Fréttablaðið - 19.11.2001, Side 13

MÁNUDAGUR 19. nóvember 2001
FRETTABLAÐIÐ
13
Talibanar bjóða uppgjöf í Kunduz gegn skilyrðum:
Liðsmenn al Kaída sagðir myrða liðhlaupa
STRÍÐ i afcanistan Breska dagblaðið
Telegraph skýrði frá því í gær að
liðsmenn A1 Kaída, samtaka bin
Ladens, hafi myrt á annað hund-
rað talibana í borginni Kunduz í
norðurhluta Afganistans til þess
að koma í veg fyrir að þeir gerist
liðhlaupar. Er þetta haft eftir
flóttamönnum frá Kunduz. Þá
sögðu flóttamenn einnig að jafnt
talibanar sem liðsmenn A1 Kaída
hafi myrt fleira fólk í Kunduz.
Talibanar buðust í gær til þess
að gefast upp í Kunduz, en með
því skilyrði að liðsmenn A1 Kaída
fengju að fara óhultir frá borg-
inni. Ekki var vitað hvort and-
stæðingar talibana, hið svonefnda
Norðurbandalag, hafi fallist á
þetta boð.
Norðurbandalagið hefur sótt
hart að Kunduz undanfarna daga,
en borgin er síðasta vígi talibana
og al Kaída í norðurhluta landsins.
Talibanar eru flestir Afganir,
og eru þeir mun viljugri en liðs-
menn A1 Kaída til þess að leggja
niður vopn, enda eru þeir á heima-
slóðum. Liðsmenn A1 Kaída eru
hins vegar aðkomumenn í
Afganistan, flestir frá Sádi-Arabíu
eða öðrum arabaríkjum og Pakist-
an. Þeir þykja ekki vel liðnir með-
al almennings og eiga mun erfið-
ara með að falla inn í mannlífið án
stuðnings talibanastjórnarinnar. ■
FYLGST MEÐ LOFTÁRÁSUM
Hermenn Norðurbandalagsins fylgdust með loftárásum Bandarikjanna á bækistöðvar tali-
bana í nágrenni Kunduz, sem er síðasta vígi talibana og Al Kaída í norðurhluta Afganistans.
Sóðar á Suðurskautinu:
Rusl safnast
á hafsbotni
WELLINGTON. ap Hafsbotninn um-
hverfis Suðurskautslandið er þak-
inn rusli, að því er fram kemur í
nýrri skýrslu frá stjórnvöldum á
Nýja-Sjálandi. Verst mun ástandið
vera í flóa sem heitir McMurdo
Sound, en næst bækistöðvum
bandarískra og nýsjálenskra vís-
indamanna eru fleiri bjórdósir
heldur en svampar, sem þar lifa í
sínu náttúrulega umhverfi.
Á hafsbotninum er líka tölu-
vert af ónýtum bifreiðum, og
skolp hefur safnast þar fyrir í
stórum stíl, enda er þúsundum
lítra af því veitt út í sjóinn á
hverjum degi. ■
Á FLUGVELLINUM
Bushan K. Chatria heldur þarna á annarri
dóttur sinni, Ganga, á flugvellinum í Singa-
pore í gær.
Síamstvíburarnir í
Singapore:
Heim til
Nepal eftir
aðskilnað
singapore. ap Samvöxnu tví-
burarnir, sem skildir voru að í
Singapore fyrr á árinu, fóru heim
til sín í Nepal um helgina.
Ganga og Jamuna Shrestha eru
átján mánaða, og hafa ekki þekkt
annað heimili síðastliðið ár en
sjúkrahúsið í Singapore. Lækn-
arnir gáfu vinnu sína og sjúkra-
húsgjöldum var að mestu sleppt.
Foreldrarnir ungu voru með
tárin í augunum á sunnudaginn og
föðmuðu lækna og vini sem komn-
ir voru til að kveðja þau á flug-
vellinum í Singapore.
Læknarnir í Singapore segja
ólíklegt að stúlkurnar tvær verði
„eins og önnur börn þegar þær
eldast."
„Við getum ekki sagt fyrir víst
hvers konar fötlun þær þurfa að
búa við þegar fram í sækir, en það
verður einhvers konar fötlun,"
sagði Ho Lai Yun, einn læknanna
20 sem aðskildu stúlkurnar.
Aðgerðin, sem fór fram í apríl
síðastliðnum, stóð í rúmlega fjóra
sólarhringa, en stúlkurnar voru
samvaxnar á höfðunum. Höfuðlag
þeirra beggja verður óreglulegt,
enda þurfti að búa til hluta af höf-
uðkúpu þeirra beggja úr gerviefn-
um og græða húð á sárin. ■
Slapp frá eigandanum:
Strútur skokk-
aði um götur
Lundúna
london. ap Tveggja metra hár strút-
ur, sem kallaður er Godzilla, slapp
frá eigendum sínum í London nú
fyrir helgi og skokkaði um götur
borgarinnar í nærri tvo tíma þang-
að til íbúum tókst að króa hann af.
Svo óheppilega vildi raunar til, að
rétt um sama leyti streymdu börn
út úr skóla í næsta nágrenni og
þyrptust þau að strútnum. Hann
sýndi þeim mikinn áhuga og gerði
sig líklegan til að elta börnin. En í
því kom sonur eiganda strútsins að-
vífandi og tók hann með sér án
vandræða. ■
,**»«•*•* ***
| | | I 1 1 * 1 1 1
f # $ 1 1 •
i- 1 «- f i Í 1 • ,i •' • • •
§ ffiíStt i 1 1. f * i
» I M I I I I * » S § i i
• • *. * * • • • • « » i « m
i i 11 i i i i i i § § i i
* I * * 1 i « t f I i s tt g
1 1 4 1 • • • * I t i
t i I I t , , f #
;• f * * * « § t
1 ? I # | | |
i ‘ f * . *
* 4 * * » i
1 •***.*•»;
* * * ■ •«*.
9
f f. #
|ii t