Alþýðublaðið - 12.04.1964, Blaðsíða 9

legri sumarvinnu. En úr því verð-
ur sízt bætt með því að kúga þá
til lengri skólasetu. Framlenging
skólahaldsins mundi kosta fræðslu
héraðið og skattborgarana stórfé.
Við eigum að leggja fast að borg-
aryfirvöldunum að verja þeim
fjárhæðum heldur til aukinnar
unglingavinnu eða annarra hollra
viðfangsefna, utan skólaveggjanna.
Margar óþarfari nefndir hafa ver-
ið skipaðar en sú, sem fjalla skyldi
um hagkvæm ráð og færar leiðir
til þess að tryggja slíkt starf.
Framlenging skólahalds á sumr
in yrði allavega einkamál Reykja-
víkurborgar og íbúa hennar. Úti
á landi mundi ekki stoða að setja
slíkar reglur, ekki einu sinni í
stærri bæjunum. Þar mundi eng-
inn vilja heyra þær né sjá, enda
yfirfljótanlega nóg atvinna til
lands og sjávar víðast hvar.
Foreldrar þurfa að átta sig á
því í tíma, hvað hér er á ferð-
inni og hugleiða gaumgæfilega,
hvort það muni hollara hlutskipti
börnum þeirra að hlekkja þau við
skólabekkinn á sumrin, mörg
sárnauðug, eða að tryggja þeim
hollt og hæfilegt sumarstarf.
Geri foreldrar það almennt, er
ég sannfærður um, að niðurstaðan
verður sú, að þessi sumarskóla-
uppvakningur verður kveðinn
niður, áður en honum vex svo fisk-
ur um hrygg, að hann nái að gera
æskulýð vorum teljandi skaða.
Sú niðurstaða verður líka öll-
um affarasælust.
Næstur hefur orðið Magnús
Gíslason, námstjóri gagnfræða-
stigsins í Reykjavík:
Spurningunni svara ég játandi,
— en þó með þeim fyrirvara, að
samtímis verði námsefnið endur-
skoðað og gerðar breytingar á
starfstilhögun skólanna.
Það væri að mínum dómi mjög
æskilegt að gera tilraun þegar í
haust með að hefja kennslu í gagn
fræðastigsskólunum í Reykjavík
nokkru fyrr en verið hefur, t. d.
um 20. september. En ég mundi
vilja leggja áherzlu á, samtímis
því, að hróflað yrði við hinum
hefðbundnu mörkum námstímans,
yrði þess freistað að breyta starfs-
tilhögun í skólunum.
Fyrst og fremst þurfum við að
gera okkur ljóst með gaumgæfi-
legri athugun á því, hvort skól-
arnir miðli þeirri fræðslu og þeim
persónulega þroska, sem ungt nú-
tímafólk þarfnast. — Það þarf
samtímis að endurskoða náms-
efni barna- og gagnfræða-,
menntaskóla-, og sérskólastigs í
lieild, — meta og vega hverju
mætti sleppa, hvað nauðsynlegt er
að taka og hverju þarf að auka
við.
Ég hygg, að til greina geti kom-
ið að flytja nokkra þætti þess
námsefnis, sem nú tilheyrir gagn-
fræðastigi, á barnafræðslustigið, --
þyngja t. d. 9 ára bekk barna-
fræðslustigsins með lesgreina-
námi, auka kennslu í náttúrufræði
í barnaskólum, taka þár m. a. byrj-
unarkennslu í , eðlisfræði, hef ja
dönskunám sem skyldugrein í 12
ára bekkjum og hefja enskunám
í 1. bekk gagnfræðastigs, kenna
meira í áföngum í gangfræðaskól-
unum en nú er gert og í stuttum,
vel skipulögðum námskeiðum m. a.
greinar eins og starfsfræðslu,
heilsufræði, þ. á m. um nautnalyf,
skrift, teiknun o. fl.
Þá er einnig æskilegt að lengja
daglega dvöl nemendanna í skól-
unum, lengja starfsdaginn, en
minnka að sama skapi heimavinnu
nemenda. Nú er t. d. venja, að
nemendur hafi langar lexíur til
heimanáms yfir helgar. Það þýðir
að samvizkusamir nemendur fá
engan hvíldardag. Þessu þarf að
breyta.
Ekki er ólíklegt, að lenging hins
árlega starfstíma skólanna, leng-
ing starfsdagsins í skólanum og
þar með breytt starfstilhögun, á-
samt tilfærslum námsefnis milli
RAGNAR JÓHANNESSON:
— Fáránleg hugmynd.
