Morgunblaðið - 06.08.1999, Qupperneq 18

18 FÖSTUDAGUR 6. ÁGÚST 1999
MORGUNBLAÐIÐ
LANDIÐ
Morgunblaðið/Einar Jónsson
STUND milli stríða. Þóra Vilborg og Ingi Steinn Þorsteinsson líta upp
úr pottunum.
Bændagisting á Skála-
felli í Suðursveit
Kálfafellsstað, Suðursveit - Nýlega
var opnuð bændagisting á Skála-
felli í Suðursveit. Hjónin Þorsteinn
Sigfússon og Þóra Vilborg Jóns-
dóttir hafa hólfað af hús sitt og
bjóða upp á 6-7 manna gistiaðstöðu
með tilheyrandi þjónustu.
Skálafell er austasti bær í Suð-
ursveit, við vesturbakka árinnar
Kolgrímu, sem rennur mórauð og
svipþung undan Skálafellsjökli. A
Skálafelli fæddist Jón Eiríksson
konferensráð á 18. öld og stendur
minnisvarði hans þar við þjóðveg-
inn. Mjög vinsælt er að ganga upp
með Kolgrímu um kjarri vaxið land
að upptökum hennar undan jökli,
ca. eins og hálfs tíma gönguferð.
Þau Þorsteinn og Þóra Vilborg
láta vel af aðsókninni og hyggja
gott til framtíðar. Fyrir eru í Suð-
ursveit bændagistingar að
Hrollaugsstöðum, Brunnavöllum og
Smyrlabjörgum. Auk þess er far-
fuglaheimili að Vagnsstöðum,
ferðaþjónusta á Jökulsárlóni og
jöklaferðir á Skálafellsjökli. Ein-
hvern tíma hefði það þótt að bera í
bakkafullan lækinn að fjölga svo
gististöðum, en ferðamenn segja að
þeir dagar komi að erfítt reynist að
fá inni frá Kirkjubæjarklaustri til
Hafnar, nema pantað sé með góð-
um fyrirvara.
Morgunblaðið/I ngimundur
Smíðar líkön í frístundum
Borgarnesi - Knud Hjartarson
tók upp á því fyrir nokkrum ár-
um að gera líkön af húsum í
Borgarensi. Fer hann eftir teikn-
ingum og er svo nákvæmur í
ýmsum smáatriðum að undrun
sætir. Hafa spurnir farið af hand-
bragði hans og hefur verið leitað
til hans víða af landinu. í góð-
viðrinu í Borgarnesi um daginn
fór hann með nokkra smíðisgripi
sína út á lóð til sýnis. Vöktu verk
hans mikla athygli þeirra sem
leið áttu hjá.
Sjómælingar við Snæfellsnes
Nákvæmnin eykur
öryggi sjófarenda
Ólafsvík - Baldur, skip Landhelgis-
gæslunnar og Sjómælinga íslands,
hefur í sumar sett svip á höfnina í
Ólafsvík öðru hvoru, enda öðruvísi
en önnur skip. Verkefni skipveija á
Baldri er sjómælingar fyrir nýtt
strandsiglingasjókort í mælikvarð-
anum 1:100 000 frá Hjörsey undan
Mýrum, norður um Snæfellsnes sem
leið liggur inn undir Stykkishólm.
Sakir þess hve fábreyttur búnað-
ur er um borð í Baldri er verkefnið
mjög svo háð því að gott sé í sjóinn
því minnsti halli á skipinu veldur
skekkju í mælingunum, sem aftur
getur orsakað minnkað öryggi sjó-
farenda í framtíðinni. Af þessum
sökum eru skilyrði til sjómælinga
oft þannig að ekki gefur, þótt hörð-
ustu trillukarlamir geti hangið á
þeim stöðum sem þeim líkar, og
stundum notið skjóls af landi.
Fjórir menn eru í áhöfn Baldurs.
Skipstjóri er Asgrímur L. Asgríms-
son, stýrimaður Agúst Magnússon,
vélstjóri Benedikt Svavarsson og
kokkurinn, sem sér um að öllum líði
vel; er Bergvin Gíslason.
I viðtali við áhöfnina kom fram að
þeir sem vinna að sjómælingum
þurfa að hafa lokið hálfs árs stöðl-
uðu námi í sjómælingum. Asgrímur
skipstjóri lauk þessu námi í skóla
hafrannsóknastofnunar bandaríska
sjóhersins en Agúst stýrimaður
lauk sínu námi í skóla alþjóða sjó-
mælingastofnunarinnar á Italíu.
Að sögn þeirra félaga þurfti lengi
vel að styðjast við sendingar frá
föstum mælingapunktum í landi en
nú er notað óbrenglað GPS-kerfi og
því hægt að vinna óháð landstöðv-
um. Við gerð sjókorta nú er unnið
eftir stöðlum alþjóða sjómælinga-
stofnunarinnar en þar er kveðið á
um nákvæmni þá sem nota þarf við
mælingamar og kortagerðina. Við
mælingamar er svæðunum skipt í
reiti og síðan siglt þvert á jafndýpt-
arlínur með ákveðnu millibili.
Byggt á 100 ára gömlum
handlóðsmælingum
Þau kort sem nú em í gildi fyrir
norðanverðan Faxafíóa og hluta
Breiðafjarðar em byggð á 100 ára
gömlum handlóðsmælingum, enda
hafa komið fram verulegar skekkj-
ur á þeim. Sem dæmi má nefna
stað þar sem kortið sýnir 40 metra
dýpi en nýjar mælingar annars
vegar 5 metra en hins vegar 13
Morgunblaðið/Friðrik J. Hjartar
ÁHÖFN Baldurs, þeir Benedikt, Ágúst, Ásgrímur og Bergvin í brúnni.
SJÓMÆLINGASKIPIÐ Baldur í Ólafsvíkurhöfn.
metra dýpi. í Kolluál hefur einnig
fundist meira dýpi heldur en nokk-
urs staðar er skráð á núverandi
sjókort af svæðinu.
Skipverjar á Baldri bera þá von í
brjósti að í náinni framtíð verði
skipið búið búnaði sem heitir
„Multi-Beam“ - eða „marggeisla-
tæki“. Nú þarf að sigla yfír það
svæði sem mælt er en þessi búnað-
ur gerir það mögulegt að sigla til
hliðar við það svæði sem kortleggja
þarf og myndi því auðvelda starfið
til muna, sérstaklega þar sem mikið
er um sker og boða.
Þau tæki sem notuð eru útheimta
tíu sinnum meiri vinnu heldur en
„Multi-Beam“-tækin, sem jafnframt
myndu skila nákvæmari vinnu sem
aftur skapaði meira öryggi fyrir sjó-
farendur. Kostnaður við ný tæki
hleypur á tugum miljóna sem sýnist
smátt í samanburði við það sem
einn skipskaði gæti valdið.
Hluti Landhelgisgæslunnar
Sjómælingar Islands urðu undir-
deild Landhelgisgæslunnar árið
1981. Samkvæmt lögum er það
Landhelgisgæslan sem sér um gerð
sjókorta en nú er unnið að þvi að
loka hringnum um strandlengju Is-
lands með nýjum kortum. Eins og
áður sagði er verkið háð veðri vegna
þess að unnið er með nákvæmar töl-
ur sem ruglast ef ekki er sléttur
sjór. Sá ruglingur er allur á kostnað
öryggis sjófarenda.
mmm mmmu ■■■§■■■■ «*** mm mX
[iksyfmi' 'J'j ílíínmíiiú,
áM uoay - 02c mo