Fréttablaðið - 19.12.2001, Blaðsíða 10

FRÉTTABLAÐIÐ
FRÉTTABLAÐIÐ
Útgáfufélag: Fréttablaðið ehf.
Útgáfustjóri: Eyjólfur Sveinsson
Ritstjóri: Gunnar Smári Egilsson
Fréttastjórar: Pétur Gunnarsson
og Sigurjón M. Egilsson
Ritstjórn, auglýsingar og dreifing:
Þverholti 9, 105 Reykjavík
Aðalsími: 515 75 00
Símbréf á fréttadeild: 515 75 06
Rafpóstur: ritstjorn@frettabladid.is
Símbréf á auglýsingadeild: 515 75 16
Rafpóstur: auglysingar@frettabladid.is
Setning og umbrot: Fréttablaðið ehf. .
Plötugerð: ÍP-prentþjónustan ehf.
Prentun: ísafoldarprentsmiðja hf.
Fréttaþjónusta á Netinu: Vísir.is
Fréttablaðinu er dreift ókeypis til allra heimila á höf-
uðborgarsvæðinu. Fyrirtæki geta fengið blaðið gegn
greiðslu sendingarkostnaðar; kr. 1.100 á mánuði.
Fréttablaðið áskilur sér rétt til að birta allt efni
blaðsins í stafrænu formi og í gagnabönkum
án endurgjalds.
Ofbeldi og hótanir:
Danskir lög-
reglumenn
hljóta dóm
lögregla Tveir danskir lögreglu-
menn voru í gær dæmdir í þrjátíu
daga fangelsi fyrir að hafa ógnað
ungum starfsfélaga sínum, sem
þeir hittu fyrir tilviljun á veit-
ingahúsi í Kaupmannahöfn í vor.
Hinn ungi starfsbróðir þeirra
hafði borið vitni í máli gegn fjórða
lögreglumanninum, sem hafði
verið ákærður fyrir að hafa beitt
ofbeldi við handtöku. Danska rík-
isútvarpið skýrði frá þessu á vef-
síðum sínum í gær. Annar lög-
reglumannanna sem hlaut dóm í
gær hefur nokkrum sinnum áður
verið ákærður fyrir ofbeldi og
hótanir, og hlaut m.a. 30 daga
fangelsisdóm árið 1995. ■
10
19. desember 2001 MIÐVIKUDAGUR
Samkeppnisstofnun beitir valdi sínu
Samkeppnisstofnun réðst í lög-
reglufylgd inn á skrifstofur
stjórnenda olíufélaganna í gær. Fé-
lögin hafa lengi legið undir grun
um verðsamráð á eldsneyti. I því
ljósi töldu yfirvöld réttlætanlegt að
ráðast í þessa aðgerð.
Samkeppnisstofnun ber göfugt
nafn en það verður að binda vald
hennar þannig, að einstakljngum
standi ekki ógn af þessari eftirlits-
stofnun ríkisvaldsins í sínu daglega
lífi. Um slðustu áramót fékk stofnun-
in víðtækara vald til aðgerða gegn
fyrirtækjum og að framfylgja refs-
ingu eftir sína eigin rannsókn. Hún
notar óljóst hugtakið samkeppni sem
yfirvarp fyrir auknum afskiptum.
Stofnunin vinnur því í raun gegn því
sem hún á að standa fyrir.
Olíufélögin eru réttilega oft
grunuð um verðsamráð og litla
samkeppni en á meðan þrengir rík-
isvaldið að þeim með hárri skatt-
lagningu á þeirra helstu söluvöru.
Af þeim sökum er svigrúm til að
keppa um verð lítið. Samtímis
hækkun á eldsneyti er útskýrð með
hækkandi heimsmarkaðsverði og
þegar við bætist lítið svigrúm til
álagningar réttlæta félögin sömu
krónutöluhækkun á bensínlítran-
um. Þeim er gert erfitt fyrir að
keppa.
Samkeppni olíufélaganna birtist
því annars staðar en í lítraverði á
eldsneyti. Þegar ríkið leggur háan
skatt á fyrirtæki þá keppa þau um
viðskiptavini þar sem svigrúmið er
meira. Þróun í þjónustu á bensín-
f yál....manna
Björgvin Guðmundsson
fjallar um olíufélögin
stöðvum sýnir þetta vel. Bensín var
afgreitt við litla vinnuskúra í eina
tíð en nú eru komnar stórar versl-
anir með mikið úrval af vörum sem
eru jafnvel opnar allan sólarhring-
inn. Magnafsláttur til stórra við-
skiptavina eykur líka samkeppni og
minnkar líkur á að verðsamráð
haldist, sé það til staðar.
Hið opinbera hefur líka gert
samkeppnisaðilum erfitt um vik að
koma inn á eldsneytismarkaðinn.
Lítið framboð á lóðum, há skatt-
lagning og almenn tortryggni gegn
erlendum fyrirtækjum ræður þar
nokkru. Því á ríkisvaldið hér stóra
sök ef kvartað er yfir lítilli sam-
keppni og háu verði.
Það er því varhugavert aö fella
dóma um einstaklinga án þess að
skoða það umhverfi sem þeir starfa
í. Til þess að komast að hinu sanna
má ekki réttlæta takmarkalaust
vald ríkisstofnana til að ná þeim ör-
fáu seku með því að brjóta á rétti
allra hinna. Þeim saklausu. g
Alþjóða gjaldeyrissjóðurinn:
Spáir minni hag-
vexti á næsta ári
washington. ap Efnahagslífið í
heiminum verður heldur daufara
á næsta ári, ef marka má nýjustu
spá Alþjóða gjaldeyrissjóðsins
(IMF). Hagvöxtur í heiminum
verður ekki nema 2,4 prósent á
næsta ári, eða jafn mikill og hann
virðist ætla að verða á þessu ári,
en var 4,7 prósent á árinu 2000.
Hagvöxtur á heimsvísu hefur
ekki verið jafn lítill frá því 1993,
þegar hann var 2,3 prósent.
Þetta kemur fram í leiðréttri
spá gjaldeyrissjóðsins, þar sem
tekið er tillit til áhrifanna af
hryðjuverkunum í Bandaríkjun-
um þann 11. september.
í október spáði sjóðurinn því
að hagvöxturinn í ár yrði 2,6 pró-
sent en að hann yrði kominn upp í
3,5 prósent á næsta ári. ■
HVAÐ ER AÐ HEYRA!
Þessi bandaríski spákaupmaður fylgdist
með af skelfingu þegar verðbréf í mörgum
helstu fyrirtækjum Bandaríkjanna lækkuðu
fyrr á árinu.
Röng lyfjagjöf á breskum
sjtikrahúsum:
DauðsfÖllum
fjölgar um
500% á áratug
LONDON.AP Fjöldi sjúklinga í Bret-
landi sem látast eftir að hafa feng-
ið ranga lyfjameðferð á sjúkra-
húsum í landinu hefur aukist gíf-
urlega, að því er kemur fram í
nýrri skýrslu sem birt var í gær.
Um 1200 manns dóu í Englandi og
Wales á síðasta ári eftir hafa feng-
ið röng lyf. Um er að ræða 500%
aukningu á einum áratug, en árið
1990 létust 200 manns af sömu
völdum. Sérfræðingar telja að
ástæðuna fyrir auknum fjölda
dauðsfalla af þessu tagi sé að
finna í auknum styrkleika nútíma-
lyfja og meiri vinnuhraða á
sjúkrahúsum landsins sem leiði til
fleiri mistaka en ella. ■