Fréttablaðið - 06.03.2002, Qupperneq 7

MIÐVIKUDAGUR 6. mars 2002
FRÉTTABLAÐIÐ
7
Framsóknarmenn hjá Símanum:
Efast um gagnsemi stjórnarskipta
[ EFNAHAGSMÁL
Nýjum fuilgerðum íbúðum
f jölgaði á nýliðnu ári um
1.277 samkvæmt tölum Þjóðhags-
stofnunar. Árið á undan var fjöldi
nýrra íbúða 967. Frá 1984 hafa
1.145 íbúðir að meðaltali verið
fullgerðar á hverju ári. Á árinu
2001 fjölgaði lánum íbúðalána-
sjóðs til nýbygginga frá fyrra ári
um 23 prósent.
......
Vöxtur í framleiðslu á þjón-
ustu á síðasta áratug var 49
prósent. Landsframleiðsla óx á
sama tíma um 35 prósent. Hlutur
hins opinbera óx meira en lands-
framleiðslan að magni eða um 36
prósent. Vöxtur vöruframleiðsl-
unnar var hins vegar 25 prósent.
Þetta kemur fram í Hagvísum.
síminn Þingmenn Framsóknar-
flokks sem sæti eiga í stjórn
Landssíma íslands efast um
gagnsemi þess að skipta alfarið
um fólk í stjórn fyrirtækisins.
Magnús Stefánsson, tekur und-
ir efasemdir sem Kristinn H.
Gunnarsson, þingmaður Fram-
sóknar, hefur lýst um að stjórna-
skipti leysi ekki vanda Símans.
„Ég sé ekki að það sé lausn að
skipta um stjórn. Þar fyrir utan
bera óbreyttir stjórnarmenn litla
ábyrgð á þessum málum öllum
saman. Þannig að ég veit ekki
hvað menn ætla að leysa með
því,“ sagði Magnús, sem ætlar
ekki að gefa kost á sér til áfram-
LANDSSÍMAHÚSIÐ
Þingflokksformaður Framsóknarflokksins
segir stjórnarmenn flokksins í stjórn Sim-
ans ekki bera ábyrgð á málum sem gagn-
rýnd hafa verið og óeðlilegt að þeir verði
látnir vikja fyrir þær sakir.
haldandi stjórnarsetu. „Það er
hátt í ársgömul ákvörðun sem
hefur ekkert með þessi mál að
gera.“
Jónína Bjartmarz, vildi lítið
láta hafa eftir sér um málefni
Landssímans og stjórnarskiptin
þar. Hún sagði þó orka tvímælis
að skipta út allri stjórninni við
ríkjandi aðstæður. „Auðvitað er
slæmt í svona fyrirtæki ef öll
stjórnin fer í einu með bráða-
birgðaforstjóra. Það segir sig
sjálft," sagði hún og bætti við að
áður hafi komið fram að hún hafi
ekki ætlað að gefa kost á sér til
áframhaldandi stjórnarsetu hjá
Símanum.
Aukin hætta þótt lítil sé
Hundrað konur í Bretlandi hafa lögsótt þrjá framleiðendur getnaðarvarnarpilla. Þessar tegundir
eru fluttar inn hér á landi. Reynir Tómas Geirsson segir getnaðarvarnarpillunni fylgja meiri
áhætta en öðrum getnaðarvörnum. Læknar séu hvattir til að kanna heilsufar kvenna áður en
þær fái lyfseðil.
GETNAÐARVARNARPILLAN FjÖlskyldur
um hundrað kvenna í Bretlandi
hafa lögsótt þrjá framleiðendur
getnaðarvarnarpillu. Framleið-
endurnir sem konurnar lögsækja
eru Organon sem framleiðir
Femodene. Schering framleiðandi
Marvelon og Mercilon. Einnig
lyfjafyrirtækið Wyeth sem á yfir
höfði sér lögsókn vegna Minulet
og Tri-Minulet. Á íslandi eru um-
boðsmenn fyrir allar þessar teg-
undir.
