Morgunblaðið - 05.01.1999, Page 18

18 ÞRIÐJUDAGUR 5. JANÚAR 1999
MORGUNBLAÐIÐ
AKUREYRI
Nýjar hugmyndir um ldð íþróttavallarins í miðbæ Akureyrar
Aforma byggingu 10 þús-
und fermetra verslunar
KEA NETTÓ og Rúmfatalagerinn
hafa sótt um að reisa 10 þúsund
fermetra verslunarhúsnæði á lóð
íþróttavallar Akureyrar. Erindi
hefur verið lagt fyrir bæjarstjórn
sem tekur málið til umræðu á
næstunni.
„Við höfum verið að leita að hús-
næði og það er áhugi á að staðsetja
starfsemina í miðbænum. Og þá er
ekki um margar lóðir að ræða,“
sagði Sigmundur Einar Ófeigsson,
framkvæmdastjóri verslunarsviðs
KEA. „Þetta á eftir að fara í gegn-
um allt bæjarkerfið og við vildum
láta reyna á hvort það væri vilji
fyrir þessu.“
Vilirði fyrir því að málið fái
skjóta afgreiðslu
Sigmundur kvaðst hafa vilyrði
fyrir því að málið fengi skjóta af-
greiðslu og vonast er eftir endan-
legri ákvörðun innan tveggja mán-
aða. „Þetta er það mikil fram-
kvæmd að hún mun taka hátt í tvö
ár. Við erum ekki komin á hönnun-
arstigið en það hafa verið skissaðai-
upp hugmyndir til að áætla umfang.
Lóð íþróttavaliarins er eini staður-
inn sem er nógu stór í miðbænum.
Það eru hvergi 20 þúsund fermetrar
lausir," sagði Sigmundur.
AKUREYRI
Glerárþorp
Odd eyri
Að sögn Sigmundar er núver-
andi húsnæði KEA Nettó of lítið og
aðkoma að því erfið. „Það er ekki
útilokað að húsnæðið verði reist
þótt ekki verði samþykkt að
byggja það á lóð íþróttavallarins en
samstarf KEA Nettó og Rúma-
fatalagersins byggist á þessari
staðsetningu."
„Það er ljóst að um þetta mál eru
mjög skiptar skoðanir svo ekki sé
fastara að orði kveðið. Þetta teng-
ist hvort tveggja starfsemi íþrótta-
vallarins og hvert hana á að flytja
og svo hvort menn vilji sjá þennan
reit í bæjarlandinu fara undir slíka
starfsemi," sagði Sigurður J. Sig-
urðsson, forseti bæjarstjórnar
Akureyrarbæj ar.
„Það fyrsta sem menn þurfa að
svara, í mínum huga, er um framtíð
íþróttaaðstöðunnar og í öðru lagi
notagildi svæðisins. Við erum frá-
leitt svo landlausir að ekki komi
annar staður í miðbænum til
greina fyrir þetta verslunarhús-
næði.“
Kannað hvort íþróttafélögin
geti tekið starfsemina yfir
Varðandi starfsemi íþróttavall-
arins kvaðst Sigurður telja líklegt
að fyrst yrði kannaður sá mögu-
leiki að íþróttafélög bæjarins
tækju yfir þá starfsemi fremur en
að flytja völlinn eitthvað annað.
„Gagnrýnisraddir beinast að því
að íþróttavöllurinn þurfi að færast
til á svæðinu vegna Glerárgötunn-
ar og að starfsemi hans sé ekki
nægjanleg nýting á svæðinu. Eg
held að þetta sé hjarta bæjarins
hjá æði mörgum og það á sjálfsagt
eftir að verða heit umræða um
málið.“
Sigurður sagðist búast við því að
málið tæki nokkurn tíma í umræðu
hjá bæjarstjóm sem væri eðlilegt
miðað við umfang þess. Staðurinn
væri of viðkvæmur til þess að mál-
inu yrði flýtt í gegn án þess að 511-
um kostum væri velt upp í stöð-
unni. Enn sem komið er hafa ekki
fleiri aðilar sóst eftir því að nýta
lóð íþróttavallarins á Akureyri.
