Fréttablaðið - 12.06.2001, Blaðsíða 14

14
FRÉTTABLAÐIÐ
12. júní 2001 PRIÐJUPAGUR
HVERNIC FER?
ÍBV-Grindavík í Símadeild
kvenna?
ÁSTA B. CUNNLAUCS-
DÓTTIR, FYRRUM
KNATTSPYRNUKONA
(BV vinnur 2-0. Þær eru
sterkari en Crindavik og
ef Ásthildur Helgadóttir
spilar með breytir það
miklu. ÍBV getur unnið
hvaða lið sem er og þó
Grindavik sé sterkt og
spili skynsamlega vantar reynslubolta.
AUÐUR SKÚLADÓTTIR
ÞJÁLFARI OC
LEIKMAÐUR
STJÖRNUNNAR
Leikurinn fer 5 eða 6 núll
fyrir ÍBV. ÍBV er sterkt lið
og framspilandi. Það fer
eftir því hvort þær nái að
brjóta Grindavík snemma
niður. Það munar um
Ásthildi. Hún er algjör markamaskína.
1 MOLAR~7
ið Margrétar Ólafsdóttur og
Rakelar Ögmundsdóttur, Phila-
delphia Charge, er í efsta sæti
bandarísku atvinnudeildarinnar í
knattspyrnu eftir sigur á Carolina
Courage í nótt. Charge sigraði með
þremur mörkum gegn engu. Rakel
lék allan leikinn og Margrét kom inn
á völlinn sem varamaður á 63. mín-
útu. Margrét átti þátt í einu marka
Charge. Hún gaf boltann fyrir mark-
ið þar sem Mandy Clemens tók við
honum og skaut í netið. Charge er
með 17 stig, hefur unnið fimm leiki,
gert tvö jafntefli og tapað tveimur.
Atlanta Beat og New York Power
eru bæði með 16 stig.
Miðjuleikmaðurinn Frank
Lampard er á förum frá West
Ham. Aston Villa hafði augastað á
honum en tilboði
þeirra var hafnað.
Nú hefur West
Ham tekið tilboði
Chelsea, upp á ell-
efu milljónir punda.
Chelsea seldi
Gustavo Poyet til
Tottenham á sunnu-
daginn og vildi
tryggja sér Lampard fyrir helgi,
þegar það ætlar að næla í Emmanuel
Petit frá Barcelona. Þó West Ham
hefði viljað hafa Lampard áfram
þurfti liðið peninga til leikmanna-
kaupa. Lampard vildi ólmur fara eft-
ir að liðið losaði sig við frænda hans
Harry Redknapp og föður hans og
alnafna, sem var einn þjálfaranna.
Fyrrum þjálfari Barcelona, Johan
Cruyff, er harður á því að hann
langi ekki til að taka við fram-
kvæmdastjórastarfi
hjá Manchester
United. Eric Cant-
ona sagði nýlega að
Cruyff væri tilval-
inn til að taka við
af Alex Ferguson
þegar hann hættir
hjá United að ári.
„Eg hef ekki áhuga.
Ég kann ekki illa við Man. Utd.
Ástæðan er sú að ég er upptekinn
við annað en að þjálfa. Ég fylgist
með en vil ekki tengjast neinu liði,“
sagði Cruyff og bætti við að sá sem
tæki við Ferguson þyrfti að gefa sig
allan í starfið. Ferguson hefur verið
orðaður við Barcelona. Cruyff segir
hann hafa þekkinguna í starfið en sé
óvanur Spánverjum. „Fólkið er allt
öðruvísi. Enskur hugsunarháttur er
gjörólíkur þeim spænska."
Fyrrum tennisleikarinn Boris
Becker sneri sér að viðskiptum
þegar hann hætti að spila. Það virð-
ist ganga misvel
hjá honum. f gær
tilkynnti netfyrir-
tækið Sportgate sig
gjaldþrota. Becker
var forsprakki
Sportgate, sem sér-
hæfði sig í umfjöll-
un um íþróttir og
heimasvæði
íþróttafélaga. Þýska íþróttasam-
bandið átti einnig í fyrirtækinu, sem
var stofnað með pompi og prakt síð-
astliðið sumar. Becker þarf ekki að
örvænta þar sem hann á hluti í
nokkrum Mercedes umboðum í
Þýskalandi og öðrum fyrirtækjum.
NBA-úrslitin:
Sixers tapa heimaleik
körfuknattleikur Los Angeles Lakers
er aftur komið með pálmann í hend-
urnar í úrslitum NBA-deildarinnar
eftir 96-91 sigur á Philadelphia
76ers á útivelli á sunnudaginn.
Lakers, sem tapaði fyrsta leiknum í
einvíginu á heimavelli, leiðir það nú
2-1, en það lið sem fyrr vinnur fjóra
leiki mun standa uppi sem sigurveg-
ari. Næstu tveir leikir verða í Phila-
delphia en síðan færa liðin sig yfir
til Los Angeles og leika allt að tvo
leiki þar ef úrslitin verða ekki ráðin
áður.
