Fréttablaðið - 14.11.2001, Blaðsíða 4

4
FRÉTTABLAÐIÐ
14. nóvember 2001 MIÐVIKUDAGUR
SVONA ERUM VIÐ
VERÐBÓLGA SÍÐUSTU 11 MÁNUÐI
Neysluverðsvísitalan, sem mælir verð-
bólgu, hefur hækkað um 8,1% það sem
af er árinu 2001, en hækkaði um að
meðaltali 3,4% árlega frá 1998-2000.
Meginmarkmið Seðiabankans frá því í vor
hefur verið að draga úr þeirri þenslunni
og gerir bankinn ráð fyrir 2,5% verðbólgu
á árinu 2003
Stig
220]
219 |
218 ’
217
-216
215
214
213
212
210
209
208
207
206
205
204
203
202
•'ö .....

jaa feb. mar. apr, ma( jún. júl. ág. sep. okt' nóv.
JÓN KARL
ÓLAFSSON
Hækkum eða
lækkum ef for-
sendur breytast.
Aukin iðgjöld Flugfélags
íslands:
250 krónur
af hverjum
farþega
samcöncur „Iðgjöld sem við
greiðum fyrir tryggingar eru háð
fjölda farþega. Nú er ljóst að
kostnaðaraukning-
in í ár verður um 80
milljónir króna og
við teljum rétt að
innleiða sjálfstætt
250 króna gjald
sem leggst ofan á
hvert fargjald,"
segir Jón Karl
Ólafsson, fram-
kvæmdastjóri Flug-
félags íslands, og
bætir því við að
tryggingariðgjöld
hafi tífaldast eftir hryðjuverkin í
Bandaríkjunum. Til greina korni
þó að hækka eða lækka gjaldið
eftir því sem forsendur breytast,
en miðað við núverandi rekstur
muni 250 krónur á farþega duga
til að mæta kostnaðinum.
Jón Karl segir það undarlegt
að tryggingariðgjöld hafi hækkað
jafnmikið í íslensku innanlands-
flugi og bandarísku. „Það er eng-
inn greinarmunur gerður á því
hvort flogið er til Grímseyjar eða
bandarískrar stórborgar. Með
fullri virðingu fyrir Grímsey sem
áfangastað þá er augljóslega
hætta á mun meira tjóni í stór-
borginni." Hann segir hluta auk-
inna iðgjalda vera greiddan til
ríkisstjórnarinnar í samræmi við
ábyrgð hennar. ■
Innkaiipastofnun um
rerluna:
Rætt við fast-
eignasölur
einkavæðinc Samþykkt var á
stjórnarfundi Innkaupastofnunar
Reykjavíkur að ræða við ákveðn-
ar fasteignasölur vegna fyrirhug-
aðrar sölu á Perlunni. Tveir borg-
arfulltrúar Sjálfstæðisflokksins
sátu hjá við þessa afgreiðslu. Inn-
kaupastofnun og forstjóri Orku-
veitunnar eiga að hafa samvinnu
um sölu Perlunnar.
Jón G. Sandholt hjá Stóreign
ehf, sem er ein þeirra fasteigna-
sala sem á að ræða við, segir
ýmsa hafa velt fyrir séi mögu-
leikum á að kaupa Perluna. Hann
reiknar með að setja sig í sam-
band við Innkaupastofnun
Reykjavíkurborgar í vikunni til
að ræða framgang málsins.
Gíslj Gíslason hjá fasteignasöl-
unni íslenskri auðlind ehf. segir
málið algjörlega á frumstigi.
Hann hafi sóst eftir viðræðum við
fulltrúa Orkuveitunnar um kaup á
Perlunni þar sem nokkrir af hans
skjólstæðingum hafi lýst yfir
áhuga á eigninni. Hins -vegar er
enn óljóst hvernig söluferlið verði
og á hvaða kjörum salan fari
fram. ■
Sala ríkisjarða og farþegalistar flugmálastjórnar:
Upplýsingum haldið
frá þingmönnum
alþinci „Ég stend við það að vilji
Guðni ekki gefa þingmönnum
upplýsingar um sölu ríkisjarða þá
hljóti hann að hafa eitthvað að
fela,“ segir Lúðvík Bergvinsson,
þingmaður Samfylkingar, en hann
tók þátt í hörðum umræðum um
málið á þingi á mánudag. Hann
segir viðbrögð ráðherra bera
keim af nýlegum viðbrögðum
stjórnarliða við beiðni Gísla S.
