Morgunblaðið - 27.01.1998, Síða 4

4 B ÞRIÐJUDAGUR 27. JANÚAR 1998
MORGUNBLAÐIÐ
SKÍÐI
Benedikt
í Kitzbuhel
BENEDIKT Geirsson, formað-
ur Skíðasambandsins, vai- í
Kitzbuhel og fylgdist með
heimsbikarmótinu um helgina.
Hann var einnig í Veysonnaz í
Sviss og sá Kristin ná þar öðru
sæti. „Það var ótrúleg upplifun
að vera með honum í Sviss.
Hann er orðinn stórt nafn í
skíðaheiminum. Það þekkja
hann allir sem hafa á annað
borð fylgst með skíðaíþróttinni.
Hann var umvaflnn frétta-
mönnum og hafði nóg að gera í
að gefa eiginhandaráritanir.
Það er gaman að vera formaður
SKÍ þegar svona vel gengur,“
sagði Benedikt.
Miklir pen-
ingar í boði
MIKLIR peningar voru í boði
fyrir efstu sætin í heimsbikar-
mótunum í Kitzbuhel um helg-
ina. Sigurvegarinn í hverri
grein fékk 500 þúsund austur-
ríska shillinga eða um þrjár
milljónir íslenskar krónur.
Austurríkismennirnir Thomas
Stangassinger og Thomas
Sykora tóku vænan skerf af
peningakökunni, Sykora fór
heim með 4,5 milljónir eftir
helgina og Stangassinger 3,5
milljónir.
íslenski fán-
inn áberandi
NOKKRIR Ólafsfirðingar voru
mættir til Kitzbuhel til að fylgj-
ast með sínum manni keppa um
helgina. Þeir komu með ís-
lenska fána, stóran borða með
mynd af Kristni og fána með
merki Leifturs. Þetta settu þeir
upp við hliðina á brautinni og
setti það skemmtilegan svip á
umhverfíð enda eru flestir
skíðakapparnir með stuðnings-
fólk sem er með álíka borða til
að undirstrika stuðning sinn.
Hátíðar-
stemmning
MIKIL hátíðarstemmning er
ávallt í kringum Hahnenkamm
heimsbikarmótið í Kitzbuhel.
Tugir þúsunda manna flykkjast
þangað á hverju ári til að fylgj-
ast með mótinu og skemmta
sér. Á laugardag voru um 50
þúsund gestir í bænum. Hljóm-
sveitir léku á götum miðbæjar-
ins og fólk dansaði konga um
allar götur langt fram á nótt.
Allt gistirými í bænum var á
þrotum og urðu margir að fá
sér gistingu í nærliggjandi bæj-
um. Þetta er í 58. sinn sem Ha-
hnenkamm-mótið er haldið í
Kitzbúhel.
Leitner á
heimavelli
CHRISTIAN Leitner, austur-
ríski þjálfari finnska landsliðs-
ins og Kristins, er frá Kitzbúhel
og var því á heimavelli um helg-
ina. Hann var að vonum ekki
ánægður með útkomu liðsins og
sagði að keppnisbrekkan hafl
haft sitt að segja. „Ég er viss
um að það hefði verið hægt að
keppa í svigbrekkunni ef það
hefði verið lögð meiri áhersla á
að undirbúa hana. En það var
öll áherslan lögð á að undirbúa
brunbrautina," sagði Leitner.
Leitner er greinilega vel
þekktur í Kitzbúhel því um leið
og Islendingur eða Finni var í
brautinni sagði kynnir mótsins
að þjálfari þeirra væri enginn
annar en Christian Leitner.
KRISTINN Björnsson á ferðinni í svigkeppninni í Kitzbiihel á sunnudagínn.
Reuters
Kristinn Björnsson náði sér ekki á strik í tveimur svigkeppnum í Kitzbuhel
Á að geta gert betur
KRiSTINN Björnsson, skíðakappi frá Ólafsfirði, náði sér ekki á
strik í sviginu í Kitzbiihel í Austurríki á sunnudaginn. Hann hafði
rásnúmer 22 og náði ekki að verða á meðal þeirra þrjátíu sem
fóru síðari umferðina. Hann var með 32. besta tímann og var því
áhorfandi í síðari umferðinni. Það munaði aðeins 0,18 sek. að
hann kæmist áfram. Kristinn sagði eftir keppnina að brekkan og
brautin hefðu hentað sér illa. „Ég fann mig alis ekki og náði
aldrei góðum takti. Ég á að geta gert betur,“ sagði hann og var
greinilega mjög óánægður með frammistöðu sína, eins og í gær
er hann fór út úr brautinni.
