Vísir - 31.08.1962, Blaðsíða 8
8
Föstudagur 31. ágúst 1962.
Útgefandi: Blaðaútgáfan VlSIR.
Ritstjórar Hersteinn Paicson, Gunnar G. Schram.
Aðstoðarritstjóri: Axel Thorsteinsson.
Fréttastjóri: Þorsteinn 0. Thorarensen.
Ritstjórnarskrifstofur Laugavegi 178.
Auglýsingar og afgreiðsla Ingólfsstræti 3.
Áskriftargjald er 45 króuur á mánuði.
I lausasölu 3 kr. eint. — Sími 11660 (5 llnur).
Prentsmiðja Vísis. — Edda h.f.
Heldur fljótir á sér
ÞaS reyndist rétt, sem sagt var í forystugrein Vís-
is í gær, að Þjóðviljinn og Tíminn hefðu mátt fresta
um einn dag fregninni um aðild íslands að Efnahags-
bandalagi Evrópu. Hún hefur verið rekin ofan i þá eins
og áður. Ríkisstjórnin hefur birt yfirlýsingu, þar sem
hún „ítrekar, að hún hafi ekki sótt um aðild að banda-
laginu né neins konar tengsl við það.“
Það hlýtur að koma mörgum undarlega fyrir sjón-
ir, að blöð stjórnarandstöðunnar á íslandi skuli telja
það öruggari heimild, sem kanslari Vestur-Þýzkalands
kann að halda um þetta mál — eða haft er eftir hon-
um— en skýlausar yfirlýsingar íslenzku ríkisstjórnar-
innar sjálfrar. Þessi afstaða Rússa-dindlanna við Þjóð-
viljann er þó skiljanleg. Þeir eru svo vanir því, að taka
við erlendum fyrirskipunum og að erlendir leiðtogar
hugsi fyrir þá, að þeir skilja það tæplega, að stjórn-
málamenn annarra flokka geti sjálfir tekið ákvarðan-
ir í málum þjóðar sinnar.
íslenzkir kommúnistaforingjar hafa tekið að sér
það hlutverk, að vinna að því öllum árum, að eyði-
leggja viðskiptasambönd okkar á Vesturlöndum. Það
segir sig því sjálft, að þeir verða að berjast eins og
ljón gegn hvers konar aðild eða tengslum íslendinga
við Efnahagsbandalagið, því að ef hægt væri að finna
leið, sem tryggði bæði viðskiptahagsmuni okkar og
áframhaldandi náin tengsl við hinar vestrænu þjóð-
ir, væri sá draumur auðvitað úr sögunni, að innlima
okkur í efnahagskerfi kommúnismans.
Af þessari ástæðu vilja kommúnistar ekki við-
ræður eða athuganir um neins konar aðild okkar að
bandalaginu, og auk þess sem þeir eiga erfitt með að
skilja að annarra flokka menn geti fyrst og fremst
unnið með hag sinnar eigin þjóðar fyrir augum, grípa
þeir auðvitað jafnframt til vísvitandi lyga og blekk-
inga, máli sínu til framdráttar.
Hvað sagði Adenauer?
Séu ummæli Adenauers rétt höfð eftir honum,
eru þau á þá leið, að íslendingar hafi áhuga á aðild
að bandalaginu. Þetta er alveg rétt. Meiri hluti þjóð-
arinnar óskar þess áreiðanlega, að hægt sé að finna
Ieið,sem tryggi áframhald á hinum hagstæðu viðskipt-
um okkar við vestrænar þjóðir, og sé einhvers konar
aðild eða tengsl við Efnahagsbandalag Evrópu leið
til þess, mundi allur þorri islendinga kjósa hana.
Hafi Adenauer sagt að íslendingar vildu gerast
aðilar, á hann auðvitað við, að þeir vilji það, ef þeir
sjái hagsmunum sínum bezt borgið með því. En hvað
munar Þjóðviljann og Tímann um að þýða orð hans
þannig, að þegar hafi verið sótt um aðild? Þeir hafa
logið öðru eins.
VISIR
Viggo Kampmann
Sjúkdómur ráðherrans
Kampmann tekur sér algjöra hvíld
Viggo Kampmann for-
sætisráðherra hefur nú
sagt af sér s^JMMk
af hjartaslagi, sem hef-
ur hrjáð hann að undan-
förnu. Þetta er nú kunn-
ugt af fréttum og eru
dönsk blöð þegar farin
að velta fyrir sér, hver
muni taka við af Kamp-
mann. Óþarfi er að elt-
ast við þær vangaveltur
en hins vegar er fróðlegt
að kynna sér sjúkdóm
ráðherrans og ástæðurn-
ar fyrir honum.