Leikurinn á sunnudaginn var
mjög spennandi og réðust úrslitin
ekki fyrr en á síðustu mínútunni.
Shaquille O’Neal fékk sína 6. villu
þegar 2,21 mínúta var eftir og hafði
Lakers þá tveggja stiga forystu. Six-
ers tókst hins vegar ekki að nýta sér
fjarveru O’Neal sem skyldi. Robert
Horry skoraði 7 af 15 stigum síðnum
í leiknum á síðustu 47 sekúndunum
og tryggði þar með sínu liði sigur.
Hjá Sixers var Iverson stiga-
hæstur að vanda með 35 stig, en
Kobe Bryant skoraði 32 stig fyrir
Lakers. ■
SLECIST UM BOLTANN
Shaquille O'Neal, leikmaður LA Lakers, (
harðri baráttu við Tyrone Hill, leikmann
Philadelphia 76'ers, á sunnudaginn.
Philadelphia tapaði leiknum , sem er
fyrsti af þremur heimaleikjum þeirra.
Sanngjarn sigur Skagamanna
IA heimsótti Val á Hlíðarenda í gærkvöldi. Skagamenn unnu með tveimur mörkum gegn engu.
DUCÐI SKAMMT
Þó Valsmenn hafi verið grimmir í leiknum þá báru Skagamenn þá ofurliði.
knattspyrna Sólin skein á leikmenn
ÍA og Vals á Hlíðarenda í gærkvöld
þegar fjórðu umferð í Símadeild-
inni lauk. Fjöldi áhorfenda mættu
á völlinn en Valur stóð fyrir
skemmtidagskrá fyrir leikinn til
að endurvekja stemmninguna að
Hlíðarenda þar sem íslandsmeist-
arar Vals frá 1930 voru heiðraðir.
Skagamenn unnu leikinn með
tveimur mörkum gegn engu.
Fyrri hálfleikur var tíðindalít-
ill. Valur var sterkara liðið til að
byrja með en upp úr miðjum hálf-
leik hresstust Skagamenn við. Lið-
in skiptust á færum og leikurinn
var jafn. Ármann Björnsson, leik-
maður Vals, átti snemma þrumu-
skot í hliðarnetið og Sigurbjörn
Hreiðarsson, leikmaður ÍA, skaut
að marki stuttu seinna. Félagi
SÍMADEILDIN
Keflavik 4 3 0 1 7: 9
ÍA 4 1 1 1 7: 7
Fylkír 4 2 1 1 4: 7
IBV 4 2 1 1 2: 7
Valur 4 2 1 0 4: 7
Grindav. 4 2 0 2 5: 5
Breiðabl. 4 2 0 2 3: 6
FH 4 1 2 1 5: 5
KR 4 1 0 3 2: 3
Fram 4 0 0 4 3: 0
hans, Baldur Aðal-
steinsson, komst inn
fyrir vörn Vals en
brenndi af. Enn var
markalaust í hálfleik.
Á 49. mínútu gaf
Gunnlaugur Jónsson
frábæra sendingu
fram völlinn sem
Hjörtur Hjartarson
tók við. Hann sendi
boltann beint í netið
hjá Þórði Þórðarsyni.
Næstu mínútur voru
Valsarar í stöðugri
sókn og átti Ármann
Björnsson m.a. skot
að marki.
Hjörtur Hjartarson
skoraði sitt annað
mark í leiknum á 59.
mínútu. Aftur fékk
hann góða sendingu
fram völlinn, nú frá
Haraldi Hinrikssyni,
sem Hjörtur tók við og
skoraði í kjölfarið. Val-
ur reyndi að rétta úr
kútnum, átti m.a. skot úr auka-
spyrnu sem var varin í horn. Barátt-
an var til staðar og fékk Valsarinn
Fikret Alomerovic gult spjald fyrir
að brjóta á Hálfdáni Gíslasyni.
Þrátt fyrir góðann stuðning
áhangenda þurftu Valsmenn að
sætta sig við tap. Liðið er því komið
í fimmta sæti í deildinni á meðan í A
fer upp í annað. Hjörtur Hjartarson
er markahæsti leikmaður deildar-
innar með fjögur mörk. ■
ítalski boltinn:
Úrslitin enn óráðin
knattspyrna ítalska liðið Roma, sem
leitt hefur ítölsku deildina mest allt
tímabilið, náði ekki að tryggja sér tit-
ilinn um helgina líkt og stuðnings-
menn þess höfðu óskað, en um 100
þúsund manns höfðu komið saman i
miðborg Rómar til að fagna þriðja
meistaratitli liðsins í 74 ára sögu þess
og þeim fyrsta í 18 ár. Roma, sem
hefði tryggt sér titilinn með sigri á
Napolí, fékk á sig mark á 82. mínútu
leiksins og varð þvi að sætta sig við 2-
2 jafntefli á meðan Juventus og Lazio
sigruðu. Roma hefur því einungis 2
stiga forystu í deildinni þegar einni
umferð er ólokið og því ljóst að úrslit-
in ráðast ekki fyrr en um næstu helgi.
