Árbók Hins íslenzka fornleifafélags - 01.01.1990, Qupperneq 164

168
ÁRBÓK FORNLEIFAFÉLAGSINS
Grenjaðarstaður. Ráðizt var í viðgerð baðstofunnar og var í byrjun
útlit fyrir að mikið væri bilað. Verk hófust í júní og þá komu í Ijós enn
meiri skemmdir en menn bjuggust við. Grind var afar illa farin og
neðsti hluti hennar horfinn á parti. Allar hleðslur voru ónýtar. Grind
var endurgerð, lagfærðar undirstöður austurveggjarins og fyrir vetur
tókst að loka húsinu, en mikið er enn eftir. Gluggar voru smíðaðir nýir.
Verkið unnu þeir Bergsteinn Gunnarsson í Kasthvammi og Haraldur
Karlsson á Fljótsbakka en um tíma vann í timburverki Gústaf Njálsson
frá Akureyri.
Þverá. Nokkuð var haldið áfram viðgerð gamla bæjarins.
Burstarfell. Aðeins var gert hið nauðsynlegasta þar. Skipt var um
glugga í stofu. Umsjón með vinnu hafði Guðrún Kristinsdóttir minja-
vörður á Egilsstöðum en Hallgrímur Helgason á Þorbrandsstöðum
hefur verið innan handar við framkvæmdir á Burstarfelli í mörg ár.
Keldur. Á árinu reyndist nauðsynlegt að endurnýja hluta raflagna í
íbúðarhúsinu frá 1937. Að öðru leyti lágu allar framkvæmdir niðri við
það. Nauðsynlegar lagfæringar voru gerðar á vegghleðslum í gamla
bænum, þil tjörguð og máluð og girðingar voru lagfærðar. Jóhann
Guðnason og Víglundur Kristjánsson sáu um framkvæmdir á Keldum.
Vopnafjarðarhús í Árbæjarsafni. Húsin voru tjörguð og gluggar mál-
aðir.
Myndadeild. Á árinu voru færðar rúmlega 70 færslur mynda í aðfanga-
bók safnsins, en myndirnar skipta hundruðum. Hafa engan veginn
verið tök á að skrá ný aðföng jafnóðum og berast.
Ágúst Georgsson lauk mjög ýtarlegri skráningu myndasafns Guð-
bjarts Ásgeirssonar og var þaulleitað heimilda um myndirnar. Þá var
lokið kopíeringu myndasafns Helga Arasonar og skýringar fengnar eftir
því sem kostur var.
Þá var innrömmuðum myndum komið fyrir á dragflekum í Boga-
geymslu og eru þær mun betur varðar og auðveldari skoðunar en áður.
Margrét Ingólfsdóttir forvörður í Morkinskinnu lagfærði 78 af 125
frummyndum úr ferðabók Eggerts og Bjarna og veitti þeim hæfilegan
umbúnað.
Otlán mynda voru 1220, en með tilkomu ljósmyndara safnsins er
slíkum útlánum nú hætt en kopíur látnar gegn gjaldi í staðinn.
Textíl- og búningadeild. Elsa E. Guðjónsson deildarstjóri vann talsverðan
tíma ársins að yfirlitsritsmíð um íslenzka textíliðju frá landnámsöld og
til loka 20. aldar og var mikið af þeirri vinnu frumrannsóknir.
Þá flutti Elsa erindi með litskyggnum fyrir nemendur í Kennarahá-
skóla íslands.