Fréttablaðið - 06.03.2002, Page 4

4
FRÉTTABLAÐIÐ
6. mars 2002 MIÐVIKUDAGUB
SVONA ERUM VIÐ
Landsbankinn um rekstrarbata Flugleiða:
Enn óviðunandi
fj ár munamyndun
VERÐBÓLGA
SL. 12 MÁNAÐA SUNDURLIÐUÐ
Innfluttar vörur (án áfengis og tóbaks)
hækkuðu um 10% á milli febrúar 2001 og
febrúar 2002. Innlendar vörur án búvöru
hækkuðu um 12,1%. Hækkunin er því
nokkuð umfram almenna 8,9% hækkun
neysluverðsvísitölu síðustu 12 mánuði. Á
sama tlma hækkaði húsnæðisliður vísitölu
neysluverðs aðeins um 5,6%. Innlendi
hlutinn er án búvöru.
%-hækkun sl. 12 mánuðí
Innlendar vörur 12,1%
Innfluttar vörur 10% -
Pjónusta 8,9%
Húsnæði 5,6&
uppgjör Samanlagt töpuðu Flug-
leiðir rúmlega 2.100 milljónum
króna síðustu tvö ár. Frávik frá já-
kvæðum áætlunum var í bæði
skiptin skýrt með óhagstæðum ytri
skilyrðum. Greiningardeild Lands-
bankans bendir á að þrátt fyrir
ýmsa hagræðingu að undanförnu
sé fjármunamyndun félagsins enn
ófullnægjandi miðað við mikla
skuldaaukningu síðustu ára. Þó að
heildarafkoma síðasta árs hafi ver-
ið nokkuð betri en endurskoðaðar
áætlanir frá síðasta hausti gerðu
ráð fyrir þurfi félagið að gera enn
betur ætli það sér nokkurn tíma að
greiða niður háar skuldir.
Á síðasta ári hækkuðu skuldirn-
ar úr 23 milljörðum króna í 30.
Óhagstæð gengisþróun skýrir að-
eins hluta þess. Alvarlegri er þróun
eiginfjár síðustu þrjú ár. í lok árs-
ins 1999 var eiginfjárhlutfallið
32%. Á árinu 2000 lækkaði það í
24% og eftir síðasta ár er stendur
hlutfallið í 17,5%.
Jónas Gauti Friðþjófsson hjá
Greiningardeild Landsbankans
FLUGLEIÐIR
Staðan er langt I frá góð þrátt fyrir að
nokkur árangur hafi orðið af hagræðingu á
síðasta ársfjórðungi 2001.
segir að efnahagur Flugleiða sé
kominn nálægt hættumörkum.
„Við bjuggumst við mun verri af-
komu þannig að hagræðingarað-
gerðir þeirra hafa skilað nokkru.
Við erum þó þeirrar skoðunar að
mun meira þurfi til. Síðustu ár
hefur grunnstarfsemin einfald-
lega ekki verið að skila nægu til
félagsins." ■
Bresk könnun:
Fordómar í
tölvupósti
tölvur Fjölmargt skrifstofufólk í
Bretlandi sendir á degi hverjum
frá sér tölvupóst sem er klám-
fenginn, haldinn ýmiss konar for-
dómum eða sem talinn er meið-
andi fyrir kollegana. Þetta kemur
fram í nýlegri breskri könnun
meðal skrifstofufólks í Bretlandi.
Tæplega 30% þeirra sem tóku
þátt í könnuninni viðurkenndu að
hafa sent ósæmilegan tölvupóst í
vinnunni. 38% þeirra starfs-
manna sem senda tölvupóst gera
það til að benda á mistök annarra.
55% skrifstofufólks í London not-
ar tölvupóst í pólitísku skyni til að
koma sjálfu sér á framfæri. ■
Leikurinn sem allir C&C
aðdáendur hafa beðið eftir.
Laugavegi 26 • Kringlunni • Smáralind
Dagblaðið Metropol
í Póllandi:
Okeypis
og vinsælast
í Varsjá
pagblöð Fyrir skömmu skýrði al-
þjóðleg keðja Metróblaðanna, sem
dreift er ókeypis í mörgum borg-
um í Evrópu og víðar um heim, að
pólska dagblaðið Metropol væri
orðið víðlesnasta dagblaðið í Var-
sjá, höfuðborg Póllands.
í lesendakönnun, sem gerð var í
Varsjá í nóvember síðastliðnum,
kom í ljós að 350.000 manns lásu
Metropol á hverjum degi. Það þýð-
ir að 20 prósent allra dagblaðsles-
enda í borginni lesa Metropol.
Næst stærsta dagblaðið í Varsjá
var aðeins með 250.000 lesendur á
dag.