Aðstandendur kvennanna
segja að þær hafi ekki verið var-
aðar við hugsanlegum fylgikvill-
um pillunnar. Sjö þeirra hafi látist
af völdum blóðtappa. Aðrar hafi
örkumlast varanlega.
„Slík tilfelli hafa komið upp
hér á landi. Þau eru fá. Ef til vill
tvö til fimm á ári,“ segir Reynir
Tómas Geirsson, prófessor í fæð-
inga-og kvensjúkdómafræði við
Háskóla íslands.
Ef lagðar séu saman allar þær
rannsóknir sem gerðar hafi verið
á þriðju kynslóð getnaðarvarn-
arpillunnar komi í ljós aukin
hætta á blóðtappa. Sú hætta sé þó
lítil. Tuttugu af hverjum hundrað
þúsund konum sem hafi notað
þriðju kynslóð pillunnar í eitt ár,
fái bláæðasega, sem er oftast
blóðtappi í fæti. Ein af hverjum
milljón konum deyi af völdum
þess.
REYNIR TÓMAS GEIRSSON
Tuttugu af hverjum hundrað þúsund konum sem hafa notað þriðju kynslóð pillunnar i eitt
ár, fá bláæðasega, sem er oftast blóðtappi í fæti.
Þær tegundir sem nefndar
hafa verið vegna lögsóknar
bresku kvennanna eru vel þekkt-
ar hér á landi. Aðspurður hvort
lyfjafyrirtækin hafi áhrif á það
hvaða tegundir læknarnir velji,
segir Reynir að sjálfsagt hafi
menn betri þekkingu á sumum
lyfjum öðrum fremur. Það geti
markast af þeim áróðri sem að
þeim sé haldið, líkt og eigi við aðr-
ar vörur sem auglýstar séu. Meg-
inreglan við val á pillutegundum
sé að taka tillit til verðs og heilsu-
farsþátta. Sumar konur eigi frem-
ur á hættu en aðrar að fá blóð-
tappa vegna notkunar getnaðar-
varnarpillu. „Læknum ber að var-
ast að gefa þeim konum þriðju
kynslóð pillunnar. sem fengið
hafa blóðtappa, reykja og eru
eldri en 35 ára, eða eiga fjöl-
skyldumeðlimi sem fengið hafa
blóðtappa. Hægt er að gera blóð-
storknunarpróf og skoða hvort
þessar konur hafi tilhneigingu,
öðrum fremur, til að fá blóðtappa.
Læknar eru hvattir til þess. Auk
þess að kanna heilsufarssögu kon-
unnar," segir Reynir. „Það má
gagnrýna margar þeirra rann-
sókna sem gerðar hafa verið. Eft-
ir stendur þó að meiri áhætta
fylgir getnarðarvarnarpillunni,
heldur en öðrum getnaðarvörnum
sem ekki innihalda hormón."
arndis@frettabladid.is
Dagvinnulaun á síðasta ári:
Kaupmáttur
rýrnaði
launaþróun Laun hækkuðu um 5,9
prósent frá síðasta ársfjórðungi
ársins 2000 til lok árs 2001. Á
sama tíma hækkaði verðlag um
8,4 prósent. Kaupmáttur minnk-
aði eftir að hafa aukist verulega
misserin á undan.
Laun kvenna hækkuðu um 6,2
prósent en karla um 5,8. Þetta
kemur fram í launakönnun Kjara-
rannsóknarnefndar.
Laun á höfuðborgarsvæði
hækkuðu um 7,0 prósent en laun
utan höfuðborgarsvæðis um 4,8.
Launahækkun flestra starfsstétta
var á bilinu 4,4 til 8,2 prósent. ■
Erlend lánshæfisfyrirtæki:
Lánshæfis-
mat ríkisins
versnar
ríkissióður Tvö af þremur fyrir-
tækjum, sem meta lánshæfi ís-
lenska ríkisins, hafa breytt láns-
hæfiseinkunn úr stöðugri í nei-
kvæða. í febrúar breytti eitt þeir-
ra, Fitch, þessu mati sínu en
Standard & Poors hafði gert það í
október á síðasta ári. Þó horfurn-
ar versni er lánshæfiseinkunnin
sjálf hin sama. Einkunnin ræður
lánakjörum ríkisins erlendis.
