Morgunblaðið - 31.03.1998, Blaðsíða 9

MORGUNBLAÐIÐ
ÞRIÐJUDAGUR 31. MARZ 1998 B 9
KNATTSPYRNA
Sven Göran Eriksson, þjálfari Lazio, fyrir lokasprettinn um ítalska meistaratitilinn
Snúum okkur nú að
kapphlaupinu við Juve
Baráttan um ítalska meistaratit-
ilinn hefur ekki verið jafn
spennandi í mörg ár. Juventus er á
toppi deildarinnar eftir 4:1 sigur á
AC Milan um helgina. Inter vann
Vicenza 2:1 og er í öðru sæti, einu
stigi á eftir og síðan kemur Lazio,
sem hefur komið mest á óvart í vet-
ur. Baráttan um titilinn mun
standa á milli þessara þriggja liða.
Alessandro Del Piero og Filippo
Inzaghi gerðu sín tvö mörkin hvor
fyrir Juve. Del Piero það fyrsta úr
vítaspyrnu sem dæmd var á
Sebastiano Rossi, markvörð AC
Milan. Hann braut á Hollendingn-
um Davids, sem átti mjög góðan
leik. Króatinn Zvonimir Boban
jafnaði fyrir Milan úr víti, en var
skömmu síðar eða rétt fyrir leikhlé,
rekinn af leikvelli fyrir að brjóta
gróflega á Davids. Piero kom liði
sínu aftur yfir fyrh- hlé og einum
leikmanni færri átti AC Milan
aldrei möguleika í síðari hálfleik.
Vítaspyrna var einnig dæmd í
hinum stórleiknum í deiidinni, Int-
er og Vicenza. Það var „gáidramað-
urinn“ Ronaldo sem tryggði Inter
sigurinn með marki úr umdeildri
vítaspymu á lokamínútu leiksins.
Þetta var 18. mark hans á tímabil-
inu. Argentínumaðurinn Diego Si-
meone gerði fyrsta mark leiksins
og kom Inter yfir fyrir framan 60
þúsund áhorfendur á San Siro-leik-
vanginum. Lamberto Zauli, vara-
maður Vicenza, jafnaði fyrir
Vicenza á 78. mínútu en það dugði
skammt. Vicenza var einum leik-
manni undir í lokin því vamarmað-
urinn Giacomo Dicara var rekinn
af velli fyrir að brjóta gróflega á
Ronaldo.
Lazio hefur verið í miklum ham
og hefur ekki tapað 23 leikjum í
röð, eða frá því liðið tapaði 2:1 fyrir
Juve 6. desember. Um helgina var
það Udinese sem tapaði fyrir Róm-
arliðinu, 2:0. Lazio var miklu betra
og fékk mörg færi áður en Roþerto
Mancini náði loks að skora á 33.
mínútu og síðan innsiglaði fyrirlið-
inn Diego Fuser sigurinn með því
að gera annað mark liðsins í síðari
hálfleik. „Það var mjög mikilvægt
að sigra Udinese. Ef við hefðum
tapað væram við úr leik í barátt-
unni um meistaratitilinn. Nú snú-
um við okkur að kapphlaupinu við
Juventus," sagði Sven Göran
Eriksson, þjálfari Lazio.
Porto með yfirburðastöðu
PORTO hefur tíu stiga forskot í portúgölsku deildinni eftir leiki
helgarinanr. Liðið vann Braga sannfærandi 4:0. Miðvallarleik-
maðurinn Sergio Conceicao, sem hefur fengið tiiboð frá Deporti-
vo á Spáni, gerði tvö marka Porto og brenndi af vítaspyrnu. Nuno
Capucho og varamaðurinn Rui Barros gerðu hin tvö. Benfíca,
sem er í öðru sæti, mátti sætta sig við tap fyrir Boavista á heima-
velli, 1:2. Skoski þjálfarinn hjá Benfica, Graeme Souness, var æf-
ur út í dómara leiksins og sagði hann hafa m.a. rænt liðið víta-
spyrnu. Litos Magalhaes og Jorge Couto gerðu mörk gestanna en
Bólivíumaðurinn Erwin Sanchez minnkaði muninn úr aukaspyrnu
á lokaminútu leiksins.
