Fréttablaðið - 10.05.2001, Page 11

FIMMTUDAGUR 10. maí 2001
FRETTABLAÐIÐ
11
Sarajevo:
Múslimar mótmæla
Saka erlend ríki um áhugaleysi. Fá ekki að endurbyggja moskur.
Þúsundir múslima krefjast þess að lögum verði komið yfir serbneska þjóðernissinna sem
þeir segja að ofsækí þá.
sarajevo. flp. Þúsundir bosnískra mús-
lima mótmæltu á götum Sarajevo
fram á gærmorgun. Vildi fólkið vekja
athygli á ofbeldi Serba í garð músli-
ma sem snúið hafa tilbaka til heimila
sinna. Eftir að hafa gengið um götur
miðborgar Sarajevo staðnæmdist
mannfjöldinn fyrir utan skrifstofu
Wolfgang Petritsch sem er helsti
stjórnaerindreki Bosníu á alþjóða-
vettvangi. Telja múslimar að ofsókn-
um Serba á hendur þeim sé haldið
leyndum fyrir alþjóðasamfélaginu og
að stjórn landsins aðhafist lítið til að
verja þá.
Mótmælin komuf kjölfar óeirða
sem Serbar efndu til um síðustu helgi
vegna áforma múslima um að endur-
byggja tvær moskur sem eyðilögðust
í sprengjuárásum í Bosníustríðinu.
Síðastliðin mánudag efndu Serbar til
óeirða í bænum Banja Luka þar sem
þeir köstuðu grjóti og veifuðu kyndl-
um fyrir utan byggingu múslima.
Nokkrum lögregluþjónum sem tóku
þátt í óeirðunum hefur verið vikið úr
starfi, en tugir múslima slösust. Ljóst
er að spenna í samskiptum múslima
og Serba hefur ekki verið meiri síðan
Bosníustríðinu lauk árið 1995.
Vojislav Kostunica, Júgóslavíu-
forseti, sem er í New York, sagðist
áhyggjufullur vegna ástandsins.
Sagði hann eftir fund sem hann átti
með Kofi Annan, aðalritara Samein-
uðu Þjóðanna, að sumar kirkjur og
moskur ætti ekki að endurbyggja
„því að slíkt geti hrundið af stað
óeirðum."
Haft var eftir óbreyttum borg-
ara í Sarajevo, múslimanum Avdija
Sisic, að „áhugaleysi alþjóðasamfé-
lagsins hefði þessi áhrif.“ Ekkert
eftirlit væri með samskiptum Serba
og múslima, en ef ástandið lagaðist
ekki þyrfti augljóslega að grípa inn
í með einhverjum hætti. Sisic, sem
kominn er á efri ár, hafði meðferðis
hafnarboltakylfu sem hann sagðist
ekki búast við að nota nema „í
neyð.“ ■
Flóttamennirnir flýja
landsbyggðina líka
Yfirgnæfandi meirihluti þeirra sem fyrstir komu er fluttur frá viðtökusveitarfélagi. Suðvesturhornið heillar
flóttamenn rétt eins og landsbyggðarfólk.
FYRSTI HÓPURINN
Aðeins ein af sex fjölskyldum sem kom til isafjarðar 1996 er þar enn. Allir þeir sem komu til Blönduóss tveimur árum síðar eru fluttir.
Skaut kennara sinn:
„Það var
slys“
PAUVLBEACH. flqripa, ap Við réttarhöld
í gær sagði fjórtán ára bandarískur
piltur, Nathaniel Brazill, með tárin í
augunum að hann hefði ekki ætlað
sér að hleypa af skammbyssu sem
hann tók með sér í skólann í maí á
síðasta ári. Skotið varð Barry Gru-
now, kennara piltsins að bana.
„Þetta var slys,“ sagði pilturinn, en
hann á yfir höfði sér ævilangt fang-
elsi án náðunarmöguleika verði
hann fundinn sekur um morð að yf-
irlögðu ráði. ■
JC DAGUR Á (SLANDI
Lisa A. Parrish er.varaforseti JCI og eru þáu
lönd sem hún þjónar öll í norðanverðri
Evrópu.
Varaforseti JCI
staddur á Islandi:
Gestur á JC
degi
heimsókn Hér á landi er stödd Lisa A.
Parrish varaheimsforseti Junior
Chamber International. Lisa var
kjörin í þetta embætti til eins árs á
heimsþingi samtakanna sem haldið
var í Japan í haust. Hingað er hún
komin til að viðstödd JC daginn á ís-
landi sem er 10. maí.
Lisa A. Parrish er endurskoðandi
og framkvæmdastjóri stórs endur-
skoðunarfyrirtækis í Bandaríkjunum
og mun hún halda námskeið fyrir JC
félaga á íslandi meðan á dvöl hennar
stendur. ■
flóttamenn. Flestir þeir flóttamenn
sem hafa komið hingað til lands og
notið aðstoðar Flóttamannaráðs við
að aðlagast íslensku þjóðfélagi eru
fluttir úr viðtökusveitarfélagi sínu.
Stærstur hluti þeirra sem fyrstir
komu hafa flutt á suðvesturhornið en
nokkrir þeirra sem síðar komu fluttu
aftur til heimalands síns.