Blaðinu er dreift í Varsjá í
180.000 eintökum daglega. Það
liggur frammi ókeypis á stærstu
Íestafstöðvum borgarinnar, auk
þess sem því er dreift í neðanjarð-
arléstuni, strætisvögnum, spor-
vögnum og á götum úti í miðborg-
inni.
Metrókeðjan er stærsta keðja
ókeypis dagblaða í heiminum. Á
vegum hennar er gefið út 21 dag-
blað í 15 löndum og á 13 tungumál-
um. Meðal annars koma út Metró-
blöð í Kaupmannahöfn, Stokk-
hólmi, Gautaborg og Helsinki. ■
|lögreglufréttir|
Bílstjóri sem var á ferð klukk-
an fjögur í fyrrinótt keyrði út
af veginum við Hveradali. Lög-
reglan á Selfossi segir hann ekki
hafa meitt sig og hélt ferðinni
áfram. Hann var ekki grunaður
um ölvun við akstur.
Lögreglan á Selfossi hafði af-
skipti af bílstjóra í Kömbun-
um vegna bilaðs ljóss. Eftir að
hún tók manninn tali kom í ljós
að hann var undir áhrifum áfeng-
is. Ökuferð mannsins var þar
með lokið.
Fullgilding á Kyoto-
bókun fyrir Alþingi
Utanríkisráðherra mun mæla fyrir samþykkt þingályktunartillögu
fyrir þinglok. Leiðtogafundur um sjálfbæra þróun í S-Afríku síðsumars.
Utstreymi gróðurhúsalofttegunda á Islandi má ekki aukast meira en
10% frá árinu 1990.
loftslag Ríkisstjórnin stefnir að
því að leggja fram þingályktunar-
tillögu til fullgildingar á Kyoto-
bókuninni á yfirstandandi þingi.
Stefnumörkun stjórnvalda um
ráðstafanir til að standa við skuld-
bindingar loftslagssamningsins
og Kyoto-bókunarinnar hefur ver-
ið kynnt og samþykkt í ríkis-
stjórn. Það verður utanríkisráð-
herra sem mun mæla fyrir full-
gildingunni á þingi. Þetta kom
fram á kynningarfundi sem Siv
Friðleifsdóttir umhverfisráð-
herra hélt um málið í gær. Þá
stefnir EBS að því að fullgilda
Kyoto-bókunina eigi síðar en 1.
júní n.k. Um 55 ríki sem losa um
minnst 55% af heildarlosun iðn-
ríkjanna þurfa að hafa fullgilt
bókunina til að hún öðlist alþjóð-
legt gildi. Stefnt er að ná því tak-
marki fyrir alþjóðlegan leiðtoga-
fund um sjálfbæra þróun sem
haldinn verður í Jóhannesarborg í
S-Afríku um mánaðamótin ágúst -
september n.k.
Heimildir íslands til útstreym-
is gróðurhúsalofttegunda eru tví-
þættar. Annars vegar skal al-
mennt útstreymi gróðurhúsaloft-
tegunda frá íslandi ekki aukast
meira en sem nemur 10% frá ár-
inu 1990. Það þýðir að það verður
að vera innan við 3.200 þúsund
tonn koltvíoxíðígilda árlega að
meðaltaii á tímabilinu 2008 - 2012.
Hins vegar skal koltvíoxíðút-
streymi frá nýrri stóriðju eftir
1990 sem fellur undir íslenska
ákvæðið ekki vera meira en 1.600
þúsund tonn að meðaltali á ári
hverju á sama tímabili. Talið er að
UMHVERFISRÁÐHERRA
Siv Friðleifsdóttir segir að það geti brugðið til beggja vona hvort nægilegur fjöldi ríkja
muni fullgilda Kyoto-bókunina I ár.
þetta þak sé nægjanlegt fyrir
meðalframleiðslu stóriðju á
skuldbindingartímabilinu. Islend-
ingum er hins vegar óheimilt að
selja frá sér mengunarkvóta. Það
er í samræmi við útfærslu á ís-
lenska ákvæðinu. Þá þykir stjórn-
völdum ekki ástæða til að nýta sér
heimildir til að takmarica út-
streymi innanlands með úthlutun
útstreymisheimilda og viðskipt-
um með þær. Talið er að almennar
ráðstafanir til að mæta skuldbind-
ingum Kyoto-bókunarinnar og
binding kolefnis með landgræðslu
og skógrækt muni nægja í þeim
efnum.
-grh@frettabladid.is
Háseti Ríkisskipa fær
ekki skaðabætur:
Ökklabrot
var óhappa-
tilviljun
dómsmál Héraðsdómur Reykja-
víkur hefur sýknað ríkið af skaða-
bótakröfu manns sem ökklabrotn-
aði þegar hann var háseti á Ms.