Reuters
ALLESSANDRO Del Piero, leikmaðurinn frábæri hjá Juventus,
fagnar öðru tveggja marka sinna gegn AC Milan.
Rangers
nálgast
óðum
toppinn
GLASGOW Ranges sigraði Dun-
fermline 3:2 á meðan hin toppliðin,
Celtic og Hearts, gerðu markalaust
jafntefli í skosku úrvalsdeildinni um
helgina. Celtic hefur 63 stig, tveimur
stigum meira en Hearts og síðan
kemur Rangers með 60 stig og á nú
góða möguleika á að vinna meistara-
titilinn tíunda árið í röð þegar sex
umferðir eru eftir.
Svíinn Jonas Thern gerði sigur-
mark Rangers eftir að markahrók-
urinn Ally McCoist hafði sett hin tvö
mörkin og hefur hann nú gert fimm
mörk í síðustu þremur leikjum.
Yfir 50 þúsund áhorfendur fylltu
leikvang Celtic enda mikið í húfi.
Sigur á Hearts hefði þýtt að liðið
tæki fimm stiga forskot í deildinni.
En þrátt fyrir að Celtic væri mun
betra liðið var niðurstaðan marka-
laust jafntefli og aðeins eitt stig til
hvors liðs fyrir sig. „Við verðum víst
að sætta okkur við þessi úrslit. Mik-
ilvægast var að tapa ekki,“ sagði hol-
lenski þjálfarinn hjá Celtic, Wim
Jansen. Hollendingurinn hefur gert
mjög góða hluti hjá Celtic, en er að
sögn óánægður með samning sinn
við félagið og sögusagnir hafa verið á
kreiki um að hann yfirgefi félagið
jafnvel eftir tímabilið. Aðstoðarmað-
ur hans, Murdo McLeod, varaði
einmitt við því fyrir helgi. Sagði fé-
lagið alls ekki mega missa Jansen.
Hibernian náði jafntefli á móti
Aberdeen, 1:1, í botnslagnum og
gerði Tony Rougier jöfnunarmark
Hibs á lokamínútu leiksins. Eoin
Jess gerði mark Aberdeen um miðj-
an fyrri hálfleik beint úr auka-
spyrnu. Dundee United tapaði fyrir
Motherwell á útivelli, 1:0. Owen
Coyle gerði sigurmarkið, sem var 15.
mark hans á tímabilinu. John O’Neil
skoraði eina mark St Johnstone í 1:0
sigri á Kilmamock.
Real geng
ur illa úti
Kaiserslaut-
em steinlá
Lensí
vann Metz
í topp-
slagnum
Leikmenn Metz, sem eru í efsta
sætinu í Frakklandi, urðu að
sætta sig við tap fyrir fyrir Lens,
sem er í öðru sæti, 2:0. Lens, sem
vann sinn fjórða leik í röð, á mögu-
leika á að vinna sinn fyrsta meistara-
titil. Liðið er með 58 stig þegar fjór-
ar umferðh’ eru eftir, Metz 60 stig.
Júgóslavinn Anto Drobnjak skoraði
bæði mörk Lens á sex mín. kafla í
fyrri hálfleik. Leikmenn Metz náðu
ekki að brjóta sterkan varnarieik
Lens á bak aftur. „Við náðum ekki
að leika á þeim hraða sem við erum
vanir, það var erfitt að vinna upp
tveggja marka forskot Lens,“ sagði
Sylvain Kastendeuch, fyrirliði Metz.