Kristinn keyrði af of miklu öryggi
og virtist ekki finna sig í braut-
inni. Það er ljóst að hann verður að
taka áhættu ef hann
ætlar að vera á með-
al þeirra bestu. Eins
var greinilegt að
brekkan sem keppt
var í hentaði honum illa, enda er
hann bestur þegar brautirnar eru
lagðar í bröttum brekkum, en í Kitz-
búhel var brekkan ekki nægilega
krefjandi. Hún var ekki lögð í hefð-
bundinni svigbrekku, heldur neðst í
Hahnenkamm-brunbrekkunni.
„Ég veit varla hvað ég á að segja
um þessa ferð. Mér fannst mér ekki
ganga neitt mjög illa. En það er eins
og svona brekka henti mér ekki. Ég
náði illa að tímasetja mig í beygjun-
um því það var svo langt á milli hliða.
Ég var of fljótur í beygjunum og
ekki nægilega þolinmóður að standa
á köntunum. Færið í brautinni var í
fínu lagi þegar ég fór niður og ekkert
út á það að setja. Ég barðist af krafti
allan tímann en þegar tímasetningin í
beygjunum er ekki rétt gengur þetta
ekki upp,“ sagði Kristinn.
Hann sagði að þessi brekka hent-
aði líka öðrum iila sem hafa gert það
gott í vetur og svo öfugt. „Það er
misjafnt eftir mönnum hvaða að-
stæður henta hverjum og einum.
Þessi brekka hentar mér greinilega
ekki, en ég átti þó að geta gert betur.
Brautin var ekki krefjandi og það
sést á því hve tímarnir eru jafnir.
Það munar ekki nema einni og hálfri
sekúndu frá fyrsta og í fímmtánda
mann.“
Þegar Kristinn kom niður var
hann með 18. besta tímann og hélt að
það myndi duga til að hann fengi að
fara síðari umferðina. En þeir sem
komu á eftir voru ekki á því og náðu
að slá hann út. Kristinn beið spennt-
ur við endamarkið og fylgdist með
hverjum keppandanum á fætur öðr-
um og þegar Angelo Weiss frá Italíu
kom niður með rásnúmer 47 var ljóst
að Kristinn var dottinn út. Hann laut
höfði og blótaði í hljóði - keppninni
var lokið hjá honum.
Fannstu fyrir taugaspennu þegar
þú fórst niður?
„Nei, alls ekki. Ég var mjög vel
stemmdur og tiltölulega afslappaður.
Ég var mun taugaspenntari fyrir
mótið í Veysonnaz, þegar ég náði
öðru sæti. Kannski var eitthvað í
undirmeðvitundinni sem sagði mér
að brautin og brekkan hentuðu mér
ekki. Ég vissi það fyrirfram að ég er
ekki sterkur í svona brekkum sem
eru í litlum halla. Það gæti verið að
þetta hafi haft áhrif á mig þegar ég
fór niður. Ég á samt að vera innan
við þrjátíu þó að það sé við þessar
aðstæður."
Lélegt hjá Hauki
Haukur Arnórsson úr Armanni
keppti í sviginu á sunnudag og var
þetta í fyrsta sinn sem hann tekur
þátt í heimsbikarmóti. Hann var með
rásnúmer 65 og varð í 57. sæti af 59
sem komust niður eftir fyrri umferð
og fékk því ekki að fara síðari ferð-
ina. Tími hans var 57,38 sek. Til sam-
anburðar var tími Kristins 53,77
sek., en Stangassinger var með
besta brautartímann, 51,54 sek.
Haukur sagði að ferðin hefði verið
léleg hjá sér. „Brautin var orðin
nokkuð grafín þegar ég fór niður og
eins hentaði þessi braut mér illa. Það
var líka alltof langt á milli hliða og
það hentar mér ekki. Það var samt
gaman að taka þátt í þessu, enda
mikil stemmning hér,“ sagði Hauk-
ur.