Það var nóttina milli 1. og
2. maí, sem Kampmann fékk
fyrst snert af hjartaslagi. Þau
veikindi hans komu mjög á ó-
•vart, þótt vitað væri að hann,
bæði sem fjármála- og forrrst-
isráðherra hefði tekið að sér
geysimikið og erilsamt starf.
Þar að auki hafði dagurinn 1.
maí verið sérlega annríkur fyr-
ir Viggo Kampmann. Hann
hófst kl. 6, eins og aðrir virk-
ir dagar hjá Kampmann, með
fundi milli foringja socialdemo-
krata og forystumanna verka-
lýðsfélaganna.
í sjúkrahúsi
Um eftirmiðdaginn hélt hann
tvær aðalræður í sambandi við
1. maí hátíðahöldin og þurfti
auk þess að sitja og fylgjast
með, öllu því sem fram fór eða
fram til klukkan 11 um kyöld-
ið. Um nóttina fékk hann mik-
inn sársauka og kona hans
hringdi þegar í stað á sjúkra-
bíl sem flutti Kampmann í
sjúkrahús. Eftir nokkrar rann-
sóknir kváðu læknarnir upp
þann úrskurð að um blóðtappa
væri að ræða en líðan hans
væri góð eftir atvikum.
Næstu vikur batnaði Kamp-
mann stöðugt en samkvæmt
læknisráði, mátti hann ekki
hafa afskipti af neinum meiri-
háttar stjórnmálalegum vanda-
málum, sem einmitt um það
Ieyti voru á döfinni.
Góð hvíld.
í byrjun júni tók hann sér
frí og dvaldi um vikutíma á
Faneju í sumarbústað. Þar skrif
aði hann ferðabók og sinnti
ýmsum minniháttar verkum. 6.
ágúst tók hann aftur til starfa
sem forsætisráðherra og var þá
hraustlegri en nokkru sinni
fyrr. Úrskurðuðu læknar að
hann hefði fullkomlega náð sér
eftir veikindin. Lögð var þó á-
herzla á að hann mætti enn
ekki ofreyna sig með sífelldum
löngum fundarsetum.
í fyrradag veiktist hann svo
skyndilega og óvænt, og hefur
það leitt til afsagnar hans.
Læknar geta enn ekki sagt
fyllilega hver orsökin sé, en
telja þó helzt að um sé að
ræða of mikla vinnu og of-
reynslu sem Kampmann þoli
ekki.
Hvað tekur við?
Líðan hans í gær var góð.
Hann var fyllilega rólegur, las
blöð í ró og næði og tók á
móti nánustu ættingjum. Hann
á nú langa sjúkrahúslegu fyrir
höndum og verður að ganga
undir ítarlegar rannsóknir.
„Sú staðreynd að ég verð
að hafa fullkomna ró og hvíld,
er fyrst og fremst ástæðan fyr-
ir því að ég segi af mér“, segir
hann.
Veikindi þessa mikilhæfa
danska stjórnmálamanns verða
til þess að hann hverfur nú af
þingi Dana, og kemst á ráð-
herraeftirlaun. Það þýðir þó
ekki að Kampmann setjist í
helgan stein, taki ekki þátt i
daglegu starfi framar. Maður
með hans hæfileika og feril á
létt með að fá starf við sitt
hæfi og er ekki að efa að
Kampmann á eftir að ganga inn
í einhvers konar störf strax og
heilsa hans leyfir.
Héraðsmót Sjálfstæðismanna
á Siglufirði I. september
eru óperusöngvararnir Guðmundur
Jónsson og frú Sigurveig Hjalte-
sted, undirleik annast Fritz Weiss-
happel, píanóleikari.
Dansleikur verður um kvöldið.
Héraðsmót Sjálfstæðismanna á
Siglufirði verður haldið n.k. laug-
ardag kl. 8:30 e.h.
Einar Ingimundarson, bæjar-
fógeti, og frú Ragnhildur Helga-
dóttir, alþingismaður, flytja ræður.
Sýndur verður gamanleikurinn
„Heimilisfriður“ eftir Georges Cour
teline, í þýðingu Árna Guðnason-
ar, magisters. Með hlutverk fara
leikararnir Rúrik Haraldsson og
Guðrún Ásmundsdóttir.
Þá verður og til skemmtunar ein
söngur og tvísöngur. Flytjendur
i> Hershöfðingjar f Algeirsborg,
sem mótsnúnir eru stjórnarnefnd-
inni, segja hana hafa skipulagt
hryðjuverkaflokka til ódæðisverka,
sem hernum sé svo kennt.