Morgunblaðið - 20.06.2000, Side 7

MORGUNBLAÐIÐ
Suðurlandsskjálftar ÞRIÐJUDAGUR 20. JÚNÍ 2000 C 7
Eins og húsið hafí losnað af grunni
Húsið ónýtt
og innbúið
stórskemmt
HÚS Sigrúnar Báru Eggertsdótt-
ur, Hrafnskálar 2 á Hellu, virtist
ónýtt eftir skjálftann, veggir
sprungnir, gluggar gengnir til og
sprunga milli gólfs og veggja þann-
ig að engu var líkara en húsið hefði
losnað af grunni. Hún var í vinnu á
Dvalarheimilinu Lundi þegar
skjálftinn reið yfir og var efst í huga
að allir hefðu sloppið ómeiddir.
„Eg hélt mér, það var ekki annað
að gera,“ sagði hún. „Það hrundi
ljós úr loftinu og sjónvörp brotnuðu
og það kom sprunga í húsið.“ Gamla
fólkið var nýlega gengið út úr kaffi-
stofunni en þar hrundi ljós úr loft-
inu.
Sigrún Bára hélt áfram vaktinni á
dvalarheimilinu og fékk fljótt að
vita að ekkert amaði að Bjarka syni
hennar, sem var heima með Rúnari
Gunnarssyni föður sínum þegar
skjálftinn reið yfir.
Þegar Morgunblaðið knúði dyra
hjá Sigrúnu Báru um klukkan 19 á
laugardagskvöld var hún tiltölulega
nýkomin heim og var með hjálp vina
að hreinsa upp rústirnar af inn-
búinu sínu. Húsið keypti hún síðast-
liðið haust. Það var stórskemmt og
virtist leikmönnum ónýtt.
„Ég sé ekki að það verði gott að
laga þetta. Þetta er allt sprungið og
gengið á misvM,“ sagði Sigrún
Bára. „Þetta er rosalegt, það er
nýbúið að mála þetta allt og laga.“
Morgunblaðið/Halldór Kolbeins
Heiða Magnúsdóttir var s að sinna gamla fólkinu á dvalarheimilinu morguninn eftir að hún missti hús sitt og innbú
og eiginmaðurinn var á sjúkrahúsi í Reykjavík.
Sátu að snæðingi þegar ósköpin byrjuðu
Pendúllinn stopp-
aði í Kelduhverfi
MERKI um jarðskjálftann í Holtun-
um komu fram allt norður í Keldu-
hverfi en með nokkuð óvenjulegum
hætti þó. Stöðvaðist pendúllinn í
stórri stofuklukku á Lindarbrekku
klukkan 15:43.
„Við vorum bæði úti við og urð-
um skjálftans ekki vör en þegar við
komum inn og heyrðum í útvarpi
fréttir tókum við eftir því að pend-
úllinn, sem er um 50 sentimetra
langur, hafði stöðvast þegar klukk-
una vantaði 17 mínútur í fjögur.
Þetta hlýtur að hafa verið einhver
bylgja frá skjálftanum því það hef-
ur gerst áður að klukkan stoppar
ef hún skekkist lítillega, hún virð-
ist þurfa að vera mjög nákvæmlega
lóðrétt," sagði Gísli Auðunsson á
Lindarbrekku við Morgunblaðið.
Jósef Hólmjárn, tæknimaður á
jarðeðlissviði Veðurstofunnar,
sagði að yfirborðsbylgja frá stór-
um skjálftum á borð við skjálftann
á laugardag færi um allar jarðir
eftir sprungubeltum. Hún færi
mun hægar en skjálftabylgjan sjálf
sem færi nokkra kflómetra á sek-
úndu. Þar sem Lindarbrekka væri
á miðri Gjástykkissprungunni
segði yfirborðsbylgjan örugglega
til sín þar. Hún færi reyndar um
jörðina alla og tæki eina til tvær
klukkustundir að fara um hnöttinn.
Eg hélt að allt væri
að hrynja yfír okkur
ÞAÐ hús á Hellu, sem í fljótu bragði
virtist verst farið að utan, er húsið á
Laufskálum 2 þar sem Heiða Magn-
úsdóttir og fjölskylda hennar búa en
þau keyptu það í október sl. Eigin-
maður Heiðu slasaðist við skjálftann
og var fluttur á sjúkrahús í Reykja-
vík.