Esju, flutningaskipi Ríkisskipa,
sumarið 1991.
Maðurinn missteig sig er hann
sté niður úr tröppu þegar hann
var að setja landfestar á Skaga-
strönd. Hann gekkst undir aðgerð
á ökklanum á árinu 1993, „en hafði
engu að síður eftir það óþægindi í
honum við álag, langar stöður,
göngur og þegar hann steig öld-
una,“ eins og segir í dómi héraðs-
dóms. Maðurinn ökklabrotnaði
aftur á sama fæti í desember árið
2000 en ekki var um beint sam-
bandi milli slysanna. Varanleg ör-
orka mannsins var metin 8%.
Hásetinn byggði 3,1 milljóna
króna kröfu sfna á því skipstjór-
inn hafi falið honum verk sem
hafi verið einum manni ofviða.
Héraðsdómur taldi aftur á móti að
skipstjórinn beri ekki ábyrgð á
slysinu heldur hafi verið um
„óhappatilviljun" að ræða. ■
ESB-ríki staðfesta
Kyoto-bókunina:
Danir
tregir
í taumi
brussel. ap Á mánudaginn sam-
þykktu umhverfisráðherrar Evr-
ópusambandsríkjanna að staðfesta
Kyoto-bókunina ekki síðar en 1.
júní. Vilja þeir þannig tryggja að
bókunin geti tekið gildi áður en
ráðstefna Sameinuðu þjóðanna um
sjálfbæra þróun hefst í ágúst í Suð-
ur-Afríku.
Ekki tókst ráðherrunum þó að
ná samkomulagi um hvernig skipta
beri svonefndum losunarkvóta
milli aðildarríkja Evrópusam-
bandsins. Samkvæmt Kyoto-bók-
uninni skuldbindur Evrópusam-
bandið sig til þess að hafa árið 2012
dregið úr losun sinni um átta pró-
sent frá því sem hún var árið 1990.
Það var danski umhverfisráð-
herrann sem kom í veg fyrir að
samkomulag náðist um skiptingu
losunar milli ríkjanna. Danir telja
sig þurfa að leggja harðar að sér
en hin Evrópusambandsríkin. Af
þeim sökum hafa Danir ekki viljað
staðfesta Kyoto-bókunina. Á fund-
inum á mánudag gáfu hinir um-
hverfisráðherrarnir hins vegar há-
GRÆNFRIÐUNGAR I BRUSSEL
Meðan umhverfisráðherrar Evrópusambandsríkjanna sátu á fundi i Brussel á mánudag-
inn stóðu félagar í Greenpeace-samtökunum vaktina fyrir utan. Grænfriðungarnir hvöttu
ráðherrana til að bjarga fornum skógum jarðar.
tíðlegt loforð um að tekið verði til-
lit til sjónarmiða Dana áður en
endanleg ákvörðun verður tekin
um skiptingu losunar milli Evr-
ópusambandsríkjanna. Það verður
gert í síðasta lagi árið 2006. Dansk-
ir fjölmiðlar segja þó óvíst hversu
mikið gildi yfirlýsing ráðherranna
hefur þegar til kastanna kemur.
Alls undirrituðu 84 ríki Kyoto-
bókunina í Japan árið 1997. Af
þessum ríkjum hafa 47 nú þegar
staðfest undirritun sína. Til þess
að bókunin taki gildi þurfa þó að
minnsta kosti 55 ríki að staðfesta
hana, þar af nógu mörg iðnríki til
þess að losun þeirra nemi samtals
55 prósentum af allri losun gróður-
húsalofttegunda á jörðunni. Ekk-
ert Evrópusambandsríkjanna
fimmtán hefur enn staðfest bókun-
ma.
Á fundi umhverfisráðherra
Evrópusambandsríkjanna í Brus-
sel á mánudaginn kom jafnframt
fram hörð gagnrýni á afstöðu
Bandaríkjanna, sem ætla ekki að
staðfesta Kyoto-bókunina. Þess í
stað hefur George W. Bush Banda-
ríkjaforseti kynnt sína eigin um-
hverfisáætlun. Markmið hennar er
að fá bandarísk fyrirtæki til þess
að draga úr losun sinni á gróður-
húsalofttegundum.
Samkvæmt aðferð Bandaríkja-
forseta ber fyrirtækjunum skylda
til að gefa reglulega skýrslu um
losun sína. Þeim er hins vegar í
sjálfsvald sett hvort þau draga úr
losuninni, þótt skýrslugerðin eigi
að verða þeim hvati til þess að
kaupa og selja losunarkvóta. ■