„Við töpuðum, en möguleikinn á
meistaratitlinum er enn til staðar.“
Þjálfari Lens, Daniel Leclercq, var
aftur á móti himinlifandi: „Við lékum
fullkomlega í fyrri hálfleik."
Varnarmaðurinn Martin Djetou
skoraði sigurmark Mónakó með hjól-
hestaspyrnu rétt fyrir leikslok, er
liðið vann Guingamp, 1:0. Meistarar
Mónakó eru í fjórða sæti, fjórum
stigum á eftir Metz.
Leikmenn Parísarliðsins St
Germain, sem höfðu leikið sjö leiki í
röð án sigurs, fógnuðu sigri á sunnu-
daginn er þeir lögðu Lyon 3:0. ítal-
inn Marco Simone skoraði tvö mörk
- hefur nú skorað tólf mörk í frönsku
1. deildarkeppninni, og Brasilíumað-
urinn Rai skoraði eitt.
Barcelona tapaði fyrir Celta í
Vigo á sunnudagskvöldið, 1:3, í
spænsku 1. deildinni en hefur engu
að síður sex stiga forystu á Real Ma-
drid og hefur meira að segja lokið
einum leik færra. Meisturum Real
hefur gengið afleitlega á útivelli í
deildinni upp á síðkastið. Liðið gerði
jafntefli gegn Valladolid, 1:1, um
helgina og hefur því ekki sigrað í síð-
ustu tíu útileikjum.
ísraelski landsliðsmaðurinn Haim
Revivo skoraði fyrsta mark Celta á
móti Barcelona eftir fyrirgjöf Juan
Sanchez á 22. mín. Luis Enrique
Martinez jafnaði fimm mínútum síð-
ar og var þetta 16. mark hans á tíma-
bilinu. Celta, sem hefm- aðeins tapað
einum heimaleik í vetur, var ekki
hætt og vann verðskuldað. Rússinn
Alexandr Mostovoi gerði annað
mark liðsins á 32. mínútu og það
þriðja gerði brasilíski miðjumaður-
inn, Mazinho, 20 mín. fyrir leikslok.
Celta færðist við sigurinn upp í 4.
sæti. Mazinho, sem er fyrirhði
liðsins, hefin’ verið frábær
undanfarið. Hann var í
heimsmeistaraliði Brasilíu á HM í
Bandaríkjunum 1994 og era margir
á því að hann verði valinn í liðið á ný
fyrii- HM í Frakklandi 1 sumar.
Króatíski framherjinn Alen Pet-
emac jafnaði fyrir Valladolid gegn
Madrid fjórum mínútum fyrir leiks-
lok og tryggði liðinu þar með sann-
gjarnt jafntefli. Real hafði byrjað
mun betur og annar Króati, Davor
Suker, kom meisturunum yfir á 34.
mín. Suker hefur verið varamaður í
undanfórnum leikjum en var valinn í
byrjunarliðið að þessu sinni þar sem
Júgóslavinn Predrag Mjjatovic var
hvfldur fyrir átökin gegn Dortmund í
Evrópukeppninni á morgun.
Til gamans má geta þess að varn-
armaðurinn Femando Sanz, sonur
forseta félagsins, var í fyrsta sinn í
byrjunarliðinu hjá Real. Nærvera
hans hafði ekki sérlega góð áhrif því
vörnin þótti heldur slök.
Atletico Madrid missti tveggja
marka forskot niður í jafntefli á móti
Real Sociedad. Juan Vizcaino skor-
aði fyrsta markið skömmu fyrir leik-
hlé, mark sem Alberto Lopez mark-
vörður hefði átt að verja. Annað
mark Atletico kom á 58. mínútu eftir
góða samvinnu Kiko Narvaez og
Jordi Lardin, sem skoraði af 15
metra færi. Aitor Aldeondo minnk-
aði muninn með skalla eftir klukku-
tíma leik og Nígeríumaðurinn Mutiu
Adepoju jafnaði fimmtán mínútum
fyrir leikslok. Pedro Jaro, sem er 35
ára, stóð í marki Atletico vegna
meiðsla aðalmarkvarðar liðsins,
Francisco Molina.