Þetta verður í þriðja skiptið á jafn-
mörgum árum sem úrslitin ráðast á
síðasta leikdegi. Árið 1999 hampaði
AC Milan titlinum á kostnað Lazio og í
fyrra skaust Lazio uppfyrir Juventus
á dramatískan hátt eftir að síðar-
nefnda Iiðið gerði jafntefli við Perugia
á útivelli.
Staðan í deildinni er þannig að
Roma er með 72 stig, Juventus 70 og
Lazio 69. Roma fær Parma í heim-
sókn, Juventus leikur við Atalanta í
heimavelli og Lazio við Lecce á úti-
velli. Ef tvö efstu liðin verða jöfn að
stigum eftir síðustu umferðina munu
úrslitin ráðast í úrslitaleik.
Á botni deildarinnar er einnig mik-
il spenna, en þrjú lið falla. Bari er þeg-
ar fallið, en Napolí, Vicenza, Verona,
VONBRICÐI
Stuðningsmenn Roma voru svekktir eftir
jafntefli sinna manna við Napolí á sunnu-
daginn.
Reggina og Lecce berjast um að halda
sæti sínu í deildinni. Napolí og
Vicenza eru með 33 stig og hin þrjú
liðin stigi meira. ■
Landsliðsþjálfari Brasilíu:
Sagði upp á flugvellinum
knattspyrna Hinn umtalaði landsliðs-
þjálfari Brasilíu, Emerson Leao, hef-
ur sagt upp störfum. Hann beið ekki
eftir því að fá reisupassann þegar
hann sneri heim frá Álfukeppni FIFA
í Japan. Leao tók ákvörðunina á flug-
vellinum í Tokyo, nokkrum augna-
blikum áður en hann og landsliðið
lögðu af stað heim til Brasilíu. Sam-
kvæmt brasilískum dagblöðum tók
Antonio Lopez, umsjónarmaður
landsliðshópsins, hann tali á flugvell-
inum og tilkynnti að Knattspyrnu-
samband Brasilíu myndi reka hann
þegar hann kæmi heim.
Gengi Brasilíu í Japan var ekki
gott. Liðið skoraði einungis þrjú
mörk í fimm leikjum. Það vann
ÞJÓÐIN ÞOLIR HANN EKKI
Brasilía er ekki besta landið til að standa
sig illa ( sem landsliðsþjálfari.
Allir fylgjast með knattspyrnunni og hafa
sterkar skoðanir.
Kamerún, gerði jafntefli við Japan
og Kanada, tapaði fyrir Frakklandi í
undanúrslitum og Ástralíu í leik um
þriðja sætið. Leao tók við af Wand-
erley Luxemburgo í október og undir
hans stjórn hefur liðið unnið þrjá
leiki, gert fjögur jafntefli og tapað
þremur leikjum.
Brasilía er í fjórða sæti af tíu í
sínum riðli í undankeppni HM 2002.
Fjögur efstu liðin halda áfram í úr-
slitakeppnina en það fimmta spilar
um sæti á móti sigurvegaranum í
Eyjaálfuriðlinum í nóvember.
Líklegur arftaki Leao samkvæmt
brasilískum fjölmiðlum er Luiz
Felipe Scolari, þjálfari Cruzeiro. ■
Markaðssetning:
Man. Utd.
og Ferrari
í samstarf?
markaðssamstarf Forráðamenn Man.
Utd. hafa, samkvæmt breskum fjöl-
miðlum, átt í viðræðum við bílafram-
leiðandann Ferrari um hugsanlegt
markaðssamstarf, en Ferrari hefur
gengið einkar vel í Formúlu 1 keppn-
um undanfarin misseri. Síðastliðinn
vetur gerði knattspyrnuliðið millj-
arða samning við bandaríska hafnar-
boltaliðið New York Yankees, en
samkvæmt honum er varningur
merktur Man. Utd. seldur í verslun-
um Yankees í Bandaríkjunum og öf-
ugt.
Man. Utd. hefur gengið gríðar-
lega vel í að markaðssetningu á ýms-
um varningi sem tengist liðinu m.a.
minjagripum og búningum og eru
þeir enn að leita leiða til að útvíkka
starfsemina, með aukna sölu í huga.
Vodafone, helsti styrktaraðili Man.
Utd., gerði nýverið 15 milljarða
króna styrktarsamning við Ferrari
og í kjölfarið funduðu forráðamenn
bílaframleiðandans og knattspyrnu-
liðsins um möguleika á markaðssam-
starfi.
Þó viðræður hafi átt sér stað ligg-
ur enginn samningur fyrir að sögn
Paddy Harrington, almannatengsla-
fulltrúa Man. Utd. Hann sagði að ef
gengið yrði til samstarfs yrði það
ekki jafn víðtækt og samstarf United
og Yankees. Man. Utd. er með fleiri
járn í eldinum því forráðamenn þess
hafa einnig átt í viðræðum við Ný-
Sjálenska rúbíliðið All Blacks um
markaðssamstarf í Eyjaálfu. ■