Tölvumál - 01.06.1994, Blaðsíða 13

Júní 1994
Eins og áður var nefnt var
stefnt að notkun CASE verkfæra
við hönnun kerfisins og jafnframt
átti það að einfalda nauðsynlegt
viðhald kerfisins í framtíðinni. I
því sambandi voru sótt námskeið
og umtalsverður tími fór í að læra
á og tileinka sér verkfærið. Reynt
var að notfæra sér sem flesta þætti
forritsins í upphafi. Fljótlega kom
þó í ljós að umrætt C ASE verkfæri
hentaði alls ekki vel. Smá saman
var hætt að nota einstaka þætti
forritsins og á endanum var alfarið
hættaðnotaþað. Þetta voru mikil
vonbrigði því væntingarnar voru
umtalsverðar.
Jafnan hefur verið bent á að
það taki mikinn tíma að læra á og
tileinka sér notkun þessarar tækni.
Þegar menn síðan hafa gefist upp
á að nota þau einhverra hluta vegna
er oft nærtækasta skýringin að
þeir hinir sömu hafi ekki kunnað
nógu vel á verkfærin. Hvort það
sé almennt raunin eða hvort þessi
verkfæri séu einfaldlega ekki eins
gagnleg og margir hafa viljað láta
er áleitin spurning.
Til að gefa einhverja hugmynd
um umfang móðurtölvukerfisins
má nefna að alls liggur um 80
mannmánaða vinna að baki kerf-
inu og forritalínur, þar með taldar
skýringalínur í kóða, eru um
170.000. Auk þess eru einhverjir
tugir SQL forma notaðir.
Nýja tölvukerfið er nú uppsett
og í fullum rekstri. Hugbúnaðar-
vinnu er þó ekki hætt, því gera má
ráð fyrir stöðugum viðbótum við
það á komandi árum. Til marks
um það má nefna að frá 1980 voru
að jafnaði 2 hugbúnaðarmenn í
fullri vinnu við endurbætur á
þáverandi tölvukerfi kerskálans,
þrátt fyrir að ekki hafi verið gert
ráð fyrir neinum hugbúnaðar-
manni þegar kerfið var sett upp
1979. Þvíeróraunhæft að ætla að
annað gildi um þetta nýja kerfi,
kröfurnar eru stöðugt að aukast
og áherslur að breytast.
Uppsetning
kerfisins
Hönnun og forritun móður-
tölvukerfisins tók tæplega 2 ár og
var lokið áður en uppsetning ker-
tölva í kerskálum hófst, enda var
nauðsynlegt að meginhlutar
móðurtölvukerfisins væm tilbúnir
áður en uppsetning kertölva í ker-
skálum hæfist. Undirbúningur
fyrir uppsetningu í kerskálum
hófst um vorið 1993 og tenging
fyrstu kertölvanna í júlí sama ár.
Mest allan framkvæmatímann var
ein kertölva sett upp á dag og
tengd viðkomandi tveimur kerum.
Uppsetningu kertölvanna lauk í
mars á þessu ári og hafði þá staðið
yfir í tæpt ár.
Mikið var lagt upp úr því að
versla við Islenska aðila í tengsl-
um við þetta verkefni. Fyrir utan
kertöl vurnar sjálfar er nánast allur
annar búnaður framleiddur af ísl-
enskum aðilum eða keyptur gegn-
um íslenska umboðsaðila. Þar ber
hæst smíði á 160 rafmagnstöflum
eins og sjást á mynd 2, en eina
slíka þarf fyrir hverja kertölvu. í
þessum skápum er allur sá raf-
magnsbúnaður sem þarf til stýr-
ingar keranna. Til stóð að kaupa
þessar rafmagnstöflur tilbúnar frá
Alesa, þeim sömu og framleiða
kertölvurnar, en ákveðið var að
kanna hvort hægt væri að smíða
þær hérlendis. í framhaldi af
útboðum kom í ljós að mögulegt
var að framleiða skápana hérlendis
töluvert ódýrar en tilboð sviss-
lendingana gerði ráð fyrir.
Nú þegar uppsetningu er lokið
hefur reynslan sýnt að gæði ísl-
ensku skápanna er með miklum
ágætum. Þetta sýnir að íslenskur
rafiðnaður er fy llilega samkeppn-
ishæfur bæði í verði og gæðum.
Alesa menn eru nú að reyna selja
kertölvur í fleiri álver, þar á meðal
í Dubai og í Egyptalandi. Ef af
samningum verður þar þá stefna
þeir að því að rafmagnstöflumar
sem til þarf verði keyptar frá
íslandi.
Útflutningur
tölvukerfis?
Sú spurning hefur eðlilega
vaknað hvort ekki sé mögulegt að
selja móðurtölvukerfið, þ.e. þann
hugbúnað sem TölvuMyndir áttu
mestan heiður af til annarra álvera.
Þótt menn vilji gjaman hugsa stórt
er varhugavert að byggja mikla
loftkastala í þessu sambandi.
Tölvukerfi eins þetta er ekki
pakkalausn heldur sérhæfður hug-
búnaður sem sérstaklega er snið-
inn að þörfum ÍSAL, og þótt ker-
rekstur byggi á sömu lögmálum í
öllum álverum eru rekstrar-
forsendurmjögmismunandi. Auk
þess hefur reynslan sýnt að það er
ákaflega erfitt að komast að hjá
öðrum álverksmiðjum. Álfyrir-
tækin hafa flest á sínum snærum
þróunardeildir, sem þau kaupa af
hvort sem það er það besta á
markaðinum eða ekki.
Það er þó ljóst að þetta kerfi
tekur þeim kerfum fram sem við
höfum átt kost á að skoða erlendis
og er enn ein staðfesting á hæfni
íslensks hugbúnaðarfólks.
Björn Jónsson er verk-
frœðingur hjá ISAL og
verkefnisstjóri yfir Endur-
nýjun tölvustýringa ker-
skálans
13 - Tölvumál