Sporting Gijon gerði markalaust
jafntefli við Real Zai’agoza og féll
þar með í 2. deild og leikur þar í
fyrsta sinn síðan 1977.
Kaiserslautern, efsta lið þýsku 1.
deildarinnar, steinlá á heima-
velli fyrir Bayer Leverkusen á laug-
ardag, 0:3, en er þrátt fyrir það í
mjög góðri stöðu í efsta sæti; hefur
57 stig eftir 27 leiki, Bayern
Miinchen - sem varð að sætta sig við
jafntefli á heimavelli - kemur næst
með 52 stig eftir 28 leiki og Leverku-
sen er í þriðja sæti, hefur lokið 27
leikjum og er með 49 stig.
Kaiserslautern, sem hefur komið
geysilega á óvart í vetur, varð fyrir
áfalli í upphitun fyrir leikinn gegn
Leverkusen þegar Andreas Reinke
markvörður sneri sig á fæti og gat
ekki verið með. Varamaðurinn Lajos
Szucs frá Ungverjalandi stóð því í
markinu og var ekki sannfærandi en
auk þess vantaði í lið Kaiserslautem
Andreas Buck og Ratinho, sem eru
lykilmenn á miðsvæðinu.
Stefan Beinlich gerði fyrsta mark-
ið á 61. mín. með föstu skoti, Paulo
Rink bætti öðru við 17 mín. síðar og
Ulf Kirsten, markahæsti leikmaður
deildarinnar, gulltryggði sigurinn á
lokasekúndunum með 19. marki sínu
í vetur. Leverkusen á nú að baki 20
leiki í röð í deildinni án taps. „Við
lékum mjög vel í fyiri hálfleik en
gerðum síðan kjánaleg mistök sem
urðu til þess að Leverkusen skor-
aði,“ sagði Otto Rehhagel, þjálfari
Kaiserslautern. „Efth það treystu
þeir á skyndisóknir og við vorum of
hugmyndasnauðir til að ógna þeim.“
Meistarar Bayern gerðu aðeins
jafntefli, 1:1, á heimavelli gegn
Karlsruhe, sem er í mikilli fallbar-
áttu. Franski varnarmaðurinn David
Regis kom gestunum yfir rétt fyrir
leikhlé en Brasilíumaðurinn Giovane
Elber jafnaði á 76. mín. og var það
fyrsta mark hans í deildinni í hvorki
meira né minna en 721 mínútu!
„Við hefðum ekki átt skilið að
sigra í þessum leik,“ sagði Giovanni
Trapattoni, þjálfari Bayern, og var
mjög ósáttur við frammistöðu sinna
manna. „Við lékum mjög illa í 70
mínútur. Ahangendur okkar flaut-
uðu á okkur og ég skil vel hvers
vegna.“ Lið Leverkusen gerir nú
harða atlögu að Bayem í keppninni
um sæti í Meistaradeild Evrópu-
keppninnar næsta vetur; er aðeins
þremur stigum á eftir og hefur lokið
einum leik minna. Tvö þýsk lið spila
með í meistaradeildinni.
Evrópumeistarar Dortmund hit-
uðu upp fyrir Evrópuleikinn gegn .
Real Madrid á morgun með því að
bursta Duisburg 3:0 þar sem sviss-
neski landsliðsframherjinn Stephane
Chapuisat gerði tvö mörk. „Eg var
ekki ánægður með fyrri hálfleik en
eftir hlé lékum við mun betur og átt-
um þennan mikilvæga sigur skilinn.
Nú getum við ferðast rólegh’ til
Madrid," sagði ítalinn Nevio Scala, ♦
þjálfari Dortmund.