Tölvumál - 01.02.1987, Síða 20
undir sér með auglýsingum o.s.frv. Einnig var
dreifing blaðsins aukin þannig að nú er blaðið
sent t.d Alþingismönnum, borgarfulltrúum og
fréttamönnum. Blaðsiðnafjöldi er kominn á 3.
hundrað svo sjá má að mikið starf og gott hefur
verið unnið af Stefáni og hans fólki og kann ég
þeim hinar bestu þakkir.
Á árinu annaðist Kolbrún Þórhallsdóttir daglegan
rekstur félagsins, i hálfu starfi, af miklum
dugnaði og myndarskap eins og undanfarin ár.
Mikil vinna liggur að baki alls þess starfs sem
hér að ofan er getið og hefur þá ekki verið
tiundað ýmsir hlutir eins og fjárreiður, inn-
heimtur, sem aldrei hafa verið i eins góðu standi
sem nú, og ótal markt annað sem fylgir almennu
skrifstofuhaldi. Skrifstofuaðstöðu hefur
Sjóvátryggingarfélag íslands hf. látið félaginu i
té að kostnaðarlausu eins og undanfarin ár.
Ég hef nú verið formaður félagsins i 4 ár eða tvö
kjörtimabil og i stjórn félagsin frá 1978. Þessi
ár hafa verið viðburðarrík og lærdómsrik. í gegn
um setu i stjórn félagsins og við að vinna að
ýmsum verkefnum á vegum þess hef ég öðlast mikla
þekkingu á sviði tölvutækninnar.
En annað verðmætara hef ég eignast i þessu
starfi. Ég hef eignast vini og kunningja svo
tugum ef ekki hundruðum skiptir ekki aðeins hér á
landi heldur einnig erlendis. Þessi verðmæti
ganga ekki úr sér eins og tölvutæknin. Ég hef
beðist undan endurkosningu i stjórnina nú á
þessum fundi. Ég vil þvi nota tækifærið til að
þakka öllum fyrir hið mikla og góða samstarf sem
ég hef átt við þá og þá velvild sem ég hef alls
staðar mætt. Sérstaklega vil ég þakka
framkvæmdastjóra félagsins Kolbrúnu Þórhalls-
dóttur fyrir samstarfið. Þar hefur aldrei fallið
skuggi á. Þakka þér fyrir Kolbrún.
Að lokum þakka ég gott hljóð.
20