Skólablaðið - 01.02.1913, Síða 9

SKO' *PLAÐIÐ
25
lega og vel var gengið frá öllu, því að margar telpurnar voru
fyrir innan 10 ár. (^Vinnustofur* fyrir drengi, eru oft hafðar sér).
Eg gekk út glöð í skapi, því barnabros er eitt það yndis-
legasta, sem mér getur hlotnast. Á leiðinni heim, braut eg
heilann um, hvort ekki væri þörf á þannig löguðum vinnustof-
um heima — minsta kosti í Reykjavík, þvf alt sem til framfara
lýtur, óskar maður að komist á heima. — — Eg vil minnast
lítið eitt nánar á vinnustofurnar. Þær eru búnar að starfa hér
i landi, eitthvað um 27 ár og sú hreyfirig kom hingað frá Dan-
mörku, og barst síðan til Svíþjóðar. En nú eru Svíar búnir að
renna sér fram úr nágrannalöndunum; hafa bæði fleiri vinnu-
stofur og einnig fullkomnari. — Tilgangur þeirra er í fyrsta
lagi sá, að veita fátækum börnum kost á að læra ýmsa handa-
vinnu, sem getur með árum og æfingu orðið þeim atvinnu-
vegur. Þessa tilsögn fá þau gefins. En svc starfa vinnustof-
urnar þann hluta dagsins, sem börnin eru ekki í skólanum, og
koma því í veg fyrir að börnin slæpist á götunum. Því oft er
því þannig varið, að mæður þeirra vinna úti allan daginn, svo
þegar börnin eru laus úr skólanum, koma þau að tómum kof-
unum. — Því mamma er ekki heima. — Þá lá ekkert annað fyrir
þeim en gatan, og sá félagsskapur, sem þau komast í þar, er
miður hollur. —
Eg sé alt af betur og betur, að við íslendingar stöndum
langt að baki annara þjóða í verklegum framkvæmdum (en ekki
í bóklegri þekkingu eða siðferðislegu tilliti). Iðnaður er á lágu
stigi, og við byrjum ekki nógu snemma á því, að kenna börn-
unum að vinna, — og að meta vinnu að verðleikum. — Handa-
vinna þarf — og á að komast á, í hverjum einasía barnaskóla
heima. Og um leið verður að innræta börnunum virðing fyrir
vinnunni, hverju nafni sem hún nefnist, ef hún aðeins er vel af
hendi leyst. Barnaskólarnir í þorpunum verða að hjálpa for-
eldrunum til að leggja grundvöll undir velgengni barnanna.
Hjálpa þeim til að gera þau að nýtum starfsmönnum, sjálfstæð-
um og hugsandi, sem leggja hönd á verkið, en láta ekki aðra
vinna fyrir sér. — í sveitunum verða heimilin að mestu leyti
að sjá fyrir því, að börnin læri að vinna. Þó geta kennararar
leiðbeint og byrjað sjálfir í samráði við foreldrana. Mér finst