Breiðablik - 01.09.1907, Blaðsíða 12

6o
BREIÐABLIK
haga efni þess á þann hátt, sem hann hefir
gjört. Hiö sama er óhætt aö segja um
alla þá, er lag’t hafa kverinu liösyrði.
Enda er oss með engu móti unt að sjá, að
þeim, sem kverið kynni að nota, verði
nokkuð hættara við að falla frá réttri trú
en þeim, er önnur kver læra. Gegn um
það alt gengur sama hákristilega lífs-
skoðan og hið annað, sem síra Valdimar
hefir ort, bæði af sálmum og öðrum ljóð-
um, sem hefir það til síns ágætis meðal
annars, að hún er svo óumræðilega björt
og mannúðleg. En ekkert laðar barns-
hugann betur en birtan og mannkærleik-
urinn.
Um hitt geta menn haft ýmsar skoð-
anir, hvort heppilegt sé að færa kristileg
barnafræði í þenna búning. Það er alveg
sérstakt efni, sem ekkert á skilt við trú
eða vantrú. — En þetta er bending um,
hve varhugavert það er og óhæfilegt að
rekja alt til vantrúar, og hve mikill órétt-
ur þeim er með því gjör, sem gott eitt
hefir gengið til. Engan hlut þarf meir að
varast en þann.
ANTONIO FOGAZZARO.
Svo heitir einn af helztu skáldum og
rithöt'undum heimsbókmentanna, sem nú
er uppi. Hann er ítalskur maður og er
fæddur í Vicenza 1842. Hann er frægur
orðinn, ekki að eins á Ítalíu, heldur einnig
um heim allan, mest af ágætum skáldsög-
um, en líka fyrirtaks fyrirlestrum. Fræg-
ustu skáldsögu hans eru menn nú að lesa
í öllum mentalöndum heims. Hún er í
þrem bindum og þvkir mikið til koma.
Ekki er það stíilinn, sem þykir svo ágæt-
ur. Samtölin þykja nokkuð á víð og dreif
og oft í nokkuð lausu sambandi við aðal-
efnið. En aðal-atriðið er lífsskoðanin.
Skilningur hans og skýringar á hreyfing-
•um sálarlífsins er það, sem mest fær á
huga lesandans. Hvernig honum tekst
að flétta saman lífsferil og sálarlíf þess
fólks, er hann lýsir, þykir meistaraverk.
Samt sem áður er lífsskoðan höfundarins
haldið fram af sannfæringar-hita miklu
meiri en alment gjörist. Þykir sumum of
rnikið á henni bera. En af því það virðist
vera einmitt sú lífsskoðan, sem nú er að
brjótast til valda í heiminum, vekur hún
nýjar hugsanir og verður að hugðnæmu
umræðuefni, hvar sem bækur hans eru
lesnar. Enda er nú baráttan um þær að
verða harðari með degi hverjum á föður-
landi skáldsins sjálfs, þar sem þær eiga
líklega við einna mest ofurefli að etja.
Þar situr hann á þingi og er senator.
Fræg mentakona japönsk.
Til dæmis um menningaráhuga Japans-
manna má á það benda, að mikilhæt
mentakona ein, jungfrú Umeko Tsuda,
er nú að kynna sér skólafyrirkomulag og
kenslu við skólana í New York. Hún er
forstöðukona kvennaskóla þess í Tokyo,
sem nefnist ,,hinn enski kvennaskóli“.
Hún er fyrsta konan, sem sett hefir verið
til náms á kostnað ríkisins. Hún var send
til Pennsylvania og hefir leyst af hendi
burtfararpróf við Bryn Mawr College.
Keisarinn (Mikado) sjálfur veitti henni
nafnbót þá, er því prófi var samfara.
Þegar hún kom heim til ættjarðar sinnar,
stofnaði hún kvennaskóla þenna eftir
fyrirmynd enskra þjóða. Og nú á hún að
koma mentan kvenna í sama horf og á
sér stað með enskum þjóðum, um alt
landið.