Kirkjublaðið - 02.09.1896, Blaðsíða 6

þurfum vjer hina mildu rödd hins góða hirðis, er býður
oss að koma til sín svo hann veiti hjarta voru hvíld.
í syndunum þurfum vjer hans sáluhjálplega orð um hans
sonar blóð, sem úthellt var hverri iðrandi sálu til rjett-
lætingar. I ótta vorum fyrir dauðanum og áhyggjunni
fyrir öðru lífi þurfum vjer ljós hans lifsins orða er lifgi
og glæði von vora, svo vjer ókvíðnir getum andazt og
falið anda vorn í föðursins hönd. Þessar innri þarfir
verða að búa í brjósium yðar, kæri söfnuður, til þess að
sannar hvatir sjeu hjá yður til að sækja þann stað, þar
sem orð Guðs er boðað, evangelíið um Krist hinn kross-
festa er prjedikað. Ur öllum þessurn þörfum þínum bæt-
ir Guðs bliða orð, þegar því er veitt viðtaka í trúnni.
Ef þú í sannri alvöru finnur til þessara þarfa þinna, þá
mun sæti þitt í guðs-húsi sjaldan standa autt. Þá munt
þú þar að einhverju leyti allajafna finna bætur böls
þins. Guðs-hús þitt mun þá standa fyrir þínum innra
manni sem yndislegur bústaður Drottins allsherjar. Þjer
mun þá að einhverju leyti þykja inndælt eptir erfiði og
volk vikunnar að eiga þar skjól, eptir stímabrak, ys og
þys hins daglega lifs að eiga þar næði og kyrð. Áform
vort sje að vekja og glæða þessar innri þarfir vorar,
svo þær verði oss öllum hvöt til þess að eiga sem opt-
ast stundir með vinum vorum og vandamönnum í þessu
húsi, svo það sjáist og vottist, að það er ekki ófyrir-
synju reist. . . .
. . . Nýtt guðs-hús höfum vjer eignazt á nýjum stað
þar sem það ekki hefir áður staðið. Að líkindum mun
það standa lengi á þessum stað. Vjer sjálfir hverfum
smátt og smátt burt, hver á fætur öðrum. Mikil breyting
mun verða í húsunum kringum kirkjuna, en hún standa
óbreytt og óhögguð. Einn tíminn rekur annan. Ný öld
rennur upp og hún mun að mestu njóta hússins og niðj-
ar hennar. Það er ekki eingöngu reist fyrir oss, heldur
börn vor og barnabörn. Vjer getum eigi sagt, hvernig
kristindóminum muni háttað í framtíðinni, hvaða trúar-
öldur muni liða yfir þetta land, hvernig þeir munuverða
til sinnis, sem á komandi öldum koma í heilagt hús á
þessum stað. Eitt er vfst, að trú guðssonar mun þó