BFÖ-blaðið - 01.12.1988, Page 13

Keflavíkurvegurinn
Það var fyrst á árunum 1962-1966 sem við
íslendingar gátum státað af því að eiga hrað-
braut, en það var þegar Keflavíkurvegurinn
var steyptur. Síðan hafa íslendingar allflestir
„tryllt“ eftir þeim vegi og notið góðs af, því að
þessi vegur hefur malað gull í Þjóðarbúið
varðandi minna slit á bílum og viðhald vegar-
ins. Jafnvel hefur mönnum þótt Keílavíkur-
vegurinn það eftirtektarverður að menn hafa
samið ljóð og lag um hann, sem gefið var út á
hljómplötu. Hins vegar hefur mönnum þótt á
stundum að vegurinn hafi tekið full mikinn
toll í mannslífum og óhöppum. Verður aðeins
tekið fyrir í þessum pistli, hvað gert hefur ver-
ið til þess að minnka slysatíðni á veginum.
Um 4000 bílar fara Keflavíkurveginn að
meðaltali á dag og því ekki nema að vonum að
óhöpp hendi. Til samanburðar má geta þess,
að rúm 2000 fara um Suðurlandsveginn að
Þrengslum og um 8000 bílar um Vesturlands-
veg milli Reykjavíkur og Mosfellsbæjar.
Frá því að vegurinn var steyptur hefur
hann verið fræstur einu sinni, árið 1982. Þá
voru 4 sm heflaðir í burtu en heildarþykkt
vegarins var 22 sm í öndverðu. Frá árinu 1982
hefur aftur myndast slitfar eftir hjólbarða
bifreiða, svo að aftur er þörf á að hefla, til þess
að ekki myndist vatnsagi í hjólförunum, en þá
er hætta á að bíll á miklum hraða fljóti ofan á
vatninu í hjólförunum, ef snögglega er hemlað
og hætta á að menn missi stjórn á bifreiðinni.
Því líður að því, að gera þurfi verulegar
endurbætur á veginum þar sem hann yrði of
þunnur, ef aftur yrði fræst ofan af honum til
þess að nema í burtu hjólförin og fá veginn aft-
ur sléttan.
Steypan, sem notuð var í veginn endist um
þrisvar sinnum lengur heldur en malbik og
því þarf lagið, sem sett verður ofan á að vera
sterkt. í því sambandi er Vegagerðin að reyna
mismunandi slitlög á eins kílómetra löngum
kafla hjá Kúagerði. Er þar um að ræða venju-
legt malbik og gúmímalbik, sem er 3 sm
þykkt. í vetur verða síðan gerðar tilraunir á
þessum kafla, hvernig þessi mismunandi slit-
lög endast með slitmælingum svo og hvernig
Svipmynd frá Keflavíkurveginum (sem reyndar heitir Reykjanesbraut) hjá Kúagerði. Hraunið sem sést á myndinni er Afstapahraun
sem rann á fjórtándu öld.
13