Einarssonar um farþegalista flug-
vélar Flugmálastjórnar og að mál-
LÚÐVÍK BERG-
VINSSON
Erfitt að fá upplýs-
ingar.
GUÐNI
ÁGÚSTSSON
Ekki rétt að kjöl-
draga pilt.
inu sé ekki lokið af hálfu Samfylk-
ingarþingmanna.
„Það hafa verið mjög undarleg-
ar hugmyndir uppi hjá stjórnar-
liðum um að þingmenn hafi ekki
meiri rétt til upplýsinga en al-
menningur í landinu. Guðni
Ágústsson fer út fyrir allan þjófa-
bálk þegar hann neitar að gefa
þingmönnum upplýsingar um sölu
ríkisjarða og ber fyrir sig mann-
réttindum og einhverju lögfræði-
áliti.“ Lúðvík segir að upplýsing-
ALÞINGI
Þingmenn og ráðherrar hafa verið að
takast á um aðgengi að upplýsingum.
arnar liggi að stórum hluta fyrir í
ríkisreikningum og þinglýsingar-
bókum. „Þegar við förum fram á
þessar upplýsingar verður að líta
til þess þingmenn fara sameigin-
lega með fjárveitingarvald en
ekki einungis stjórnarliðar. Ég
botna einfaldlega ekki í landbún-
aðarráðherra í þessu máli.“ ■
Brottfor talibana
fagnað í Kabúl
Talibanar flúðu frá Kabúl, höfuðborg Afganistans í gær. Kathy Gannon, fréttamaður í Kabúl, lýsir
fyrstu viðbrögðum íbúa borgarinnar. Sumir létu það verða sitt fyrsta verk að raka af sér skeggið.
kabúl. ap Nýrakaðir karlmenn
sáust nudda á sér vangana í Kabúl
í gærmorgun. Eldri maður var bú-
inn að snyrta á sér gráa skeggið og
dansaði úti á götu við tónlist úr litlu
kasettutæki sem hann hélt upp að
eyranu.
Ekki fór á milli mála að taliban-
arnir voru farnir, og með þeim boð
þeirra og bönn. Þeir höfðu bannað
tónlist, bannað mönnum að skerða
skegg sitt og bannað konum að
sýna andlit sitt á almannafæri.
„Ég þoldi ekki skeggið," sagði
Amhed Shah, sem var fljótur að
raka sig. „Mig klæjaði alltaf undan
því.“
Margar konur voru ekki enn til-
búnar að láta felubún-
inginn lönd og leið. En
margt benti þó til þess
að sérstaklega yngri
konur muni fljótlega
fara að klæðast frjáls-
legri fötum en hina
hefðbundnu búrku,
sem hylur allan lík-
amann. Ein gerðist svo
djörf að svipta af sér
búrkunni í gömlum
strætisvagni, en setti
hana fljótlega á sig aft-
ur.
„Við ætlum að
klæðast búrkunni
áfram enn um sinn,“
sagði Mariam Jan.
„Við vitum ekki ennþá
hvaða fólk þetta er,
sem er komið inn í
borgina." Eiginmaður hennar, sem
er tadjískur, sagði: „Þetta er okkar
hefð. Við erum ekki viss hvort af
henni verður látið.“
TÓNLIST í KABÚL
Athygli manna I Kabúl beindist mjög að kassettutækinu, sem þessi gráskeggjaði maður
dró upp úr pússi sínu. Úr tækinu hljómaði tónlist á fullum styrk, en þess konar hljóð hafa
verið harðbönnuð f borginni undanfarin ár.