Þegar skjálftinn reið yfir sátu þau
hjónin og voru að borða því Heiða var
að búa sig undir að fara á vakt á dval-
arheimilinu Lundi. „Við vorum hálfn-
uð með matinn þegar þetta byrjaði,“
sagði Heiða. 72 ára gamall eiginmað-
ur hennar sat í hjólastól, sem hann
hefur verið bundinn við, eftir áfall í
vetur. „I einhverju fáti ætlaði hann
að standa upp en datt. Einhvern veg-
inn hafði ég það af að reisa hann upp
og koma honum og sjálfri mér út en
hávaðinn var svo yfirþyrmandi að ég
er viss um að ég á eftir að heyra hann
alla ævi og ég hugsaði: skyldi ég ekki
ætla að koma okkur út. Ég hélt að
allt væri að hrynja yfir okkur. Ég sá
að húsið var byrjað að springa og allt
var að hrynja af veggjum og úr skáp-
um. En það hafðist,“ sagði Heiða.
Tengdadóttir þeirra, sem búsett er
hjá þeim, var ekki heima.
Þau hjónin fóru bæði á dvalar-
heimilið Lund en þar var enginn
læknir og enginn læknir kom til
Hellu eða á dvalarheimilið, að því er
Morgunblaðið/Halldór Kolbeins
Hús Heiðu Magnúsdóttur á Laufskálum 2 er þakiö sprungum að utan. Það
var hlaðið úr vikursteini á sjötta áratugnum.
Heiða veit best. Reynt vai' að hlúa að
manninum hennar á dvalarheimilinu,
að sögn Heiðu en hann komst ekki
undir læknishendur fyrr en um
klukkan átta um kvöldið og var þá
strax sendur með sjúki-abíl til
Reykjavíkur enda kom í ljós að hann
var úr axlarliði og brákaður á öxl.
Morgunblaðið ræddi við Heiðu að
morgni sunnudagsins en þá var hún
við störf á dvalarheimilinu og hafði
dvalið þai' um nóttina, heimilislaus
og með eiginmanninn á sjúkrahúsi í
Reykjavík. Hún sagði að þessa dag-
ana væri dvalarheimilið líka heimili
sitt og hún sækti stuðning í sam-
starfsfólk sitt þar en þau hjónin
fluttu frá Dalvík sl. haust.
Vildi ekki upp-
lifa annan svona
„ÉG vildi ekki upplifa annan svona,“
sagði Rúnar Gunnarsson, bóndi á
Svínhaga á Rangárvöllum, þegar
Morgunblaðið tók hann tali utan við
gamla frystihúsið á Hellu um það bil
tveimur klukkustundum eftir jarð-
skjálftann.
Rúnar var staddur á heimili sex
ára sonar síns og fyrrverandi sam-
býliskonu á Hellu þegar skjálftinn
reið yfir. „Strákurinn var að koma úr
sturtu og ég var að klæða hann í
sokkana þegar skjálftinn skall á og
glerbrotunum rigndi yfir okkur.
„Hvað er þetta sem er að gerast,
pabbi? spurði Bjarki og ég sagði hon-
um að þetta væri jarðskjálfti," sagði
Rúnar. Hann segist hafa setið kyrr
undir millivegg með son sinn í fang-
inu þar til skjálftinn var genginn yfir.
Þeggar um hægðist vai' allt á tjá og
tundri, myndir fallnar af veggjum,
allt lauslegt úr hillum og skápar og
húsgögn gengin úr stað; glerbrot og
ónýtir munir þöktu gólfin. I þvotta-
húsinu hafði þvottavélin oltið á hlið.
Sjálft húsið, sem er eitt hinna
gömlu hlöðnu húsa á Hellu, var allt
út í sprungum og stórskemmt þegar
inn var komið en að utan sá ekki á
bárujárnsklæðningunni.
Þegar Morgunblaðið tók Rúnar
tali vai' hann kominn að gamla frysti-
húsinu á Hellu og var að bera þar inn
matvæli úr frysti í húsi vinafólks
hans en hús þess hafði eyðilagst í
skjálftanum og var búið að taka raf-
magn af því. Hann sagðist ætla heim
að Svínhaga seinna um kvöldið og
hafa þangað með sér son sinn og
e.t.v. fleiri sem ekki áttu í neitt hús
að venda eftir skjálftann.
Morgunblaðið/Halldór Kolbeins
Rúnar Gunnarsson hjálpaði vinafólki við að koma koma verðmætum í örugga geymslu úr ðnýtu húsi