Tölvumál - 01.02.1986, Blaðsíða 4

Tölvumál - 01.02.1986, Blaðsíða 4
UPPLÝSINGAÖLD ERUM VIÐ TILBÚIN? I dag erum við að stlga fyrstu skrefin á upplýsingaöld. Þjððfélagiö á eftir að breytast mikið á næstu árum. Maðurinn hefur ekki áður lifað jafnmiklar breytingar og gera má ráð fyrir að hann þurfi að mæta á næstu árum. Við skulum líta um öxl og fjalla um helstu skref í upplýsingabyltingunni. Einnig skulum við horfa fram og athuga hvað íslendingar þurfa að gera til að ná sem bestum tökum á hinni nýju tækni. Fyrstu aðferðir manna til að vinna með upplýsingar voru að taka eftir og muna hvað gerst hafði. Helstu ðkostir þessarar aðferðar voru, að stundum var ekki tekið rétt eftir og auðvelt var að gleyma því sem gerst hafði. Notkun tungumála hjálpuðu mikið við miðlun upplýsinga, því að hægt var að skiptast á skoðunum um hvað gerst hafði og menn gátu betur notað sér reynslu annarra. En oft misheyrist mönnum það sem sagt er og dreifing uppýsinga var mjög hægfara. Með tilkomu ritlistarinnar verða tímamörk í upplýsingatækni. Við íslendingar eru mjög stoltir af okkar framlagi á þessu sviði og þá sérstaklega af ritun Islenskra fornbokmennta. En margar aðrar þjððir skrifuðu heldur á latínu en möðurmáli sínu. Auk þess getum við verið mjög stoltir af almennri lestrar- og skriftarkunnáttu allt frá upphafi ritaldar. Prentun og papplr voru einstaklega merkar uppgötvanir. Með tilkomu þeirra var hægt að fjölfalda texta og myndir á mjög hagkvæman hátt og dreifa þeim til fjöldans. En með auknu magni af prentuðum upplýsingum verður erfiðara og erfiðara að finna þau gögn sem á þarf að halda. Aðrir mikilvægir upplýsingamiðlar hafa komið fram á þessari öldv eins og til dæmis sími, útvarp, sjðnvarp, tölvur og myndbönd. En óþarfi er að fjalla um þessi tæki frekar þvl að flest okkar þekkja þau vel. - 4 -

x

Tölvumál

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tölvumál
https://timarit.is/publication/239

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.