Arnar
sigraði á
jólahrað-
skákmóti
ARNAR Þorsteinsson fór með
sigur af hólmi í jólahraðskák-
móti Skákfélags Akureyrar og
hlaut hann 12,5 vinninga af 14
mögulegum. Rúnar Sigurpáls-
son varð annar með 11,5 vinn-
inga og Gylfi Þórhallsson þriðji
með 10,5 vinninga.
Um áramót fór fram svo-
nefnd hverfakeppni í skák á
vegum félagsins, annars vegar
var tefld hraðskák og hins veg-
ar skák með 20 mínútna um-
hugsunartíma. Fjögur lið
mættu til keppni, úr Gleár-
hverfi, Suðurbrekku, Norður-
brekku og Eyri og Innbæ. Lið
Norðurbrekku vann bæði
hrað- og hægskák og varð lið
Suðurbrekku í öðru sæti.
Ólafur Kristjánsson vann í
15 mínútna móti sem haldið
var síðasta laugardag, Gylfi
Þórhallsson varð annar og Jón
Björgvinsson þriðji.
Skáknámskeið var haldið á
vegum Skákskóla íslands fyrir
drengi og stúlkur á Norður-
landi, en slík námskeið hafa
verið haldin fyrstu daga janú-
armánaðar undanfarin ár og
verið vel sótt. Aðalkennari var
Helgi Ólafsson stórmeistari og
skólastjóri Skákskóla íslands,
en honum til aðstoðar var Rún-
ar Sigurpálsson.
Tillaga um
endurreisn ull-
ariðnaðar lögð
fyrir bæjarráð
AÐILAR, sem unnið hafa að skoð-
un á möguleikum þess að endur-
reisa ullariðnað á Akureyri í kjöl-
far gjaldþrots Foldu nýlega, hafa
lagt fram ákveðna tillögu til bæjar-
ráðs þar að lútandi.
Valur Knútsson, formaður at-
vinnumálanefndar, hefur unnið að
málinu fyrir hönd nefndarinnar,
ásamt Iðnþróunarfélagi Eyjafjarð-
ar og fleirum. Hann sagðist vonast
til að bæjarráð tæki tillöguna til af-
greiðslu sem fyrst á nýju ári.
Hófleg bjartsýni um framhaldið
„Við höfum verið að skoða málin
og leggjum fram tillögu um ákveð-
ið form á endurreisn ullariðnaðar á
Akureyri,“ sagði Valur. Hann
sagðist jafnframt hóflega bjart-
sýnn á framhaldið en vildi að öðru
leyti ekki tjá sig um málið á þessari
stundu.
---------------
Lög um sleppibúnað
bj örgunarbáta
Frestun á
gildistöku
mótmælt
AÐALFUNDUR Sjómannafélags
Eyjafjarðar, sem haldinn var á
Akureyri í gær, mótmælir í álykt-
un fundarins því gerræði Halldórs
Blöndals samgönguráðherra að
gildistöku á hartnær fimm ára
gömlum lögum um sleppibúnað
björgunarbáta um borð í skipum sé
frestað enn einu sinni.
Einnig segir í ályktuninni að það
að fresta gildistöku þessara laga á
hverju ári sé ekkert annað en lítils-
virðing við íslenska sjómenn. I stað
þess að vinna ötullega að því að ör-
yggi sjómanna sé sem best tryggt
virðist ráðherrann með þessu beita
sér frekar fyrir því að þar sé úr
dregið og því mótmælir fundurinn
harðlega.
Forsvarsmönnum íþróttafélaga líst þunglega á að leggja Akureyrarvöll niður
, Morgunblaðið/Kristján
SEÐ yfir Akureyrarvöll.
Aðalleikvangur bæjarins
sé veglegur og sýnilegur
FORSVARSMONNUM íþróttafélaganna, KA,
Þórs og Ungmennafélags Akureyrar, líst þung-
lega á hugmyndir um að leggja Akureyrarvöll nið-
ur og byggja þar verslunarhúsnæði, enda liggi
ekki fyrir hvað við tekur.
Bragi Guðmundsson, formaður Ungmennafélags
Akureyrar, UFA, sagðist hafa óskað eftir viðtali við
bæjarstjóra og íþrótta- og tómstundafulltrúa vegna
þessa máls. „Akureyrarvöllur er eini frjálsíþrótta-
völlurinn í bænum og mín fyrstu viðbrögð er þau að
ekki komi til greina að leggja hann niður áður en
annar er tilbúinn," sagði Bragi.