í greiningu íslandsbanka segir
að Fitch nefnir til stuðnings
breyttu mati nokkra þætti. Miklar
erlendar skuldir íslands halda
áfram að vera aðal veikleiki ein-
kunnargjafarinnar. Hreinar
skuldir erlendis hafa aukist veru-
lega frá því að Fitch gaf ríkissjóði
lánshæfiseinkunina AA-. Hreinar
erlendar skuldir nema nú 266% af
gjaldeyristekjum og af öllum
þeim ríkjum sem Fitch metur er
Island meðal þeirra sem er með
mestu erlendu skuldirnar á þenn-
an mælikvarða. ■
| LÖGREGLUMÁL |
Embætti ríkislögreglustjóra
aflar, að beiðni ríkissaksókn-
ara, gagna hjá Ríkisendurskoðun
sem stofnunin byggði á þegar
hún gerði skýrslur um Þjóðmenn-
ingarhús og Þjóðskjalasafn. Bogi
Nilsson, ríkissaksóknari, upplýsti
í viðtali við Fréttastofu Utvarps,
að beiðni þessa efnis hafi verið
send lögreglu á mánudag. Emb-
ættið metur hvort láta eigi fara
fram opinbera rannsókn á málum
forstöðumanna stofnananna, en
ákvörðun þar að lútandi liggur
ekki fyrir.
Breskt sjúkrahús:
Ungabarn
fékk of stóran
lyfjaskammt
heilsa Talið er að ungabarn sem
lá á sjúkrahúsi í Bretlandi eftir
að hafa gengist undir hjartaað-
gerð, hafi fengið nánast banvæn-
an skammt af lyfjum aðeins
klukkustund eftir að aðgerðin
var framkvæmd. Hjarta barns-
ins, sem var fimm vikna gamall
drengur, hætti að slá eftir að það
hafði fengið lyfin. Tókst læknum
skömmu síðar að endurlífga
barnið við.
Sjúkrahúsið hefur sent frá sér
afsökunarbeiðni til fjölskyldu
drengsins og kennir þar mistök-
um í lyfjagjöf og stjórnun um.
„Komið var auga á vandamálið
afar fljótt og það leiðrétt þegar í
stað,“ sagði talsmaður sjúkra-
hússins.
Segja yfirmenn sjúkrahússins
að enginn langtímaskaði hafi
hlotist af, að því er kemur fram á
fréttavef BBC.
Faðir drengsins segist hins
vegar óttast að drengurinn gæti
hafa þjáðst af súrefnisskorti á
meðan á hjartastoppinu varð. ■
VETUR í BÆ
Kalt er um land allt en það hlýnar í Reykjavík á næstu dögum.
Hlýnar á næstu dögum:
Kaldasti febrúar
síðan 1935
veður Febrúarmánuður var sá
kaldasti síðan 1935. Meðalhiti í
Reykjvík var - 3,3 stig. Á Akur-
eyri var meðalhitinn -5,0 og mán-
uðurinn sá kaldasti frá 1973. Með-
alhiti á Akurnesi, sem er í grennd
Hafnar, var -2,3 og hefur ekki ver-
ið kaldara þar síðan árið 1969.
Úrkoma í Reykjaví mældist 42
mm og þetta þurrast febrúar síð-
an 1995.
Sólskinsstundir í Reykjavík
voru 108 56 yfir meðaltali. Sól-
skinsstundir hafa
ekki mælst fleiri
síðan 1966. 26 sól-
skinsstundir mældust á
Akureyri sem er tíu stundum
undir meðallagi.
Mikið frost hefur verið á höf-
uðborgarsvæðinu undanfarna
daga og reyndar er frost um land
allt núna. Að sögn Veðurstofunnar
hlýnar á höfuðborgarsvæðinu á
næstu dögum. Hugsanlegt er að
það snjói á næstu dögum. ■