MAGNÚS GÍSLASON:
— .Emlurskoóa ber námsefnið.
skólastiganna, gætu gert að verk-
um, að þeir nemendur, sem velja
menntaskólaleið, mundu geta num
ið námsefnið á skemmri tíma,
þannig, að þeir yrðu stúdentar ári
fyrr eða á sama aldursári og stúd-
entar meðal frændþjóðanna.
Mikilvægast í sambandi við
breytta starfstilhögun er, að mín-
um dómi, breytt aðferð á mati
námsárangurs, breyting á fyrir-
komul'agi prófa. Það próffyrir-
komulag, sem við búum við, þarf
að hverfa. Það er bæði tímafrekt
og úrelt, tíðkast hvergi annars
staðar í þessu formi. Það er í eðli
sínu neikvætt og vægast sagt vafa
samt að nota slík keppnispróf sem
eins konar kennsluaðferð í barna-
og unglingaskólum. Við lokapróf
skólaskyldunnar og í framhalds-
skólum getur verið öðru máli að
gegna.
Þann tíma, sem fer í slík próf,
ætti að nota til lífræns náms-
starfs. í stað prófa með lokaprófs
sniði ætti að koma sem jákvæðast
mat kenarans á námsstarfi nem-
andans, byggt á skriflegum próf-
um dreifðum yfir allangt náms-
tímabil og kynnum kennarans af
nemandanum.
Að minni hyggju ætti að stefna
að því sem fyrst, að hefja kennslu
í skólum gagnfræða- menntaskóla-
og sérskólastigs t. d. 15. septeni-
ber. Skipta síðan námstímanum í
þrjú aðaltímabil:
1. frá skólabyrjun til jólaleyfis
2) frá ársbyrjun til páskaleyfis,
3. frá lokum páskaleyfis til maí-
loka.
Reynt yrði að koma hinni nýju
skipan á í áföngum, þannig, að í
fyrsta áfanga yrði sú breyting frá
því sem nú er, að kennsla hefjist
fyrr en 1. október og að miðsvetr-
arpróf yrðu felld niður í núver-
andi mynd, en nemendur fengju
1. vetrareinkunn áður en þeir fara’
í jólaleyfi. Sú einkunn væri ekki
byggð á neinu „lokaprófi” fyrir
jól heldur á skyndiprófum og mati
kennarans eins og fyrr segir. —
Nemendum yrði síðan gefið
þriggja daga leyfi til hvíldar við
föstuinngang, þannig, að auk ösku
dags verði bæði bolludagur og
sprengidagur frídagar, en 1—2
þessara daga notaðir til fræðslu-
funda fyrir kennara. Fyrir páska-
leyfið fengju nemendur síðan 2.
vetrareinkunn, sem fundin væri
á hliðstæðan hátt og 1. vetrareink-
unn, og kæmu þessar tvær einkunn
ir í stað miðsvetrarprófseinkunnar
þeirrar, sem nú er gefin. Þetta
yrðu helztu breytingar í fyrsta á-
fanga.
í öðrum áfanga yrði í megin atr
iðum byggt á þeirri reynslu, sem
fengizt hefur í fyrsta áranga, en
þá haldið áfram kennslu a. m. k.
fram í miðjan maí í skyldustigs-
skólum, afnumið lokapróf fyrsta
bekkjar gagnfræðastigs í því
formi, sem það er, í öðrum grein-
um en íslenzku, reikningi og er-
lendum málum, en gefin 3. vetrar-
einkunn fyrir námstímabilið frá
lokum páskaleyfis til síðasta
kennsludags. í þeim áfanga yrði
einnig reynd breytt skipan á loka-
prófi skyldustigsins, ekki sízt með
tilliti til sérstöðu seinfærustu nem
endanna. Einnig yrði reynd ný
skipan á prófum milli bekkja í
framhaldsskólum. — Að lokum
yrði svo nýtt fyrirkomulag prófa,
er gilda ætti sem framtíðarskipan,
byggt á fenginni reynslu og reynt
í 1-2 ár, áður en það væri endur-
skoðað, og væri það þriðji og síð-
asti áfangi í þessari þróun.
Vel gæti hugsazt, að skynsam-
legt væri að reyna þessa skipan í
(Framhald á 10. slSu).
•V *»
X Ut.z
Svissnesku úrin BWC
eru vönduð og fögur fermingargjöf.
Silfurbúðin
Laugavegi 13. — Sími 11066.
Til fermingargjafa
Margar gerðir af
SVEFNPOKUM
BAKPOKUM
TJÖLDUM
og öðrum útilegubúnaði.
Kaupið útilegubúnaðinn hjá þeim sem
reynslu hafa í notkun hans.
Góð bílastæði. — Lítið í gluggana.
Skátabúðin
Snorrabraut 58, Reyíkjavik. — Sími 12045.
Auglýsingasíminn er 14906
ALÞÝÐUBLAÐIÐ — 12 -.apríl 1964 §