Haukur er í ólympíuliði íslands og
sagði hann að leikamir legðust ekkert
of vel í sig. „Við verðum í hálfan mán-
uð í Japan áður en svigið fer fram. Ég
veit ekki hvemig æfinagaaðstaða er
þar. Ég hefði miklu firekar viljað æfa
hér í Evrópu og fara síðan til Nagano
nokkmm dögum fyrir svigið. Það hef-
ur ekki gengið nægilega vel hjá mér í
vetur, hef átt í vandræðum með sldð-
in. Ég hef aðeins klárað eitt mót eftir
áramót en í þvi bætti ég reyndar
punktastöðuna mína. Við höfum líka
lítið getað æft eftir áramótin og svo
höfum við Amór ekki neinn þjálfara,"
sagði Haukur.
Leiðinlegt að svona fór
Það gekk ekki vel hjá Kristni í
sviginu í Kitzbúhel í gær og hinn Is-
lendingurinn, Arnór Gunnarsson, fór
einnig út úr brautinni á svipuðum
stað. Kristinn keyrði út úr þegar um
þriðjungur var búinn af brautinni,
fór á efra skíðið og féll. Hann var bú-
inn að keyra vel það sem hann fór
enda mun ákveðnari en í sviginu á
sunnudag. Hann sagðist vera ánægð-
ari með það sem hann fór af braut-
inni í gær heldur en ferðina á sunnu-
daginn þegar hann var með 32. tím-
ann eftir fyrri umferð.
Kristinn var með rásnúmer 19 og
hefur aldrei áðui- startað svo framar-
lega í heimsbikarmóti. „Ég er auð-
vitað leiður yfir hvernig fór, sérstak-
lega vegna þess að áhuginn er mikill
heima og margir sem fylgjast með
mér. En ég var að minnsta kosti að
reyna meira en í sviginu á sunnudag.
Ég er ánægðari með það sem ég fór í
þessu svigi en að koma niður í hinu
sviginu númer 32. Þetta eru auðvitað
mikil vonbrigði," sagði Kristinn og
var greinilega mjög sár.
„Ég held að þessi braut í dag (í
gær) hafi hentað mér betur enda var
skíðafærið harðara en á sunnudag og
þverari beygjur. Þar sem ég fór út
úr var nokkur hliðarhalli og nokkuð
erfið beygja enda fóru fjórir eða
fimm á hausinn í þessari sömu
beygju og margir voru í vandræðum.
Ég var mun ákveðnari en í sviginu á
sunnudaginn. Ég vissi að ef ég ætl-
aði að blanda mér í baráttuna yrði ég
að gefa allt í botn. En svona getur
þetta farið og ekkert við því að gera.
Það er annað hvort allt eða ekkert,"
sagði hann.
Þetta var sjöunda heimsbikarmót-
ið og hefur Kristinn skilað sér niður í
aðeins tveimur þeirra, en komst þá í
bæði skiptin á verðlaunapallinn.
Hann sagðist ekki vera óánægður
með árangurinn því hann væri mun
betri en hann hefði nokkru sinni þor-
að að vona. „Ég get ekki kvartað og
þarf ekki að vera sár. Ég hef þegar
sannað að ég get verið jafnfljótur og
þessfr bestu. Þessi reynsla í vetur á
eftir að nýtast mér næsta vetur,
enda er ég kominn með gott rásnúm-
er, innan við tuttugu.“
Nú er gert hlé á heimsbikarmót-
inu fram yfír Ólympíuleika. Hvernig
leggjast leikarnir í þig?
„Þeir leggjast vel í mig. Ég hef
heyrt að svigbrekkan sé brött og hún
ætti að eiga vel við mig. Ég verð líka
með mjög gott rásnúmer, líklega 17
eða 18. Ég hef aldrei áður átt eins
góða möguleika á svona stórmóti, hef
verið með rásnúmer fyrir aftan 50 og
þá eru litlir möguleikar á að gera
eitthvað. Ég hlakka til að fara til
Nagano.“
Hann ætlar að keppa í stórsviginu
á Ólympíuleikunum en hefur ekkert
æft það í vetur. „Ég tek nokkrar
stórsvigsæfingar fyrir leikana. Ég er
ekki búinn að týna því niður enda
var ég ágætur í þeirri grein. Það er
líka mikilvægt að keppa í Nagano
áður en kemur að aðalgreininni,
sviginu."
)

i
)
í
I
)