Tölvumál - 01.09.1988, Page 11

til stofnunar sem UTÍ í upplýsingaleit, en var fyrir nokkrum árum.
Þetta er a.m.k. sú niðurstaða sem umræður í hópi stjórnenda hugbún-
aðarhúsa virðast benda til.
Nei, Upplýsingatæknistofnun íslands væri tímaskekkja. Stofnunin
eins og hún er skilgreind í tillögum nefndarinnar er hvorki fugl né
fiskur. Tilgangur hennar er illa skilgreindur og talsvert ósamræmi
er á milli markmiða hennar og tekjuöflunar. Eins og henni er lýst
gæti stofnunin verið beinlínis hættuleg íslenskum hugbúnaðariðnaði.
Vilji stjórnvöld styðja hugbúnaðariðnað í landinu er hagsmunum hans
mun betur borgið, ef menn beita sér fyrir greiðari aðgangi hugbúnað-
arhúsa að styrkjum Rannsóknaráðs, hugsanlega í samvinnu við
Háskólann, eða aðstoð við markaðssetningu erlendis á hugbúnaði svo að
dæmi séu nefnd.
Ekki má heldur gleyma því að innan Háskólans starfa nú þegar
nokkrar sérfræðistofnanir, sem sumar hverjar hafa átt gott samstarf
við hugbúnaðarfyrirtæki. Til dæmis má benda á samvinnu Verk-
fræðistofnunar Háskólans og TölvuMynda h.f. við gerð á radarhermi
fyrir Flugmálastjórn. Vilji menn auka rannsóknir og þekkingu væri
þá elcki ráð að efla starfsemi þeirra stofnana sem þegar eru til staðar
innan Háskólans, fremur en að búa til enn eina stofnunina með allri
þeirri yfirbyggingu sem slíku fylgir?
Bjarni Júlíusson er framkvœmdastjóri TölvuMynda h.f. og
kennir kerfisgreiningu og kerfishönnun viö Háskóla
íslands.
TÖLVUMÁL 11