Fyrstu flóttamennirnir komu til
landsins 1996. Þeir voru 30 talsins og
settust að á ísafirði þar sem þeim
bauðst aðstoð við að koma sér fyrir
og aðlagast íslensku þjóðfélagi. Síðan
þá hafa sex hópar til viðbótar komið
hingað til lands á vegum Flótta-
mannaráðs, alls 141 einstaklingur.
Fyrsta fjölskyldan flutti frá ísa-
firði þremur árum eftir komuna og
nú er ein fjölskylda eftir. Á Höfn í
Hornafirði voru allir kyrrir í tvö ár
en í dag býr um helmingurinn á höf-
uðborgarsvæðinu. Frá Blönduósi
eru allir farnir. Öðru vísi horfir þó
við hjá þeim sem hafa komið síðustu
tvö árin. Á Dalvík búa enn allir þeir
sem þangað komu 1999 ef undan er
skilin ein fjölskylda sem flutti aftur
til Kosovo og sömu sögu er að segja
um þá sem komu til Hafnarfjarðar.
Allir sem komu til Reyðarfjarðar
héldu aftur til síns heima en ein fjöl-
skylda gæti verið á leið til íslands
aftur.
„Það er enginn mælikvarði á
flóttamannaverkefnið eða vilja
flóttamanna til að búa á landsbyggð-
inni hvort þeir eru búsettir þar í dag
eða ekki“, segir Hólmfríður Gísla-
dóttir, deildarstjóri flóttamanna hjá
Rauða krossinum. Hólmfríður segi
að það sama eigi við um íslendinga
og þá flóttamenn sem hafa sest hér
að. „Ef ekki er vinnu að hafa og fólk
hefur ekki lffsviðurværi þá flytur
það burt.“
Hólmfríður segir að sér þyki sárt
að heyra gert lítið úr því mikla starfi
sem lagt hefur verið á sig í þeim
sveitarfélögum sem hafa tekið við
flóttamönnum. Brottflutningur
flóttamanna frá þeim stöðum þar
sem þeim er komið fyrir sé ekki
áfellisdómur yfir flóttamannaverk-
efninu heldur markist það af stöðu
byggðamála. ■
Breytt tollafgreiðsla:
Gengur marg
falt hægar
tollmeðferð „Öll afgreiðsla gengur
margfalt hægar en áður“, segir
Áskell Jónsson, framkvæmdastjóri
markaðs- og sölusviðs íslandspóst,
um afleiðingar þess að Hæstiréttur
úrskurðaði tollafgreiðslunni óheimilt
að opna sendingar sem koma hingað
til lands. Því hefur ekki verið hægt að
tollafgreiða sendingar fyrr en heim-
ild viðtakanda er fenginn og hefur
það valdið töfum.
Misjafnt er hversu fljótt fólk er
að bregðast við og því hafa safnast
upp ótollskoðaðar sendingar og af-
hending tafist sem hefur valdið óá-
nægju sumra viðskiptavina. Áskell
segir ekki ljóst hve mikill kostnaður
hlýst af flóknara afgreiðsluferli en
leggur áhersla á að hann leggist ekki
aðeins á póstinn heldur einnig á við-
skiptavini sem þurfa að mæta á stáð-
inn og vitja sendingar eða senda
heimild til tollmeðferðar.
Samkvæmt lögum er allur inn-
flutningur virðisaukaskattskyldur.
Áskell segir að finna verði sann-
gjarna leið við afgreiðslu svo flýta
megi afgreiðslu. Sú ákvarðanataka
liggi hins vegar hjá fjármálaráðu-
neytinu. ■
E1 Salvador:
Uppnám
vegna jarð-
skjálfta
san SALVADOR.AP. Tíu jarðskjálftar riðu
yfir E1 Salvador á 30 mínútum í gær,
og olli jarðskjálftahrina miklu upp-
námi meðal 'landsmanna en hvórki
skemmdum né slysum. Skjálftarnir
voru 3 til 4,8 stig á Richter og er upp-
haf þeirra talið nálægt San Vicente
héraðinu, en það varð verst úti þegar
að jarðskjálfti að stærðinni 6,6 stig á
Richterskala reið yfir 13. febrúar síð-
astliðinn. Að minnsta kosti 1246
manns létust í þeim jarðskjálfta og
jarðskjálfta, sem mældist 7,6 og reið
yfir svæðið 13. janúar. ■
skipulagsmál. Náttúruvernd ríkisins
hefur skilað inn umsögn til Skipu-
lagsstofnunar vegna landfyllingar í
Arnarnesvogi, en áætlanir eru uppi
um það að reisa þar íbúðabyggð á
næstu árum. Það er mat Náttúru-
verndar að matsskýrsla geri ekki
nægilega grein fyrir hugsanlegum
umhverfisáhrifum landfyllingarinn-
ar og að því ætti framkvæmdin að
fara í frekara mat.
Náttúrvernd bendir á að á undan-
förnum árum hafi orðið mikil rösk-
un af mannavöldum við fjörur á á
höfuðborgarsvæðinu. Hvað íbúða-
byggð snertir er það álit stofnunar-
innar að ef nægjanlegt byggingar-
land sé til í landi Garðabæjar beri að
meta kosti þess að byggja á því í
stað þess að byggja á landfyllingu í
voginum. Telur stofnunin mikilvægt
að halda í þær leirur og voga sem
eftir eru ósnertir á höfuðborgar-
svæðinu, því ómanngerð náttúra
muni vafalítið auka gildi Garðabæj-
ar í framtíðinni. ■
AP/HIDAJET DELIC