfells er
Ari Þ. Þorsteinsson.
Gróður-
setning við
flugstöðina
MIKLAR framkvæmdir hafa staðið
yfir í sumar við flugstöðina á
Akureyrarflugvelli. Flugmála-
stjórn og umhverfisdeild bæjarins
hafa unnið að frágangi á aðkomu
að flugstöðinni og í gær voru
starfsmenn umhverfisdeildar að
gróðursetja tré við bílastæðin.
Ami Steinar Jóhannsson um-
hverfissijóri segir það vissulega
óvenjulegt að unnið sé að gróður-
setningu á þessum árstíma. „Við
leggjum áherslu á að umhverfi
flugstöðvarinnar sé í takt við ann-
að umhverfi bæjarins. Þessi frá-
gangur er í beinu framhaldi af
framkvæmdum við viðbyggingu
flugstöðvarinnar og eykur mögu-
leika okkar á beinu flugi til Akur-
eyrar frá útlöndum og ekki síst
eftir að flughlaðið var stækkað,"
sagði Árni Steinar.
Árlega fara um 130-140 þúsund
farþegar um Akureyrarflugvöll,
að sögn Árna Steinars, og því
skiptir aðkoman miklu máli.
Morgunblaðið/Kristján
Dregið í Esso-
haustleiknum
VIÐSKIPTAVINIR Esso-stöðvanna
á Akureyri hafa átt þess kost síðustu
tvo mánuði að fá stimpil í úttektar-
kort sitt við hverja áfyllingu en eftir
6 slíka stimpla fór kortið í pott sem
nú hefur verið dregið úr en góðir
vinningar voru í boði. Stefán Guð-
bergsson frá Esso í Reykjavík og
Vilhelm Ágústsson hjá Höldi drógu
út vinninga.
Ólafur Svanlaugsson, Tungusíðu
23 á Akureyri, hlaut aðalvinninginn,
ferð fyrir tvo til Dyflinnar, Ingólfur
Gestsson, Yti’a-Dalsgerði, Eyjafjarð-
arsveit, fékk helgai’pakka til Reykja-
víkur, flug með íslandsflugi og bíl
frá Bílaleigu Akureyrar, Jórunn
Finnsdóttir, Akureyri, Jón Jóhann-
esson, Akureyri, og Jónheiður Sig-
urðardóttir, Eyjafjarðarsveit, fengu
kaffivél og þau Jóhann Gústafsson,
Akureyri, Jón Viðar Guðlaugsson,
Akureyri, Stefán Þoi-móðsson, Akur-
eyri, Jón Jónsson, Eyjafjarðarsveit,
og Rósa Eggertsdóttir, Akureyri,
hlutu vetrarpakka fyrir bílinn.
Morgunblaðið/Kristján
Verslunin Handíð opnuð
VERSLUNIN Handíð var opnuð í
húsnæði við Skipagötu 16 á Akureyri
(Pedrohúsinu) nýlega. Þetta er sér-
verslun með Rowana prjónagarn,
púðasaum frá Kaffe Fasset, púða-
saum og bútasaumsvörur frá Virku.
Eigendur verslunarinnar eru Edda
S. Friðgeirsdóttir og Inga J. Pálma-
dóttir.
Verslunin er opin írá kl. 10 til 18
alla virka daga og frá kl. 10 til 14 á
laugardögum.
Morgunblaðið/Kristján
STARFSMENN umhverfisdeildar Akureyrarbæjar, þeir Jóhann Thorarensen og Baldur Gunnlaugsson voru
að gróðursetja stafafuru, bergfuru og hansarósir í blíðunni í gær. Með þeim á myndinni er Árni Steinar Jó-
hannsson umhverfisstjóri.
Fyrri umræða um fjárhagsáætlun bæjarsjóðs Akureyrar
Aætlað að skatttekjur
nemi rúmum 2 milljörðum
FYRRI umræða um fjárhagsáætl-
un bæjarsjóðs Akureyrar, veitu-
stofnana og sjóða verður á fundi
bæjarstjómar næstkomandi
þriðjudag.
Bæjarráð lagði til á fundi í gær
að útsvarpsprósenta í staðgreiðslu
opinberra gjalda á næsta ári verði
11,84% af álagningastofni. Þá hef-
ur bæjarráð lagt til að eftirtalin
gjöld verði lögð á fasteignir á
Akureyri; 0,36% fasteignaskattur
samkvæmt a-lið 3. greinar laga um
tekjustofna sveitarfélaga og
0,15875% samkvæmt b-lið sömu
laga, vatnsgjald verður 0,16% af
álagningarstofni, fráveitugjald
0,18% og sérstakur skattur af
verslunar- og skrifstofuhúsnæði
verður 0,313% af álagningarstofni.
Sorphreinsigjald af íbúðarhúsnæði
verður 3 þúsund krónur á hverja
íbúð.
Bæjarráð hefur lagt til að fast-
eignaskattur af eigin íbúðum
þeirra sem verða 70 ára og eldri á
árinu 1998 verði lækkaður um 16
þúsund krónur og fasteignaskatt-
ur af íbúðum örorkulífeyrisþega
verði einnig lækkaður um sömu
upphæð, þ.e. hjá einstaklingum
með tekjur allt að einni milljón
króna og hjónum eða fólki í sam-
búð með tekjur allt að 1.350 þúsund
krónur. Gjalddagar fasteignagjalda
verða 8 líkt og verið hefur síðustu
ár, 1. dagur hvers mánaðai’ á tíma-
bilinu frá febrúar til september.
Elli- og örorkulífeyrisþegar
fá afslátt af fasteignaskatti
Gert er ráð fyrir að skatttekjur
Akureyrarbæjar verði um 2,1
milljarður króna á næsta ári. Tekj-
ur vegna útsvara nema um 1,7
milljörðum króna, 288 milljónir
eru vegna fasteignaskatta, 6 millj-
ónir vegna skatts á verslunar- og
skrifstofuhúsnæði og þá er gert
ráð fyrir 105 milljóna króna fram-
lagiúr jöfnunarsjóði.
Áætlað er að rekstrargjöld bæj-
arsjóðs Akureyrar verði 1.686.503
þúsund krónur, fjármunagjöld
verði 7 milljónir króna og einnig er
gert ráð fyrir að tæplega 400 þús-
und krónur verði færðar til gjald-
færðs stofnkostnaðar og eigna-
breytinga. Rekstraráætlun næsta
árs hljóða upp á tæplega 2,1 millj-
arð króna. Langstærsta upphæðin
fer til fræðslumála, eða um 735
milljónir, 368 milljónir fara í fé-
lagsþjónustu, 115 milljónh’ í
íþrótta- og tómstundamál, um 97
milljónir í menningarmál, 104
milljónii’ til umhverfismála og þá
kostar yfirstjóm bæjarins um 110
milljónir króna.