Tölvumál - 01.09.1988, Page 10

Gert út á styrkjakerfið?
Svo vitnað sé í skýrsluna, þá eiga tekjur hinnar nýju stofnunar að
koma frá " ... fjárlögum (20%), fyrirtækjum (20%). Eitt af markmið-
um stofnunarinnar var að þjóna hugbúnaðarhúsum og vera með taxta á
markaðsverði, en aðeins er gert ráð fyrir 20% tekna úr þeim geira,...
getur þetta farið saman, rannsóknar- og þróunarsjóðum (30%),
sértekjur (30%)".
Það er sérstaklega athyglisvert að stofnunin gerir ráð fyrir að 30% af
tekjum komi frá rannsókna- og þróunarsjóðum í formi styrkja. Til
þessa hafa "dæmigerð" hugbúnaðarhús ekki verið í náðinni þegar
styrkjum í upplýsingaiðnaði er ráðstafað. Undirrituðum er kunnugt um
fjölda athyglisverðra og hagnýtra verkefna sem ekki hafa hlotið
styrki, þrátt fyrir að sjóðsstjórnir hafi metið verkefnin góð og gild og
aðilana hæfa sem að þeim standa. Ef stofnunin ætlar að sækja svo
stóran hluta tekna sinna til þessara sjóða, verður væntanlega enn
erfiðara fyrir hugbúnaðarhúsin að fá styrki. í ljósi fenginnar
reynslu, efast ég reyndar stórlega um að stofnunin fái slíka styrki í
þeim mæli sem reiknað er með.
Rannsóknir hvað?
Nefndinni var ætlað að fjalla um "framtíðarskipan rannsókna í
tölvufræðum". Skýrsla hennar fjallar hins vegar um flest annað en
rannsóknir. Hvernig getur t.d. "sala á grunnhugbúnaði (t.d. gagna-
safnskerfum og stýrikerfum)", svo vitnað sé í skýrsluna, flokkast
undir rannsóknir prófessora í tölvufræðum? Finnast ekki hæfari
sölumenn en þeir? Er þessa hlutverks ekki betur gætt af öðrum
aðilum?
Breyttir tímar
Það verður að vísu að segjast eins og er, að rúm 2 ár eru liðin frá því
að nefndin tók til starfa. Vissulega hafa ýmsar breytingar orðið á
hugbúnaðarmarkaðnum á þeim tíma. Til dæmis er staða hugbúnaðar-
húsa, hvað varðar menntun og þekkingu, mun betri í dag en fyrir
nokkrum árum. Mun fleiri menntaðir tölvunarfræðingar eru á
markaðnum, sumir hverjir hafa lokið framhaldsnámi erlendis í
tölvunarfræði. Því er í dag minni ástæða fyrir hugbúnaðarhús að leita
10 TÖLVUMÁL