Rústar fijálsíþróttastarfí
UFA hefur haft völlinn tii umráða alla virka
daga frá því í maí og fram í byrjun september, frá
því síðdegis og fram á kvöld, eða eins lengi og
frekast er kostur vegna annarrar notkunar. „Yrðu
þessar hugmyndir að veruleika og annar völlur
ekki í boði myndi þetta rústa frjálsíþróttastarfi fé-
lagsins að sumarlagi," sagði Bragi. Hann benti
einnig á að ekki væri sama hvar í bænum frjálsí-
þróttavöllur væri, m.a. þyrfti að gera vindmæling-
ar og Akureyrarvöllur væri sá staður þar sem
hvað oftast mætti vænta þess að hlaupabrautin
væri lögleg upp á vindinn að gera.
Sagði hann flesta sem málið varðar hafa þá
skoðun að ákjósanlegast væri að frjálsíþróttaað-
staða yrði áfram á Akureyrarvelli, en vissulega
þyrfti að gera á honum nokkrar breytingar, m.a.
að bæta við tveimur hlaupabrautum og leggja á
þær tartanefni. Þá væri best að hnika vellinum dá-
lítið til suðurs. „Ég er alls ekki svo þröngsýnn að
segja að við gætum hvergi annars staðar verið, en
hins vegar er þetta góður staður í hjarta bæjarins
í göngufæri við Sundlaug Akureyrar og þar er fyr-
ir hendi prýðileg áhorfendaaðstaða. Það hlýtur að
skipta máli fyrir bæ eins og Akureyri að aðalleik-
vangur hans sé veglegur og sýnilegur,“ sagði
Bragi.
Þóroddur Hjaltalín, formaður knattspyrnu-
deildar Þórs, sagði að sér fyndist hugmyndin fá-
ránleg. Nauðsynlegt væri að hafa alvöru íþrótta-
völl í bænum og sér vitanlega væri ekki uppi á
borði hvað gera ætti í staðinn, yrði völlurinn lagð-
ur undir verslunarhúsnæði. A Akureyrarvelli væri
eina frjálsíþróttaaðstaðan sem fyrir hendi væri í
bænum, þó ekki væri hún sérlega glæsileg. Þessar
hugmyndir hafa ekki verið ræddar innan félagsins
að sögn Þóroddar og þær ekki kynntar formlega
íyrir íþróttafélögunum.
Voru menn í jólaglöggi?
Stefán Gunnlaugsson, formaður knattspyrnu-
deildar KA, taldi fullvíst að þeir fulltrúai' bæjarfé-
lagsins sem bent hefðu umsækjendum á Akureyr-
arvöll sem hugsanlega verslunarlóð hlytu að hafa
verið í jólaglöggi þegar þeir gerðu það. „Það hefði
verið hyggilegara að tilkynna okkur fyrst að
leggja ætti niður knattspyrnu- og frjálsíþróttaiðk-
un í bænum,“ sagði Stefán.
Hann sagði að Akureyrarvöllur væri með bestu
knattspyrnuvöllum landsins og fremur ætti að
reyna að laga það sem þyrfti og koma honum í al-
mennilegt horf en að leggja fram hugmyndir af
þessu tagi. Með öllum ráðum væri nú veríð að
reyna að rífa upp knattspymuna i bænum og þá
yrði einnig að vera fyrir hendi góð aðstaða. Þá
benti hann einnig á að á vellinum væri eina að-
staða frjálsíþróttafólks í bænum til æfinga og
keppni. „Það er afskaplega stórt atriði að hafa
góðan íþróttavöll í bænum og eitt af þeim atriðum
sem fólk tekur með í reikninginn þegar það velur
sér búsetu.“
Völlur ofan á KEA-Nettó
Stefán sagði að vissulega yrði það lyftistöng fyr-
ir miðbæinn yrði byggt þar stórt verslunarhús, en
það hlyti að mega staðsetja annars staðar en á
íþróttavellinum. „Ég get alveg eins komið með
jafn fáránlega hugmynd og þessir menn hjá bæj-
arfélaginu og legg til að byggður verði glæsilegur
íþróttavöllur ofan á IÍEA-Nettó og að Rúmfata-
lagernum," sagði Stefán.