RAKSTUR í KABÚL
Ungir karlmenn í Kabúl fylgjast spenntir með þegar ummerkí
talibanastjórnarinnar eru fjarlægð af andliti félaga þeirra á
rakarastofu þar í borg. Sumir létu það verða sitt fyrsta verk
að raka sig eftir að talibanar höfðu yfirgefið borgina.
„Við erum frjáls!" hrópaði Noor
Mohammed, gamli maðurinn sem
dansaði með kasettutækið við
eyrað.
íbúar í Kabúl, höfuðborg
Afganistan, nálguðust varlega her-
bækistöðvar talibana og kíktu inn
um dyrnar, sem stóðu opnar. „Eru
þeir farnir?" hvíslaði fólk.
Tvö lík lágu fyrir utan bækistöð
hersins, sem er skammt frá gisti-
húsi Sameinuðu þjóðanna. Þessi lík
voru af aröbum, sem eru aðkomu-
menn í landinu, höfðu barist gegn
Sovétríkjunum á sínum tíma og
börðust við hlið talibana. Þá mátti
einnig sjá lík fimm Pakistana, sem
lágu fyrir utan lögreglustöð í mið-
borg Kabúl.
Andstæðingar talibana höfðu
náð Kabúl, höfuðborg landins, á sitt
vald nánast án fyrirstöðu. Taliban-
arnir höfðu sig einfaldlega á brott.
Hermenn Norðurbandalagsins
skutu sumir upp í loftið til að fagna
sigrinum, en talibanar höfðu ráðið
ríkjum í Kabúl frá því 1996. Loft-
árásir Bandaríkjamanna höfðu
greitt Norðurbandalaginu götuna
inn í höfuðborgina, en sókn þeirra
hófst fyrir alvöru á föstudag þegar
þeir náðu borginni Masar-e-Sharif
á sitt vald. Síðan hafa þeir unnið
hvern sigurinn á fætur öðrum á
talibönum, sem hafa hörfað jafnt
og þétt. ■
Klébergsskóli á Kjalarnesi:
Stjórnendurna
í hamarshöggin
íviENNTAivíái Nokkur sált virðisl
hafa náðst um tilhögun og skipu-
lag námsaðstöðu Klébergsskóla á
Kjalarnesi. Forsvarsmenn for-
eldrafélags skólans afhentu Sig-
rúnu Magnúsdóttur, formanni
fræðsluráðs Reykjavíkur, harðorð
mótmæli fyrir helgi. Á mánudag
átti hún svo fund með fulltrúum
skóla, foreldra, og borgarinnar
þar sem sæst var á nokkrar breyt-
ingar til úrbóta.
Sigþór Magnússon, skólastjóri
Klébergsskóla, segir að skásti
möguleikinn af mörgum í stöö-
unni hafi orðið ofan á, en ekki
stæði til að setja aukið fé í fram-
kvænidirnar. „Kjarni málsins ei
að reynt verður að taka í notkun
stjórnunarhluta nýja hússins, en
stjórnendurnir eru eiginlega eina
fólkið sem á er leggjandi að vera í
hamarshöggunum. Við það losna
stofur sem nýta má til kennslu þar
sem stjórnunaraðstaðan er núna,“
sagði hann og bætti við að til
stæði að taka bygginguna í fulla
notkun haustið 2003.
Sigrún Magnúsdóttir, áréttaði í
samtali við blaðið að menn hefðu
ákveðinn ramma sem þyrfti að
halda sig við og vinna eftir og
reynt væri að gera það besta úr í
hverju tilviki. „Fundurinn fór vel
NÝJA SKÓLABYGGINGIN
Skólastjóri Klébergsskóla segir nokkra óánægju á Kjalarnesi með að nýja skólabyggingin
skuli ekki hafa fengið meiri forgang því það hafi verið hluti af sameiningarsamkomulagi
Kjalarness og Reykjavíkur.
fram og það var samkomulag um
að byggingardeildin ynni að
ákveðinni lausn í samvinnu við
skólann og skólanefndina. Það

varð mjög góð sátt um að taka
höndum saman og gera það besta
fyrir það sem við höfum úr' að
spila,“ sagði hún. ■